大家樂 (德福廣場2期)

營業中

休息中

位於德福廣場的大家樂午市推出香煎魚柳甘荀忌廉汁意粉，魚柳煎至微脆，肉質保持嫩滑，忌廉汁帶有淡淡甘荀甜味，質地細膩不膩口，與意粉融合得不錯。整體味道偏向清新，適合喜歡簡約歐陸風味的人。環境：店面整潔，午市人流較多但不算擠迫。  價格：套餐定價約六十多元，屬快餐店中等價位。  食物質素：出品穩定，魚柳煎得恰到好處。  食物種類：選擇多樣，定期推出新款意粉或焗飯。  如果你喜歡魚柳配忌廉汁的組合，這款意粉可以一試。

餐廳: 大家樂地址: 九龍灣德福廣場二期6樓614號舖今日元旦 一早約好朋友去工展 下午食燒肉 晚上突然好想食鐵板. 咁啱見大家樂鐵板二人餐唔錯 價錢又抵 所以一早手機落定單 坐低冇耐就有.這碟食物呈現出豐富而美味的組合。主要的菜品是一塊多汁的牛扒，表面有著誘人的燒烤痕跡，旁邊搭配了香噴噴的炒飯和幾片炭燒的洋蔥。牛扒的色澤金黃，肉質看起來非常嫩滑。在餐盤的一側，有一根明亮的香腸，顏色鮮豔，增添了色彩和口感的多樣性。另一側則有一小碗濃郁的醬汁，顏色呈現出誘人的橙色，可能是咖哩醬或番茄醬，適合用來沾食牛排。飲品方面，有一杯熱茶，顏色深沉，旁邊還有一碗紫色的飲料，可能是用水果或豆類製作的飲品，帶來清新的味道。整個餐點看起來既豐盛又美味，令人垂涎欲滴。另一杯冰可樂，泡沫豐富，清涼可口。整體色彩搭配和擺放看起來相當誘人.💰埋單: $139 (二人餐)

大家樂九龍九龍灣德福廣場2期6樓614號舖返工前的早餐，我食左個 雞肉蛋漢堡包配意式風味咖啡 $27，加碗牛尾扭紋粉（細）$5。趕著返工，沒有影到漢堡包的真身，口味都 0K的，牛尾扭紋粉都好味，真係好經濟的早餐。

午市，牛扒腸仔飯，牛扒燶到點解咁都可以serve比客人食….因為時間關係，唯有照食如果唔係又要等多20分鐘。呢間分店一向口碑麻麻，如果唔係方便都唔會幫趁，外賣同堂食（午市）試過等45分鐘，bad experience!

大家樂由細食到大，反而第一次lunch hour去公司附近既德福廣場大家樂午飯。今次叫左切雞燒鴨雙拼飯，估唔到賣相不俗，燒鴨多肉，唔會只有皮同骨頭，切雞就略肥，需要走皮先食，菜心份量亦無欺場。整體而言，呢個飯性價比高！

今天走到九龍灣，隨便吃個午飯，就叫了由 星夢傳奇Gigi 炎明熙招牌的焗豬扒飯。香濃的鮮茄汁令你一試再想吃，配合新鮮的菠蘿令這個焗豬扒飯非常香濃好吃。我再配上一杯楊枝甘露，完美的一餐

大家樂下午茶算幾抵食，$28茶餐有奶油豬仔包，有焗過，都幾脆。有一大盒炒麵，非常飽肚。仲有一杯紅豆冰，平時散叫一杯紅豆冰都要十幾蚊，下午茶餐唔使加錢就有紅豆冰。原本$28，因為經常食大家樂，所以儲到有$5 coupon，$28減多$5，只係$23，所以好抵食。

番茄肉丸意粉$39原本無乜期望，但食落有驚喜，意粉有咬口，算幾彈牙，沒有煮得過腍。肉丸大大粒，幾飽肚，總共有三大粒。醬汁方面係番茄醬，酸度和甜度都剛剛好，用了很多番茄整了很多茄醬，掛上意粉食，酸酸甜甜，的確非常開胃，配一杯飲品。

從大家樂購買四杯熱檸檬水，不要落糖，把檸檬壓幾下，全部倒入家庭用的器具，約四杯就滿。享受一整天維他命C飲料。這種飲法最合適不喜歡飲甜飲料的人，也合適喜歡吸收維他命C的你。

今日午餐一早網上預訂咗個鱈魚柳龍蝦汁焗飯加無糖可樂，諗住可以食廣告介紹嘅大大條魚柳，點知等成半個鐘先出餐唔在講，返到公司開盒，大大條魚柳消失於空氣之中。可能大家樂覺得我要減肥，所以唔出魚柳，不過蕃茄焗飯值$56？😡😡😡

午餐最鍾意食焗肉醬意粉，意粉質地彈牙，肉碎份量非常多，配埋芝士一齊食，非常正，另外焗豬扒飯亦都非常出色，長長嘅豬扒，再加炒飯底，亦都係好多打工仔首選選擇，價錢尚算可以

一直以來最鍾意食大家樂嘅火鍋！佢哋嘅火鍋配搭非常足料！肉質非常新鮮 牛味非常濃郁一人一鍋比較衛生 60至$80就有交易 非常抵食 環境衛生企理 員工服務態度親善有禮 絕對推介俾大家

今晚同大仔撐枱腳打邊爐，經過大家樂見到都唔錯下😄我地點左一個牛肉豚肉火鍋，加配魚蛋生菜和一份牛肉，我地都唔想吃辣就揀咗豬骨湯底～點餐後幾分鐘就有得吃，好快⋯⋯牛肉和豚肉份量唔算大，一盒只有5塊左右，不過呢個價錢吃火鍋就唔好要求太高😂我個人覺得豚肉比牛肉好味，大仔就好仲意吃牛肉，所以點咗兩pack！湯底可以無限添加，我地都加左兩次魚蛋大大粒好彈牙真系唔錯家，我見仲有生蠔和蝦滑，不過店員話依家無出，如果唔系都想試一試！

大家樂既早餐真係好好味，今次我就食個HKD$40左右既早餐。首先有五香肉丁公仔麵，五香肉丁香濃夠辣，辣椒油加埋湯底一流，公仔麵又會吸湯，兩者配合得好完美呀，仲有而家餐廳用既公仔面都好彈牙，好好食。之後仲有個烘多士，多士烘過黎變得好脆口，加埋牛油就勁香口，都好好食呀。然後仲有蛋，蛋可以揀炒蛋or煎蛋，平時食炒蛋多，所以今次揀左煎蛋，大家樂煎得好好，又唔會煎穿蛋黃，兩隻蛋既份量好足夠，食完個餐都飽飽。

下午茶想食飽d? 雞髀加公司三文治夠飽啦掛？雞髀雖然炸耐左d,但勝在夠大隻！半份公司三文治材料豐富，烘得又夠時間。有埋竹簽吉住三文治，食落更方便最後，要讚下有姐姐推車問食客要唔要水、牙簽、紙巾，係要戴口罩先出去攞野的情況下，真是提供左一大方便