大埔天使茶座 (已結業)

平時坐車經過廣福道，有時都會留意到二樓呢間cafe。因為地點就腳今日就諗住試試。一上到去。。。個裝修係比較簡潔嘅，簡到有點求其，追求氣氛嘅朋友可以skip。攞起餐牌，最低消費50，本來呢個價錢以cafe呢講算合理，睇下餐牌，全部最平都50包杯野飲，種類唔多都係飯或小食。我同女朋友以前經感覺中伏，但都叫左鹵肉飯同雞翼沙律。本來都有一絲期望，點知一上菜，x,錢唔係咁搵的。。。煎三雙雞翼幾片生菜加幾滴沙律醬，個鹵肉飯比錯糖醋排骨仲有點叔叔地，相我就真係無影喇，要睇可以睇其他comment嘅相，係一x樣咁差。如果大家純粹想搵個地方坐下又有免費wifi,行多兩條街有公共圖書館，完。…查看更多

一班人踩單車入大埔，諗住搵個地方坐下玩下board game，上網見到大埔唯一一間樓上cafe，又冇咩食評講過，就膽粗粗上去試一試虛實。一上到去board game係有，但得最古老既monopoly叫做正常d，都算，好彩自己有帶monopoly deal同uno，玩都冇咩問題。但到食真係不得了，一上到去個老闆娘問食唔食私房菜，我地問佢幾錢到，點知佢反問你地預幾多，唔知頭唔知路，真係唔知你俾咩我食，穩陣起見都係跟meun叫，間野minimum charge俾50，個menu樣樣都係50或以上，精彩係有個餐叫雪糕，岩岩50蚊，唔夠膽叫，其實想睇下佢會唔會拎一杯雪糕出黎⋯我地一行12人，本身諗住叫糖醋排骨飯，點個老闆娘話賣哂，強迫我地揀魯肉飯，最後為免12個魯肉飯出現，我地叫左2個雞翼拼沙律加10個魯肉飯。個雞翼拼沙律要成50蚊，真係得3隻雞翼同幾條生菜加沙律汁。個魯肉飯更加不得了，真係一碗飯加d唔知係咪魯肉既肉，再搭兩條生菜就收我50蚊。50蚊一個餐包一杯野飲，我地叫左一杯擺明係濃縮芒果汁沖出黎既芒果汁，3杯甜到跳舞既峰蜜檸檬，同叫做正常d既可樂。最後係唔知食左咩都冇人食得好既情況下，拿拿臨埋單搵下場，唯一值得讚既係真係明碼實價，位位50，冇extra fee，但以樓上cafe計，佢真係不得了⋯ p.s. 間cafe介開左一半做保健中心，臨走仲sell我朋友做facial......真心，冇下次…查看更多

比家中自製難吃毫無特色，卻價格昂貴賣相極為業餘，以全無美感的茄汁裝飾忌廉煙三文魚意粉。菜式極少菜單為:薯條雞翼 $50三文魚忌廉意粉 $80鴨胸蛋包飯 $50蛋糕 $50雪糕 $50單是「雪糕」/「蛋糕」已當作是午餐，單單雪糕+飲品，已要$50，還懶得寫詳細一點是什麼蛋糕跟雪糕。蛋包飯只是蛋蓋飯，不綿滑又無蛋汁，炒飯再配以家中必用的冷藏青豆蘿蔔粟米粒，鮮見於蛋包飯，煙鴨胸連煎封也沒有，冷冷硬硬的。飲品亦比市面上的特飲遜色，糖漿味重。食物處理馬虎比家裡煮的還差。用餐中幾位店內人仕問我們對菜式的評價，令人無奈，只要有在外用餐過，也知道自己餐廳食物很差吧!絕對不會再光顧!…查看更多

偶爾經過此店樓下也想嚐試。說實的，cafe消費不算便宜，但如在此店用膳，可享受到逸雅的佈置、閱讀的空間和團體遊戲的設施。此店由中午12時起營業，全天也是同一個餐單，七至十款套餐，西式粉麵有兩款，其餘是薄餅、焗肉卷、漢堡飽等，可配一款飲料，有果汁、花茶或汽水特式飲料，挺有特色。與朋友一同嚐試，分別點了芝士菇扒配熱桂花蜜和焗羊肉卷配火龍果汁。可說是未見過菇扒，這次朋友點了，原來是大塊菇上面舖上芝士，吃下香惹鬆軟。熱桂花蜜有明顯的桂花香，不過甜。而焗羊肉卷是此店自製的酥卷，是包着羊肉來焗，十分香脆，亦十分美味。火龍果汁很有實力，有很濃的火龍果肉。兩個小食也很精緻美味，飲品有質素，價格稍高，但值得試試。…查看更多