大利茶餐廳 (已結業)

星期5收左工又趕住番屋企執屋過中秋節,因為第二日屋企人來探我,所以求其買個外賣食,平時久唔久我都會食佢地個下午茶-----鮑魚蛋麵,都算一個唔差的公仔麵配搭,今次我比較肚餓,所以要選擇食飯,想左好耐選擇左食好耐都無食過又有益的蕃茄炒蛋飯,通常茶記食一個飯盒d飯都比較硬同埋唔太新鮮,但呢間大利都算係咁,飯絕對好食有屋企feel,d蕃茄佢地應該有挑選過,非常之新鮮,雞蛋炒得岩岩好唔過火,絕對算係一個有90分的飯,這亦是我最愛的的蕃茄炒蛋飯

家父母平時夜間甚少外出，所以上週日傍晚時份，他們剛從內地回到大圍港鐵站之後，也是有點無所悉從，想找個地方吃飯，甚麼連鎖快餐店，菜館及酒家亦已經爆滿，飢寒交迫之下，也要遷就一下，剛好途經區內的一間茶餐廳，雖然平時少有光顧，此時此刻，也要作出「妥協」。入到內堂之後，招呼的侍者雖不算慇勤有禮，應對上還是快捷而賣力，期間還幫兩老安置行李，算是一個好印象。話雖如此，兩老還要有點要求，如果是碟頭飯及炒粉麵，還是可免則免，其實茶記有供應小菜套餐，已不是甚麼新鮮事，他們來始終帶點陌生，連包上白飯及例湯也不太清楚，由於揀選了一張略帶傾斜的圓檯，送來的例湯也差點滑了過去，普通的菜乾南北杏煲豬肉，雖不算甚麼佳品，用來滋潤喉頭，還是焯焯有餘。言歸於食物方面，小菜取價一律四十八元，由點餐到上桌，所等待的時間亦不算長。先來的是普通不過的菜遠炒牛肉，基於選用的菜心質素不俗，配合恰當的火侯後，再打了一個薄芡，除嚐出嫩菜的清甜外，醬汁的味道亦散出一若干蒜香，至於內裡的牛肉，還是下了些許鬆肉粉，總算是可以接受的水平。再來一個啫啫雞煲，上桌時香氣樸鼻，期間滋滋聲四起，打開蓋面之後，除有斬碎的雞件外，上面還有一堆肉片，碎雞事

今晚同阿媽老豆3個人黎呢間食晚餐, 之前都響呢間食過小炒同碟頭飯, 味道OK~因為佢地2個唔太餓, 叫左個雞排燴意粉同咖哩牛腩飯, 雞排燴意粉既汁一流, 好耐冇食過咁好食既意粉~~仲有大大件既番茄, 美味, 貴得合理, 成$40一碟!!咖哩牛腩飯既咖哩唔辣, 好香味~不過唔夠熱~~凍飲都係加$6, 抵食!

今日我和男友分別都要在公司OT,到差唔多4:15pm先返到大圍食個late lunch!! 之前都黎過呢間,覺得一般,但今日男友建議黎呢間,就是但啦!! 我同佢都order咗午餐,只不過我要沙嗲牛肉通粉(好夠味ar!! 以往我去其他茶餐廳都要加辣椒醬調味ga!!) + 火腿奄列(d蛋唔會太老,好有蛋香,火腿夠多) + 熱華田(好足料ar,好香濃,而且我冇加糖ga!!唔知是否已加煉奶?? 比加糖香滑好多) $27 ; 男友就order咗沙嗲牛肉公仔麵 + 奶油厚多(夠多奶,塊多士又厚又軟) + 凍檸茶 $29(凍飲加$2)

收工後回到大圍積富街找吃的, 奇怪於一條積富街竟然有三間以「大利」命名的茶餐廳, 是否有關係, 我就不大清楚。下午兩時多入到店內, 一坐下, 服務員阿姐已表示是日快餐已售罄, 可以選擇點下午茶餐, 不過我對下午茶餐無興趣, 看看餐牌, 點了一份咖哩牛腩飯 ($31) 及凍檸茶 (飯配飲品優惠價$6)。飯跟咖哩牛腩分開送上, 大量的咖哩汁, 一看已食指大動, 單單用來撈飯已夠飽。而且牛腩尚算腍, 仲有薯仔粒, 算是足料之作。飽餐過後, 又要快快回家, 睡個午覺。

今日同男朋友去踩單車, 我真係想買個包就算.男朋友話食完早餐先踩都未遲, 大把時間!成條街都係茶餐廳, 頭兩間爆左, 入了第三間.是日早餐:- 沙嗲牛肉通>> 通心粉軟硬適中好好味呀!牛肉好淋, 會encore. 煙肉, 午餐肉 +牛油多士>> 個面包只係切厚片左, 但反而咁樣好食d喎~煙肉得一片......... 熱好立克>> +了1/3包糖都太甜, 下次可以唔加!都唔係第一次黎食, 次次都係食早餐既~不過就真係好少聽朋友講黎食晚餐喎.....

五月廿一‧繼續悶熱 食友知我喜歡吃鴨腿湯飯，年來也介紹過不少地方，鮮有吃得滿意的，是次他又推介這裡的。趁是晚去吃鄉土風情，到開新界，就來吃一吃。 賽馬日，而附近又有投注站的關係，這幾條街的餐廳茶記也都塞滿人，這裡也不例外。不想搭檯，也要在門外等了一等才可以入座。環境是一般，雖然有電視看，佐空調是弱弱的，坐了一會也覺悶熱。而衛生情況也麻麻，除了有小虫在飛，伙記清理檯面也極求其。來抺了一次檯，還有不少的飯粒在檯面。要求其再抺一次，好一點了，但飯粒只是推了在一邊，未完全清理好，看來再要其清潔也是如此這般，就算了。 一心來吃鴨腿湯飯，當然不作他選。這裡的食物上檯速度是快得驚人，鴨腿湯不消幾分鐘已拿來，因為已經是燉定熱著，可以理解。當然，快也不是壞事，好吃就更好。 鴨腿湯飯真的是四份一隻連皮的鴨腿下去燉煮的，下了不少的芫萎，聞起來滿有香味，很對辦。喝一口湯，清香甜美，清醇夠火，亦隱透陳皮香味及鴨肉的甜美，相當不錯。雖然三十幾度的大熱天，吃這個熱辣辣的湯飯是會令人一頭汗，但也值得一試； 食物不錯，咖啡有水準，如果在衛生方面也留意一下，就更好了。 埋單35蚊，果然是值得一吃的鴨腿湯。

一向都覺得大利d野食吾野, 夠火喉, 見平時人山人海, 竟然得一個食評...今日二人叫了:蕃茄牛肉燴意粉 - $32奶油多 - $7凍奶茶 - 6先黎奶油多, 好好味, 好脆, 同埋好處係一件有2塊面飽, 因為而家有d茶餐廳會縮水係一塊面飽, 面飽又吾會太薄, 但稍為甜咗dd, 如果少番少少奶就岩岩好啦至於蕃茄牛肉燴意粉個樣都吾錯, 好夠火喉, 不過本人覺得d汁太多同埋d牛肉過淋, 但食苛落都幾好味, 值得一讚係有什豆, 感覺會健康一點...d侍應服務吾錯, 做野好快手

來食完早餐後準備出發上山，唔想食得太飽，我只要了一份簡單三文治餐。蛋治唔錯，蛋炒得幾滑，而且又大又厚。餐飲加大唔駛額外收費，要了杯奶茶，雖然有茶味，但唔夠香濃，有點"鞋"口，而且味道有點怪怪的。老公的沙爹牛米，佢話唔錯，牛肉不會醃得過份。