大快活 (藍灣廣場)

營業中

休息中

「大快活」喺柴灣「藍灣廣場」1樓11號舖，位於小西灣道28號，離港鐵又近又方便，無論早餐、午餐或下班前肚餓時段，入去都好快有得食。佢最大賣點係，例如 $32 就有雞胸＋烚蛋＋無糖燕麥＋英式多士＋熱飲，走健康路線又有飽肚感；$37 嘅餐肉煎蛋配即食麵＋熱飲，都快又有力。講吓佢嘅招牌菜——沙嗲牛肉西多士：牛肉香濃有咬口，多士吸晒汁，賣價 $49 起，仲可以配埋紅豆奶茶／湯米粉同熱飲，套餐格式食得飽又唔失光彩。整體環境都幾舒服，位於商場食肆區，有冷氣，坐位明亮企理，侍應反應快，等餐時間唔長。餐廳走快食快餐路線，但餐點質素唔馬虎，好啱趕時間又想食得穩定嘅你。總括嚟講，「大快活（藍灣廣場）」係柴灣區一個快餐唔將就嘅高CP選擇：選擇多又注重平衡，有時想簡單食一餐又重視營養，就記得佢喺度等你。

有時唔知食咩好，都會揀大快活，食返個下午茶，貪佢抵食，食物質素又唔錯～呢日又去食下午茶，我叫咗個雪菜肉絲米粉、熱狗同埋熱奶茶。雪菜肉絲米粉嘅米粉入口順滑得嚟又有啲韌度。雪菜咸香開胃👍🏻我特別鍾意食佢個熱狗，熱狗嘅麵包烘得金黃酥脆，入面嘅腸仔咬落脆口，再夾埋清爽嘅生菜同埋甜甜嘅沙律醬，口感有層次。奶茶亦都幾滑幾香～入口溫暖又順口，幾啱下午茶飲番杯👍🏻最緊要係呢個下午茶套餐價錢唔貴，份量又啱啱好，性價比高！

今日試吓小西灣藍灣廣場大快活藍灣大快活早餐，那兩條牛肉腸粉（見附圖）😣與雪條一樣咁堅硬😆。食落口好似食緊塑膠一樣。都未食過咁難食嘅腸粉。原則上應該唔可以叫做腸粉。食緊塑膠物料一樣。大快活啲食品質素真係越嚟越差。👎🏻👎🏻前兩日吃了另一個早餐，要求滑蛋要更改為「熟炒蛋」，但分店的廚房每次都「將滑蛋反轉擺放扮熟炒蛋」（見附圖），今次已經是第三次，客人不吃滑蛋，主要原因是因為怕吃半生熟雞蛋，會感染感染沙門氏桿菌。但每次本人order 「熟炒蛋」，但此店的廚房為了方便自己，行為實在不老實，「將滑蛋反轉擺放扮熟炒蛋」。👎🏻👎🏻

去探朋友仔的,經過附近有間大快活,肚餓食個Tea先!😅💓🤪😆班蘭鮮油多士配燒雞翼有D罪惡感既厚厚鮮牛油,配上班蘭醬,係口感豐富又好味!凍檸茶茶香!夠醒神!

下午茶時間！附近有間大快活，耐冇去就去了，價錢實惠！🤣💓一於食甜品先！叫了粒粒芒果牛角窩夫！有少少失望，太硬難切之外，芒果顏色似不太新鮮！好彩有燒脾補數！啖啖肉！😉飲品叫了可樂少冰，又係耐冇飲，正！

呢間喺我公司附近既大快活我都經常食，一來因為位置方便，二來佢少鹽少糖，符合我健康飲食既需求，始終肚腩太大有礙觀瞻嘛介紹返今次食既菠蘿咕嚕肉套餐先，整體黎講係水準以上，成碟菜最緊要既係個醬汁，要夠酸酸甜甜先會開胃，呢方面佢做得好唔錯，我食到停唔到口，咕嚕肉都好入味，唯一係份量少左啲啲，如果係胃口大既朋友可能會食唔飽，我就剛剛好七成飽

試紅米飯餐雞胸有汁，不乾。微煎適合減肥人士。叫了少飯，仍然很大碗。我是吃得下但因不合餐單標準，我放棄了。沒想到會有汁，是蘑菇汁。減肥人士不宜吃太多汁，所以我試了味就沒有再吃

平時都有去食大快活，不過就多數是去食早餐或是下午茶，午餐時間過來倒是比較少。午市是上午11點半開始，但原來不是全部在午市會供應的餐點會同一時間供應。因為我之前在網上看到午市有煲仔飯想吃，但最後聽到店員話煲仔飯不出住要等等就只能放棄 ... 最後見別桌的在吃燒鴨好似幾吸引，又見自己好耐沒吃過就點了 - 燒味雙拼瀨粉 ($43) + 熱奶茶 ($7)，加熱飲品要$7在快餐店來說有點少貴吧？不過個人覺得大快活的奶茶是幾好飲，香滑得來有微微的茶澀，不加糖也可以入口。燒鴨的肉質較為厚身，會有少許的肉羶味。另外叉燒雖然不是蜜汁那種吃落帶甜味，但口感軟嫩還是不錯。不太喜歡瀨粉

成個冬天都諗住煲仔飯🤣喜愛煲仔飯嘅程度係去到夏天都想食😀成個冬天都冇食過大快活煲仔飯 於是趁佢仲有得供應嘅時候就去咗大快活食晚飯😚🍚煲仔飯 唔記得exactly幾錢 (around $55)有臘腸 冬菇 菜心同埋滑雞 可能佢煲得唔夠耐 同平時煲仔飯嘅質感差少少 同埋佢隻煲仔飯豉油好似唔係嗰隻甜豉油 不過其實佢一樣好香同彭好足料 仲要咁大煲🤩季尾仲食到煲仔飯已經好開心了🌶川味系列 - 水煮肥牛煲配白飯 $52另外仲嗌咗個水煮😋超級香噴噴🥰份量好多 有肥牛 豆卜 仲有好多萵筍🥒湯底好重花椒同麻辣味🌶豆卜、萵荀同埋粉絲滲入哂湯底好入味😍食落去勁滿足

暖笠笠呀~好貼心呀🥰終於試左大快活既魚香煲仔飯🍲！ 其實是焦香煲仔飯，唔知點解睇左是魚香😂🙈外賣可選原煲拿番屋企，只需加$6！ 退煲時可攞返$6現金券！較 環保又鼓勵再消費👍試了章魚肉餅蛋煲仔飯，味道唔錯，略有飯焦，隻蛋熟晒，整體調味適中，夠熱夠香，又唔會油膩熱氣！叉燒糯米煲仔飯的糯米飯質感好，唔會過粘，近煲底的還有一點點脆口，調味適中，不會肥膩。兩塊厚叉燒望落過瘦，幸好唔會鞋，口感都可以。配菜的蛋絲和花生，令口感更豐富😋大快活今次貼心既地方，除左俾你帶走個煲甘有創意，當然都有保溫作用，頭先經歷嚴寒北風，佢都仲暖笠笠。打開個盒見到張卡紙，細心教你摺成隔熱墊，好安全咁拿個煲出黎。總之成個體驗正呀👍#夜晚禁堂食唯有外賣#飲食情侶🥰#MagicCherry攻飲食#Cherry攻商鋪

難得平日請了假，再加上約了朋友談天～所以就打算去吃下午茶。最後決定去大快活～因為疫情的關係，桌子上有放牌子叫大家「坐疏啲，開心啲」！沒想到原來下午茶的選擇還頗多，價錢大約由$20起～還滿難決定的呢最後我點了的是 - 奶醬厚多士 + 珍寶腸 + 迷你雪茶肉絲湯米粉 ($28)多士頗脆身，花生醬和甜奶要自己塗～前者很幼滑，但甜奶是植脂的 ... 印象中含有反式脂肪，好像對身體不是太好 ... 珍寶腸就一般～不過也脆身香口的。米粉的話偏硬身了一點，看湯湯那麼深色還以為會很濃味 .. 但其實調味倒是剛剛好奶茶幾順滑，喝起來有淡淡的茶味～好像奶落得多一點!? 另外不需要加糖也可。

秋冬來臨,自然就是香港人吃煲仔飯的季節,近日得知大快活有外賣煲仔飯的消息,今晚就過去嘗試一下。排隊購買時只餘下窩蛋肉餅冬菇煲仔飯,所以只能勉強選擇,等了大約10分鐘才有得取。窩蛋肉餅冬菇煲仔飯  3/5分   55元外賣1. 窩蛋好失敗,因為外賣回家太熟了吧,而且沒有蛋味,好難食2. 肉餅同樣失敗,因為好粉無肉味,所以大快活的肉餅是出名唔好食架3. 冬菇反而幾有味,但只有1粒,太少4. 飯焦方面不夠多,建議大家取回家後可以先加豉油,然後再用火燒2分鐘,效果會更佳其實可以外賣煲仔飯已經好難食,原價49元,加6元變成外賣自取。洗完煲仔後歸還會得到1張6元券下次使用,不失為鼓勵消費的策略。用紙盒包好亦非常方便,實在是幾值得支持的措施,只是不建議大家選擇肉餅。排骨或滑雞煲應該會好味一些。盒有提供餐具及2包豉酒,夠用啦~~

小西灣藍灣半島的大快活一直是我覺得最穩陣的快餐店,因為早餐午餐下午茶晚餐都食過,味道都是非常正常沒有任何問題。今次有機會吃下午茶,就吃A03的套餐。A03套餐 - 雪菜肉絲米粉&熱狗&熱飲/凍綠茶 27元 4/5分- 價錢方面是不能要求更多- 雪菜肉絲米粉份量夠,個人喜歡其湯底夠清- 熱狗是神來之筆,面包整得夠脆,配沙律醬一流- 飲品有熱或綠茶,通常我選後者會健康一些有冷氣環境好又方便,夫復可求?

平時真是沒什麼機會吃快餐店，差不多是大年初一才會去吃。因為在我住的那邊大部份餐廳都會休息，或者即使營業～能選擇的餐點不多，甚或需要加二或加三的收費。所以便來到很久沒去過的大快活！原來現在連早餐的選擇也多了不少呢！我點的是 - 午餐肉火腿湯通粉+脆皮腸+即炸脆魚柳+茄汁豆+英式多士 ($37.5)整個很豐富！脆皮腸也有兩條呢～茄汁豆可以配多士來吃。厚多士還可以選擇飛邊，亦可以選塗果醬 / 花生醬 / 煉奶 ～如果不選的就是配牛油。魚柳炸得金黃色，吃的時候仍然透著熱氣~魚肉也很滑的呢配通粉的火腿和午餐肉都有稍微煎過，吃起來很香口。將全部吃完已經覺得十分飽！跟餐飲品是 - 茶走 ～會配一包植脂甜奶阿活香嫩炒滑蛋 + 脆皮腸 + 香辣醬肉湯上海麵 ($36)蛋很滑嫩～那個香辣醬真的超辣，除非真的很吃得很辣，不然不要選這個囉牛奶燕麥(無糖) +  烚蛋 + 英式多士 ($23)想吃較為健康的可以選這個。

連鎖食肆最多就是與同類型的餐廳做對比，不論是款式、味道和價錢的競爭也很大。天氣漸凍，自自然然想起火鍋、煲仔飯之類可以暖身的例牌。今次這直接把鐵板和火鍋一次食了，意外地價廉物美。紅棗杞子淮山濃雞湯火鍋(穀飼肥牛半磅) ♥♥♥♥4安士穀飼肥牛(+$25)看到已經分裝好的4安士小盒，其實半磅有2盒不算少，不過對於我這種食肉獸還是額外點了盤，至少比起加配其他配菜，我覺得肉還是比較OK。雜錦菜盤拼出來像朵花滿好看，重點是這樣放也省了些空間。雖說份量不太多，畢竟原意是一人份的，但勝在款式多。總共有4款蔬菜，6款"丸"。讚岐烏冬(可選即食麵)不是少看它好像只有一餅很少，食到最後其實還有機會沒食完，好處是鳥冬不像即食麵會發漲，愈食愈多。經典雜扒鐵板餐(黑椒汁) ♥♥♥♥聽見不少人說這裡的扒切得有多薄，但仔細想想，平民價錢來說它的質素和份量已經好好，回想下那些近百元的茶記扒餐，不也是薄薄的。我倒是覺得每款口感都不錯，又不"削"又不韌。迷你粟米魚塊飯雖然只是小碗但味道不錯，也真的是魚塊不是炸麵衣。如果說只食扒怕不夠，這小碗正好把胃剩下的那點空間填上了。炒什菜坦白說菜很普通沒什麼好說的，但因為黑椒汁夠惹味令