大少燒味茶餐廳 (已結業)

放工去完附近訂床褥，好肚餓，急急搵食! 經過大少，見咁光猛又最多食客就入去!一個人，叫個客飯最好~我要大千明蝦球$78例湯好好好大碗，用冬瓜同燒肉煲，少少油膩，但飲落好香。大千明蝦球- 上枱時一大碟，有超過十隻大蝦球，炸過，特別香口亦爽口。個醬係沙律醬，但食得出有加入WASABI調配，好惹味。有好多件蜜桃，最欣賞係有好多三色椒，顏色靚! 雖然我唔係好鍾意食三色椒，自己亦唔會煮，但知道三色椒係營養高，強大抗氧化功效，如果出街食個餸有我都會食晒佢既!加餐飲冷熱飲品加六蚊 ，特飲加八蚊要左龍鳯檸樂，係原罐可樂上茶仔黎講算好高質素，大件夾抵食食完野我仲要去隔黎食我至愛嘅豆腐花 ， 坐多左陣落下隔先，店員都冇催我冇黑面(九點幾冇人等位，唔係都唔好意思繼續坐啦)，仲笑笑口幫我執下枱抵讚

老友專登入黎大埔搵我食飯，見到呢間大少燒味茶餐廳坐滿晒人，應該不錯，入去刷返餐先。我地點左個西湖牛肉羹同燒鵝例牌加白飯兩碗。燒鵝例牌都幾大碟，有少部份皮燒得燶左少少，不過件件都多肉而且肉質OK。個西湖牛肉羹，一上菜俾佢嚇親。超級大窩，而且唔係得個「大」字，材料非常充足，成窩都充滿牛肉，牛味足夠，小弟極愛芫茜，之前去啲餐廳每次都嫌少，要求餐廳額外多給，今次就一嚟已經夠多，抵讚！好少喺燒味餐廳可以食到咁令我滿意嘅牛肉羹。雖然係平民燒味餐廳但服務都不錯，侍應們都笑笑口好豪邁，有位哥哥幫我地執碟亦非常好禮貌。食完我地都捧腹而回，好滿足。

超抵食嘅茶餐廳依家出街好似焗爐甘，成個人唔使10分鐘就出唒汗。放假最好就係留係屋企訓下覺，但係有時候d小朋友就係想放下電。星期日一家大細去邊到好呢？通常我地會去一d公園，農場之類，今次就選擇左去大埔行下，去玩之前梗係要醫下肚喇！今次去左呢間茶餐廳，發現煮嘢速度又快，仲要又平又好食。我地去嘅時候就係下午茶嘅時段，所以就叫左份下午茶炒飯，另外再叫d小菜。下午茶有幾個炒粉面飯可以選，全部32蚊仲包嘢飲。我地就叫左個西炒飯，炒得好有鍋氣，嗅落香噴噴，色彩繽紛，而且料都好足，好多叉燒粒，蝦仁都有成10幾隻，超值！另外叫左幾款小菜，上湯浸時蔬--今次選左菜心，上湯浸出來d菜幾鮮甜，上面加左蒜片同肉碎，伴飯不錯。西蘭炒鮮魷--食呢味我最怕就係d西蘭花係白烚，無味道，但呢到水準不錯，夠味之餘，又唔覺好咸。鮮魷夠爽脆，另外再配有韮黃同葱一齊炒，味道更香。沙嗲金菇牛肉煲--用的牛肉係新鮮肉，而唔係火鍋類型嘅肥牛，我比較中意食肥牛，所以就覺得瘦左d，但係口感都不錯。粉絲鋪喺牛肉底，另有芽菜，青椒，紅椒一齊整，份量超大。汁料夠多，每一份粉絲都可以覆蓋汁料，好味。中意撈飯食嘅，仲可以加汁落去撈，真係可以食多幾碗

大埔聽聞買送特別平，選擇又多。難得經過街市都忍唔住行左陣。但仲估唔到除左買送平，食嘢都平，喺依家水漲船高嘅時刻，簡直係一流嘅選擇。一家人食飯，有大有細，西餐廳諗都唔好諗，所以就快速地塭間茶餐廳，叫幾個小菜，食完就出發。所以就去左呢間燒味茶餐廳，又有小菜又有燒味，岩唒一家大細口味。小朋友最愛就係燒肉同叉燒，大人就中意食下鵝，我地就叫左個三併燒味，滿足唒大人小朋友嘅要求。三併燒味都幾抵食，120蚊一碟，每樣嘅都有起碼7，8舊。叉燒岩岩好，半肥瘦，味道還有小小甜。燒肉就用左最靚嘅五花腩，望落去真係有幾層，上面皮脆，中間夾左d脂肪，有d嫩肉，認真不錯。另外涼瓜炒牛肉--必食推薦！有d人可能嫌苦唔會中意食涼瓜，但係識食嘅一定中意呢碟送。呢到炒得極為夠鑊氣。涼瓜形狀切成薄片，吸收唒豉椒嘅味道，好正！牛肉份量超多，起碼有10幾塊，超級抵食！食完之後，仲唔使轉場，可以叫埋個下午茶甜品。叫左一份西多士，西多士超厚份量，中間仲夾住花生醬，再配上牛油加糖漿，好味。如果有小朋友的話，呢到下午茶有埋雞翼薯條，沙律。小朋友嘅最愛，不妨可以試試。另外值得一提嘅係飲品，名為茶餐廳，茶水一定唔小得，拒沖出嚟嘅檸茶味道剛

多謝醉芬芬北上完請食燒鵝、清湯腩 ﹗食完生龍都未夠飽，聽聞開左間新燒味，順路試您一試啦，半隻燒鵝百幾蚊都算合理。燒鵝半隻，油淋淋、肥騰騰、大量肥膏、皮厚一咬飊油，非常可怕 ﹗皮下脂肪亦勁厚，隻鵝完全唔做運動，日日係屋企食瞓疴打機，非常唔健康，太過宅喇！食到成口成胃都係油好易反胃，髀跟胸既肉質同樣乾鞋硬齊晒，不滑不嫩，香料味啖，香味強差人意，一次無回頭！海港、太興、金源、盈昌既質數都高佢幾班。

可能個人口味，真係好難食，飯太硬，奶茶冇味，冰唔夠，冷氣開到17度都好熱，冇咩冷氣；叉燒同雞都冇味，肥叉唔肥，家人叫鴨腿湯飯，湯太鹹，自問都食的好鹹，但真係太鹹！