大圍小館 (已結業)

之前在元朗行街經過夀富街這個翻新商場已經發現這家名叫大圍小館的中菜餐廳, 這店裝修精緻, 天花及牆身都以木作為裝飾, 大紅色燈十分搶眼,給人古色古香的感覺, 而且座位寬敞舒適。後來上網看一下原來是2022米芝蓮推介中餐館, 已經決定找天過來試一下。我們接近中午12點去到仍有十多人在門口輪候入座,看來慕名而來的客人著實不少。九六叉燒酥, 店家標榜有96層的酥皮製成, 果然是酥脆鬆化, 裡面的叉燒餡料肥瘦適中, 叉燒醬亦好香好惹味。三式腸粉,一次過試到三種不同口味的腸粉, 包括鮮蝦腸, 牛肉腸及豬膶腸各一條, 鮮蝦腸一條包含三隻大大隻鮮蝦, 爽口彈牙, 豬膶腸內豬膶的分量十分多, 而且蒸得恰到好處唔會過熟, 牛肉腸亦算是不過不失,有一定水準。古早味牛骨髓, 一款特別啲懷舊點心, 很久沒試過, 除了牛骨髓之外,亦附上鵪鶉蛋一隻, 配上特濃沙爹醬一起蒸, 牛骨髓十分嫩滑和入味。花菇金腿鮮肉燒賣, 燒賣夠曬大粒, 在上面鋪上原隻花菇及金華火腿肉, 外表十分吸睛, 燒賣肉質也非常爽口彈牙肥瘦適中。流心煎糯米雞, 一款超級適合打卡的創意點心, 將糯米雞外表炸到香脆至有少少飯焦, 上面再放一隻流心蛋黃

最近試了一家米芝連推介的餐廳「大圍小館」，之前佢係大圍時已經想試好耐，不過好遠一直懶得去試，而家開左黎元朗即刻同屋企人去一試！內裡環境唔算好大，不過坐位空間好闊落，唔會好擠迫聽聞佢地有好多失傳功夫菜可以食到，但始終第一次去食唔敢太冒險，所以叫左D基本野黎試下先！職員介紹我地飲呢款茶叫做鳳凰單欉，飲落有水果香，好清新茶味，唔會好苦果種，係一款好易入口甘香嘅茶！首先上左一壺湯【日月魚淮杞元肉雞湯】 HK$208超大壺，足夠有7-8碗份量咁多，一D都唔少！飲落個湯超鮮味，好重元貝類海鮮味，仲有鮮雞甜味，真係好足料好好飲！湯同湯渣仲會分開上，保證成煲都係湯水勁足料！裡面有好多日月魚，即係深海貝類，我係大澳見過好貴架，呢煲湯裡面落左勁多，真心好抵飲！而且食落D日月魚好鮮味！好似食緊磯燒元貝咁，好好食！之後上左我地點嘅當店招牌菜【勾魂叉燒】HK$188/5件睇價錢+睇食評時，我心諗：188得果5粒仔叉燒，好貴唧！點知原來黎到實物果「5粒」叉燒原來件年都成個拳頭咁大！職員會係叉燒上面塗上鳳梨醬，加強佢嘅香甜味道，好清新呀！之後仲會用火槍燒一燒表面，令佢收乾水份，令到鳳梨味更濃郁！最後會沾上底下的脆米

之前喺大圍食過呢間野， 留下了深刻印象， 見今次佢元朗又有開 又咁岩又黎開元朗， 所以同朋友決定來再食！呢間商場返新了， 無咩店開， 但呢間茶樓就幾旺！1️⃣第一叉（五件）我食過最好食的叉燒！之前喺沙田見到有啲阿叔就咁叫叉燒加白飯食一餐，我覺得好奇怪，所以今次試吓叫叉燒睇吓有咩特別，果然10分10分10分驚喜！呢個第一叉真係的食過最好食既叉燒！ 黃金肥瘦比列， 豬梅肉好靚， 烹調得好琳， 簡直接近入口即溶～ 平時食完叉燒要撩牙， 今次係唔洗啊～ 因為好滑～好冧2️⃣韭黃鮮蝦腸正常 3️⃣香煎韭菜粿上菜嘅時候熱騰騰，外面煎得好鬆脆， 我覺得正常， 覺得口感幾好 幾多層次。 但朋友大讚好食， 指佢既菜青味不重， 即使不喜歡食韭菜的人也會很容易接受～ 4️⃣花菇金腿鮮肉燒賣（4粒）賣相很吸引，而且相當足料。 佢既配菜同燒賣肉都好夾～ 令本身好食既燒賣肉上錦上添花～ps 個香菇係幾香🆒5️⃣眼涙奶皇包開頭上菜已經俾佢嘅賣相吸引，我同朋友研究咗好耐咩叫「炮嘴」😂 是在提醒食客奶皇包入邊很熱嗎？😅 好得意😎 我朋友說佢個奶皇包嘅cream 好有誠意有足料～ 流沙得來仲要味道好真， 因為佢食過出面餐廳有d 奶黃包味道好

好少可晨早流流落元朗，見啱時間就去咗大圍小館排隊等開門，大概10:15去到，門口有4-5組人等緊，店員大概10:25出嚟派飛，基本上開門前嚟到，頭輪係輕鬆入座～似乎大圍小館嘅點心menu係會轉款，見到網上有1月食評嘅點心紙同我今次嘅點心款式係唔一樣，而且茶錢由$18加到$20，fyi我一年前食大圍店係$15，真係物價飛漲！今次叫咗6樣嘢：•老娘拆肉泥鯭粥$78•三色腸$48 （蝦腸、牛腸、豬膶腸各一條）•眼淚奶黃包$40•鮮筍蝦餃$48•手打墨魚燒賣$44•鮮蝦腐皮卷$44基本上我只食過蝦餃，其他5款都未試過，我覺得最驚喜係鮮蝦腐皮卷，炸得又香又多汁，好好食唔熱氣，最緊要冇落荽！食得超開心😃相反牛腸啲荽多到好似唔使錢咁（雖然人地都寫明香荽牛肉腸🤪），中意荽味必叫🤣下次都係叫返淨蝦腸或甜梅菜叉燒腸，腸粉皮真係冇得輸！豬膶腸略嫌味道寡咗少少。奶黃包唔記得影相🤣因為啲點心一次過黎晒咁滯，我哋就趕住趁熱食🙈食得出奶黃包係舊時嘅味道🥹係未出現流沙包年代嘅做法，依家係香港真係買少見少，不過$20個包一啲都唔平呢！泥鯭粥實在係酒樓好罕見，拆肉真係極其麻煩嘅事，所以賣到$78一碗都好明白，配埋蔥花&冬

同屋企人經過見到😯大圍小館開左入黎元朗好驚喜呢~ 仲要咁大間 座位好舒適 由於屋企人都係喜歡食中式見到即刻話要入去食😂.🔸勾魂叉(只限晚市) $188(5件)店員話呢個叉燒來頭唔簡單晚市先有得即刻燒面層 仲搽上新鮮菠蘿醬令到面層就好似有層糖衣咁🫰🏻新鮮菠蘿酸酸甜甜既味道令到叉燒完全唔會油膩仲一定要沾埋小米食 店員話會越食越有米架😂大大件油脂分布勁平均 好惹味同d小米脆脆地都好夾. 🔸糖醋豆腐粒 $68感覺係用左好貴既黑醋做🤔佢個隻味係濃得黎又唔會拿喉豆腐粒既外脆內滑 啖啖都好滿足而且一口size 送飯真係一流!.🔸鹹香三鮮牛骨髓煲 $238好少可有成煲牛骨髓食😯本身牛骨髓係有豐富既骨膠原 即刻食唔停口😂口感好似硬豆腐 但由於佢本身係冇咩味道用左鹹香呢個煮法 真係增色不少.🔸香濃腐乳炒蝦球伴西蘭花 $188用左廖孖記腐乳炒既蝦球粒粒都好入味 腐乳仲好似牛乳咁滑身.🔸薑米蒜香籠仔蒸蟹飯 $368痴線重頭戲原隻蒸肉蟹飯 蟹超多膏 啖啖肉而且勁新鮮 店員會幫你拎隻蟹出黎可以拎返入廚房砍開🦀勁細心 如果砍左先蒸怕有殼碎✨隻蟹鮮甜 薑米飯都煮得好入味.仲會送飯後糖水 絕對唔係紅豆沙咁hea🫰🏻係足

朋友推薦嘅米芝蓮小館，一直都好想去試，最近係元朗開咗分店，餐廳唔俾搭檯，所以坐得好舒服，亦可以慢慢歎。必食沙翁，超想蛋味🥚，入口即化，而且勁大份，炸製過程需要一小時，限量供應，想吃一定要早啦！韭黃鮮蝦腸🦐，腸粉皮薄而煙韌，大大隻爽口蝦仁。香煎韭菜粿，可以做到爆汁，勁想韭菜味，推薦。龍蝦汁百花釀魚肚🦞，真材實料用咗魚肚，吸曬d龍蝦汁，好好味！麻蓉包濃郁芝麻香，最啱鐘意吃包嘅我，童年的味道。流心煎糯米雞，煎過嘅糯米雞上加上流心蛋黃，雙重口感，好特別。第一叉係必食推介，經理同我哋介紹梅頭肉係來自四川，唔會用任何醃料，絕對係原味道，雖然每一件都大大件，但一點都唔鞋，保留到肉汁嫩滑。環境、服務同食物質數都好滿意！😋👍

呢間好出名嘅大圍小館總店係大圍，但係如果要食就要好早之前book枱👉🏻👈🏻 最近佢終於開咗分店喺元朗，相對容易啲book位。今次多得朋友幫手book，我就可以黐餐試吓呢間咁出名嘅米芝蓮食店😋我哋當晚7:40pm左右已經到咗餐廳門口，點知原來佢哋定咗8:15pm統一安排第二輪嘅客人一次過進場，所以我哋就喺門口嘅木凳坐低左，一路睇餐牌一路等⏳ 最搞笑係我哋一行四人，店員竟然安排我哋坐大圓枱😅 (唔知係咪因為預先book枱嘅關係?!)但我哋的確坐得非常舒適👍🏻晚市茶芥 ($28/人)我哋叫咗一壺炭焙觀音，我哋個個都對呢一壺鐵觀音讚不絕口🥳🥳🥳！茶嘅顏色比一般鐵觀音更啡，顏色上有少少似沖淡咗嘅普洱。飲完之後會有一種回甘嘅感覺喺口腔入邊徘徊，真係好飲到停唔到口🤤 真係一分錢一分貨🫢鮮山葵海蜇頭 ($98)大推呢個海蜇頭，真係好好食！！！🤩🤩🤩 其他餐廳嘅海蜇係條狀，而呢度嘅海蜇係呈塊狀。海蜇嘅面積大啲，咬落就爽口啲😋 而且佢調味調得好好，麻油嘅香味好出，但又唔覺得佢油立立，食完想係想再叫多一碟！沙薑豬手仔 ($68)呢一個冷盤外表唔出眾🫢，不過味道又唔錯。本身以為用咗沙薑之後會好大陣薑味，但呢一

聽講呢間好好食，抱有好大期待過嚟試。點心菜式係幾特別，好多新穎點心，服務態度好好。1. 奶皇包⭐️個包好厚實，餡料冇錯係有好多，但一啲都唔香，完全冇奶黃味😥仲要價錢又貴得個大個，好唔抵食。2.千層糕⭐️佢係好鹹蛋黃+奶黃整既千層糕，都係個句啦，冇奶皇味，鹹蛋黃好足，食到好濟3.鮮蝦腐皮卷⭐️⭐️⭐️⭐️啲蝦有驚喜，好重蝦味已且好足料！但個皮可以再香脆啲4.墨魚燒賣⭐️唔香，一啲味都冇5.沙翁⭐️⭐️⭐️⭐️成塊面咁大舊😂值得一試，內裏偏實，不過個人感覺有少少油同甜得濟6.蝦餃⭐️⭐️⭐️⭐️⭐️必食推薦！好香蝦味好足料，皮薄而且煙銀！7.沙嗲豬大腸⭐️⭐️⭐️⭐️⭐️必食推廣！豬大腸好滑好香8. 煎韭菜餅⭐️⭐️⭐️⭐️⭐️好香韭菜味，口感一流，要試！

這家榮獲米芝蓮必比登推介的”大圍”小館在元朗開分店了！聽說他們家必試的 #第一叉 是用麥芽糖烤製的，而且用上貴價梅頭豬肉，最後厚切，實在是太邪惡了！同行友人說這道菜必須配白米飯，可以吃上好兩碗完全沒問題他們的點心款式很多，我們兩個人吃不了多少，就精選了幾道(其實是自己想吃的)點心：#古早味牛骨髓 牛骨髓是平常只能在撈面小攤或是火鍋店看到的菜品，而且也沒什麼味道，他們家的這道菜做得不錯，很入味。#眼淚奶皇包 就很正常的流沙奶皇包，要說有什麼特別，就是上面印的字吧(網上看到他之前印的是嘴炮)#鮮山葵海蜇頭 爽爽脆脆的，唯一的缺點是份量比較少，畢竟是前菜類別，鮮山葵味道清新#灌湯餃 真正是會灌湯的灌湯餃，很多茶樓都已經是”浸湯餃”了，好吃

><想試好耐 竟然會喺元朗開咗分店平日朝早10點左右嚟排隊拎飛全場加埋十幾張枱且唔洗搭枱所以Miss咗就要等下一輪店員友善親切 不時同客人有交流第一叉($158)慕名而來嘅餐館名物—燶邊厚切叉燒 用上半肥瘦梅頭肉 燒製過後肉仍軟腍肉味香濃帶焦脂香跟麥芽糖嘅甜意大口大口地食 每啖都令人回味古早味牛骨髓($48)牛骨髓較難煮到入味 以特濃沙嗲醬去蒸食落軟嫩滑順 質感幾得意 好少地方食到香煎韭菜粿($33)個人都幾鐘意食韭菜 餘韻很強烈粉皮煙韌軟熟 煎到香香地餡料很飽滿 厚實足料糖醋虎皮椒($48)用意大利香醋去泡製醋味香醇較溫和 很易入口可以喚醒一下味蕾眼淚奶皇包($40)雖然要趁熱食 但要小心澎湃嘅奶皇餡一撕開就會體驗到咇汁爆漿效果滿是黃澄澄嘅流心奶皇 綿密creamy流心煎糯米雞($44)第一次食煎米雞 糯米雞外層帶點脆身入面糯米煙韌軟糯 冬菇蝦米香口上碟時拮穿蛋黃 增添風味茗茶($20/位)店員推薦單欉  濃淡適中味道醇厚回甘甜 唔錯唔錯><><><><><><>&

好耐之前已經聽過大圍小館嘅菜式相當驚艷餐廳更於2022年獲米芝蓮推介最近在元朗開設分店餐廳早上可以飲茶🫖食點心而晚市則以小菜為主勾魂叉🐖五件超厚嘅叉燒一上枱賣相已經好靚上枱嘅時候店員會塗上新鮮菠蘿醬🍍再用火炙🔥燒帶出香味叉燒肥瘦均勻入口超鬆化味道香甜夠哂入味而叉燒下面仲鋪滿咗好多脆米可以增添口感店員仲好識搞氣氛話會越食越有米🤣密密兜🐷大量豬肉碎連同蔥花及豬油炒到好香好惹味再配上大大塊蝦片一齊食蝦片充滿香濃蝦味配上鹹香嘅豬肉碎味道好夾而蝦片夠厚又夠脆口感相當不錯大良炒鮮奶🥛鮮奶炒到好滑震騰騰入面仲有大量蝦仁🦐同魚塊🐟帶有淡淡鮮奶香味之餘仲有海鮮鮮甜味係一道相當特別又考師傅功架嘅菜式瑤柱蝦干節瓜粉絲煲🍲粉絲煲用料上乘瑤柱粒好香好大粒蝦干大隻飽滿而砂煲嘅保溫能力好高能夠長時間保持熱辣辣嘅溫度最後餐廳仲會有糖水送當晚糖水為紅棗桂圓燉桃膠用上大量紅棗桂圓和桃膠相當滋補為整頓晚餐畫上完美句號總結整個用餐體驗都好好🍽員工服務細心周到更為我們用心介紹每道菜式看得出他們的熱誠而食物質素亦甚高無論火候處理同味道都拿捏得剛剛好不愧係米芝蓮推介餐廳

終於元朗有分店，新開無耐已經咁多人等位，名牌即係名牌👍🏻裝修簡潔舒服，空間感夠，有啲古色古香，好鍾意呢種設計，唔花巧又精緻，坐得舒服😌呢個招牌冰花蛋球（沙翁），師傅每日一早製作，搓足一個鐘，好多地方已經失傳，而且限量供應，真係手快有手慢無，外脆内軟，外面鋪滿砂糖，蛋香綿滑，又有咬口，找回童年時嘅回憶🥰另一必食招牌菜流心煎糯米雞，蛋汁滲入煎香嘅糯米雞入面，呢種食法真係好滋味，與別不同，估唔到煎一煎之後嘅感覺竟然可以提升咁多，又係外脆內軟，糯米夠香而且煙煙韌韌，又夠飽肚👍🏻灌湯餃🥟，矜貴又足料，小心翼翼放入碗內，高湯慢慢滲出，濃香撲鼻，選用北海道瑤柱、北海道刺身級帶子、天自花菇、海白蝦及金華火腿，店員話燉足十幾個鐘，真心好正，與別不同👍🏻特大蝦餃，選用海白蝦及鮮笋，正式皮薄餡靚，要趁熱食，燒賣全部用新鮮豬肉，肥肉唔多，入口甘香富肉味，我就超級喜歡🤗眼淚奶皇飽，個名好搞笑，唔係代表佢會流眼淚，店員話食嘅時候小心焫親咀仔，我初時都覺得有冇咁誇張，點知真係一咬開就咇晒出嚟，好香好滑，真係連手指都啜埋🤣千層糕好香蛋黃味，但食落去又唔會覺得好漏，可能因為比例做得好，令人感覺好正好滿足👍🏻佢哋點心當然

同屋企人食團年飯，咁啱留意到大圍小館喺元朗開分店，即刻book位！💛 佢嘅安排有啲特別，晚市分上下兩場，分別18:00同20:15，兩場中間會完全清場，再執好晒枱先一次過同一時間入人，但咁全場會同一時間開茶、點菜同出菜，感覺人手根本應付唔到🙊 不過我哋團年飯都係為咗開心聚下，坐住傾住計等都ok嘅～同埋最後經理都有過嚟講，因為分店開業無耐，可能會安排不周，感覺都幾有交帶👍🏻整體嚟講啲嘢食都唔錯，家中長輩都覺得好啱食，價錢就略貴，不過因為我哋一枱13大2小，埋單4000幾蚊嚟講，都好過去傳統酒樓叫2個細嘅套餐抵食同好食好多！😋 同埋最後仲送一人一碗腐竹白果糖水，好清甜幾好食～•🥢 勾魂叉 $188 (5件)叫咗3份，上枱時侍應會搽返啲鳳梨醬喺叉燒表面，然後即場再用火槍燒一燒，令到叉燒有少少燶邊，焦香味更加出🤤呢到嘅叉燒係用靚梅頭肉整，每件都超厚切，一件嘅份量已經多過茶餐廳食一碗叉燒通粉啲叉燒🤣 食落啖啖肉，但肉質鬆化、唔痴牙，油香味重得嚟食落又落會覺得好肥膩👍🏼 不過真係一人一件就夠晒😛•🥢 大圍小豬 $598 (半隻)因為想試多啲唔同嘅餸，所以就淨係叫咗半隻乳豬，份量就每人一件有多～豬

📍大圍小館 / 大圍 / 元朗✧*假日去飲茶🍵擺盤裝潢盡顯心思( ´ ▽ ` )係走fancy路線嘅茶樓呢～ 無論係店舖或食物上都睇得出店家嘅心機!!之前食過一次夜晚 菜式上更是浮誇 今次中午嚟都很滿意 菜單上有新式同傳統點心招牌之作嘅沙翁同埋叉燒都真係值得一試嘅前者炸得好香脆又有蛋香 如果唔係凍晒就更好後者第一次我喺晚市食就覺得太厚唔夠入味好彩今次有返啲水準!! 肉質亦嫩滑好多haha其餘點心都唔錯唔錯 係食完會滿足的感覺唯一挑剔係燒賣口感太粉 食落成舊肉膠嘅感覺只能夠話唔係我嘅口味咯 哈哈哈*價錢上亦俾想像中平 人均150係食到飽飽啦～但假日嚟嘅話 預朝早10點攞飛 12點先食得🥹冇朋友住附近幫手攞飛嘅 都係book咗先嚟啦回頭指數😼4/5（要有排一小時以上嘅準備٩( ᐛ )و

與好友共聚，特意預訂了位於元朗的大圍小館，因為好友說很想吃叉燒。到達餐館外，發現原來座位不算太多，大約只有約十圍左右，空間很大，十分舒適。大良炒鮮奶啲鮮奶無炒到好散，仲好挺身，底下還放了些蝦，口感爽滑。鼓油皇鮮鵝腸本身我是不吃任何內臟，不過好友說很美味，必試系列咁話，食落口確實相當美味，沒有任何騷味，配搭埋啲菇炒埋一齊，直頭想再叫多一碟添。勾魂叉侍應送上枱時，特別帶上一枝火槍，塗滿醬料後，就再用火燒一燒表面，而下面仲有好多粒粒米通，口感有趣，肉質也相當鮮美。贊呀!意大利黑醋肉排食落口好軟好入味，肥瘦兼備，真係想食多幾塊。砂煲蝦頭膏炒飯啲飯炒到粒粒分明，每位都好平均咁沾上蝦頭膏，好好味，又唔會太咸。牛肝菌鮮淮山粟子豆腐煲食左咁多肉同內臟，當然要點番個好健康的淮山粟子煲黎清一清腸胃啦。不過比起之前幾道菜，這款其實沒有什麼特別，不過不失咁啦。最後仲送埋碗糖水，食到飽飽這間餐館真的不錯，很適合一班朋友聚會，而且價錢合理，會想再一次幫襯。