大廳

營業中

休息中

到Disneyland Hotel high tea, 算不上特別好食, 價錢同五星hotel都差不多, 但環境搭救, 好襯high-tea呢個活動! 食物雖然唔特別, 但別具心裁! 好似有好中式的叉燒酥, Mickey頭型狀的鹹餅, 好靚茶具~!! 我最鍾意頂層的核桃批, 鍾意甜的就啱哂~我去o個日冇乜人, 非假日無live music, 不過都有播住歌, 幾舒服~~ 隔離坐左好多外國人, 感覺很外國, 有d鬼仔鬼妹四圍行~ o係欣澳就有shuttle bus搭到門口, 好方便, 順便行哂Disneyland Hotel, 抵番!

(14/11/08)一值都想來呢度,在咁靚環境,試試佢既食物質素。Tea time,四人吃了一份high tea。相片中見晒既野,都無乜驚喜,有感想的只係cheese cake,很軟滑；山莓果醬甚home made feeling；仲有壺英式紅茶,不只有紅茶味,還有陣陣的花草香~Club sandwiches,有好多唔熱既薯條,三文治餡有薄牛肉片,芝士,牛油果,蛋,生菜,蕃茄,for me, I don’t like that mixture o羅,尤其那些”鞋口”薄牛肉片,夾黎都唔知做乜,完全沒味道的。廸士尼特色雞翼$78,侍應說有六隻。呵!六隻脫左一邊骨的雞中翼,炸到干晒,縮晒水咁,本身醃味又唔夠,完全係錯選。幸好環境搭夠,week day來食high tea,飲杯咖啡,感覺如置身外國。

Four girls had birthday dinner on Sunday night. We had one chef salad, one curry chicken with rice, one grilled veg pasta in mediterranean style and one seafood pasta. All tasted good. The seafood was fresh. The pasta is al denta. We also had a tiramisu to replace a birthday cake (we forgot to order). It is delicious. My friend was very happy when the waitress took the tiramisu and sang the birthday day song. The environment is comfortable. there is live light music. worthy for money.

係酒店玩玩下gym, 六點宣佈掛八號風球，哈，無得睇煙花添。不過Disneyland Hotel 好多設施，都可以用成晚時間來試下的。咁八號風球，費時出去食野喇。咁就係呢間度食。好鐘意呢度，好高雅的感覺。又有鋼琴伴奏，又不時有公主或迪士尼人物出黎同大家映相。見到白雪公主，嘩，真係同卡通那位好似。唔怪得d細路咁開心。我地點了海鮮闊條麵同米奇漢堡包。先黎了一個麵包籃，都有成四款麵包，配上magarine, 呢隻 magarine 好像 cream 咁軟滑。好好味。海鮮闊條麵，黎到出乎我的意料。我本來想像它是普通的做法，即將所有海鮮炒埋意粉一起，加埋個汁。呢度係分開煮，意粉放底，鱸魚柳，大蝦，青口，帶子等分開佈置在意粉上，白汁另外上。鱸魚柳，大蝦，青口，帶子等都好新鮮，由其鱸魚柳煎得非常好。個白汁亦好幼滑，呢個$108, 值回價值!米奇漢堡包，先黎一碟米奇造型的茄汁 個漢堡扒好厚，煎得保存了肉汁，扒面埔上融了的芝士加蘑菇，好好味。薯條炸得香脆，好味道!! 呢餐用埋全年通行証的20% off, 竟然同在樂園的 Corner Cafe lunch 一樣咁多錢! 咁梗係係呢度食抵d喇!

入住迪士尼樂園酒店，期望奇幻旅程，以為全個酒店都係米奇的圖型，原來都唔係，有少少失望，不過間酒店都好靚，值得一住架ｏ下午茶時間去左大廳，叫左:蕃茄水牛芝士沙津: 不過不失大廳特色公司三文治伴薯條: 三文治材料豐富，有蛋、生菜、雞肉、牛油果、青瓜，麵包香脆，好大份，又好味！飲品有檸檬什飲同凍朱古力，係度食野真係食埋環境同服務，好靚好舒服，雖然食物唔係超班，但整体都好滿意！

早兩天跟男友到這餐廳High tea,本來我book 左坐window side o既大廳,可能時間係下午2:30啦,勁多人check in,成個人down哂(因為餐廳同大堂係毗連的),好噪呀,好彩staff話坐裡面都得(其實係另一間餐廳,好似是甚麼酒吧,但都係互通的),我轉坐入去後,依然係坐window side,而且 sea view,最重要係靜好多。點了一客白汁磨菇煙肉螺絲粉(附送一客餐包,有六、七個之多,無可能食得哂),一客雞翼,一壺甘菊茶,一壺英式紅茶,食物味道不俗,餐具亦甚為雅緻,愛死了。男友生日,我一早訂了一個半磅蛋糕(只有米奇公仔及雜果蛋糕選擇,$90半磅再加一),因為知他怕醜, 所以暗地裡叫waitress唔好唱生日歌, 只需靜靜端上就可以。Waitress services好好,會主動叫男友許願又幫我地影相,仲有一份小禮物,唔知點解仲送多個襟章俾我,好似我都有份生日咁,哈呢餐約為$350,我覺得好抵,因為services ,環境,食物質素都很好,我地就咁hea左一個下午。

星期日, 第一次去迪士尼酒店吃tea buffet, 感覺非常新鮮, 剛到門口已經眼前一亮, 地方不太大, 但感覺非常舒服, 歐式裝修, 面對落地的大玻璃窗, 可以看到外面的米奇迷宮, 在場更有琴手彈奏迪士尼的歌曲, 頓時有一種置身於外國的感覺。2:25已經有數個人在等位, 看到侍應十分快手地將lunch buffet的食物收回, 然後放上tea buffet的食物, 安靜且迅速可能因為是tea buffet, 食物的種類比較少, 有一些中式點心如蝦餃燒賣, 三文治, 和西式的甜品20款左右。但無論是中式還是西式甜品是水準之作~ 極力推薦米奇曲奇, 鬆化而不太糊口, 非常好吃, 不禁吃了好多件, 還有杯形的tiramisu, 咖啡和咖啡酒平均得很好, 更難得是用朱古力做成杯形, 可見師傅的心思。不得不吃的還有士多卑梨, 本來是朱古力噴泉的材料, 不過只吃士多卑梨更好, 伴以師傅自家製的士多卑梨醬, 可以吃到不同層次的甜, 非常有趣一邊和朋友聊天一邊吃, 由2:30吃到5:30, 期間食物refill得很快, 待應服務一流, 收碟快之餘, 客人離開坐位時更會幫你褶靚條餐巾放回桌面, 5:

去迪士尼度生日,第一次住埋酒店,房間真係靚到絕,全間酒店都好靚!預訂酒店同時訂埋早餐,有特價,$120一位o係大廳....見夜晚已經o係翠樂庭食,就試下依間啦...貪佢環境優美又有落地玻璃....點知....我地兩個都係爛訓人...見酒店房內介紹大廳早餐到11:00....我地就10:20先入餐廳....點知一坐低就有個waiter話就快收早餐...佢話到10:30喎.....好無奈之餘...唯有快快取食物啦...(但係食完番房再double check一次....真係寫得好清楚11:00囉!真係好嬲! )仲有...一坐低個男waiter就問我地飲咖啡定茶...我地已表明想食完先飲....但佢都係不停格幾分鐘就問一次....到佢問第四次我唯有同佢要杯咖啡啦....後來...都係另一個女waitress醒目點....主動問我地要唔要refill....見我地杯咖啡凍晒仲識得主動換杯新的....仲換埋奶....但係點知.....當我倒奶時....發覺D奶係"瓊"到一舊舊囉.....至於食物方面....選擇真係極少.....完全唔值$120...更莫講話正價$154.....最多值$60

襯天氣還沒有太熱，我地安排左兩日假期入迪士尼玩！由迪士尼地鐵站搭穿梭巴士到迪士尼酒店，我地揀左係大廳 High Tea.首先我地點左一份小食炸雞翼，雞翼已被細心地去左半邊骨，伴碟有BBQ味薯片。配上兩款醬汁，包括甜酸醬同埋沙爹醬，滿意。然後三層 High Tea Set 包括鬆餅，三文治類（煙三文魚，吞拿魚，火腿），酥皮類，撻類（咖哩雞肉，雜菜）同埋蛋糕類（椰絲蛋糕，芝士蛋糕）。每份細細件，配上牛油（米奇頭形狀），忌廉，果醬。老婆比較鍾意食甜既，唔洗爭。High Tea Set 包一壺茶，我地揀左 Earl Grey. 我飲香濃既原味，老婆鍾意加奶，一壺兩人分，每人有兩杯。茶具別緻，現場有鋼琴伴奏，窗外人造園景優美，還有海景。半邊大廳只得我地，侍應服務周到，食物有誠意，這一頓下午茶我地覺得物超所值。

20070926星期三放假感覺格外好，像是整個星期都輕鬆起來，偷得浮生一日閑，看完《色戒》，一條東湧線搭下去遠走迪欣湖，兼歎迪士尼酒店Grand Hall High Tea，難得風和日暖，連High Tea都好像格外明麗起來。想偶爾避世，這裏其實是一個不錯的選擇，蓋因樂園經營不善，所以不需擔心人潮湧湧，空曠但人工色彩極濃厚的彩色柏油路或鋪磚路，襯上華木奇芳，空間感很美國。酒店的室內做得比室外好很多，盛裝的藻井（借用中式的講法）與吊燈，和斑斕的地毯、略帶宮廷式的深色傢俱剛好呼應，天花板的其餘部分以及牆身則一色簡單的純白，細細的線腳層層綿延下來，兩相對比，一極繁一極簡，倒撞出清麗優雅的效果來，想著海的一側是高高大大的落地玻璃窗，把山光水色都邀請進來，用餐區後面時不時傳來一陣悠揚的現場鋼琴，周圍見到的人都是閒散的踱著步，一派都是度假的氣息。High Tea168元一位，未免重複，我們只要了一份，外加一杯熱朱古力，分量倒是剛好。跟High Tea有一壺花茶，若想要配中國特級茶就要再加25元。三層碟子，最上方是果醬、忌廉與牛油；中間是甜點，有英式松餅、芝士蛋糕、朱古力鮮果撻、小餡餅等；下面最大的

坐在寛敝舒適的大廳,聽著樂手奏出多首迪士尼的名曲,看看窗外優美的景色,配以精緻味美的自助美食,拿起優雅的杯子,喝一口濃濃的咖啡....一個愉快的下午.

沉日母親節帶媽咪去廸士尼酒店食Tea Buffet, 食物種類唔多, 咸點較少, 以甜品為主. 食物質數一般, 唔好抱咁大期望. 服務質數麻麻, 唔多主動.呢度環境好Grand, 有鋼琴伴奏, 好有氣紛...

想到迪士尼酒店吃tea buffet一直是我的心願，因為我很享受這裡超級廣闊的大廳，最正係最天侯現場演奏迪士尼經典音樂。美中不足是，我們在4點多才經過此，之前已飲過極豐富的茶，實在沒有餓意。講返食物，$168一位食物款式咸甜超過三十款以tea黎講，合格有餘，再加上這裡的無敵環境及五星級迪士尼名氣，絕對要再加分。這裡的食物refill很快，所以很耐熱，而且精緻美麗又細細件的，十分吸引，就scone黎講，我覺得仲好味過文華的呢！包一杯特式飲品，我杯mocha賣相和味道十分唔錯，另外杯english tea就唔多得。總之今天真的很開心呢！為這個假期畫上完美的句號。

15/2(四) 7:30am奇妙旅程終告結束,返回現實趕車上班前不忘到此吃個只為行政樓層賓客而設的自助早餐.國賓廳內的環境與酒店其他角落一致,貫徹維多利亞式宮廷裝潢,冠冕堂皇.食物品類稱不上豐富:麵包,酥餅,乳酪,新鮮生果(芒果,藍莓,士多啤梨,哈密瓜,蜜瓜,紅提子),穀物,麥皮,乾果,點心(蝦餃,燒賣,小籠包,糯米雞),芝士,炒蛋,香腸,火腿,薯餅,蜜糖豆及數款果汁等等.食物水準跟Enchanted Gdn的不相上下,理應出自同一廚房.服務員一貫地提供貼心如昔的服務.兩日一夜的尊貴體驗於此畫上十全十美的句號,多得男友絞盡腦汁的好點子!http://hk.pg.photos.yahoo.com/ph/congee_bread/album?.dir=8e0bscd

11/6(日) 2:30-4:30pm因男友是Disney staff,見此處之tea buffet員工價為$88,原價$198,一於相約友人couple P&K入Disney順便試試其tea buffet.入Disney閒逛一陣子後,2點半左右到達此處,地點是位置concierge及pub旁,預留了window sofa seats,認真relaxing+cozy!維多利亞式建築,裝潢華麗堂皇,水晶大吊燈,live band表演,遠眺窗外的小花園及海景,環境加上氣氛簡直一流!食物質素同様高!份量多屬finger size,鹹點有串燒雞,羊,三文治有煙三文魚,吞拿魚及碎蛋,洋蔥豬扒包,春卷,Quiches有磨菇及煙肉芝士2款,香草雞翼,煙火腿露筍卷.甜點有芝麻煎堆,米奇型的waffle,原味及提子scone(可塗上自製士多啤梨醬,開心果碎,杏仁片,朱右力醬,奶油或忌廉),朱古力噴泉當然是不可缺少,tiramisu tart,panna cotta,american cheesecake,mousse,fruit tart亦是指定甜點.值得一提是此處供應的士多啤梨size異常大及甜!!b