大利清湯腩 (已結業)

兩個人share個淨腩做飯前小食好得，有牛味肉質爽但又夠諗，易咬用d清湯陪住食真係唔錯份量算多，食到有少少飽期間切牛腩個伙計見我地飲左一半湯佢就主動幫我地加湯唔知係咪我見識少我覺得佢係呢種麵店少有既良好服務態度，要加分

去完德昌食魚蛋粉未夠飽, 行過去大利試下D清湯腩. 叫左肥腩河, 牛腩有牛味, 不過左D, 湯底好濃牛味+味精, 粉都好滑. 20蚊都ok. 不過食完之後都有D口喝.PS 見大利隔離華姐清湯腩仲多人食, 下次要去試下.

o的牛腩無想像咁好食;如果想我會建議叫咖哩牛腩.另外如果怕苦的人設記不要叫蘿蔔,雖然$10好大碗....

肉質唔得, 水平十分差一定唔會再去食好火! 名過其實

一行數人，晚上10點幾經過大利，就入去食D o野。我係第一次食清湯腩，o吾知係咪清湯腩都係o甘:牛腩既韌亦'鞋'，似煲過湯牛肉，味道普通，僅有些許牛腩味，如以前post所言，偏淡。其次，最大問題是關於店舖本身。食物質素: 牛腩令人失望，油菜頗老(菜心和芥蘭都是)，亦灼得過熟(可能就番D老菜)價錢: 頗貴(清湯腩麵$20 碗，油菜$12碟，份量不多)衛生: 地方一般，但其中一碗雙丸米發現baby小強，叫店員收回後當無o野發生過。服務: 舖面位阿姐好得: "o吾該清湯腩河....", "河粉賣晒", "...o甘仲有D o羊呀?", (木無表情和以一般人難以get到的速度回應, 期間不斷望住電視- 佛山贊師父!), "...仲要碟蘿蔔", "蘿蔔賣晒", "....", "o甘有無油菜呀?", (木無表情和以一般人難以get到的速度回應, 期間不斷望住電視- 佛山贊師父!), 終於落完單, 阿姐和店內其他員工暢論劇情, 異常歡欣。此外, 可能由於我們選坐了的位置較近開水和水杯, 難得方便到我們, 我們都是自己動手'jump'水的。小弟希望以後都不需要再幫襯。

14 November 2005冇乜謂口，諗唔到食乜，試下呢間出名嘢．．．由於自己冇謂口，唔想食牛腩牛筋，所以叫咗雙丸米，朋友叫咗腩河，再叫咗碟油菜同腩汁蘿蔔．．．雙丸既有墨魚丸同牛丸，但係墨魚丸非常之唔得，入面有沙，朋友既腩河只屬普通．．最幣係個腩汁蘿蔔，雖然好大兜，但亦好大舊同好苦，腩汁太淡，完全蓋唔到啲苦味，終於冇食晒啲蘿蔔．．唉．．都唔明呢間嘢點解會出名．．．？？又貴喎．．．

本來想去廚師，點知去到已經落閘，都怪自已太大意。惟有另搵地方醫肚，最後去左大利清湯腩，叫左碗咖喱牛腩粗麵，碗咖喱腩另上，的牛腩OK，個咖喱汁好易入口，但食完成身滾晒，麵就普通，反而的湯幾好飲，整體而言可以再幫襯，但廿蚊一碗確實偏貴

有次放學同老公仔去食,真係好食.我們叫牛腩,同清甜蘿蔔..好好食...喲湯好清...吾多味精(因本人吾太食得味精....喲蘿蔔真係好甜...吾錯...仲有喲牛腩有牛腩味...幾好

D牛腩太韌勒!一D都唔鬆化,都唔明點解佢會咁出名,不過平平地,拉勻都ok既

之前聽過下大利清湯牛腩出名, 咁岩行過天后就去試下啦入到去一睇餐牌, 原來最普通o既牛腩麵都要$20....個人覺得幾貴...不過都可以接受最後都係叫左碗牛腩麵,份量都ok,D湯係就清..不過無咩味..牛腩就普普通通真係無咩味..同自己之前去元朗間標記唔同, 佢D牛腩係愈食愈有味..

清湯腩河味道一般，湯不夠鮮甜，河粉我覺得太厚，牛腩硬少少，味道偏淡。

慕名而去，可惜份量細，價錢貴。牛腩雖林，但湯底淡，亦不夠熱。九記更佳。

上急救前,特登o係A出口行出去,因為知呢條街都算多野食...一出去就見到呢間野,記得尋晚食飯時KC講過呢間個名,所以就去試一試...叫左個出名既咖哩牛腩麵,咖哩牛腩同麵係分開上的,首先講下麵,好多時食呢D麵都會有"揀"水味,但呢到就冇,而且唔會咬唔開D麵,而就咁飲D湯,好好味,唔似係落左野煲;至於咖哩牛腩,真係好林,一咬就開,但如果咖哩再野味D就更加好...

和朋友去完工展會﹐在場內試食和試喝了不少﹐臨走前還吃了一碟非常差勁的魷魚﹐所以幾飽﹐便唸住吃碗麵算數。本來想去德昌﹐我的至愛魚蛋粉﹐但我提議朋友可以試試大利﹐由於大利較近﹐便捐了進去。出事喇。叫了最普通﹐最大路的腩河。牛腩一邊肥到死﹐有肉個部份又實到死﹐重亂遭遭散收收咁。以前牛腩一定是整整齊齊﹐試試正正咁嘛﹐重係瘦的多﹐肥肉要特別order 先至有。上次來已經係咁﹐今次同朋友來又係咁﹐好彩朋友唔識得比較﹐淨係覺得麻麻囉。重有另外一項死罪﹐就係油菜都唔惦﹐好骸兼唔新鮮。唔同大利的華姐另起爐灶後﹐真係差成咁重番唔倒轉頭﹖

從US 返來,與爸爸由cwb前往食牛腩my god ~依然好正同n年前味道一樣清湯腩只此一家九記......算吧