大快活

營業中

休息中

奶茶太多奶,一次比一次多,茶葉太貴?跟早前的比較,實在差了很多~燒雞翼像用水煲一樣,全隻白色的!早餐食物的份量天天不同,人人不同,太細件的食物一樣給客人,有點搵苯!!相反,同樣的食物在慈雲山分店很有水準~最重要是品質穩定.

本人經常幫襯大快活,以前覺得長亨村大快活出品keep得幾好,但前晚去食個飯變得好失望~叫左個叉燒炒蛋既餐有豌翅有碟菜同一杯中國茶~d叉燒好淡好硬好好難食d蛋又係好淡一d味都冇個翅好似水一樣得幾粒唔知係乜既物體本來好肚餓,但食左幾啖頂唔順冇食到d出品好求其,果個時間又唔係旺又唔多人唔該注意下d出品啦38蚊我早知走去上便茶仔食好過

買外賣到男友屋企食~買左個【吉列豬扒飯(黑椒汁) + 炸雞脾+ 豉油雞脾】吉列豬扒→炸得好脆，唔會用太多粉炸！正！($19)炸雞脾→炸得又係好脆，唔會見到好多油o係度！($10)豉油雞脾→不太咸，豉油有少少甜甜地~幾好！($10)大快活值得一讚o既就係炸野，佢地o既炸野實在係控制得好好！又唔會炸到成(浸)油味喎！真係食極都唔厭架！^^hahaha~上面地址打錯左呀！↑係長亨村，唔係長享村喔~服務態度一流，呢期幫襯有麥維他消化餅送，o個個幫我包外賣個阿姐係咁比拎餅卷我，叫我記得拎埋餅，仲專登比多張我！仲主動同我傾計喎！haha~柜入面d員工都好nice，個個都笑容滿面。

5月22日9:30今天小魔怪又參加定向賽，地點是青衣。先在這裡吃早餐，分別要了雞扒配火腿通、可樂和肉醬豉油王炒麵、齋啡。雞扒配火腿通：賣相ok，通粉夠新鮮熱辣，因小魔怪火速食完雞扒，但通粉因太熱要慢慢吃。肉醬豉油王炒麵：炒麵賣相可以，配上了紅蘿蔔、芽菜、和蔥段，幾搶眼，肉醬一小團，可惜麵條偏淋。齋啡：不過不失，有層cream浮面，起馬不像北角的"高品味"，即磨意大利咖啡，熱墨水一杯。細觀店內客人裝束，應有不少像我父子兩的不速之客，有客等位，收銀有人龍。但無論水吧和大堂的店員，仍鬆容不迫和無怨言，抵讚^m^