大快活 (明豐大廈) (灣仔)

餐廳:	大快活 (明豐大廈)
資訊:

姚東師傅

等級4

962

前日晏晝, 師傅偕同兩位同僚一同午膳, 但係離開監房後, 竟然又係再一次漫無目的咁行, 最幣今次係行去灣仔方向, 而其中一位同僚仲相當堅持, 師傅已經表明立場, 話行呢一邊冇咩似樣嘅茶餐廳, 但佢就唔聽師傅嘅忠告, 繼續而行; 最後搵無可搵, 呢位咁堅持嘅同僚竟然指一指上面, 示意上樓上, 於是就黎左呢度食晏!話時話師傅都好耐冇黎過呢個集團, 最主要嘅原因就係因為要捧餐, 但既然黎左就是但啦; 上到去當然要睇下有咩好食啦, 最後師傅柯打左個粟米肉粒飯加多杯凍低糖綠茶!粟米肉粒飯個汁竟然有洋蔥, 呢個位真係扣唔少分, 皆因好地地一個粟米汁點解要加洋蔥呢? 加左又唔覺得佢特別香特別好味; 而肉粒就幾鬆軟, 唔錯; 再配上一d雜豆都幾好味; 而杯凍低糖綠茶就非常淡口, 真係冇咩味道, 連少少甜都冇, 似無糖多過似低糖, 唔算好味!總括黎講食物質素一般, 環境就幾乾淨清潔, 不過冷氣唔夠, 服務態度都幾好, 價錢一般啦, 廿四蚊碟飯, 再加四蚊有杯唔好味嘅綠茶, 唔算抵食; 如果唔係因為呢位咁堅持嘅同僚, 師傅都未必會黎呢度, 仲有冇下次, 相信機會渺茫, 皆因師傅對捧餐嘅食店興趣唔大, 笑臉

前日晏晝, 師傅偕同兩位同僚一同午膳, 但係離開監房後, 竟然又係再一次漫無目的咁行, 最幣今次係行去灣仔方向, 而其中一位同僚仲相當堅持, 師傅已經表明立場, 話行呢一邊冇咩似樣嘅茶餐廳, 但佢就唔聽師傅嘅忠告, 繼續而行; 最後搵無可搵, 呢位咁堅持嘅同僚竟然指一指上面, 示意上樓上, 於是就黎左呢度食晏!

話時話師傅都好耐冇黎過呢個集團, 最主要嘅原因就係因為要捧餐, 但既然黎左就是但啦; 上到去當然要睇下有咩好食啦, 最後師傅柯打左個粟米肉粒飯加多杯凍低糖綠茶!

粟米肉粒飯個汁竟然有洋蔥, 呢個位真係扣唔少分, 皆因好地地一個粟米汁點解要加洋蔥呢? 加左又唔覺得佢特別香特別好味; 而肉粒就幾鬆軟, 唔錯; 再配上一d雜豆都幾好味; 而杯凍低糖綠茶就非常淡口, 真係冇咩味道, 連少少甜都冇, 似無糖多過似低糖, 唔算好味!

總括黎講食物質素一般, 環境就幾乾淨清潔, 不過冷氣唔夠, 服務態度都幾好, 價錢一般啦, 廿四蚊碟飯, 再加四蚊有杯唔好味嘅綠茶, 唔算抵食; 如果唔係因為呢位咁堅持嘅同僚, 師傅都未必會黎呢度, 仲有冇下次, 相信機會渺茫, 皆因師傅對捧餐嘅食店興趣唔大, 笑臉就比唔到, 中間啦!