大快活 (已結業)

近來喜歡了大快活的食品，覺得o岩自己口味，平時是幫襯的分店是我住的地方 - Tin Shui Wai。現在上環上班，公司附近就有間，當然有找天lunch來吃，吃我食開的魚柳茄汁意。吃這個意粉我通常會叫對方多給點汁，而這間原本給我的汁 的而且確是少但加了之後...坐到位上一看...為什麼汁邊可以如此多油TSW那間反而沒這般嚴重大快活常做賣點的濃濃茄汁就成了濃油茄汁!!而且論意粉、配菜的份量，亦比TSW的分店少好多...不過隔幾天dinner我再給它一次機會....點了小菜蓮霧魚塊、配白飯再另加$4要一碟菜..蓮霧魚塊實在是寥寥可數，一小塊的，十小塊都沒有...!!不是那些意料之外(?!)出現的薯仔填補那大碟，一定會覺得非常空洞，菜反而份量OK..再給第三次機會，因很想試新出的西班牙海鮮飯這次加$4 加配是日豆瓜小菜 - 節瓜肉粒，不錯，不會太咸，剛剛好，亦感覺不到有味精，even有家庭風味，份量亦適中，喜歡大快活加幾蚊就有的小配菜。西班牙海鮮飯:其實都意料之內，飯只有很少(even可以用"非常少"來形容..)不過那塊魚煎得香口，值得一讚，對比起那小小的飯，魚身可算是厚了，至於其他海鮮，幾

大快活出左新既牛立方，好吸引我去試，但結果令我大失所望。牛立方牛肉粒韌乾身欠肉汁，剩食到汁甜和薑味另有一伴牛肉咬唔到。個鐵板唔夠熱係暖身，個鑊冇煙，在水吧取食物，即時用手觸摸都唔覺熱鑊既面積已經不大，將食物放於鑊內還有空間，牛肉體形不平均只有一粒是立方體燒汁少，牛肉少，配菜份量足夠。個飯唔夠熱，個飯差點要左普通香米，結果即時換回珍珠米。以$30購買此品種唔抵食，份量少之餘味道不好，飯又不夠熱。

2009-01-16呢期大快活成日送coupon，所以在cheap cheap sense 下梗係o黎用o下，又可以儲八達通分要了個$28 的兩食送，coupon 平$4枝竹排骨 - 唔鹹已經好好，因為好多食店的南乳枝竹整到鹹是很要命的粉絲蒸蛋 - 話時話已經唔係第一次食，大快活o既蒸蛋係好滑，唔多水，易入口笑面，因為就住價錢同期望，是值的

今晚考試, 早一點到上環食晚飯.這裡最大好處是肯定不用排隊, 而且晚市客比較少, 不用同陌生人同檯進食, 感覺舒適些. 選了一客日式咖喱黑豚飯, 今次問清楚有否西湯, 收銀回應是晚有雜菜湯, 加$5欣然接受. 飯採用大陸東北種白米, 口感較粗糙而乾身, 日式咖喱汁用港式做法稀釋了, 味偏淡, 主角吉列豬扒肉質尚算鬆軟, 麵包糠上得不過厚, 只是份量不多, 一件約120-130克而已, 並非1呎長豬扒, 不太足夠送飯. 雜菜湯名副其實雜菜很多, 卻只有咸味而無菜的鮮甜味, 只可稱之為不難喝, $5沒有奢求.

又係一條冷食快餐, 其實以前相對少幫襯快活仔, 應該係無, 事源自佢re-engineering/retrofitting後, 食物質素提升了才有信心踏入她門.今日試吓佢個原茄豬扒配白飯, 另加$5要西湯一個, 去counter俾票時店員才說無西湯, 6:30pm就無又早了一點吧, 唯有改要咖啡, 前後3分鐘有得食.坐近收銀旁邊近門口位置, 有少許熱, 可能近門口而冷氣不足吧, 食具黏了少許殘餘物, 習慣了自行用紙巾抹乾淨才使用, 原茄浸於茄蓉汁內已去皮, 生熟有度而不會太淋, 豬扒無一呎都有10吋長, 可惜有骨吉列豬扒帶來顧客的不便, 食落亦無日式吉列豬扒咁外脆內軟, 而且去骨及切好的豬扒更方便客人食用, 大集團反而無從客人需要着想, 大x樂都係咁, 唔通客人鍾意鋸吉列豬扒好似鋸牛扒咁? 即磨咖啡已成市場基本需要, 無俾人家好或差了.

我在上環返工, 今日諗住中午時快快趣落街買個飯盒, 點知就出事我要左個肉醬意粉拎走, 返到公司打開,咦~~發現個盒好唔掂:-1.霉 (盒邊尤其嚴重, 好似倉底貨)2.爛 (真係爛, 幾處由盒邊延申至中央約一兩吋,仲要用橡筋綁實, 垃圾桶入面都靚過佢)3. 有漬 (我都唔敢講係咩漬, 因為我用紙巾抹走少少時係一達達黑色水漬, 但個範圍係半個盒之多)我明白中午時候係好多人, 會出現手忙腳亂既情況; 我亦諗過 d 漬都係個(裏面的)上蓋有, 好唔好將就將就食左佢算, 但係一拎起個叉望住 d 漬, 我都唔知 d 漬同 d 肉醬有冇融為一體過, 完全食唔落, 冇哂食飯時間都要即刻拿拿聲拎去換去到咁個員工都好好人, 好聲好氣即刻幫我換過, 但唔好意思, 你話我小人都好啦, 仲點敢食你 d 野呀. 最後麻煩佢賠返錢算啦我一直覺得大快活既野係幾好食, 希望佢下次可以留意下外賣既顧客, 我諗冇人會即時 check 個飯盒有冇問題掛?!

Lunch 同朋友兩個, 想試吓d 健康無味精既野...去左大快活, 我就點左香草燒雞長通粉, 朋友點左蝦仁炒蛋跟飯...去攞食物既時間, 我碟長通粉少得可憐 (大約20條), 我就問個經理 : 碟長通粉係咪得咁少? 佢見到即刻叫廚房留意分量同埋換個碟俾我, 不過都只係多左dd, 隻雞既Size 係同乳鴿差唔多. 加埋飲品$37, 完全唔夠飽.佢既食物真係無落味精, 就係因為咁, 佢地落左好多好多鹽, 咸到暈, 因為我o個碟係有蕃茄既西式既長通粉, 但味道就係咸而唔係酸, 感覺好怪; 就連我朋友既蝦仁炒蛋跟飯, 一樣咁咸

2 June 2008 (一) 2:35pm今天去到上環食下午茶，怎知許多地方都坐滿人，唯有得大快活有位，所以迫於無奈在大快活食茶餐。眼見menu其實選擇不多，只有這圖片中的茶餐比較好的，故一試。豉油雞翼及珍寶腸其實好普通，而所謂的 "上海幼麵" 同 "雪菜麵" 無分別，加上有皂水味，唔好食的，非常失望。

容許我在呢到講偉利廣場間大快活ma!因為搵唔到..係尋日突然好想食野...唔知係唔係因為凍既關係呢/...\幫老細賣外賣..咁佢要左個鳳爪排過飯...我就要左個咖喱雞飯...一返到去...打開..超香既咖哩味a!!!但係d雞就好難咬得開既...薯仔又係...真係唔好食啵...係得d香味香咋啵.,,,so一定要叫佢改善改善

新裝修後以橙色同深啡色為主,燈光比以前暗,格調雖然提升了但似乎同快餐店形象格格下入返工前又買左杯咖啡,之前幾次都又滑又香好有水準,但今次杯咖啡又稀又淡, 差左d喎!今次比個喊佢!希望只係一時失手

Beanstalk當然有beanstalk既好,要加shot轉skim milk加flavour等customize既做法大快活亦唔可以做到,事實上如果我想飲濃d或特式d既咖啡,beanstalk仍然係我既首選,只不過作為普通regular coffee黎講，大快活既的確係平價好選擇，仲要係高質素o個隻

Esther can give you personal touch when making the coffee by her heart that Fairwood can't give!!

自從大快活轉左即磨咖啡都未試過,上星期有日返工前本來想去beanstalk買咖啡,突然醒起呢度就走黎試試<br /><br />咖啡淨買$10,連芝腿治都係$12,咁梗係要餐啦~三文治就不值一提(其實唔好食),主角既咖啡真係要講講:本來十蚊杯都唔會有咩期望,以為都係普通茶記質素,點知飲落十分香滑順喉,一般茶記/快餐甚至西餐咖啡常見既帶酸味或澀味(over-roasted)都冇,雖然飲開strong coffee既可能稍嫌佢唔夠濃，但以咁既價位真係超水準之作,質素比Starbucks同Pacific仲要好好多~當然與一眾快餐店比更係超班啦<br /><br />後來再去葵芳店飲過，水準一樣得，但個人覺得上環店沖得好少少，以後買咖啡又多一個選擇。

今晚食快餐飯攪掂算啦,一路都想試下大快活的亞活咖喱同咖啡,d咖喱牛腩($23.5)好入味,好香,好正,我要左加辣但都唔辣幾香,另外+$5 要埋杯咖啡,好香,唔錯.

大快活近排係食物上面改革,不少食物的味道都跳出快餐店的框框......例如咖啡、肉醬意粉、咖喱類等個人覺得係走向'標準'的味道......雖然質素都唔係太好,但係都係個好嘗試......其中最好味gei係咖喱牛腩,咖喱好香,牛腩連牛筋j都好軟熟,加埋薯仔......送飯一流,配杯凍咖啡已經係豐富抵食gei一餐了.