大家樂 (奧海城一期)

營業中

休息中

見這裡近近地，又來這裡食早餐。來到之後見這裡有奶油脆豬早餐吃，於是叫了一個「牛尾湯扭紋粉 + 奶油脆豬（半個） + 牛乳炒滑蛋 + 熱奶茶」早餐。「牛尾湯扭紋粉」其實沒什麼特別，扭紋粉還不是一般的通粉，改個另一個看來好聽些的名字無助於其通心粉的本質。湯料不算少，但所謂的牛尾只得寥寥可數的碎粒，反倒是其他的配菜還要多，牛尾湯底的味道也是平平而已。「奶油脆豬」賣相是及格的，但徒得其型，不得其神，奶油下得不夠慷慨，包身不夠熱，也不夠脆，軟腍腍的，實在失敗，與「翠華」的相比可差得多了。「牛乳炒滑蛋」是比較好的，起碼炒得夠滑身，而且即使不下鹽也夠味道，嫩滑的炒蛋從來都不會令人太失望。至於飲品的「熱奶茶」嘛，不就是大家樂的正常水準囉！整體而言，這份令自己有一丁點兒期望的早餐可是令自己全盤失望的呢！

呢間大家樂都可算係其中一間自己耐唔耐就會去幫襯嘅飯堂之一，就好似前一排咁，喺過海之前，因為無食晏晝，就喺呢度食咗個純粹志在飽肚嘅「盛盒茶餐」。因為呢個餐係兩公婆一齊share嘅，所以都算係抵食夾大件。呢個「盛盒茶餐」睇落去又真係幾豐富嘅，一個$19嘅茶餐，就有叉燒湯米、香焗芝士火腿卷、咖喱角、腸仔、牛油粟米、椰汁西米布甸六樣嘢食，仲要包一杯咖啡或茶熱飲，我地兩公婆share，每人平均都唔使$10，係咪好抵呢！不過咁，講到食物質素囉喎，「大家快樂」出品，通常都唔會話太高質素吧！首先係 「叉燒米粉」，湯底係非常清淡如像開水嘅「清湯」，米粉唔係咁多，叉燒就唔算太少，不過就好碎濕濕囉，味道當然都係較為平淡啦！ 跟住係 「香焗芝士火腿卷」，個酥皮唔係太脆，裡面的餡料都係普普通通咁啦，其實都唔係咁食得出芝士味。至於腸仔呢，咪就係一條切開兩半，左花嘅 「腸仔」囉，無乜好講。 「咖哩角」攤到凍左，唔脆，唔夠香同辣，完全唔及格。 「椰汁西米布甸」純屬個人喜好，唔係咁喜歡。最後係已經刨成粒嘅 「牛油粟米」甜甜地，有少少牛油香，過得去啦。雖然呢個所謂嘅「盛盒茶餐」味道就真係好一般啦，不過一個人只係$10都

一直都幾鐘意拼盤式既茶餐,因為一次過可以試幾種味. 今日既茶餐都好豐富,但味道普通.叉燒米粉無味,湯底好似水咁,叉燒係好少,乾曾曾咁,完全唔入味. 火腿芝士酥, 芝士可以再焗到溶就perfect.個酥皮好脆,但加左波羅,味道又甜又咸,比較唔夾.腸仔,太油太濃味精, 咖哩角,一d都唔香濃,放到凍晒.最好食反而係粟米. 好香牛油味, 同粟米ge鮮甜match.而粟米粒粒分明.西米糕就一般, 好似自己整,但好有口感.講真,味道一般,但拼盤令貪心的人可以試多d味.

每次在大家樂吃晚飯的時候，假如沒有什麼特別想吃的話，總是會點這一個經典的「一哥焗豬扒飯」+可樂配搭來吃。這「一哥焗豬扒飯」可算是大家樂的招牌出品之一，這麼多年來從來都沒有變過，一直都在大家樂的餐牌中屹立不倒。自己也從學生時代開始，不知多少次吃過這「焗豬扒飯」，覺得它雖然算不上是甚麼一等一的美食，但也能一直保持基本的水準，豬扒大大件，蕃茄醬汁開胃，其他配料也充足，與冰凍的可樂可算是極佳的配搭。特別是在炎炎夏日中，實在不失為一個不錯的選擇。

昨天剪了730am的$4coupon去大家樂試下鐵板紐西蘭牛扒餐, 估不到竟然40幾蚊都有這個水準的牛扒, 正!牛扒 ~ 肉質很tender, 很嫩口, 不會"鞋口", 很有牛肉味, 可同金鳯有得fight!焗薯 ~ 薯仔好諗, 不過可能因貨就價, 不是sour cream, 而改用沙律醬, 有時怪怪地感覺.可以擇香蕉船或酥皮湯, 或+$6兩個都有.我擇香萑船. 他們本意是很細心, 吃完個牛扒, 可以拿著個牌去取香蕉船, 雪糕不會放得太久而溶, 但我拿回來時, 雪糕都溶晒, 沒有分別, 嘥氣.....總括而言, 以這個價錢,都不錯, 會再試!

聽老婆大人話上次試過呢期大家快樂最新推出的「霜花板燒牛肉飯」，話唔錯喎，呢日得一個人食lunch，咪走去試下囉！去到已經12點有多，附近放lunch的人已經如猛虎下山，蜂湧而至，:連隨order一個「霜花板燒牛肉飯」跟一杯可樂，另加$6要多個芝麻汁雞肉沙律，等左五分鐘，終於有得食。雖然擺明大家樂呢個出品係模彷pepper lunch嘅，不過以大家樂呢類快餐店的一般水準來計，呢個飯又真係有D驚奇喎！加上蒜蓉汁的牛肉，撈勻D有好多粟米粒同蔥花嘅飯來食，味道的確唔錯！除左個牛肉飯外，今次連個沙律都有D驚喜，隨沙律附上的芝麻汁都幾多，倒落個沙律度撈來吃，味道都幾好，又可以中和一下個飯，無咁熱氣，good！個人覺得，今次呢個飯，都算係近期大家快樂的代表作了。一於下次試下個「板燒鰻魚飯」睇下好唔好味先！

是晚大廈暫停食水,唯有到外用餐.買餐時,因發覺張單有D問題,於是我便回收銀詢問,一位姓張的收銀服務態度極有問題,唔知係咪我阻住佢傾計關係(那時候顧客很少,但收銀處卻有三個人之多),已經擺出一副你下次唔早D出聲,咁既意思.好,我諗呢D人同佢講到浪費時間,乾脆同佢分店經理講,點知個經理仲搞笑,好似聽唔到我講野似的,一味淨係叫人囉左個餐先,好似唔想知究竟個客同自己員工發生緊咩事,咁樣做經理都有既!?講返食物,賣廣告的咖喱不覺不失,不過算係好過以前的普通咖喱,至少個色都做得幾好,都幾香.我要的魚塊就得個酸字,反而係+5蚊既湯最好味...如果無加個湯,我諗碗飯都食唔到一半.不過我真係要話下呢間大家樂,點解出面區去咁多間大家樂人地的收銀,經理都係好樂意做野,仲乜鬼呢間既姓吳經理一味只想當聽唔到就算,怪唔得有咁既上層,就有咁既下層,你D收銀係無雷公咁遠(收銀處到食物相隔好遠),梗係可以得過且過.就算我地呢D大家樂會員,都覺得呢間分店幫襯唔過.咁難得大家樂撒出大角嘴成十年,近年先放一間分店落奧海城,點解會搞到個印象咁差架?

大家都食過澳門的豬扒包，除了猪扒的用料好外，最重要是包皮要烤得夠香脆，那麽即使普通猪扒也做到很香口的豬扒包。 但通常在茶餐廳的豬扒經炸爐猛火炸後，猪扒表面黐满油，油脂滲入包皮，包身便變得太淋身及太油膩，不健康又不好食。但大家樂的猪扒包當然不是用炭爐烤，麵包都是放入烤爐裏烘，再夾上一片頗厚身的洋蔥炸豬扒，我見這分店的店員將每片包都烘兩轉，保証包身夠干身香脆，餡中有很多洋蔥片，味道出乎意料的好，而且用手揸住都唔會油淋淋。 近日大家樂有Coke ZERO 供應，整杯可樂零蛋便唔怕高糖分高熱量啦!十多元包一杯飲品其實都算幾抵食，今日唔驶俾錢， SO FAR SO GOOD！

放工後坐順風飛車經青沙公路出奧海城，大概半個僮便去到奧海城，省了不少交通時間，便跟飛車手食番個tea hea 下一齊吹吹水，這天午飯吃了不多，便要了一客越式牛肉湯河粉，上次係別間分店吃過，那次牛肉又肥又韌咬唔開，湯內又沒有番茜等香葉，絕對係失敗之中嘅失敗。 今日俾個機會自已試多一次，發覺這店的水準較好，越南泀粉最基本的香葉雖則不多但都叫做有，牛肉比上次的好多了，起碼唔韌可以咬開食，但深褐色的湯底味道偏鹹，總的來說都算合格嘅，但就唔可以話係"餓冧"囉！註: "餓冧"在越南話是好食的意思。

先多謝openrice的戲飛,今日同男朋友睇完戲就去大家樂食個tea這次是因為有張$10的現金卷快到期才去大家樂我要了燒鴨瀨,燒鴨的肉少得可憐呀,皮和骨卻很多,但湯底配合瀨粉的味道還可以啦.值得一讚的是有幾條菜,感覺很健康男朋友就要了越式雞絲湯河,雞絲原來是雞扒切絲,我和男朋友一齊驚訝,真的意想不到~_~但幾腍的,味道都ok,至於那個湯底嘛....都是落一堆那些香草做出來的,味道怪怪的呀= =我們一致認為荼餐廳的水準可能會更高食得更飽,下次還是不大家一齊快樂-_-

原本朝早約左朋友..見有d肚餓..朋友又未到..就黎左食早餐..食左個炒蛋,餐肉,多士..+3蚊要多個麥皮..*炒蛋同多士係凍的..得個餐肉係暖暖地..~ 麥皮正常..冇乜特別..但都係暖暖地..再熱d會比較好..

喺奧海城二期看完電影後在商場内游戈了一會，因為午餐吃得不多，便四處揾食，可能因為今天商場内有歌星臨表演，二期的食肆都高朋滿座，連老麥和上校都很難找到吉位，唯有過來人流較少一期這邊的大家樂吃個下午茶餐。這裹人少座位多，座位分佈在寬闊商場的大堂中，視野較廣壓迫感没那麽大，而且有很多沙發位，坐得比較一般舒適。因為肚子很餓便叫了碗燒鴨米粉加杯醒神咖啡，想不到這餐的燒鸭比别間的出色，鸭件都切得很整齊結實而且肥肉很少，入口後没有起渣；而那杯蒸溜咖啡一入口也感覺到冲得比一般的大家樂香濃，奶的份量適中不會掩蓋了咖啡的香味。今天發覺又加了價，沙士後這款一般快餐店的茶餐，由年前的十五元逐步加至十九元，其實已上升了超過25%了，可看出本地通脹實在已很厲害，工資的增長實際上遠低於通脹率，我們的政府財金官員們實在要想想辦法解诀一下。

真係非常脆, 但太咸了。

平安夜四圍都係人我同朋友仔都唔鍾意同人迫更加唔想食d又貴又唔好味既野本來想自己煮野食但突然我又想打邊爐想起奧海城一期新開左大家樂就諗住黎食點知好失望原來呢間係無火鍋供應既然一場黎到都要開飯架啦叫左豬寸骨拼雞扒蝦丸鐵板同燒春雞拼海鮮餅鐵板跟餐仲有酥皮粟米海鮮湯同忌廉芝士焗薯酥皮粟米海鮮湯同忌廉芝士焗薯估唔到都真係唔錯不過略嫌芝士同海鮮份量少左dd豬寸骨雖然好細件但醃得幾好味又唔韌雞扒好細件得女仔手心咁大燒春雞就相對較韌好在都算入味包埋飲品每人都只係四十幾都算係個超值既聖誕餐啦

超難食, 估唔到大家樂既水準系0甘，完全唔掂湯好似水一樣魚:有好濃既'聲'味排骨:多骨少肉飯:飯身非常乾dishes選擇少，而且好快就售罄