大家樂 (新世紀廣場)

營業中

休息中

大家樂既一哥焗豬扒飯好好味，個飯係炒飯底，有雞蛋炒過。面頭有好多茄醬及一大塊豬扒，豬排切開時有好多煙，啲茄醬撈落啲飯個度非常之開胃，食極都唔會嚴。燒腩仔配叉燒飯非常好味，有半肥瘦既叉燒，啲叉燒又多汁。燒腩仔啲皮好脆，肥瘦均勻，多肉汁。下午茶可以叫烘底既火腿芝士三文治，三文治烘過底個麵包好脆，芝士🧀溶咗係裡面，配合火腿，口感豐富又飽肚。奶茶一如既往嘅有濃香茶味，也有香滑奶味。

以前聽人評價大家樂燒味有水準，我都有幾個月午餐食燒味飯加鹹蛋，一直都唔錯，但係最近幾個星期竟然無得加鹹蛋，即刻減分，d叉燒又差左，好似好唔新鮮咁，又乾又「鞋」，唔會想再食。

🤬🤬🤬🤬下午茶時間買左個燒鴨瀨外賣打開見到得 d 斬到好碎同埋好少既鴨肉D 肉仲要唔連皮只得其中兩舊仔痴住少少皮師傅會唔會太過冇良心!!!!仲要個湯啖而冇味外賣飲熱奶茶又唔比包糖我要開到口問先幫你打返開個袋包返落去唔提供餐具我可以理解但連調味料都想慳返你地不如摺埋啦!講真!呢餐真係乜野胃口都冇晒相都廢事影!以後都唔會再幫襯!! 大家樂成個集團越黎越垃圾, 淨係識呃香港人錢, 已經由以前既香港人企業變成大陸企業大家可以唔洗再幫襯!

大家樂早前推出咗歡樂天地餐，我同小朋友都有一齊去食。價錢又化算😍😍只需要買嘢食嘅時候加$28就可以有一個歡樂天地餐仲可以選擇要飯或者意粉!更加鍾意嘅係佢堂食有買綠色或者紅色嘅車車🚗每次小朋友去食嘅時候都好開心，而家仲會同我講佢哋最鍾意食大家樂😂😂我兩個小朋友都鍾意食意粉，一個就更加鍾意食啫喱一個就鍾意飲提子汁，所以呢個歡樂天地餐對於佢哋嚟講真係好歡樂😂😂 可以滿足晒佢地3個願望咁✌🏻依到加加埋熱都唔洗$200 就搞掂我地既一餐晚餐! 最緊要係小朋友食我開心又滿意😂😂

今日去咗灣仔呢一間大家樂食早餐，早餐嚟講呢一間價錢都算幾抵，想推介吓佢嘅炸魚柳，炸魚柳嚟講本身佢都幾大份，而且我覺得仲係熱辣辣非常抵食，再加埋佢嘅他他將非常match! 另外今日我加咗蘿蔔糕蘿蔔糕加埋辣椒醬亦都非常好食，呢一個價錢其實我覺得同出邊嘅茶餐廳比較，都比較便宜！今日我就冇揀到煎雙蛋就揀咗熟蛋，佢係即刻煎嘅，所以都係非常好食，絕對唔係預先做好，檸檬茶同埋個米粉就正正常常冇乜太大特別，早餐嚟講都抵食嘅！

近日出差係銅鑼灣返工, 跟同事一齊食 Lunch 感覺哩頭食飯好鬼貴，希望搵D平價 Lunch, 而大家都唔想買外賣想出去行吓，所以想試吓三大連鎖店，第一以平為主，第二先係味道，搵出平令正餐廳。香港三大中式連鎖快餐店，美心MX，大快活，大家樂。太興唔合要求，因為貴!早前去咗美心MX試試，結果係一般，今次去大家樂。大家樂暫時係最滿意，未去銅鑼灣出差之前，已經知道佢地 Lunch 時刻有D三十令蚊嘅套餐，當時食過一個三十令蚊荷葉飯，質素唔差。今次嘅栗米肉粒飯，連凍綠茶，41蚊!以前食栗米肉粒飯，總係肉粒硬又韌，栗米汁係玻璃汁一係淡茂茂一係咸到食，最多都係有D蛋花，睇見唔開胃!但大家樂嘅栗米肉粒飯,肉粒鬆軟，不單只有栗米重有我大愛三色豆，最正係栗米汁，金黃色好吸晴又好味唔會太咸味道適中，質素好過不少茶檔，如果係正公司樓下絕對會成為我的飯堂!可惜大家樂同公司有段距離.大家樂冷氣足，加分!同事好似嫌遠，想試埋大快活，okay，下次去大快活睇睇咩環境。

因為離屋企近，WFH懶嘅時候都會提前好多app落單自取，每次遲左到D姐姐都會加一句：D飯凍曬啦，下次早D落來呀！有次lunch高峰時段，佢地個油雞肉燥飯唔記得左放油雞，個food station個個都超緊張，keep me prioritised，同我keep住講對唔住。又一輪擔心個飯凍左，又配多杯飲品，同埋有無餐具，搞到我突然間受寵若驚。快餐店經營，速度要求快，出錯都係難免的，但無微不至地照顧每一個客人，我相信間店一定有個超有heart的經理。

疫情越來越嚴重，經常飲早茶的稻香也暫時關閉一星期。只能去附近的大家樂吃早餐。這里有旁邊麥當勞免費wifi使用，可以輕松待半日。這里環境不錯，由於疫情期間每個桌子只坐1～2人。點了牛乳炒滑蛋+蘿蔔糕+腸仔+雪菜肉絲湯粉+咖啡。雪菜肉絲湯粉味道還不錯，咖啡也是即磨咖啡，炒滑蛋非常軟滑，其他的不過不失還可以。作為普通吃早餐的地方還是可以的。另外員工對防疫非常嚴謹，每個客人入來一定要戴口罩和測試溫度。如有客人不願意即刻赶走，實在值得讚賞。

真係不得不讚大家樂的叉燒真係整得幾好食,令我驚艷.叫左1碗瘦叉飯走汁, 我以為瘦叉會好老好硬好難咬, 點知佢唔單止好瘦,仲好柔軟,好易食到, 份量又多, 賣相好吸引, 切既刀工又一致,每一塊都厚薄得宜試過其他快餐店,雖然話表面係瘦叉,但又會整舊肥膏你嘆. 瘦又要整到唔韌,真係好考廚師功夫, 我諗就算係大家樂, 都唔係間間分店都統一水準, 如果你想食得健康,又美味既話.可以去呢間大家樂分店試下….

今晚好肚餓，又特別想食飯，腦海即時閃出一哥焗豬扒飯的畫面。老公點左一哥豬扒飯$48，一哥不愧係一哥，平民既價錢，既可滿足心靈、又可滿足肚皮，色香味俱全︰汁多、配料足、豬扒鬆軟大塊，跟餐配汽水，非常滿足了。我點左砂鍋雲吞雞餐$50，跟白飯及中國茶，即點即制，熱騰騰既，老實講，雞係雞胸位，有啲鞋口，但可接受，有兩粒小雲吞，個湯好夠味，我一個人全部食哂，滿足。講返個焗豬扒飯，都有去過第二間鏈所快餐店食過，價錢差唔多，但個品質認真有距離，所以一哥焗豬扒飯真係無改錯名，同埋，佢地真係保持到做一哥既地位。

見到張Poster確係好吸引【香草鹽烤雞。超值二人套餐】，一隻雞，一客標準SIZE肉醬意粉，兩支牛油栗米，兩杯汽水。等左成10分鐘先有，係呢10分鐘裏面，我對呢隻雞充滿住無限既幻想，不過，始終係連鎖快餐店，亦唔會期望過高，但作為一位升斗小民，都有最升斗既要求，就係食物要應熱得熱，應凍得凍，上枱時要企企理理，就算係冰鮮既野，只要處理得好，都可以好好味。講返呢隻雞，係冰鮮既就肯定，個外表睇落去好掂，啲皮仲好脆，但個肉就唔多掂，有好大既雪味，仲有一絲絲既雞腥味，同埋非常之鞋口及脢，切開入面有一大堆灰黑色野，我相信係調味料，但個買相好肉酸，似內臟，呢一餐可以話係硬食落下，個肉醬意粉同牛油栗米味道標準，成個套餐$88算係好抵食，但以呢個質素，請我都唔食。

一向覺得大家樂係比起其他連鎖快餐廳好， 無論食物質素或者服務態度。所以食下午茶，大家樂係不二之選，好食而且夠經濟是日和細佬購物，忽然想吃大家樂的下午茶，我們點了最愛的雞脾配紅豆冰，雞脾有兩種口味可以選擇，一是炸雞脾。另一種是鼓油皇。我們怕熱氣就選鼓油皇口味這個是從少陪我長大的招牌下午茶餐不過雞脾真是越來越少了⋯⋯雖然細了，那層滑嘟嘟又惹味的雞皮，加上熟度剛剛好的嫩 .好輕易就撒開個雞脾！個味道甜味足夠啊！另外粒粒紅豆冰一向係我至愛紅豆大大粒，而且分量又多椰奶既比例也剛剛好，簡直絕配。三點半出面熱辣辣，下午茶歎杯紅豆冰，簡直係透心涼。每份$25 今時今日咁嘅價錢真心講句去邊度搵啦！

我支持環保，更支持智慧環保。一間機構要推環保，要有實際行動，而且行動要有智慧。我今日叫了炸脾沙律和凍咖啡，原來凍飲宜家冇提供飲管。沒有飲管沒有問題，我也支持環保，保護海龜。但如果你知道食店整凍咖啡的步驟，你就知道問題所在。食店只停止供應飲管，但沒有改變沖製咖啡的步驟，也沒有提供其他工具讓食客整均咖啡的味道，影響飲品的品質，讓人感到不妥。算吧！可能我比較挑剔，講番食物。炸脾味道和質感可以，沙律就偏酸，咖啡就唔好提。成個下午茶四十蚊，貴唔貴？睇您點睇。

今晚去左灣仔嘅一間民間食堂，就係大家樂，一望佢地餐牌就決定要食佢地嘅冬瓜盅晚飯套餐，冬瓜盅份量都夠大，湯飲落都好飲，仲可以跟兩種燒味做餸自由配搭，我選左叉燒同燒鴨，跟多杯中國茶同飯，價錢唔太貴$66都算抵食，大家可以去試下！

人真麻煩的, 要 input, 又要 output 又要去賺錢, 才能花錢買美食! 但正正因為這樣, 我才更感恩每一次吃飯带來的樂趣, 觸動我舌尖的歡悦!!!經濟d, 話哂月尾了, 去＂大＂字頭的連鎖快餐店幫襯下, 嘩, 乜甘好, 有呢幾款"天天超值選''，價錢真吸晴 鴛鴦炒飯 ~ 試下質素如何先 賣相不俗，可惜配料不多， 茨汁也是一般般。 但以價就貨，也可接受的！荷葉飯 ~ 打開已聞到陣陣荷葉香， 飯也調合得很好味 有肉、有菇菌類和蛋條， 有些喜出望外呢咖啡要值得一赞，已經很久沒來喝， 仍保持水準！