大家樂 (已結業)

上個月,去食飯(打火鍋),裹面D菜無洗好多泥,魚唔新鮮,海鮮都好唔新鮮!!!!以後都唔會再去!!! () () (~_~'')

吉烈魚柳雞扒飯- 將早餐賣淨既魚柳同雞扒加D飯咁, 無黎味道, 成$25一個, 好唔抵食. 又唔記得比汁喎, 可能太忙掛?!? 早知叫個肉醬意粉咁嬲...

星期日中午同媽咪黎左呢度食lunch，由於好想食焗飯，近近地就黎左呢度。入到去都好多人，當見到餐牌選擇不多。由於一早想着食焗飯，沒有考慮其他就叫左焗豬排飯啦！但估唔到而家大家樂都唔平，熱飲要加三元，轉紅豆冰要加$5.5。我加了紅豆冰，個餐差唔多三十蚊，都唔平！個紅豆冰好唔得，得個甜字，而豬排就幾正，好鬆軟可口。價錢同茶餐廳差唔多，只係環境比茶餐廳較好。好多快餐店都加價，好似M記咁，又加啦，真過份，人工又唔見加多d！度度加價就好似變相減人工一様，我地d市民真係惨呀！

遲來的午餐, 一個人沒有心機搵食還是到快餐店算了, 點了一個雙拼叉燒燒鴨飯和熱咖啡, 叉燒軟韌適中表現不錯, 燒鴨剛好又是脾位, 兩者都比想像中好; 可惜咖啡味道一般, 只有苦澀味.

11/06/2005 20:45去大家樂食飯不外乎兩個原因：１）想試新野　２）好耐冇去今次是前者，對象係咖哩。咖哩牛腩飯$24.5，加可樂$5，$29.5來說我覺得不算平。排隊購票後差不多即時有，用上了蕉葉造型的碟後賣相加了分。牛腩的件數不少，還有三數件薯仔。對大家樂的出品是一向都不抱甚麼期望的，這次倒令我有意外驚喜。咖哩是偏向印度式的，但做到了香而不辣，而且香料味道剛好，迎合香港人口味又不失咖哩特式。我一向很喜歡美心的咖哩汁，貪其咖哩味香而且不算辣，但這次給大家樂的KO了。而主角牛腩出奇的腍而且充滿牛肉味，就算咖哩味豐富亦不能掩蓋，薯仔炆到好腍，吸了咖哩汁亦係出色。相比之下，另一鍋仔套餐$34(至cool冰冰加$6)，就較失色了。西湖牛肉的牛肉已被""到冇晒味，蛋花又變成了一舊舊的蛋，放左一陣更變成"西湖牛肉湯"。玉子豆腐三鮮煲都幾多料，材料算新鮮，不過就煮到有少少"火農"。趁o的咖哩水準未跌之前趕快去食多餐先～

已經係三月中，可能要多謝寒流先生先仲有一哥火鍋食~入座時已是八點四十分，只剩肥牛雜錦鍋同肥牛醉雞鍋，但就平成$9，加杯青檸冰共$45，都叫抵食~料都算多，但新鮮程度一般，肥牛、魚蛋、牛丸同枝竹就最正；墨魚仔、冬瓜同粟米就唔掂~米線太碎，白菜仔好多沙，生菜就幾好~自推出已來每年都會去食，價錢同食物真係冇乜點變，只是多了什麼東星、大蝦、帶子做賣點而已。呢度裝修o左冇幾耐，地方好乾淨同寬敞，而服務都唔錯，o的阿姐好有笑容。

裝修完都有一段時間啦...環境好左仲有個吸煙專區用玻璃隔開,好似一個小廳咁都幾有心思可以將兩班人隔開...不過唔知係咪經濟好左D 野普遍都貴左....