大家樂 (冠天閣)

營業中

休息中

學生餐真係好抵，個餐已經平左，仲免費升級至紅豆冰個紅豆冰真係好好飲，奶味不太重，紅豆熟透，可惜每次都覺得好飽而未能成杯飲哂同食哂d紅豆個鴛鴦炒飯都不錯，兩隻汁都整得好好味，有個有d酸，上手熱辣辣，完美的配搭！

大家樂真係伴住大家長大,食左十幾年既豬扒飯,味道依然精彩!D 豬扒仲KEEP 到好鬆軟,真係正!仲有炒飯底,好香!而家仍然KEEP 住LUNCH 去食一個!!!如果佢永遠唔加價就好LA...

估唔到大年初六都有咁多人好似我咁要食快餐, 大年初六晚無節目, 所以晚上就食快餐醫肚。飯的選擇不多, 本想吃火鍋, 但全部火鍋都有肥牛, 不喜歡肥牛的我, 想食火鍋實在沒有其他選擇; 都是食個焗飯算了吧。我要了一個菠菜焗雞飯, 用了ORBIS獎券票尾當5元使用, 減5元, Good! 等了十幾分鐘才有得食, 焗飯很熱騰騰的, 唔錯, 味道亦很不錯, 但菠菜少得很, 得一條!!! 雖知食物樣樣都加價, 但現今主張健康飲食, 給人客多兩條菜也不會太過份吧! 還有一個酥皮湯, 酥皮沾上湯很是香口好味, Yummy! 但真的要提提大家, 酥皮內的湯很耐熱的, 吃完飯後才吃酥皮湯也是滾熱的, 一不小心真的會燙傷口呢!總括來說, 這個餐不太差, 但多幾條菜更加好!

趕時間，到大家樂吃一個quick lunch。叫了公司三文治，是即叫即做，麵包烘得好，整份三文治的外貌幾靚，又加了幾塊薯片作點綴，都出得大場面。但問題在於餡料方面仍停留在低質素的層次，蛋、火腿、生菜、蕃茄等處理得很薄很求其。吃下好像吃無料三明治。今時今日，快餐店除快外，亦要提高食物質素，做到快靚正。

每次想吃咖喱都想起大家樂！ 價錢廉宜，亦可以選擇牛坑腩或者雞塊，飯也大大碗，很抵！ 今次點了咖喱雞：咖喱汁超豐富超多，夠香濃和夠辣！叫雞塊比叫牛坑腩多，有五至六件左右 柯華田：普通

在觀塘想不到吃什麼好，結果來到平民飯堂的大家樂吃午餐。 現在特色午餐有蕃茄湯底，一看到 MEUN 圖片，即時聯想起讚歧鳥冬那些濃香味道。 點了：　蕃茄湯黑淑雞翼米線 ($30) / 蕃茄湯鮮肉片米線：蕃茄湯底清淡如水，吃不到任何的蕃茄味。黑椒雞翼煎得不夠香，似是被恰熟再加黑椒的味道，至於肉片，更加不值一提，無味道。最驚奇是米線上的奄列，似是早餐賣剩的貨色... 凍冰冰。配料的魯肉有點"叔臭"... 不新鮮，整體來講是非常失望，難以入口。餐飲可轉配羅宋湯，羅宋湯只有色和辣，但很淡，蕃茄和雜菜味不夠。

下午茶到了大家樂買公司三文治，公司三文治即叫即製，雖然要等 15 - 20 分鐘，但新鮮烤的麵包，同埋細心的服務，令人欣賞. 不過三文治的煙肉就略嫌乾咗啲，配薯片唔錯.

這晚又行到這裡開飯, 貪這些就腳嘛!選擇了較健康的鮮茄斑腩飯, 連一碗中湯, $32元。飯多得很, 但蕃茄和魚就少了一點, 加上蕃茄味太甜, 似加了很多糖, 我就寧可吃較酸味的蕃茄了, 始終吃糖太多是不健康的。中湯也比較肥膩而且太醎了, 我也不明白為何大家樂的湯次次都是這麼醎的, 廚師大哥, 可否輕手一點呢!!

星期六行完街街, 唔想返屋企煮飯喇, 求其食飽就算啦。 今日又係食快餐, 平時多數去大快活, 因為比較就腳, 但今日行過這裡, 順路來大家樂試試啦。我揀了粟米魚柳飯, 連一碗例湯, 粟米魚柳飯很大碟, 飯很多, 好彩我一向是大食皇, 所以沒有浪費呢! 如果細食的朋友, 一定要指明要『小飯』呀! 魚柳炸得唔錯, 而且很多件, 入口即散, 很是嫩滑, 讚! 例湯是蓮藕湯, 湯料十足, 但比較咸。這個餐32元, 之前買奧比斯獎券有5元COUPON, 所以只是付27元, 抵食!這次大家樂給我的印像不錯, 似乎比大快活還好, 下次可能會選擇大家樂了。

12月6日晚餐在這間大家樂進行。我選擇了糖醋排骨鴛鴦菜餐, 包括兩個餸、一個中湯和一碗菜飯, 糖醋排骨味道不錯, 而麻婆豆腐的豆腐不夠滑, 味道唔夠濃, 不算好味, 而中湯是蓮藕排骨湯, 算是真材實料, 味道ok,最差是菜飯, 實在太油膩了。但總括來說, 這餐算不過不失。

前星期同家姐去過這裡食新出的豚骨拉麵套餐, 每個$36元, 我要了一個豬軟骨豚骨拉麵套餐, 而家姐要了一個义燒豚骨拉麵套餐, 這套餐包括一碗拉麵、一件炸蝦餅、一盒沙津和一件豆腐。拉麵不算太焾, 夠爽口, 唔錯; 豬軟骨d 軟骨都食得到, 唔會太硬, 過得去啦; 而最好食係蝦餅, 好彈牙; 豆腐就無乜特別了; 而沙津都幾o岩我口味, 因為我喜歡多沙津醬的沙津呀!吃了家姐兩件义燒, 都ok好味, 夠焾又入味!總括來說, 這個套餐算抵食, 因為依家在快餐店食個晚餐閒閒地都要40元, 相比下, 算食得過囉!

星期日唔知食乜好,因為行amp, 所以去左官塘大家樂食,我食左鴛鴦焗飯加湯, 一個飯包括一邊係茄汁豬排而另一邊係白汁雞皇,真係唔算好食囉,因為d飯有點硬,而又唔香口, 最差就係食完好口渴,晚上喝了很多水都解唔到渴! 一定係落左好多味精啦!

今日食的雞唔多得,紅豆凍又多奶少豆喎!唔多得衛生情況麻麻地啦

前晚,無飯家庭,2個人唔知去邊度食,見時間尚早6:30,甘不如去大家樂打邊爐,應該有位,上到去,已經唔係好多位剩,見到只有3種火鍋揀,(未有我喜愛的醉雞鍋)2個人,各自叫了雪花肥牛鍋,和虎蝦肥牛鍋$52+$53),加埋飲品$6食物:有1隻中蝦,粟米,肥牛,雞肉,枝竹,豆腐,冬瓜,南瓜,每樣約2件以及望落好似好得的墨魚滑,大量生菜,和很多米線墊底...墨魚滑-好差,唔彈牙都算,重好粉,我寧願你俾2,3粒魚旦湯底:鴛鴦鍋,沙嗲湯唔夠味,中途加水,係真係水,唔係湯,所以越食越淡唔好食,每人約$59,唔算好貴,但質素如此,就覺得唔底,要打邊爐都係去火鍋店罷啦!

尋晚突然想去打邊爐,但得2個人,而且又唔係咁肚餓,所以就諗起去快餐店食la...記得之前睇完d廣告都已經心郁郁想試下,今日終於都去試la...我地2個都唔係好餓,所以只係叫左一個set...份量的確唔少...我地叫果個係什錦鍋,有肥牛,雞肉,枝竹,魚滑,粟米,豬肉丸(唔sure係咪豬),芝士腸,冬瓜,南瓜,生菜,米線...大致上係咁多la...仲有杯酸梅湯tim....鍋底係鴛鴦鍋,額外問人拎左d沙嗲醬,所以都好夠味^^整體都唔錯,而且2個人都只係食左$49,真係好抵...^^