大喜屋 (已結業)

日本放題食左唔少, 大喜屋質數絕對抵食, 坊間大量日式放題, 有平有貴, 依間既午市唔算好平亦未係昂貴.突然想食就早上11點左右打去睇下有冇位, 結果full左但可以walk-in來睇下有冇位. 就落去碰碰運氣.到大喜屋一問有位... 入去食番餐先! 環境 : 位置比較窄, 可以放到既野食唔多, 坐起來唔太舒適. 時間及費用 : 星期日午市放題 (12:00~15:00) $208 + 10%食物 : 整體 : 以價錢同食物質數來比係抵食既.堅尼(一)

早有聽聞大喜屋食物質素味道都十分好，但今次試過後覺得名過於實。今次早一天已訂位，一行7人去試大喜屋。一開始大家叫了刺身、燒物，甜蝦和北寄貝不錯，新鮮味美，但三文魚卻令人失望，吃起來沒甚三文魚味。而刺身當中，最差的是希靈魚，入口強烈的腥味溢出，如果你有一個好憎恨的人，可以叫他叫大量來試。燒物全都好吃，一口牛最好吃，牛味重，肉汁多，配上一片炸蒜就無與倫比。芝士年糕也不錯，但因怕會太飽，只叫了兩隻。有朋友好奇叫了蟹粥和冷烏冬，我本身沒有期待，心想：「你班傻仔，食放題叫會包肚野食。」但竟然，它們卻令我喜出望外，可能因為沒有過期望。總括，刺身尚算新鮮味美，唯希靈魚是大伏，有勇氣人士可以一戰(真。男人可以喺女士面前表演，搏取歡心)，其實食物如燒物和壽司都合格，燒物熟食尤其出色。二百幾蚊價錢，食物質素算不錯，但因人太多和地方不大，坐得不太舒服。

大喜屋系列既餐廳，出咗名，book咗位都好，都要人等到變化石但食物同埋服務質素而言，都算值得一等嘅，哈哈呢間以整體水準嚟講食放題係正既！所以我覺得大家可以去一試極尚、大喜屋等系列😊可惜對我同我朋友嚟講就差少少了，因為我地濕疹.........唔太食得刺身海鮮果啲咁，我地會敏感 唉所以無得好似人地咁盡情食😐But！年輕人有的是犯賤心和膽量😎我地無視左照食左，仲要食左唔少😂😂結果，可想而知😗變柒頭了 哈哈我想講Haagen Dazs 呢隻口味係咪新出架？哎！好很甜好很難食，食左2啖我食唔落........榮升我食過既Haagen Dazs中最難食口味榜首（但我朋友話好好味。。。）甜點都可叫可唔叫既，實在無咩特別囉～留返個肚食主食仲好羊架好食喎！可惜真心咸左少少熟食都係偏乾偏咸燒菠蘿！！！！！！超好食！！！不停喪叫喪食呢度既天婦羅就中規中矩既，不過不失咁我鐘意食煙UN野＋芝士，所以呢個芝士年糕幾岩我食，食左3個。好咸呢（要改善下熟食過咸既問題啦）甜蝦果然～～～～好好好好好好中隻啊！！正啊！！可惜不能食太多See！！！So big ar ＞。＜海膽雖然細份，但勝在。。。。。。。鮮甜美味！！！！

暑假當然要輕鬆下，同朋友黎大喜屋食放題一黎就叫左好多刺身，三文魚同帶子刺身好厚好肥美，蝦既種類都好多，就連平時5多食蝦既我都食左好多，推介泰式虎蝦，連埋佢俾既汁一齊食超級夾，好好味。整體黎講刺身好新鮮好正除左刺身，燒物都好味，烤羊架冇“so”味，芝士年糕好大舊，甜品都有好多選擇，仲有milk top，正吖不過差中不足就係焗蠔好細，真係5留心d都搵5到

食物品種尚算多，魚生，壽司，炸物，很新鮮，味道OK.魚生好新鮮,三文魚，希靈魚，甜蝦, 帶子鮑魚等, 入口即融; 螺片也不錯 甘甜略帶肉汁;壽司一樣好評, 瀨尿蝦, 醋青魚夀司最特別，味道鮮甜;火炙海鹽左口魚邊壽司入口即溶，好好吃;小食即得推介既有牛肉粒，充滿肉汁;鹽燒鯖魚火候剛好; 焗廣島蠔好香, 蠔的鮮味仲食到;燒菠蘿清甜多汁; 芝士年糕一兩件就好,很飽肚;咖喱蟹，味道很好好有咖喱味，吃得辣的話，一定要試，加上有多士讓你點上咖喱汁來吃，很好; 上海式沙煱雲吞雞，煱內有4-5件雞件加埋津白咸火腿粉絲不錯的,天婦羅粉漿不會太厚,炸得好爽到最後有雪糕祗準一人一杯，Haagen Dazs~~ 我們一行5人叫了咖啡，士多啤梨，朱古力。還有其他味道，可惜留心朱古力沽请！今晚都算吃得開心。

是日與家人一行8人打算招待親友來到大喜屋食放題。小妹都係第一次食大喜屋，但早就聽過朋友推介哩間放題正，但因為晚市人多就揀左中午黎食!! 今餐因為等待親友到來，一點坐底，兩點先人齊，好彩中午放題係無限兩小時，一開門到三點都係任食! 算係咁啦 !環境舒服! 明顯係走高檔路線，平日人唔多! 位都好寬鬆!刺身新鮮，特別強烈推介極大海老，鮮甜到極，值回票價!而其他北寄貝同螺片都好新鮮!剌身款可能唔算太多，但每樣都足料厚切，未見有叫左唔黎的現象。一行8人邊傾邊食，天婦羅等炸物很新鮮，炸蝦的肉仲係脆，油係金黃色，小妹諗油應該係定期換所以炸物唔會太老! 熟食方面握介日本烤薯，細細塊唔飽肚但好甜不過同樣地，小妹試左烤鰻魚，小妹覺得肉就夠厚身，但調味料略嫌太甜，或者其他朋友喜濃味都會岩食。另外，創作壽司細細舊幾得意，唔會「濟」之餘可以試多樣野，小妹欣賞蝦類，夠新鮮。而芝士焗蠔係大喜屋的賣點，其他放題店應該無，焗蠔還可以。食完每人得到一杯「季節限定」雪糕，小妹食左哈根達斯，親友食左milk top !

成日都見到the one附近間極上大喜屋好多人排去食放題,一直都諗是不是真的好味到這地步？但一直都冇機會食。點知有天男人問我想食咩...左諗右諗都係想食日本野，但 又吾知食邊間好，又見到極上大喜屋..但因為佢個價錢貴少少又要排，因而男人話不如食大喜屋。而我又未食過就去試試。時間有分時段，因為我地入去時間已經開始，最後入座為2030﹣2200（食一個半鐘左右）＄218。入到去待應氣氛好高漲，好熱情。而坐的位置 比較迫，有個少許肥的女仕想入黎坐都差點將我桌上東西整到。食品同飲品任食任飲，款式和其他店舖差不多。所以影左大部份我們2人分量的東西，當然 其實吾大食的我們，最後是吃不完而2200離開。飲品都有不同選擇，基本綠茶，橙汁，果汁都有，還有啤酒選擇。溫泉蛋比較少放題有而味道都濃。蟹子沙律吾太多醬而材料多好味。柚子沙律醬汁太少冇 咩味道。壽司吾太舊食落舒服，但魚偏乾身，醋味不多。只屬一般。刺身新鮮好味，特別是大蝦，多肉又吾梅，三文魚一般，泰汁蝦醬汁好味，最後我地叫了2次吃不完（推介）。海南椰子雞鍋驚喜好味，真係湯同菜都有椰 子味，雞肉吾硬（推介）。凍烏冬太多粒粒（少返點會更好），烏冬口感夠，

朋友訂左8點9既位  因為佢系每兩個鍾清場一次, 6點9一次,8點9又一次甘甘朋友就醒目啦,哈哈,好彩有打電話姐~~ 因為呢一日系平日,但都好多人啊!哈哈甘食放題都食開呢幾樣野啦,第一激,緊系刺身啦 本人最愛吃刺身 哈哈一定 一定要讚!!! 刺身系好新鮮! 三文魚系入口即溶,其他刺身都系好鮮甜,同咪佢來野食既速度都好快,呢個一定要讚跟住就食壽司啦~~~~食好多都吾會覺得飽,因為實在太好味,哈哈真心,好新鮮跟住就叫左呢D啦~~~~~都好味炸物都可以呢個牛柳粒都香口,味道有十分濃的汁最後...食飽飽緊系食下甜品...嘩...好多好多甜品俾你簡真系好多選擇! 甜品仲要好味喔!哈哈 呢個真心推仲俾大家

自從兩年前食過就無再食,前排同左女朋友食呢間放題。水準果然係到,仲好似好食左。首先一坐低梗係叫D刺身食下,三文魚刺身例牌夠肥美,食落新鮮。仲要一讚既係甜蝦,食落去即刻有鮮甜既味,就算唔點豉油都好好食!再講就係佢地既芝麻雞翼,新鮮即整既雞翼,加埋芝麻即刻好香,食落去夠晒熱又有肉汁,仲有少少甜甜地。同埋不得不食就食燒菠蘿,佢地燒得KEEP到菠蘿既味之餘成件菠蘿仲會甜左,同多左份香味!夠晒好食!

對經常食放題的我而言,大喜屋是超有名氣的放題店但無奈常約我食放題的朋友只接受到$200樓下的放題我只可一直一直昐望著別的朋友的邀請....然後,我見識的機會終於有了!有同事提出聚會食大喜屋!當然我欣然答應!!!!!!bokk了6點第1場,入座前門口已經有侍應1個排1個的跟你打招呼很誇張刺身選擇款式比較多,例如蝦就有甜蝦,極大赤蝦跟泰式虎蝦(還配泰式醬料)赤蝦真的大大隻!!又新鮮但虎蝦就不夠凍,但超配泰式醬料!!三文魚脂肪分布都很均勻,厚薄剛好顏色很鮮!壽司款式又多,而且每件都很精緻蟹籽軍艦的蟹籽量又多又大粒下單後食物都很快到...燒雞翼都不錯,每隻雞翼會分為2件,食落比較方便燒菠蘿很清甜多汁焗廣島蠔-千島醬太多,相反蠔極細隻這放題有點特別的是,侍應會突然逐張枱問今個月有沒有人生日剛好有位同事是6月生日,就送了我們1樽凍清酒剛剛好7個人平分1小杯甜品有張指定每人1款就選了milk top雪糕細細杯好快食完...其他可以任點的甜品....賣相可以接受,但除了法式燉蛋可以試試,其他都很難食還有水果有西瓜很清甜除了對甜品的期望不多,其他都可算是值得試試餐廳侍應生服務有好也有壞...當然態度好的

D三文魚刺身幾正，厚身，但五月生日附送嘅海膽好伏，夾埋紫菜食都好腥但d北極大赤蝦就ok正，大得黎又好新鮮，一食落去陣鮮味就湧出黎。帶子就冇想像中咁肥厚大粒，但都幾彈牙。

日式放題喺香港越開越多，不過間間質素差唔多，不過大喜屋畀到我喜出望外嘅感覺。成間鋪頭基本上滿座，可以睇得出好受歡迎。我地首先叫嘅係一大盤刺身，全部都非常新鮮，魚類全部都切得非常厚，口感好好，而甜蝦有兩款可以選擇，有普通嘅甜蝦同特大版，兩種都非常鮮甜，唯獨係帶子冇乜特別。燒物之中最好食係羊鞍，非常入味之餘質地亦都異常地鬆軟，不過焗蠔就唔太突出，配料過多相比下蠔就太細粒。炸物嘅水準都唔錯，全部都炸到好鬆脆，吉烈蠔入面嘅蠔比起焗蠔大粒得多。總體而言，250蚊左右嘅價錢，食到咁多高質素嘅野食，非常之唔錯！

今日同朋友慶生，之前食過極尚大喜屋，今次就食呢間放題放題魚生款式多，蝦刺身比極尚多選擇，多左泰式虎蝦同極大赤蝦，不嬲蝦刺身我都不太好，但今次食過呢間嘅蝦刺身，就喜愛了，尤其係極大赤蝦！值得推介！大隻之餘，味道鮮甜😍😍👍👍👍，食完，口中仍然有果種甜味泰式虎蝦都唔錯，但鮮甜程度不及極大赤蝦個焗蠔就麻麻地，蠔好細隻，醬汁又勁多，相比極尚，極尚既焗帶子質素好得多，帶子大隻刺身厚切度適中，三文魚刺身魚脂分布均勻，入口鮮味，新鮮所以回香度高壽司推介牛肉，重牛肉味，燒得唔老，夠香，飯又唔會好酸，大舊，可以說係精緻，似迷你大滿足😁餐廳服務唔錯，漏單情況係無乜😌😌呢間放題真係名不虛傳，下個月再食

友人生日去了大喜屋食放題，大喜屋放題的，於是我們一入座便不假思索點多許多刺身。三文魚厚切 切得很均勻，一嚐更是入口即融，十分鮮甜，沾了些鼓油更為滋味！螺片也不錯 甘甜略帶肉汁 很有口感 令人食指大動另外 這裡的小食值得推薦的有 牛肉粒，充滿肉汁和質感 還有燒菠蘿，燒的恰到好處，酸中帶甜 冷面很彈牙配上燒汁更令人開胃總括而言 這餐放題實在是抵食又豐富！

難得今日放假，出左去尖沙咀行街，再同幾個朋友食放題。尖沙咀有很多放題選擇，大喜屋聽聞不錯，於是去左試下。我地先叫左幾款刺身，三文魚，希靈魚，甜蝦等，三文魚的油脂分佈幾好，而且三文魚刺身每件都夠厚，食落幾有口感。另外果幾款刺身食落新鮮，沒有雪味，食落香甜而且賣相一流，刺身盤上還帶有精美的裝飾。另外我地仲叫了鹽燒鯖魚，鹽燒鯖魚味道不錯，而且燒的時候，火候控制得很好，醃的時候，調味品放既分量適中，因此鯖魚的鮮味不會被蓋過。做得不錯的還有焗廣島蠔，味道不錯，聞落幾香, 蠔的鮮味仍然keep 到。另外，我地仲叫左一客燒菠蘿，食落清甜多汁。總括而言，大喜屋性價比高，服務有質素，放題整體水平高。值得再去品嚐。