大叔拉麵

營業中

休息中

大叔拉麵試過第一次之後就心思思成日都想食 終於有機會再黎食必點要叫雞白湯今次叫左特濃雞白湯拉麵再加左小食唐揚魷魚先講個拉麵個雞白湯口感濃厚 湯既味道濃而不咸每次都會飲哂佢個湯加埋佢有叉燒，正常既肥豚肉同重中之中 慢煮雞胸 簡直顛覆對雞胸既味覺一塊薄薄既雞胸 煮到淋得黎又夠juicy雞胸入面既雞味又唔會俾個湯遮蓋 食過令人念念不忘😍😍必定要食🤤🤤😋 至於佢個魷魚🦑 就可以唔洗試 冇咩特別之餘 佢個炸粉同魷魚係分離魷魚都唔香 所以試過就夠 唔會再叫下次都係食番拉麵就好滿足😊

之前經過覺得好似幾吸引、今日經過終於可以一試。食完只可以話失望，唔會再有下一次特盛和牛骨湯拉麵 ： 淡而無味，貴而不值，除左叉燒好食，其他野全部勁淡，湯底冇牛味，麵質都係麻麻地日式唐揚魷魚：唔脆，林嘅，似翻炸唔知啲好評到底係點黎？

今次去左試尼間大叔拉麵。一入到去個環境已經幾令我眼前一亮！好少見到有拉麵鋪嘅裝修咁有日本風格。全店嘅裝修佈置都好有昭和年代嘅感覺。店鋪衞生都做得唔錯，整潔乾淨。今次試左佢地鋪頭推薦嘅和牛骨湯，點左一碗炙燒西班牙黑豚肉和牛骨湯拉麵($98)，湯底偏清淡但好重牛骨香味，而拉麵都彈牙，口感唔錯，同埋都掛湯，適合配合清淡湯底。塊黑豚肉經過炙燒之後，油香十足，又唔會做到好乾。配菜嘅木耳，蔥同糖心蛋都做得不俗，蛋嘅熟度適中。今次我仲加錢跟餐，有一份大阪燒餃子同一壺茶。跟餐餃子有3隻，皮底香脆，入口充滿肉汁，餃子外嘅大阪燒汁同木魚花都好夾。總結，係一間幾有特色嘅拉麵店，我認為可以值得一試！

位於荔枝角D2 Place Two 3樓的大叔拉麵，店內外裝修充滿日本風，有啲昭和年代風格，價錢同平時出面食開的一般拉麵嘅價錢差不多，和牛骨湯同雞白湯味道也不錯，餃子煎到金黃色，幾靚仔，整體來講ok.

這家餐廳散發出蘑菇般的異味，而且非常骯髒。當我踏進這家餐廳時，我立刻被一陣陣不愉快的氣味所包圍。這種異味彷彿是從餐廳的牆壁和地板滲出來的，讓人感到極度不舒服。更糟糕的是，餐桌和椅子上都有明顯的污漬和污垢，這讓我對餐廳的衛生狀況感到擔憂。除了環境的問題，我也非常失望於餐廳工作人員的態度。他們對待客人的方式極其粗魯，毫不友善。我記得有一次，我試圖問一個關於菜單的問題，但工作人員只是冷冷地回答了我一句，完全沒有提供任何幫助或解釋。這種粗暴和不尊重的態度讓我感到非常不愉快，我認為這是完全不應該存在於一家餐廳的。除了服務態度的問題，餐廳的食物質量也讓我大失所望。我點了一碗拉麵，但它的味道遠遠不如我期望的那樣。湯底味道平淡無味，麵條也沒有彈性，配料的新鮮度也值得懷疑。我感到非常失望，因為這碗拉麵的質量遠遠不符合它的價格。更讓我感到不滿的是，餐廳拒絕讓用餐者坐在一起。這很不方便，尤其是對於有家人或朋友一起用餐的人來說。我記得有一次，我和我的朋友一起來到這家餐廳，但工作人員告訴我們必須分開坐，因為他們不能容忍用餐者坐在一起。這種不合理的規定讓我感到非常不滿，它完全沒有考慮到客人的需求和舒適度。另外，這

好耐無食拉麵！呢到日式拉麵店設計，牆上仲放滿日本動漫公仔！播住日文歌，喜歡呢到店員人好又好好笑容，食得開心🥰.🍜美國極上黑豚肉辣櫻花蝦湯拉麵 $118🍜 松葉蟹湯拉麵 $158🍻輕丼澤罐裝手工啤 $35🥟大板燒餃子 $48.超愛呢間拉麵湯底無味精，味道濃厚多湯好正😋 拉麵有咬口👍🏻松葉蟹湯拉麵有兩個蟹鉗脆卜卜，同好大塊豚肉！肉質鮮嫩，配上好多蔥同昆布超好味😋 美國極上黑豚肉辣櫻花蝦湯拉麵香辣惹味，同樣大大塊豚肉好好味，加左櫻花蝦湯底特別香，中間流心蛋好正🤤.大阪燒餃子🥟剪得好好！熱辣辣又脆口，大阪燒口味，仲有好多紫菜蔥木魚😍再配番罐日本手工啤，享受😎.經開d2 place想食拉麵值得一試！

去開荔枝角拎蛋糕，順便去D2 place食個lunch～ 呢間以江大叔為主題嘅拉麵店，店內每個角落都充斥住大叔，又幾可愛喎🙆🏻‍♀️▪️特盛和牛骨湯拉麵▪️特盛濃厚雞白湯拉麵和牛骨湯一入口就超濃牛味，雞白湯同樣入味，但相對和牛骨湯算係清淡啲，可以視乎返你係咪重口味人士去揀💁🏻‍♀️ 另外，兩碗都要齊晒炙燒西班牙黑豚肉同慢煮博多地雞。豚肉肥瘦適中，燒得好香口，雞肉就煮得好嫩滑，選擇困難症人士可以好似我咁揀晒兩樣肉😂▪️大阪燒餃子餃子脆口，上面鋪咗大阪燒必備嘅木魚同紫菜碎，再淋上大阪燒汁同沙律醬，口感豐富大叔拉麵 📍荔枝角長順街15號D2 Place二期3樓314號舖

去D2睇戯，最直接就係喺D2食嘢。上次食金鳯時見都好多人等/排呢間「大叔拉麵」😄.就趁今日會一會佢！.入到去待應好有禮貌，坐低用QR code入單。叫左個「超特盛濃厚鷄的湯拉麵」，份量出奇地大、鷄湯好夠味、無味精、唔鹹、湯又夠熱真係好👍🏼👍🏼👍🏼都係$110.加上，麵都幾彈，其他各方面中規中矩👍🏼.走時，又好好禮貌，又多謝(基本嘢，但依家好多食肆就係做唔到🤷🏻‍♂️)，又問有無揸車黎👍🏼👍🏼👍🏼☺️.總之，係好享受嘅一餐！

同🐨去完D2 Place 睇戲🎬 就係D2 Place食埋個晚飯先返去😎 見到三樓有日式拉麵嘅餐廳🍜裏面嘅裝飾風格係復古風 仲有各式各樣嘅模型 江大叔嘅插畫 同日系海報整個拉麵店就好似令人置身日本嘅拉麵店咁☺️▪️松葉蟹盛二人套餐 $418▪️松葉蟹湯拉麵🦀🍜有兩塊大大塊嘅美國極上黑豚肉叉燒✨色澤靚得黎 食落肉味好香有兩隻炸松葉蟹鉗食落外脆得黎 蟹肉都好鮮嫩仲有好多櫻花蝦✨個松葉蟹湯😋飲落真係好鮮好香嘅海鮮味😍仲有麵質食落幾彈牙❤️仲掛到湯 味道好香濃👍🏻鹿兒島和牛 紫菜牛骨湯拉麵 🐮🍜一日五十食限定嫁咋😍小妹第一下見到當然叫啦✨用上嘅鹿兒島和牛 食落牛味好香咬落唔起渣 香滑😋再加上紫菜牛骨湯 味道牛味香濃再加埋紫菜更豐富❤️ 麵質一樣咁正😎蟹肉豆腐胡麻沙律🥗食拉麵前 先嚟食個前菜開胃下先😎都幾多蟹肉嫁 仲有豆腐 真係好滑好滑✨而且沙律菜好新鮮好乾淨😎配埋胡麻醬一齊食 食落更開胃更香😋松葉蟹可樂餅有兩大件炸到金黃色嘅可樂餅😍一咬落去 超香脆☺️入面有蟹肉同埋薯蓉加上適量嘅檸檬汁 同埋日式豬扒醬酸酸甜甜 唔怕飽哂 又好脆好食😎👍🏻白鹿純米 超辛口300ml兩人share一支純米清酒🍶都幾易入口 用嚟

多得端午節紅日，就有TGIW，放工想飲啤酒爽吓，唔一定要落pub嘅，食拉麵同啤酒都好夾㗎荔枝角呢間拉麵店，假期都會見人龍，平日去又有位喎一碗拉麵怕唔夠飽，加開底嘅人可以考慮特盛版可以揀4樣配料追加，其中有麵加不過佢唔係加底咁簡單，而係替玉，即係有多份麵，所有已選材料都係多加一份，勁抵食呢佢地嘅湯底係無添加，誠意熬製雞白湯又純又濃，和牛骨湯牛味濃厚雞胸肉係慢煮製法，一啲嚡感都冇，好神奇叉燒煎得好香脆，彈牙又唔會好油膩。溏心蛋勁好食，超綿超香醇大胃開頭都唔明，點解普通嘅豆腐會係店長推介？原來製法好特別，炸到有啲天婦羅，大量櫻花蝦同醬料調味，豆腐好滑好索味炸餅叫可樂餅，唔係因為加咗可樂，而係取名自英文croquette雖然冇可樂味，但呢嚿有香濃蟹香，仲有堅蟹肉喺裡面，外脆內綿，有檸檬汁同沙律提味消膩，神級考量食咁多嘢，唔隊返杯啤對唔住呢餐啦！輕井澤啤酒聽過但未飲過，一飲返唔到轉頭，好飲過日本大brand，完全冇澀味，好易入口

今日收得早, 約埋同事去食碗限定拉麵, 餐廳入面放置咗好多日式擺設, 仲有好多大叔嘅公仔, 落單係用Qr code落單, 好快就有得食😋🍜超特盛特盛濃厚雞白湯拉麵 $128呢碗拉麵超級多料, 原來超特盛意思係會額外有個碟裝起你揀選好嘅四款食材, 份量好多, 多到同事要同我分享, 湯頭清甜, 入面有大大塊嘅雞肉, 同好腍嘅豬肉, 呢塊雞肉勁嫩, 好好食, 完全唔韌, 拉麵又夠彈牙, 好味🍜鹿兒島和牛紫菜和牛骨湯拉麵 $158限定一日得五十份, 見到仲有當然要嗌返碗試, 湯底用上40kg和牛骨再經過12小時熬制而成, 湯底入口非常濃郁牛味, 肉質好嫩滑, 必食🥟大板燒餃子一份有5隻熱辣辣嘅餃子, 面頭佈滿大板燒必備嘅蔥花, 紫菜碎及木魚花, 淋上沙律醬, 口感豐富同好香脆

今晚收工有d攰, 想拿拿聲食飽番屋企於是就就去左附近嘅D2place睇下有咩食, 見到E間大叔拉麵個名又幾搞笑, 於是就入去試下! 餐廳周圍擺滿玩具同日本嘅裝飾, 好有日本拉麵店嘅感覺, 打卡一流! ⭐松葉蟹湯拉麵一見到已經心心眼, 一上枱就已經聞到香噴噴嘅味道, 湯汁濃郁唔咸, 味道剛剛好, 麵條可以揀軟硬度, 車車揀左正常, 食落爽彈有嚼勁, 上面仲有幾塊薄叉燒同炸左嘅蟹鉗好滿足!⭐廣島蠔赤地獄拉麵有蠔嘅拉麵都比較少食, 加埋地獄又會係點呢? 蠔肉幾鮮甜, 配上辣辣地嘅湯汁, 食落好惹味, 辣度係慢慢漸進式咁的, 車車就覺得唔算太過辣, 不過唔太食得辣嘅朋友仔應該就會覺得幾辣⭐大叔康普茶（菠蘿椰子味）係拉麵店飲康普茶真係第一次, 仲要係菠蘿椰子味, 飲落酸酸甜甜幾清新好好飲!

🥗日式薯仔沙律 $28估唔到咁大碗，睇落去平平無奇，但好好食，好夠凍啲薯蓉好smooth, 又有保留口感有一啲細薯粒咬吓，中間仲有啲紅蘿蔔，青瓜，清甜開胃嘅前菜🍜美國極上黑豚肉辣櫻花蝦湯拉麵 $118一碗份量都幾多，有4塊大大塊嘅黑豚肉🐷半隻糖心蛋同埋一啲海藻🪸黑豚肉好林半肥瘦有咬口，食落感覺唔會好溜，流心蛋🥚做得好好，蛋黃係半溶狀態而且浸得好入味，麵底係用我最喜歡嘅直面😋 橙紅色湯底櫻花蝦味濃郁，有啲蝦頭嘅鮮味，唔會太辣又唔會太杰可以飲埋啲湯👍🏻🍖日式炙燒豚肉（2片）$30好抵😳$30有兩片厚嘅燒豚肉，火炙嘅燒豚肉，其實係豬腩三層肉，🔥燒到外皮有少少焦脆好香口，個燒汁咸得嚟帶少少甜，加埋啲豬油香好好食🤭🐔特盛濃厚雞白湯拉麵 $98呢碗特色拉麵真係好大碗，有一原隻糖心蛋，紫菜，三大件雞胸肉仲有一舊好厚嘅炙燒豚肉🐖鋪滿左炸香咗嘅乾蔥，湯底米白色，湯底雞味道濃但但唔會油膩，飲得出好純😋如果可以咸少少就更好，雖然係雞胸肉，但係佢係慢煮所以肉質都好滑一啲都唔怕鞋，同埋真好大塊🫣🍗日式南蠻炸雞 $48CP 值高嘅一款小食，建議鍾意食炸雞一定要要，一碟勁大碟冇三大舊，一件係成隻手掌咁大舊😂 (無骨

“鹿兒島和牛紫菜牛骨湯拉麵+超特盛”($158+$30)“慢煮博多地雞肉雞白湯拉麵”($80)“白桃烏龍冷泡茶”($20)去開荔枝角D2 Place行街見到呢間好有日本小巷feel嘅大叔拉麵忍唔住入去試吓😆入到去周圍都有大叔logo圖案好得意🤣更加有大叔嘅週邊可以買走😆呢道嘅拉麵主要分2種湯底分別係和牛骨湯🐮同埋雞白湯🐔另外都有啲期間限定嘅款式所以我地就各湯底點咗一碗😚首先點咗鹿兒島和牛紫菜牛骨湯拉麵呢款拉麵更係每日限定50碗🤩好彩食到😝和牛骨湯入口香濃而清澈☺️鹿兒島和牛超級嫩滑,正呀🥰配料方面除咗木耳絲,筍,大蔥等如果覺得唔夠仲可以加$30要超特盛任選4款配料🤗點咗溏心蛋,醬油筍,紫菜,青蔥啲配料多到可以2個人share😝另一碗就點咗慢煮博多地雞肉雞白湯拉麵呢碗個湯頭比較清甜☺️博多地雞肉大大片,十分嫩滑😚呢碗仲本身已經有溏心蛋😍食完2碗麵已經飽到叫唔到小食🤣飲品方面點咗白桃烏龍冷泡茶🍑食完熱辣辣嘅拉麵飲返啖超爽😝

D2 Place 二期既 @ojisanramenhk 一直都想食，每逢星期六日假期就排晒長龍，所以特登搵平日夜晚去唔駛排咁耐😂我好喜歡佢地個裝修真係好有日本拉麵店味道，座位都寬闊唔駛夾住隻手黎食，原來佢地仲有自家產品（有麵碗、餐具同公仔），都幾靚架！日式薯仔沙律$28我幾喜歡佢個薯仔沙律，青瓜同紅蘿蔔比例幾好，薯仔仲有粒粒咬口！日式櫻花蝦揚豆腐$48豆腐真辣辣，加左店主既秘製醬汁同櫻花蝦，香味同甜味都提升左！特盛濃厚雞白湯拉麵$98我平時比較少叫雞白湯，不過見到隔離枱點好吸引😂湯底超級濃厚，雞胸肉係大片片薄身類別，肉質係滑身帶爽口，同個湯底好夾，溏心蛋味道做得不錯，如果可以再流心就更美滿😂炙燒西班牙黑豚肉和牛骨湯拉麵$98牛骨湯又質地薄身但好濃烈牛骨味道，火炙過既黑豚肉油脂香味出哂黎，好邪惡但好食！可惜我忘記追加紫菜，如果紫菜包埋豚肉食應該都幾正😂Asahi $32 / 白桃烏龍 $20*設有加一服務費