大利清湯腩 (已搬遷) 新店位置

次次行過都係食飽左而望門輕歎,今次反而o係冇咩準備之下試到,算我好彩!叫個牛腩麵,成$20碗,但完全值得.牛腩整得好"林",個做法應該同九記差唔多,個人感覺兩間野D牛腩不相上下,九記D牛腩好似比較多D油分.即係隻牛肥D ^_^ .湯底真係正,全部飲晒,有種鮮味.衛生情況較差,常有烏蠅飛尼飛去,要改善.

宜家大利已經唔再係以前咁好味喇~以前個廚師去左隔離ge華姐~我上個禮拜去過~華姐呢邊正好多~大利D湯好鹹,唔知係咪放得多味精~食完好口乾~

終於有機會講下清湯腩。一講起清湯腩，鍾意食既人一定知九記同大利係兩大台柱。如果論方便，大利就佔有優勢，因為位於電氣道個間好近地鐵站，就算天樂里呢間都好方便，101一過海就停正門口，唔同九記仲要行一大餐，真係食得你飽，行得你餓。呢間大利除左一落車有得食之外，環境都算係咁啦，第一，佢冇電氣道間咁迫同咁多人；第二，比起九記在觀感上真係乾淨ｄ，而且冷氣足，食粉麵爽好多。講到味道，清湯腩個湯係好緊要，講濃，大利真係冇得同九記揮喇，但係勝在清清地，齋飲湯味道實際上剛剛好，相反九記就略嫌太油膩了！到牛腩喇，講真牛腩呢家野，真係睇下切正邊忽俾你，切正太瘦部份，一定又”鞋”又有渣，但係如果太肥的話，又唔係人人頂得順，所以如果切正係肥瘦比例剛好，無論大利或九記都一樣咁正！不過好遺憾，今次切正瘦腩，麻麻地囉！到麵，好多人都會配河粉，不過因為清湯腩味係靠湯，河粉會整到個湯淡晒，當堂冇晒癮，所以如果有的話，我一定要比較油膩既伊麵（貴$2），因為第一唔會整淡湯味，而且伊麵吸收湯味強，湯既精華落晒麵度。不過大利的伊麵，就略為韌左少少！食牛腩真係好似人生一樣，唔會每一次都食到最好食既腩，今次就係偶有既失手時候！是次消

文迪annual leave and came to my office to have lunch with me together. She bought to-go from here.1.牛腩米:4分, 韌腩, impossible to swallow. Once again, my comments are: I would still recommend 九記as the better place to go for 牛腩!

清湯牛腩米粉：湯清就清，不過又無乜特別牛腩韌，味道一般，不過我無叫爽腩，係咪會差好遠呢？

閒日黃昏熱氣昏得人頭昏腦脹, 男友一手把我扯進大利清湯腩.老實說對清湯腩沒多大期望, 觀樂富自詡天下第一腩亦是平平無奇. "大利"又是一間懂宣傳的小店, 雜誌訪問全貼在門口. 幸好進門冷氣夠勁, 男友二話不說即點"腩肚雙拼"($32) 及紫菜三寶湯($20),再看看牆上草草潦了數字"腩汁蘿蔔"($10),價錢吸引又清清地,即叫.清湯腩跟牛肚尚算入味, 但不是最好吃的坑腩, 份量ok. 男友至愛的三寶湯則完全唔掂, 牛丸又實又硬,沒有牛味, 有點像吃著不彈地的壁球!!墨丸與潮州魚蛋是行貨, 紫菜一夾就散晒, 也少得可憐....然而最後來的腩汁蘿蔔挽回不少分數.蘿蔔是煮透的,沒有渣,清清的感覺掃走之前的不快.再喝口蘿蔔湯(腩汁),十蚊雞返晒黎. 個人ko一碗腩汁蘿蔔, 下次再來放下十蚊就okay了.

呢個月頭大約7,8號時朋友去食左碗牛腩麵飲左碗牛湯後就肚疴左兩三日疴到腳都軟晒大家真係要小心d夏天衛生更加要做好d做足d呢!

朋友由英國返黎,由於佢住係cwb,就帶左我黎呢度食野二話不說,叫左碗清湯腩米~湯甜腩軟,幾好食~佢話唔飽,多叫左個咖哩牛腩伊麵,呢個就好食喇~咖哩汁煮得唔錯,另外比左碗清湯,正~唔知點解去港島區果邊食粉麵or茶餐廳都會比九龍區既靜...

Happy Friday 縱使冇得happy，下午茶既尾聲都要醫下個肚架，上一次黎呢度都係N 年前既事。今次再來，都係叫咖喱牛腩麵，不過自動波轉左河粉同埋加金錢肚，牛腩依然係牛腩般既美味，金錢肚沒有應有的味道，加上不是長期放在咖喱汁裡，味道稍為淡左的同埋冇本身的味道，當然汁變得唔辣。還有雙既分量還比單既少，係我樣衰定係落單時聽錯叫走底，也不言而之。

昨天收工和同事一起去灣仔電腦城買東西後，他有事要做先走，我一個人忽然想食大利，便行了過來。坐底要了肚腩雙併，可惜河粉賣哂，要了麵，麵身唔夠爽，只能說不過不失，要了咖哩汁，大利的咖哩正是小弟的最愛，香濃得來不會太刺喉，牛腩香甜，牛肚則普通，不夠入味，中上水準，但看來華姐比這裡更好味。

一個星期總要搵一日，落灣仔辦點事，星期三的一時許，一個人在找吃的，心血來潮，見好耐都無吃大利的清湯腩了，就行了老遠來這裡吃。人不少，但一個人是易搵位的，很容易就坐下了。無爽腩，唯有叫腩肚米，吩咐盡量給邊位，另加一碗咖哩汁。牛腩是真的給了邊位，有部份是連著筋的。先渴湯底，都算清鮮，不算十分甜美，比起九記的濃郁湯底，當然給比了下去，亦比不上生記；牛腩幾乾身，變得亦韌了一點，似乎是曝露在空氣中的原故，如果用腩汁浸著會好一點，算牛腩，又不及九記及生記；咖哩汁稀底，幾有香味，同九記的又各有千秋，雖然個人而言仍偏愛後者的，但也可打成平手。估佢的咖哩牛筋仍受東洋賓客的歡迎。埋單25蚊，算是平少一點，份量亦算足夠。以清湯牛腩計，是不錯的，但不是不試不可。

今日冇帶飯食,正煩惱灣仔仲有邊度要試既時候比我睇到呢度既食評,再望地址原來向灣仔.於是決定呢間.向石崗咖哩餐廳向銅鑼灣方向一直行就到.叫左碗淨清湯腩同一碗淨麵.麵就冇乜好講,湯就唔錯,幾清,冇好到底咁好飲但都一樣個口唔會渴.至於主角牛腩都幾好,幾淋,初時食到有d藥材味以為錯覺,之後睇到佢貼向牆度篇文寫原來真係有落藥材.因為係清湯腩所以比較淡口而且冇腩汁,喜歡濃味,有花椒八角腩汁既人未必鍾意.個人覺得係唔錯,但又未至於好食到識飛.

撘111號城巴一跳落車就係大利門口，適逢勁肚餓又久未嘗此味，就闖入去。叫左脯麵($20)再加一碗咖哩汁($3)。呢度既牛脯淋之餘亦有咬口，係唔錯，不過至於味道就唔認為特別出色了。咖哩汁出奇地贈送左兩舊薯仔過黎，估唔到係今餐既一個小驚喜。牛脯同麵沾上咖哩汁就惹味得多，下次都要咖哩脯麵好了。一碗脯麵既牛脯份量都幾足，食到無哂麵碗內仍然剩幾舊牛脯，相信嗜肉者先會要剩脯加碗剩麵。(事關鄰桌有位肥肥既超齡老童軍叫剩脯加碗剩麵，剩脯真係唔惹少，幾多下。)湯就好鬼清甜，我幹掉碗麵後都清埋d湯，不過相信有味精既存在，因為半個鐘後要去７-11飲番枝減肥可樂救災。總數$23，食到算係聞左名既牛脯麵，味道雖然唔係特別，但係都唔失禮啦，過關啦。

大利清湯腩..最厲害我認為不是牛腩,而是清湯腩汁,味道調得不俗,加了辣醬更醒胃,每次也會喝光的~

後門免費泊街，蘿蔔淋，一個淨腩加兩個淨伊，一個淨蘿蔔，兩杯熱飲一杯菜只係$92，足兩個人食。