大家樂 (南豐中心)

營業中

休息中

星期天，走了入荃灣南豐中心買整餅材料，打算下午回家弄芝士蛋糕，很久沒有做阿茂了。買完材料，本應打道回府，但有點肚餓，就不如吃完午飯才回家，正想著吃午飯的事情時就遇上大家樂，就在此落腳吧。蜜味叉燒四寶飯，賣$30，就選定了它，再加一杯好立克，另加$5。四寶飯包括鹹蛋半隻，紅腸、叉燒及鹵水雞翼，份量很足，味道OK，叉燒也很不錯，有麥芽香，不太肥膩，合我心水，鹵水雞翼也很入味。其實只是為填肚子，吃完就趕快回家整餅去。

話說突如其來好想飲　焗酥皮湯 ..所以近近地就揀左大家樂 , 因為佢個鐵板餐包埋,而且仲有我喜歡的焗薯添 酥皮湯 , 焗薯, 牛柳粒拼珍寶腸 (黑椒汁) ,呢個餐 $40 尚算抵食, 而且+$6 有埋特色飲品添 講返個1 ) 酥皮湯先 - 個湯忌廉味唔重, 勝在d 酥皮浸落去d湯個時真係好好味呀........所以都冇太計較湯的味道2) 焗薯 - 焗薯不嬲都唔錯, 加埋酸忌廉夾埋一齊食, 正3) 個牛柳就差d ..比較硬, 都知道係普通貨式, 味道都唔濃個隻不過呢個價可以滿足晒我想食既野, 都唔錯 !

有$4 鐵板Coupon, 就更係去用左去啦~叫了個燒春雞鐵板, 配香蕉船+ $6 要了杯北海道3.6牛奶咖啡, 用埋Coupon, 只要$46, 好抵呀, 咁多野食! 燒春雞鐵板, 燒春雞有半隻, 燒得唔錯, 唔算鞋口哦, 比預期中好, 還有個小小焗薯, 無料, 焗得幾淋。甜品香蕉船, 幾好味, 但唔夠凍, 。北海道3.6牛奶凍咖啡, 咖啡見佢即磨, 但無咩牛奶味。不過$46 咁多野食, 仲想點哦!!

同bf去試左個霜花牛肉飯,真係唔錯wo上菜個陣d牛肉係生既,可以自己煎下xdd香味係飄過黎嫁,全場有一半人都係食呢個飯揀左個紅豆冰同要多左個香蕉船,成個餐都係$44.5,抵呀!!!個紅豆冰起初我覺得佢唔夠多紅豆,係一個杯既2成,但一整混佢地就岩岩好d紅豆好甜,好林,好正>3<因為驚個甜品溶所以佢地俾左個牌我地,等我地食完先去吧枱度拎^^個甜品唔special,如果d香蕉係雪凍既,應該會仲好食2個人食個餐都飽呀

前幾日，去左呢度行街。有小小肚餓就黎左呢度食下午茶，估唔到人唔多。但等西多就好耐，一堆西多士係咁出哂黎。場面何其壯觀。西多士新鮮炸，所以味道唔錯。花生醬搽得好均勻，而且好有蛋香味。個味道唔錯既。雞翼一隻燒雞翼，都唔錯既。蜜糖味好香，而且肉質又唔鞋口。真係幾正架。珍珠奶茶都唔錯啦，珍珠可以用糖水浸下就更加好啦。呢度既珍珠奶茶既茶底好濃，好飲過台式奶茶架。真係估唔到下午茶都咁多人，不過係正常既。

短短的食評....但極推介餐包(走牛油)...鬆軟, 細密, 不是嘉頓來貨...很想自己買來做早餐!麥皮...很綿, 淡淡的甜味, 剛好, 近來吃過最好味的麥皮!炒蛋...今天差了一點, 老了一點, 亦因為個人的膽固醇吸收量超標了, 於是分了半份給老公!奶茶...近幾年已拍得住茶餐廳, 茶味夠!同場加影吞拿魚三文治 + 麥皮 + 奶茶餐!

昨日放左學去左呢度食下午茶，食左個叉燒賴粉同加錢飲士多啤梨乳酸冰。有一張$5優惠券，只係19元咋。個叉賴都保持到個水準，叉燒真係好香同好脆，而且好有蜜味，好好。賴粉都唔錯啦，再林D就更好啦。士多啤梨乳酸冰，都幾好飲既。不過，就甜左小小。可惜既係，大約兩個禮拜之前，除左雞髀餐之外，其他餐都唔可以加錢轉飲紅豆冰。但大快活就可以照加錢轉飲，不過睇在Coupon份上，算啦。

返屋企途中黎呢度買左個厚切一哥焗豬扒飯外賣返屋企食不嬲都覺得大家樂 d 焗豬扒飯唔錯, 但就未食過厚切(其實男友一早話過我知係麻麻了.. 但仍然想試一下 ^ ^ )20分鐘車程, 返到去打開盒飯, 嘩, 好乾! 未見過乾到0甘既豬扒飯..心諗 "可能因為外賣吧.."食一啖.. d 飯一舊舊既.. > < 之前食過外賣都不是這樣的!舊豬扒真係幾大塊既, 但係鬆肉粉令到豬扒已失去原本的質感了以前唔係厚切果陣反而仲好食呢真的很令人失望呢.. 可能堂食會比較好一點吧!

前日放學~同我隻豬妹去tw~本身諗住食米線嫁啦~~因為我隻小豬鐘意食米線~之後係新之城行左陣~見到有大家樂wo~本身諗住試下個爵士牛排~因為想食好耐~不過又唔知點解唔想食=.=我隻豬話~我地第一次食飯係係大家樂打邊邊~~之後又見到大家樂新出既一哥火鍋wo~不過今次唔同左~第一次食係火鍋船~今次唔係~叫左個56蚊既~火鍋set~d牛牛得4片~好多vegetable~又有米線~都幾飽嫁~d湯都幾好~有個服務員既服務好好~~加油啊~

又來又平又正的大家樂tea..雞翼+咖哩魚蛋+蕃茄通+凍檸茶男友要了豬扒餐+紅豆冰正常水準,不過這分店的蕃茄通湯底不夠濃,雞翼不夠香如此炎熱的天氣,來一杯紅豆冰,真爽,紅豆又多又大粒

跟朋友在荃豐行街很得累了朋友未食午餐便去了大家樂食個下午茶依肚朋友叫了雞脾+紅豆冰很多人排了很耐隊才有得吃雞脾嘛...有相你看...多麼的頹肉很鞋,皮很肥又不脆,味道怪怪4個字,不知所謂紅豆冰嘛...就是溝水的是了,紅豆少得很看來下次還是去其他好了~_~

特地到南豐中心買手機散去了數千元心情十分複雜既興奮又為荷包極速減磅而感心痛.....為彌補此傷痛唯一到樓上吃個下午茶忘卻一下.....下午茶時間人頭湧湧難得找到位子坐下媽媽見我銀根短缺於是請我吃了這頓下午茶雞翼+熱香餅+凍可樂我沒有吃雞翼只見媽媽吃得津津有味相信味道應該不錯熱香餅有很香的蛋味配上牛油實在一流之作!餅身既香且軟用刀切成一小塊慢慢吃吃後不會太飽實在不錯!

(31/3/08)廣告效應,究竟同普通魚柳有無分別?魚肉係滑d,而且吉列皮好脆。炒蛋極滑,原因乃牛油也!好重牛油味,同埋重左手既咸味添。其實質素唔錯,可能我愛偏淡的地道啦。

週末早上突然想吃個與平日不同的早餐,雖然時間已經有點匆忙,結果還是跑上南豐2樓找早餐吃;上次試過好好,今次試對面的大家樂。面對滿滿的餐牌,第一個吸引到注意力的就是這個炒蛋早餐,一看到"炒蛋"兩個字,腦海即時彈出澳牛那堆滑滑炒蛋!雖然心知質素沒那麼高,但起碼會像上次大快活那份滑蛋吧?!怎知道一打開外賣盒,那份炒蛋(正確點應是煎蛋餅)實在熟得過份,連樓下車仔麵包檔的炒蛋還較嫩滑,幸好當中有點粟米和蕃茄,吃起來沒那麼單調;蜜味腸應用水煮熟,因為盒內腸仔部份有一灘水,相對也沒那麼油膩,只可惜蜜味欠奉,失望!多士白白一片,似乎沒有烘過一樣,塗上牛油後加上蛋餅啃下去好了,轉為蘿蔔糕應該較好。蕃茄肉碎湯通粉(+$2)樣子好像好豐富!蕃茄湯中還有粟米、椰菜,似乎像雜菜湯多過蕃茄湯,味道酸酸的也頗開胃!肉碎味道乏善可陳,實在可有可無!有坑通粉質感不會太淋,全部加在一起尚算可以入口。凍咖啡應該都是即磨咖啡吧?香味當然不及熱飲,不過味道還是ok的。服務方面是大集團那種機械式禮貌,收銀員雙手將收據遞上;收票時都用雙手來接,雖然機械式都是可以接受的。這個早餐以炒蛋作招徠,但卻是最難吃部份!喊面少不了!

一向都覺得大家樂比其他的連鎖快餐店好，可惜今天試的芝士火鍋就出事了。原本滿心歡喜地和男友試食，但卻十分失望。要的是煙三文魚芝士火鍋，一看就覺得芝士不多，而且是水汪汪的，大打折扣。一試就覺得完全無芝士味，感覺是粟米湯。雖然標的是粟米芝士火鍋，也不用如此粟米吧!再食配料，除了煙豬柳和天使麵外，其餘的一點都不好食。連煙三文魚也一樣差!唉，太失望了!雖然只賣$39，但大家樂的芝士火鍋，沒有下次了!