大快活 (康怡廣場北座)

營業中

休息中

兩點鐘已經掛出下午茶餐, 想食雞髀, 加埋上海幼麵, 連飲品一杯, 都只係$18, 剛巧做八達通推廣, 1分等同$1.6, 結果用積分去買, 一個仙都唔駛俾, 去超市買野儲八達通積分原來真係有著數。說回食物, 本抱著不大的期望, 反而得到很多的驚喜, 蜜糖燒雞髀, 味道一流, 唔覺用過味精, 雞髀燒得唔會乾, 面層一層蜜糖汁, 十分惹味。上海幼麵稔住細細兜的, 但係原來用裝飯的四方碗, 份量都唔細。

早餐每星期一次,蠻不錯(起碼熱先)!而晚餐來過好幾次,即叫即炒的會好一點.什麼鮑汁荷葉飯一定不要吃...無料兼d米又散,好難食呢!要稱讚一下這店的咖啡,但又不知何解這店的咖啡比銅鑼灣分店的好味哦???

因公事到港島, 2:30pm未食飯, 故選擇食下午茶餐- 燒雞翼, 珍寶腸, 雪菜肉絲湯米配咖啡, 全部都合格, 人客唔係好多, 員工禮貌唔錯, 自新形象以來我都去過好多快活仔店, 大部份真的比舊形象店好多了, 過去食品質素比同業差, 本人由從不光顧至放心進食, 的確他們是大改進了許多.

8月12日9:45當天回老巢前，先到這店吃早餐。要了炒米加餐肉和齋啡。炒米加餐肉：油光滿米，一件餐肉變成火腿，OK啦。齋啡：即磨，保持水準。早餐時段，到處杯盆狼籍，客人祇可自己動手，祇希望個多月後，已有改善。

老婆中午去開吉之島買嘢，見到呢間新開嘅大快活，就入去幫襯。佢叫咗一個叫「乜乜鮑魚荷葉飯」(全名唔記得)，$25，加$5要埋杯熱啡。打開荷葉見有3、4隻蝦仔，另外搵到啲啲豬肉，啲飯就應該落咗好多老抽，色水幾黑。一食落口，啲飯又乾又硬，啲豬肉就似肉乾，又冇荷葉香味，相當難食。咁差嘅質素重要收咁貴，過分啲喎！