大吃大喝 (威靈頓街)

營業中

休息中

平時食開油麻地嘅大吃大喝，近排得知喺中環都開左分店，lunch都可以食到性價比高嘅野食，好感動😚✨香濃沙嗲牛肉滑蛋三文治 - 花生味同沙嗲味都好濃，如果配撈麵食都應該幾正😂我地叫左烘底更香口😸✨火腿拉絲芝士蛋餅 - 係士林台式香酥蛋餅，芝士超拉芝，層次同口感都一流😋✨椒鹽炸燒賣 - 炸到外脆而裡面軟綿綿，椒鹽調得好香口惹味🤤✨香芋地瓜球 - 跟餐小食有4粒地瓜球，圓滾滾咁好吸睛，口感煙韌，裡面包住軟心芋泥，會食到停唔到口！✨香脆炸薯條 - 跟餐仲可以揀跟薯條，粗薯條炸得幾挺身脆口，面頭灑左d鹽同黑椒吊味👍✨熱意式泡沫咖啡 - 咖啡味幾甘香，唔會澀，幾順滑☕✨熱手沖奶茶 - 手沖奶茶都算係佢招牌，茶底夠香濃~

油麻地名物開到中環啦😍之前已經試過佢哋嘅芫茜餐肉蛋治非常出色😎今次就食西西里芝士鮮茄豚肉鐵板三文治（$43）！蕃茄味滿瀉，配上新鮮生菜同超滑嘅炒蛋，口感好豐富🤓另外仲有超推介嘅麻糬芋泥治💜呢個絕對係必須推介，麻糬係偏軟身，食落唔會好膩🥰仲有超足料嘅台式脆皮蛋餅，我最鍾意就係加芝士同埋黑椒蘑菇🙌🏼仲有好多好多粟米！脆皮嘅蛋餅真係無敵，食落又唔會太油，食完一整個已經足夠成個午餐嘅份量😂

之前聽朋友推介過呢間三文治外賣店，最近中環岩岩開咗分店，作為麵包控嘅我😂即刻跑去買黎當晚飯食。主打爆餡厚切三文治，份量大大份，即叫即整。而且包裝特別精美用透明盒裝好，可以好清晰睇到邊款三文治口味，仲有多款台式食物及飲品。表弟三文治 $36火腿芝士滑蛋配上香酥肉鬆，超厚身大大份，麵包好鬆軟，加上肉鬆味道香口。招牌勁芫荽餐肉滑蛋三文治 $37滑蛋炒芫荽味道清新，超厚身滑蛋，餐肉係厚切煎得焦香，入口好香脆。香蔥芝士鹹牛肉滑蛋三文治 $36鹹牛肉配上香滑滑蛋，鹹香味十足，加上半融化嘅芝士，超好味😋特色樽仔奶茶 （跟餐+$12）奶茶口感順滑，茶底濃厚，甜度啱啱好～

小店門面不是很大，以外賣為主，不過店內也有少量座位供應的😄店舖主打人氣新品及即製厚切三文治，而且種類繁多😋元氣三文治，廚師推介👍入邊有薯餅、培根、蘑菇、滑蛋、生菜、蕃茄、千島醬，配料特別多，口感非常豐富，感覺清新，有層次感👍招牌勁芫荽餐肉滑蛋三文治🥪好特別，喜歡芫荽的朋友一定要試，勁香，餐肉勁厚，有驚喜😋香蔥芝士鹹牛肉滑蛋三文治🥪蛋炒得超滑，加埋鹹牛肉同半溶芝士，味道好夾，口感豐富😋

這店都是以即製厚切三文治而聞名的，以往在油麻地一帶店的名字已響噹噹，現在終於開到中環了，實在是打公仔的一大福音！表弟三文治的餡料是經典火腿芝士滑蛋加大量的香酥肉鬆，餡料都是滿滿有厚度，半溶的芝士加上滑蛋超夾，再加上酥脆的肉鬆及火腿，口感十分豐富！Double濃厚松露蘑菇滑蛋治也是我超愛，松露迷大愛，松露蛋黃醬加上黑松露蘑菇，配上鬆軟的麵包及滑蛋，吃素的也能高享受！樽仔檸檬茶及奶茶的茶味都非常濃香，甜度剛好，買三文治加錢換購更是十分抵買，性價比很高！

油麻地勁出名嘅三文治外賣店，竟然係中環開分店，勁開心！今日lunch 來試吓，仲發現店内有少少位可以坐😊 三文治又平又多料，中環打工仔福音👍🏻牛油果碎蛋三文治$32佢每款三文治都勁爆多料！牛油果配碎蛋好好味，有好濃的黑椒味但又唔會好辣～～幾好～～牛油果又fresh 香蔥芝士鹹牛肉滑蛋三文治$36又係爆多料！芝士🧀味道香濃，鹹牛肉唔會太鹹岩岩好，配埋滑蛋香蔥，口感豐富！厚切餐肉滑蛋三文治$32餐肉好厚切，好似一次過食幾塊咁！滑蛋唔老配，煎香左既厚餐肉好夾！三十幾咁大份多料性價比高～加$18有小食同飲品幾抵食我叫左地瓜球同手沖奶茶地瓜球好脆，入面有紫色芋泥😋手沖奶茶都唔錯，中意佢唔太甜！🍱餐廳：大吃大喝 (中環)🏫地址: 📌中環威靈頓街85-89號群英商業大廈地下A2號舖