影片
港鐵天后站 B 出口, 步行約9分鐘
繼續閱讀
電話號碼
56264666
營業時間
今日營業
12:00 - 22:00
星期一
全日休息
星期二至日
12:00 - 22:00
*(最後落單 : 晚上 9:30)
以上資料只供參考, 請與餐廳確認詳情
大坑鄰居🔴@taihang_neighbour大坑係一個好易搵到特色小店嘅地方，都會預咗價錢會相對較高🥸 早幾日經過呢間日本餐廳，雖然上openrice未見太多review，但見門上貼滿Menu，價錢比預期中平，決定一試🧐綠丘🌿老闆娘親自推介嘅特色拉麵🍜 第一眼見湯底係淡綠色，原來係用大量香草打碎榨汁🌱 再混入豚骨湯底。食落有啲似青醬意粉，香草味好突出，幾有創意又好味，果然係must try🙂↕️板善豬扒稻庭冷烏冬🧊原本以為冷烏冬就係一碗面咁簡單👀 點知上枱一睇，舖滿晒青瓜絲、蟹柳、紫菜、蔥花等配料🥒 仲可以揀鏗魚汁或者胡麻醬。加埋炸得鬆脆嘅豬扒，夏天食呢個好啱！魷魚天婦羅🦑外脆內嫩嘅魷魚天婦羅，點上加入七味粉嘅沙律醬，鹹香之餘又多層次，配酒一流👍🏽雞皮餃子🥟真係邪惡到盡🤡 薄薄一層雞皮包住餃子餡炸香，入口一爆汁，再點埋帶酸嘅餃子汁，中和返少少油膩感💦 價錢抵食！仙人掌梳打🌵係咪大家都以為會係綠色呢？ 或者會好似蘆薈咁🟩 點知係咁鮮艷嘅紅色🎈老闆娘解釋話係仙人掌芯嘅天然顏色。綠色嘅係仙人掌嘅葉/刺🤪 唔係好識形容個味道，味道清甜唔草青，幾有驚喜又refreshing🏖️西柚果肉梳打🍹部分果肉浮面，部分沉底，物理上唔知點做到🤣 味道酸酸甜甜，好開胃，果肉份量亦都幾多🍊老闆娘熱情健談，仲介紹咗多款口味嘅Asahi Sour😎 連街坊帶住自己隻狗行過舖頭，老闆娘都會打招呼，甚至餵大大舊肉干俾狗仔做零食，果然大坑充滿滿滿嘅人情味💓
繼續閱讀
位於香港大坑嘅「大坑鄰居」，顧名思義，就好似街坊鄰居咁親切，喺呢個充滿人情味嘅社區入面，為食客帶嚟一碗碗暖心嘅日式拉麵餐廳位於大坑核心地段，鄰近天后站餐廳骨緻，帶點日式風情黑熊（黑蒜醬油豚骨湯底） $98黑蒜醬油豚骨湯底，湯頭濃郁得來帶點黑蒜嘅獨特香氣，入口濃而不膩彈牙時拉麵非常掛湯，一拉上黎，整條麵都畀黑蒜油整到變黑，味道好濃郁白馬（豚骨湯底) $78湯色奶白經典豚骨湯底，味道濃厚順滑，飲落好有層次感。每碗拉麵仲有爽脆嘅筍、紫菜同半隻日本糖芯蛋，蛋黃流心，入口即化，份量同質素都好有誠意芝麻雞翼2隻 $38外皮香脆，芝麻香氣撲鼻，咬落 juicy 又惹味，絕對係拉麵嘅好拍檔！下次同朋友嚟大坑，必定再encore！
繼續閱讀
穿過大坑靜街小巷，呢間隱世日式小屋真係「大坑鄰居」嘅寫照——五六張枱、輕音樂樂、店主暖心笑容，十足街坊鄰里感，似足一間地膽先知嘅居酒屋🏮。 🌿 綠丘（香草豚骨湯拉麵）$88湯底一啖驚艷！豚骨濃香中帶強烈羅勒香，完美中和油膩感；中太麵掛湯力剛好，叉燒軟嫩、溏心蛋，仲有兩塊厚切叉燒，口味非常特別。湯鹹度啱啱好，怕鹹嘅麵迷大可放心。 🍺 ASAHI SOUR：GRAPEFRUIT西柚酸甜爆燈！清爽氣泡沖走拉麵餘膩，冰涼酸香仲解暑過凍檸茶，配炸物一流🐟 炸池魚即叫即炸，魚皮脆如紙，咬落「咔嚓」聲！魚肉保留原鮮，蘸少少檸汁或七味粉，送酒簡直無得輸。
繼續閱讀
大坑真係好容易揾到好野食😋今次同老公嚟到大坑一間隱世嘅日式小店老闆娘好熱情健談，不停介紹店內特色小食比我哋真係店如其名「鄰居」，入到去真係有街坊鄰里嘅feel😊下次要試埋另一個誠意推介先😋@taihang_neighbour🍱雞皮餃子👉🏻超級邪惡👉🏻外脆內嫩，一口爆汁🍱自家制特級醬油湯烏冬（老闆娘誠意推介）👉🏻自家製嘅醬油湯底好鮮甜👉🏻烏冬麵條口感滑順，彈性十足👉🏻再配上大大塊嘅叉燒同糖心蛋👉🏻cp值高🍱日式蒲燒鰻魚丼👉🏻表面微焦👉🏻白飯粒粒分明，每粒飯都索滿鰻魚燒汁，簡直絕配🥤白桃烏龍👉🏻好清香嘅白桃味👉🏻烏龍茶嘅味道唔會蓋過白桃嘅味道👉🏻清甜解膩一流🥤濃香黑芝麻椰奶（大推）👉🏻意想不到嘅好飲👉🏻黑芝麻味道香濃，但又唔會蓋過椰奶嘅味道👉🏻甜度適中📍 大坑鄰居 大坑新村街5號地下A號舖#探店 #大坑美食 #大坑 #日式 #日式小店#假日悠閑 #拍拖好去處 #chill #香港媽媽 #blogger #吃喝玩樂 #foodie
繼續閱讀
大坑鄰居｜大坑｜平日午餐｜app 4.8分真·隱世日式小店🪭今天來到大坑新發現的隱世日式小店——大坑鄰居（TaiHang Neighbour），店內環境簡約舒適，主打多款特色拉麵和日式烏冬，驚喜地超美味，價格親民，適合午後輕鬆聚餐。📝 所點菜式豆腐沙律🥗，素食控之最，清爽健康，配搭恰到好處。四款特色拉麵🍜之「真紅」，香辣豚骨湯底，辣味濃郁，豚骨香氣十足，讓人回味無窮。板善豬扒稻庭冷烏冬 🐖，配上秘方鰹魚汁好味，烏冬彈牙，豬扒香脆，夏日必試。抹茶香蕉椰奶🍵🍌🥛，特別的特飲，甜而不膩，完美為餐點作結。🌟 整體評價、消費人均和建議
特色拉麵堂食最好味，湯底濃郁，重想試「綠丘」和「黑熊」。食材新鮮，服務親切，平民價格，人均約HK$80至120，CP值高。💳 人均約HK$80至120推薦給喜歡日式拉麵和烏冬的朋友，隱藏在大坑的美味小店，值得一試！📍 大坑鄰居 TaiHang Neighbour @taihang_neighbour
地址：大坑新村街5號地下A號舖
交通：港鐵天后站A出口或B出口步行約10分鐘✨ 大坑鄰居 招牌菜 🪭🍜
豆腐沙律、和風牛丼、板善豬扒稻庭冷烏冬、日式烏冬系列的鰹魚汁、四款特色拉麵：綠丘（香草豚骨湯底）、真紅（香辣豚骨湯底）、自家製醬油烏冬（新Menu）#大坑鄰居 #TaiHangNeighbour#大坑美食 #香港拉麵 #香港隱世拉麵店 #香港日式料理 #香港平民價
繼續閱讀