大家食 (已結業)

尋晚要同朋友去土瓜灣睇跌打所以係附近搵食,記得呢間食評唔錯又平, 即刻二話不說走入去,我叫左個海謄蟹子丸手打麵, 朋友叫左個蟹粉丸手打麵, 我要小辣, 仲有埋d酸菜,芽菜, 手打麵好彈牙, 不過海膽蟹子丸就冇乜海膽味, 但都好好食,仲叫左碗菜肉雲吞好大碗, 加多個腐乳通菜,每人1杯豆漿, 嘩埋單都係60蚊咋,好鬼抵……下次要試下第d野…..

22/3(四) 6:30pm上課前再次造訪"大家食",未進店已驚見阿姐的迷彩制服,感覺有點兒格格不入!選了近門口的硬身卡座,爭分奪秒地輕瞄餐牌後,點了合和韭菜餃削搖麵小辣$19;苦等10分鐘削搖麵終被端上(韭菜餃乃即叫即煮).削搖麵份量加了碼,而配料如花生,芹菜,菜甫,蔥粒,芫西,芽菜蓋滿碗面,湯底方面雖則要了小辣,但其辣度已非同小可,麻感直奔喉嚨!幸好湯底保持鮮濃味道.4隻修長的韭菜餃則餡料新鮮,餃皮屬薄滑.反而刀搖麵不及手攪麵般卓越;口感不夠煙韌,麵粉香也不突出!足足花費了45分鐘之久幹掉整碗削搖麵,價格縱上調,份量亦相對地有所增加;$19也吃得過去!

家住附近，因為這店的麵較有特色且味道不錯，所以經常幫親，但今天去吃的時候發覺加了價，本來$12的麵現在要$14，$15的要收$16，串串香也要2串以上才有交易。不知是否加了價後覺得唔底，感覺上沒有以往那麼好吃，不過事實上店內的客人是少了很多。其實在土瓜灣要吃平的麵食有不少選擇，就是對面和轉彎馬頭涌道已有不少$10一碗的的潮州麵店和$11一碗的沾仔記，附近又有幾間米線店、拉麵店，還有七喜和德昌魚蛋粉等等，選擇甚多，不一定要去大家食呢！

每一次路過大家食,見到陸軍裝老細個嘜頭,Key上去J字內.每一次也會聯想起,這是否高登改圖組的傑作?當然,老細個形像很"突出",店內裝修,背景音樂,同店員口音,有如搭進深圳的食店.無須回鄉咭,也能北上.就是這個主要原因,身邊十個朋友,有九個半也不肯前來.單睇個口號"大家食.歡迎您."已經很大陸化.在港英年代,係幾難令人接受的.不過回歸差不多十年,大多港人已經心繫家國,漸被同化...年前來吃個合和麵只需$10,今日貴$2,這個東坡肉麵,亦是此店的主打,$15.底下的是手搞麵,如果要削搖麵,要等得耐一點.手搞不同手打,口感截然不同.沒有彈牙口感,但煙煙齦齦,東坡肉夠肥,肥膏位甘香異常.多年來,水準如一.除手搞麵同削搖麵外,年來亦有一些創新出品,有個蟹子海膽丸,也是賣$15塊錢,你有否興趣?門外貼滿很多明星與陸軍裝老細合照,陣容"騎呢",有八兩金,李兆基,李莉莉,王俊棠,祝文君等等...如果這個陣擺在歡樂滿東華卡拉之聲,一定笑爆.係欠缺一個魯振順,來一首"熱情的沙漠".

呢幾日都同朋友為考試溫書,係朋友屋企附近gei手攪麵店,同佢食過兩次野,一次朋友食左茄牛麵,朋友話少左好多牛肉, 但味道仍能保持,個人認為麵的份量偏少,十二元不可算抵食第二次食,我就食(久)菜餃麵,味道不錯, 但不是十分美味, 朋友今次食左牛肉麵, 眼看比起上一次食,麵口感好左,連麵加油菜就只係三蚊,冇咩油,岩我口味,但明顯煮麵的人不是可以保持手準的,可以選擇的話不會特別選這裡

大半年冇黎幫襯，今日同媽子去完銀行之後，就決定來呢度食個lunch。今日我要了合和刀削麵而媽子就要了担担刀削麵，加一碟油菜。麵的價錢比起以前每碗貴了兩元，飲品都貴了。媽子的担担醬料依然保持水準，但媽子話d麵好硬，以前滑好多，食到佢食唔落。而我那個合和麵只得好少料，完全唔好食。今次真係幾失望，以前好味好多，唔知係咪人手的間題，定係我今次比較唔好彩呢！媽子話佢下次唔會再來喎！

今晚去土瓜灣, 和朋友一起食少少o野.朋友介紹這間大家食.招牌上大家食三個字和大家樂真是很相似.還有那個男人嘜頭作記認.店子很光猛, 但有點大陸feel.說回食物.我們點了油渣手攪麵, 加了菜甫, 雖然有點辣, 但很好吃..., 還點了炸雲吞, 生菜...都很不錯.所有食物價錢都很平..下次要試試其它東西.

去工聯返學前, 附近都好多唔貴既食店, 但來來去去都只係鐘情於呢間店既兩款HK$12麵(我總是order削搖麵) + HK$3菜= $15/餐(有埋蔬菜)茄蛋牛肉麵http://www.eattogether.com.hk/index_topic.php?did=24512&didpath=/23863/24512好夠味, 好夠大碗~!!涼拌麵(夏天才有)http://www.eattogether.com.hk/index_topic.php?did=24769&didpath=/23863/24769終於在四月時試到了~ 好味呀!麵- 唔會煮得太"淋", 尤其鐘意佢地既削搖麵, 雖然始終冇刀削麵咁正, 但也不失為口感頗不錯的選擇~菜- 唔好見佢$3以為好丁丁, 都有出面既$5-10左右既份量架啦~環璄 - 請不要期望, 只要當作普通麵店便算。阿姐方面其實頗為落力, 盡量(係盡量)聆聽你的需要, 但可能語言方面的不同, 故... 也有時會有點點出錯。總之, 頗為落力, 也不會black face~ 另, 仲有大電視觀嘗~!other - 佢每枱也有罐辣菜, 頗好味及有口感, 因我係好

開咗咁耐，我自己都未幫親過，有次同老公仔去宵夜試過，就覺得好正啦。佢啲麵好味，啲湯又夠濃，個"茄牛麵"仲正過"勝香園"啦。仲有就佢啲嘢好抵食之餘，啲阿姐嘅迷彩衫又夠野性同味道啦，而老闆"村叔"佢成日都會係土瓜灣店出現呀，真人又大隻、又man，所以依家我哋成日都會去幫親呀。推介﹕茄牛削攪麵、油菜(3蚊蝶，勁抵)

近年擴展迅速的"大家食",老店本來就在土瓜灣,都係呢幾年的事情.憑自家創的手搞麵同削搖麵稱霸食壇.老細一身平頭裝,毫不掩飾將自己的肉照海報貼在店外,大大隻字寫住手搞麵創作人.娘爆到極點.係咪真係手搞,只屬次要,價錢平到發笑,才是重點,一點油菜,加碗質感豐富的和合手搞麵,都係用你十幾銀,胃口少者,已經係一餐正餐,唔夠喉的話,來多客東坡肉麵,都係所費無幾.絕不會令到你荷包重傷.千祈唔好叫番茄牛肉麵,酸到得人驚.在市場推廣黎講,大家食做得很成功,街邊$10碗雲吞麵,比比皆是,但無甚特式,再咁互片實一鑊熟.大家食真係"搞"出黎,十皮一碗雲吞麵,點都唔係大碌竹壓出來嘛?

去工聯會上堂之前黎呢度醫肚, 叫左擔擔麵加東坡肉及凍豆漿. 呢度製作食物之速度非常驚人, 落單後唔駛一分鐘就有得食. 擔擔麵麵身有少少彈牙, 材料以炸菜粒為主, 麻醬大量同少少辣油, 仲有少少芽菜同韮菜. 東坡肉其實係滷肉, 炆得幾入味, 豆漿略甜, 整體$22實在抵食!

上次黎呢度食lunch但冇寫到，等我補返先！之前在旺角食過擔擔手攪麵，今次就試左個刀削麵啦。手攪麵較滑，但我鍾意刀削麵個口感多d，我幾乎成碗食哂，好飽，加埋油菜，都只加三元，真係好抵，但茄牛麵就油左d，地方都唔係咁好坐，不過個位都係好似旺角迫d，都唔知d肥人點坐呀？

今晚終於試咗茄蛋牛肉手攪麵, D麵都幾彈牙, 另外3樣材料都係本人既最愛, 所以覺得特別好食...淨水餃就唔係咁掂, 唔似平時食開D水餃, D豬肉緊緊熟, 希望唔會肚痛啦!另外, 衛生方面唔好抱咁大期望, Dirty到芽菜都留o係筷子上面.

放工後去做facial,但又未夠鐘,唯有搵間餐廳坐低hea下(其實下晏d麵仲未落格!).諗起得土瓜灣呢間分間有涼拌麵食,於是入去試試.$12碗涼拌麵,要左阿姐少麵少牛展(其實本來叫左走牛因不太好肉),但阿姐話如果走牛就咩送食,咁無所謂啦!除左牛展絲外,仲有青瓜同蕃茄粒,d汁甜甜酸酸帶點辣,十分開胃!d手攪麵相當彈牙!比起熱食彈牙得多!$12相當之抵!

今晚做完facial吾系太餓,一丁友,黎呢度食左碗和合手攪麵$12;碗麵有蝦米,花生,菜甫,香菜,芽菜,豬肉粒,咁既天氣食呢隻麵都幾開胃!而手攪麵依然彈牙,$12大大大碗,絕對抵食!