大家樂 (已結業)

真係好耐無食過大家樂，公司同屋企附近都係得大x活，估唔到久違嘅一餐竟然喺機場食。今晚黎送機，未食晚飯就係機場搵食，x興要九十幾蚊食個乾炒牛河仲要唔包飲品，行左黎大家樂睇睇，燒味餐七十幾，鐵板餐五十幾，嘩，機場黎計好平！點左鐵板牛扒餐，一塊扒，一條脆皮腸，跟飯，仲有一個餐包同紅豆冰。上枱時塊牛扒仲咋咋聲，雖然知係整定返熱，但尚算有誠意。牛扒無乜牛味，食到調味料同黑椒味，仲有大量鬆肉粉，唔算難食嘅。腸仔ok，大大條有肉感。飯原來有炒底，又幾香喎。餐包仲返熱過，軟綿綿，好香牛油味，個包最好食。仲點左南瓜肉醬意粉，又係一早焗定，長時間保溫，所以啲意粉好乾，邊位啲仲好硬添。但個肉醬調味得幾好，咸酸度適中，加左南瓜甜甜地，味道都幾豐富，而且份量好多，好飽呀。紅豆冰不過甜，好多豆，紅豆煮得淋甜，奶跟冰比例很好，意外地好飲。晚上客人不多，坐旁邊的卡坐很濶落，收盤的姐姐好勤快，落單的不知是否店長，服務態度十分有禮，十萬個唔該多謝無問題等，機場的分店係印象最好的一間。

甘日北江。妹又反工，因為太懶既關系 所以近近地去大家樂 草草叫左個焗豬扒飯 我諗系香港人都知大家樂既焗豬算系出名 即使尼到機場刀要食反次先安樂老實講 豬扒系大塊既 肉質都吾會話鞋或者太稔不過要自己切好麻煩哈哈啲蕃茄醬就有啲酸，可能太多茄汁啦，不過幾欣賞佢有層厚芝士，好邪惡45蚊有埋杯凍綠茶都算系甘啦

機場食早餐能選擇的很多，但一點都不便宜，只有幾間連鎖快餐店好少少，加上有時候不想同其他人等位，唯有買外賣。火腿通粉預先淥好包裝，通粉浸得太耐，已經發漲及發白，毫無彈性，唯有下點胡椒粉吊味。煎雙蛋雞扒配蘿蔔糕雙蛋煎至半熟，不錯，至於雞扒亦煎得剛剛好，絲毫沒有焦位，不過雞皮太邪惡，撕掉，肉質不會太老，幾滿意，蘿蔔糕質感太鬆散，沒多少蘿蔔絲。熱檸檬茶清早來一杯熱飲，很舒服，但檸檬亦是浸得太長時間，多了一份苦澀味。