大力水手炸雞

營業中

休息中

旺角呢間炸雞專門店嘅二人餐份量十足，絕對夠飽！重點推介佢哋嘅漢堡，包身鬆軟，漢堡炸雞扒多汁又香，真心好食。炸雞即叫即炸，熱辣辣又酥脆，最好嘅係有得揀辣度，由唔辣到勁辣都有，照顧晒唔同口味。惹味之選，滿足晒兩個炸物控！

之前同女友講，喺加拿大popeyes好正，正過K乜C,女友話👎🏻，今日特登嚟求正。求奇叫咗個Set-1,貪佢乜都有。薯條係幾脆口，但個「外形」真係唔多討好，係有啲底味，對我個人嚟講偏鹹咗啲。跟著試最穩陣（我個人認為）嘅雞翼先，一咬落去～脆口，但啲肉質～「梅」嘅？唔係「鞋」，係「梅」，即係⋯⋯自己諗！跟著試埋舊炸雞，真係頂唔順佢層皮油淋淋，甩晒至食入面啲肉，肉汁唔夠，肉質唔滑同又係我有小小「梅」，真係無比較無傷害，同我喺加拿大差太遠，真係人哋個名都俾你做衰晒！加拿大果啲，皮乾身，入面好juicy多汁同好滑，點會咁？真係失望到一個點！回頭度：2/10差到一個點，點再幫襯？希望日後有改善。以上純粹個人食後分享，沒有收取任何利益同優惠，亦對以上言論，承擔所有責任。

中午約左朋友喺旺角等，經過一個商場，落到商場下面，見到foodcourt有呢間炸雞，想嘗試一下。foodcourt人唔多，無乜人，有位唔洗等。買嘢食落單都唔洗排隊。主角炸雞無想像中好食，雞肉傾向乾身，唔算嫩滑，似唔夠新鮮。反而配角薯條同薯蓉好好食。薯條係美式薯條，有啲似係辣粉／調味粉撒喺面。薯蓉熱熱的，滑滑的，有牛油味。

今日一早要出旺角，又有啲肚餓咁就行入新之城..由新之城去T.O.P 好多餐廳都未開落到foodcourt見到呢間炸雞店開左。印象中有人介紹過佢哋嘅炸雞好好食咁就試一試我見Menus寫兩件炸雞＋1款小菜。。但其實有咩小菜唔係太清楚問職員佢都冇回答..唔知係唔係因為我太細聲啦於是我換過條問題，可唔可以轉洋蔥圈啊（原來係要加3蚊，只怪自己冇睇清楚）加多個蘑菇飯到飲品我問職員有咩汽水。。因為望唔到佢部汽水機唔知有咩選擇佢就好快幫我篤左要可樂只於食物方面。。 Mushroom Gravy，個Gravy打破我對佢故有嘅認識又或者我孤陋寡聞。。我所認識嘅gravy係由肉汁同蔬菜煮成。。顏色就好似KFC個蘑菇或薯蓉汁或者再深色啲但呢間個汁好似泰式酸辣醬咁嘅色再加Cajun。。。個汁辣過兩件辣炸雞（唔記得影相）洋蔥圈還可以炸雞係有驚喜嘅，外賣番到屋企個外皮都係脆肉嫩多汁呢個值得一讚

本身想去MOKO個food court，但原來那層已經變成一間間餐廳的舖位了！在旺角想吃便宜點，便轉戰The top低層的food court～見到很多人吃大力水手炸雞，剛好學生證也可以減$5 ，便買個餐來試試。不過一張學生證只可以減一個餐$5，下次可能要分兩次買😂😂爆谷蝦雞柳餐$60 炸蝦仁和炸雞柳都很香脆可口，炸雞柳的雞肉是熱辣辣的，而且不辣。不過就好似有點不夠飽😂炸雞漢堡炸雞超足料勁大嚿，不過越吃越辣，我最後放棄了😅炸薯條幾好食的。

行過旺角中心幾次，都見到廣告介紹低層有食巿，疫情嚴重時入去睇過咩都無，原以為執哂，原來要再落多一層，先發現新大陸!吸引我嘅廣告係炸雞! 經常去旺角中心果一帶，但果頭無咩好食，有多一個選擇當然 happy 啦! 更何況係我鍾意嘅炸雞㖭!餐廳店名 Popeyes 大力水手? 香港好少見哩間炸雞店.點咗份二人套餐，有雞中翼3隻，雞上脾同雞下脾各一，薯條，薯薯，飲品點百事同橙汁汽水.優點:1, 夠熱! 熱到有D辣手! 唔似德克士炸好哂D雞之係放係到攤到凍哂.2, 份量足! 絕對好過家鄉雞果D偷工減料BB雞! 細到好似食乳鴿，所以唔再幫襯家鄉雞了.3, 薯條望埋去好似炸得過火，但仍艋外脆內軟脆得香口.4, 薯蓉夠滑.5, 鬆餅係另購，口感比家鄉雞出品更鬆軟.缺點:1, 薯蓉加上D不知名醬，最大問題係辣! 但女友小熊話唔辣....2, 炸雞外層脆口，但炸得過火，雞中翼還可以接受，但雞上脾接受唔到! 炸到乾身又鞋口!3, 炸雞又係有D辣，雖然唔係辣到跳舞果種，但薯蓉又辣雞又辣，唔好辣嘅我有D受不了.....都係2派克夾自己口味!哩層仲有其他餐廳，下次試其他美食再出食評!

大力水手炸雞，以前喺香港有唔少分店，而家就只係剩返一兩間。旺角嘅分店就係food court裏面。同麥當勞及KFC一樣，大力水手炸雞提供唔同嘅套餐選擇，主打唔同嘅炸雞套餐。一般嚟講有雞件，薯條及汽水。以下係雞翼套餐，雞翼雖然唔係現炸，因為即叫即有，但係雞翼都係熱辣辣十分香脆。雞翼套餐嘅雞翼總共有六隻，份量算多。而較雞翼更出色嘅係薯條，薯條嘅外皮十分薄同埋十分香脆，可以話係比麥當勞及KFC嘅薯條更加出色。

食過kfc, jolibee, McDonald, 覺得佢係4間之中最好食嘅美式炸雞👍🏻雞髀係正常size，望落去唔會太大都唔會太細，每隻雞髀外皮裹嘅份都比較厚，炸得金黃酥脆，每一啖都可以聽到咔哧咔哧嘅聲音，好入味，鮮嫩多汁，外脆內軟，雞胸肉相對上就會鞋dd，雞髀肉就滑少少。😋薯條亦好成功，炸得超！級！脆！而且薯條食落去唔會冇味，調味粉沾滿咗每一條薯條，越食越香，淨係食呢個薯條唔使配埋茄醬已經好好食，配埋杯冰鎮可樂，爽。😆好可惜全港剩係得一間Popeyes Louisiana Kitchen，論方便快捷程度遠遠唔及其他連鎖美式快餐🥲

$56抵食炸雞餐, 薯條: 好食的.炸雞味道:普通, 夠大舊, 好夠飽. 當然味道不可跟韓仔名牌連鎖店比較,但都好食過菲律賓炸雞.上餐快, 冷氣好夠, 歇腳, 趕時間都是選擇.

初嚐大力水手炸雞 Popeyes chickenBonafide Chicken Set炸雞炸到岩岩好，外皮炸到金黃酥脆，炸皮亦唔厚，好食。🥠🥠🥠🍗🍗🍗 薯條最正，最中意佢地既調味，炸到岩岩好，系薯條最好食的連鎖餐廳。🍟🍟😍😍可惜整體份量偏細，雞尤其地細，食完都肚餓。CP值不太高。#旺角美食#旺角#foodie#hkfoodie#旺角必食#甜品#旺角甜品#必食#香港必食#香港美食#香港网红打卡#香港美食探店#甜品推薦#大力水手炸雞#美食推薦#銅鑼灣#moodzfoodie#moodzfoodz

之前係機場食過大力水手炸雞，覺得好好食，可惜機場個間已經執左，特登去旺角TOP商場回味一下。分別叫左2個餐，點知味道大失望，質素同機場個間水平差好遠😢📌奇脆辣雞翼雞鎚餐 6pcs ($59)📌雞全翼餐 3pcs ($49)🍗炸雞似炸到過咗火，外皮炸到好深色，縮哂水好細隻，炸皮唔算好厚，食落雖然都香口，但比較乾身，唔夠juicy。🍟薯條味道還可以，唔會太咸，但係偏淋身。🧅洋蔥圈炸得好脆，唔會太乾，幾好食。

Ordered the combo for two and the Shrimp Chicken Set to go. Upon opening the boxes of chicken were found to be not fresh and have been fried many times till dried. Shrimps size were so small and mushy and forgot to include the sauces. Just gave us several bunch of ketchups. Hence, pls check your food before leaving the place and make sure they give you fresh chickens and not refried several until dried up pcs. Total disappointment compare to USA standards. Go to Jollibee!!

黎到旺角附近想食junk food，醒起TOP地下food court隱藏咗間快餐店，一食味道相當有驚喜如果非繁忙時段黎，呢度係唔錯嘅空間比你食下嘢同坐低休息。今次試左個炸雞漢堡餐 $58，以為出名炸雞，諗住包類會相對遜色，點知又唔會喎🤪夾住嘅炸雞都幾辣，唔食得辣人士要小心❗️中間仲比左唔少醬汁、生菜同蕃茄，令個包口感度加分👍🏻👍🏻薯條方面，係偏幼身嘅，但係炸得好脆好好食😋以呢個價錢，有呢種質素，可以唔使再食jollibee/kfc🤣

📍大力水手炸雞旺角彌敦道700號T.O.P This is Our Place地庫旺角煮場想食好耐架啦 細個成日睇大力水手不過究竟大力水手同炸雞有咩關係呢啱啱上網search咗 原來係冇嘅😂😂原來係餐廳出咗名先同動畫曾經合作😋 炸雞柳套餐 $66好懶 所以叫左冇骨嘅雞炸雞啲粉唔厚 好大條 新鮮炸好嘅出餐好快 完全唔洗等啲皮外脆 啲肉好淋 唔肥都唔會好鞋係幾好食嘅薯條就幾特別 有kfc薯格味😂 但好淋 唔新鮮總結 整體嚟講ok 但我會鍾意食kfc或者jolibee個啲炸雞多啲🤣

大力水手炸雞一向係去旅行出發前喺機場食早餐嘅回憶✈️ 知道佢開咗喺旺角咁方便有點期待就試下😛 雖然本身質素冇乜大期望 但係今日食嘅炸雞比較乾🔥水準比以前機場店差 服務同樣差了 不肯提供額外醬料 竟然額外醬料要收錢🌚 退步了不值得再訪⭐️ 大力水手二人餐 🍱炸雞份量算係多但係表皮炸得太硬 🥲咬落去乾爭爭 調味一般🤨 薯條加上Cajun 粉太過重口味🌶️ 想點茄汁但係兩人份都淨係比一包😡 薯蓉就不過不失⭐️ 牛油香鬆餅 🧇因為好鍾意食KFC既鬆餅所以特登單點💛 同樣地失望 欠缺牛油香同埋唔夠鬆脆🧈