大冒險家餐廳

營業中

休息中

Today, I finally had the time to eat here and this place remains as my favorite restaurant at Disney.Although its called a semi buffet, the buffet area has quite large variety of food. We ordered the butter chicken and the lasagna. Despite the bowl looks small, there were quite a lot of chicken which were all quite tender.The vegetarian lasagna was suprisingly good with the right balance of cheese and tomato sauce.  Their drink options also was more diverse where besdies their usual juice, they

最初轉做半自助餐廳時,已幫襯過一次,當時有幾款主菜....牛柳,大蝦炒飯....,今次轉左新餐牌,就來試一下!主菜四選一,揀左印度咖哩雞,完全唔辣,雞有4,5件,印度米口感唔係人人啱!另一款點左磨菇千層麵,可能已一早煑好晒,入口好似食軟餐咁,非常糊口!另外還有羊肉香飯,牛小排刀削湯麵.....應該都唔係普通人嘅口味!主菜既然唔吸引,就去食下前菜,沙律,甜品...有少少cold cut,沙律菜,尚算ok,蜜糖雞翼冇乜味,炸椰菜花算有特色,甜品制作都好花心思,外型好出色,但整体真係好「甜」,打咭一流,入口就...飲品有橙汁,芒果Lassi,咖啡,茶....全埸食客不多,只開左兩個廳,眼見只有二,三十食客,職員都好悠閒,可不停整理自助區食物及夾具!收費$298,唔算貴,作為遊客,一試無妨,食物方面,真係未必人人啱食!

作為迪士尼嘅資深粉絲，入面每一間餐廳我都幾乎食過。但係講到性價比最高，最舒服一定係大冒險家餐廳。呢間餐廳係半自助餐。統一收費，入到去只要揀自己鍾意主菜，然後就可以隨意出去攞食物。呢度嘅食物主要係圍繞着亨利博士冒險過嘅地方😂主要劃分咗做，中國，俄羅斯，埃及，摩洛哥同印度。🥗前菜除咗會有好基本嘅凱撒沙律，仲有世界各地嘅特色沙律。🥦仲有一個係印度式嘅炸椰菜花，佢係一層橙色，但有少許香料味嘅炸粉包住一嚿椰菜花。不過我個人略嫌佢個粉衣太厚，而且炸得唔夠香脆。仲有最出色嘅蜜糖雞翼，可能其他前菜口味比較特別，未必個個鍾意，所以呢個蜜糖雞翼變成咗搶手貨，基本上一出爐唔使3分鐘已經冇晒。主菜我哋叫咗蘑菇千層麵同埋摩洛哥羊肉。🐑摩洛哥羊肉嚟講佢只有幾粒，下面全部都係濃郁香料味嘅配菜。我個人就唔係幾接受到，性價比都唔太高，唔係幾推薦。🍝蘑菇千層麵就比較好，食物好香松露味，口感豐富。不過一定要趁熱食，凍咗啲芝士就會一嚿嚿，影響口感。甜品方面，做得非常用心，每一款都有精緻嘅造型。其中我覺得最特別嘅係俄羅斯棉花糖。好精緻嘅俄羅斯娃娃造形，但係個外皮係硬嘅。一開始心諗咁硬點會係棉花糖啊，原來咬入去係一嚿朱古力包住一

喺迪士尼裏面行到攰攰地又想食吓自助餐，就可以嚟到大冒險餐廳食，這餐廳是半自助式，每人只需選擇一個主食，就可以在餐廳大堂自行拎沙律、熟食小吃、甜品、飲品等等，主食有四款，而我地選了其中兩款：🌸燉牛小排湯刀削麵藥材湯底，牛小排非常嫩滑，而且蘿蔔炆得夠入味，刀削麵小小煙靭，不過不失。🌸蘑菇千層麵表面滿滿水牛芝士，多款蘑菇非常好味兒童套餐：（11歲以下兒童）肉丸配迪士尼通粉半自助有多款選擇，不一一介紹啦熟食：🍀蜜糖雞翼—濃濃蜜糖香味，肉質嫩滑🍀茄子醬配蒜蓉多士—茄子醬味道濃郁，有印度香料，配搭蒜蓉多士非常絕配。甜品：🍀麵包布丁—這個配搭埋雲呢拿醬汁非常好味，布丁超滑呀！雞蛋味夠香。🍀埃及牛奶朱古力配榛子慕絲—用了40%牛奶朱古力整，味道好香而且好滑身。沙律：🍀新鮮沙律菜🍀鮮甜西瓜🍀濃郁哈密瓜還有大大驚喜，朋友掛了生日襟章，職員們突然來唱生日歌及送上生日蛋糕，全場賓客都為朋友慶祝生日，而且生日蛋糕嘅碟上畫了唐老鴨公仔非常漂亮。🚨優惠詳情：2025年3月15日至6月30日期間，「奇妙處處通」會員即場入座可尊享「冒險家半自助餐」75折優惠。由頭盤、沙律、主菜到甜品，一道接一道的風味美食，勾勒出環球異

今日迪士尼搵嘢食😍行到去迷離莊園差唔多要搵嘢食☺️睇到大冒險家餐廳嘅半自助餐嘢食款色算多，又有前菜又有甜品主菜嚟講都有唔同選擇😍想食記得要先預約仲要預訂Full Pay 先會有位🥹晚上六點三正式開始入到去未有主食，可以出去攞嘢食先🥰前菜主要有蝦同青口蝦都算新鮮☺️ 之後仲有呢個好多人攞嘅埃及意粉的確整得唔錯，亦有濃濃嘅芝士🥰之後就上主菜呢個香草鱸魚面係整得好燶🥹但入面嘅魚係好味嘅亦冇煮得過熟之後就去安全之選海南雞🐓如果大家有食過美心嘅海南雞飯嗯就係呢種水準，亦有酸瓜、酸蘿蔔開胃不過可以講就係雞嘅份量係多嘅🙆🏻‍♀️當然仲有唔少甜品選擇當然都唔少得同迪士尼有關嘅甜品😆試咗一個呢個芒果班戟都係以忌廉為主🥹麻麻地仲有呢杯我冇咩點飲嘅奇異果特飲🥝最後我諗揀嚟呢度食嘅最大原因就係因為有得喺VIP位置欣賞煙花😆其實我都係有機會第一次咁近距離睇到嘢食嚟講當然唔算係十分好味但勝在坐得舒服，而且食物選擇較多🫶🏼當然都有啲係唔好味嘅嘢食🥹但可以喺咁前咁正中咁睇到煙花而且唔需要迫🥰我諗價錢有一半都係因為呢一個煙花位😍

同兩老一齊去迪士尼，驚佢地行到攰，所以揀一間坐得舒服d既餐廳，有半自助buffet同埋環境幾好，唔多人，可以慢慢食休息一下。半自助buffet 用餐時間入座起計75分鐘，好似淨係做到下午6點，3個人$900幾左右，大家可以參考一下。自助餐區可以拎沙律，小食，甜品，同埋飲品，選擇都幾多，其實係出面拎野食都已經可以食得飽😅但係佢仲包埋一份主食🤣 我揀左牛肉麵，份量都幾多😳😳牛腩好淋，蘿蔔好入味，不過重點係碗野係熱辣辣出煙的，我果陣病病地，食一碗熱野真的好重要🥲🥹😅牛肉麵推薦指數: 4/5

#20241109 🤍📍 #大冒險家餐廳 @hkdisneyland 大嶼山香港迪士尼樂園迷離莊園➖➖➖➖➖➖➖➖➖➖➖➖➖➖➖➖➖#半自助晚餐 $508/位 🥢 #脆皮香草鱸魚 💭 半自助餐可以先揀一個主食，印象中有海南雞飯、意式雲吞、和牛漢堡同埋呢個鱸魚，面頭魚皮煎得好香脆，不過略嫌有啲咸，底下個咖喱椰香味好重，一啲都無辣，做到老少咸宜🐟. 🥢 #前菜 💭 半自助餐特點就係除左主食，其他野都可以出去拎，出面有唔少冷盤，當中海鮮有青口同凍蝦，非常鮮甜彈牙🦐亦有唔少唔同國家既沙律，例如有個俄式酸瓜蛋配吞拿魚蓉幾得意，平時唔常見到有得食🥗. 🥢 #熱食 💭 如果一開始叫果碟主食唔夠食的話，出面都有啲熱野頂下肚，為左證明佢係適合大人同細路，連個酸辣湯都整做甜版，第一啖飲落甜甜酸酸有啲奇怪，但又會越飲越想飲😂仲有個印式鷹嘴豆咖喱，特別在佢唔係用薄餅而係用窩夫點尼食，甜甜咸咸係有啲驚喜🧇. 🥢 #甜品 💭 出面有三張枱，甜品都霸左一張有多，何想而知佢啲甜品係算多種類，有cookies、有pancake、有蛋糕亦有新鮮水果，另外最尾仲會每人送一杯雪糕，一路行一路食都得🍰. 🥢 #飲品 💭 一坐低

嚟到迪士尼玩，同朋友諗住嚟試吓佢呢一間大冒險家餐廳嘅自助餐，點知就食咗人生之中其中一餐幾難食嘅飯。食物嘅選擇非常之多：有印度菜，墨西哥菜，中式，日式，美式……總之包羅萬有！甜品就至少有10多款以上。但係你要問我邊一款值得你去試呢？我就真係一款都講唔出。😂一係就太辣，一係就味道奇怪，一係就冇咩味🤣唯一一樣值得讚嘅嘢係啲甜品整得好靚其中一個係埃及獅身人面像嘅蛋糕，係幾趣緻嘅！不過入得迪士尼都唔好咁多要求啦，唔想食難食嘅食物就喺出邊食飽啲再入樂園玩啦😂

餐廳位於迷離莊園附近，算是距離大街比較遠，因此人流較少。既然入得樂園，就想舒舒服服坐低食飯。餐廳環境舒適，有濃厚中東裝飾，而且座位寬闊。選好主菜就可以出去自助區拎頭盤。主菜我們點了蘑菇千層麵及印度牛油咖喱雞。很推薦蘑菇千層麵呢款素食，番茄醬味道很好，而且配上松露更香更好味。千層麵口感厚實，加上水牛芝士，整體配搭很好。另一款印度牛油咖喱雞配長米飯，咖哩味道同平時食開的不一樣，長米飯偏硬，撈咖喱汁很不錯。而最有特色是印度薄餅可沾2款醬料（yogurt or jam)食用,可按個人喜好配搭自助餐方面，沙律，燒汁雞翼，甜品，ham等等，款式多而且每款都好好味。甜品以俄羅斯蛋糕為主，口味偏甜，但很有特色。飲品款式亦很多，有咖啡機，汽水，橙汁等整體用餐經驗十分滿意👍🏻

話說當日有幸拎到迪士尼門票，我都好多年冇去，咁岩又見到$298半自助，咁緊係順路試下佢啦其實環境唔錯，冷氣又夠，坐得幾舒服，入面分左幾區，其中一個係中國風，我見中國遊客都係安排去果邊唔知係唔係專登安排?如果係既話我欣賞佢，果一區有好多細路跑黎跑去比較嘈，相對我係印度(好似)區，比較靜，客人都係講廣東話同英文離題啦，入返直路坐低先叫左個主餐之後，侍應俾條手帶你出去自助區搶食頭盤種類偏少，味道還好，唔係差，但就真係冇乜吸引熱盤方面佢地分開左兩個地方但係食物係一樣，都係燒汁雞翼同長通粉，我見另一個位寫住肉醬千層面，開心左一下廚師拎盤野出黎一放低，XX#@#%&X都係長通粉黎既，完全一樣既雞翼同完全一樣既長通粉點解要分開放?味道方面唔係唔好食，但又講唔上好食，攰攰地有個地方食低，有野食都唔錯啦飲品方面有芒果乳酪,橙汁,菊花茶菊花茶有小小淡，但都還好我飲得幾爽芒果乳酪好冰凍，可惜太飽肚，如果唔係我飲得仲爽主餐我叫左摩洛哥羊肉，羊肉味淡加埋芝士食就岩岩好配料同小米味道太豐富，食材配搭太多，甜,酸,苦,咸,有烘焙味,有果香,有肉味又帶輕微辣甜品方面，自己睇我食完行到去冰雪奇緣果邊，有間餐廳外面經過聞

實在食得太開心🥳！囡囡同朋友仔都超興奮🥰胃口仲好好😆半自助餐，小朋友好開心可以出去拎嘢食， 迪士尼職員都服務好好， 仲同佢哋有講有笑😊😊出面拎嘅嘢食已經好好食同埋好多選擇， 其實半唔半自助都冇乜所謂因為已經食飽左😂雞翼好好食又大隻牛油果醬酸酸地 配餅乾好開胃媽咪最緊要係有甜品食 仲要好多好美味嘅曲奇餅又有好多飲品選擇， 媽咪最愛芒果乳酪主菜 印度牛油咖喱雞 👍🏻摩洛哥羊肉-肉比較瘦蘑菇千層麵-超濃菇味 唔錯👍🏻

《 前言 》寫篇食評想讚下間餐廳都被諸多阻撓OpenRice 會唔會考慮下以後強制要 Post Receipt 嚟證明係自費 😒😒😒晏晝喺迪士尼入面飲茶或者坐低食個快餐閒閒地都要百零蚊其實比多少少就可以喺迷離莊園嘅「大冒險家餐廳」享受一個性價比高嘅 Semi Lunch Buffet 🍽️三張 Buffet 長枱有 ⬇️• 沙律菜－配意大利香草沙律醋好味• 三款撈好咗嘅沙律－墨西哥雞肉沙律非常唔錯• 三款細細碟嘅 Appetizer－俄羅斯分層沙律、印度凍蝦同埋黃金甜薯都好正，有再 Encore• 三款熟食－千層麵、雞翼同埋茄子醬配多士• 凍火腿、乾果、麵包條、水果• 自助飲品 Bar 有橙汁、凍菊花甘草杞子茶、茉莉玫瑰花茶• 好多款精緻嘅甜品 😋😋😋主菜嗌咗「牛油咖喱雞配印式香飯」雖然唔可以同正宗印度餐廳嘅出品相比但係味道出奇意料之外地好喎 👍🏼👍🏼👍🏼咖喱濃滑雞肉輕輕用匙羹就可以𠝹開Biryani 口感好好仲好有誠意咁配埋 Mango Pickles 添餐廳座位闊落侍應們好客氣 收碟又快廚師們一路睇住個場 Keep 住 Refill 食物好感恩喺度享受咗一餐好滿足嘅午餐 🙇🏻‍♀️🙏🏼

有冇人同我哋一樣，去迪士尼唔係玩/影相🏰係成日食食食😂大冒險家餐廳，喺樂園入面算性價比最高，半自助餐形式，中間位置係自助區，有多款沙律，雞翼，素菜，水果，甜點🧁🍰飲品🥤除咗一般咖啡檸檬茶，仲有芒果乳酪大人揀一款主菜，小朋友亦有兒童餐。食完休息吓就可以等睇煙花🎆

知道迪士尼樂園有buffet食， 很是好奇，看見lunch價錢合理就會忍不住進去試一試，年卡還有9折咧！ 主菜4個風格選一樣，服務員很有禮貌也很熱心為我戴上手環然後才去自助吧拿食物。我吃了2轉自助式，我的主菜才來，但都已經飽飽地，勉強把主菜吃了9成，才到外面拿甜品食。麵包條最好吃，好脫，臨走時都吃多一條。甜品都算多，太飽都試不完，麵包布丁和萍果金寶熱熱地反而最好食😋 服務員收碟也很快，臨走時也熱烈送客。

今日去咗迪士尼樂園玩。朝早10點幾入到去，夜晚7點先走，所以中午嗰餐就喺樂園入面食。佢哋有間’大冒險家餐廳’有semi lunch buffet 食。我哋2點左右walk in 入去仲有得食，唔洗等位直入，仲要冇限時間。成人一位$298 加一，11歲或以下嘅小朋友就一位$198加一。因為我哋有年票，所以全單八折。以semi buffet 嚟講呢個價錢係OK的👌🏻All you can eat 嘅有沙律🥗、水果🍉、雞翼、炸蝦球、麪包🍞、甜品🍮All you can drink 就有果汁🧃、汽水🥤、茶🍵同咖啡☕️。主菜係4揀一，我今次揀咗煎三文魚，鬼佬就揀咗印度牛油咖喱雞。我個煎三文魚配蕎麥麵同兩條青菜，咁嘅配搭真係第一次見，不過三文魚同蕎麥麵都好好食😋鬼佬個牛油咖喱雞配印度薄脆同印度香飯，佢話very creamy and buttery, 好好食😋甜品都有幾多選擇，主要係蛋糕多，不過味道一般。最好食嘅係apple crumble，不過都幾filling，唔食得多。鬼佬當然鐘意咖啡任飲，我就覺得果汁任飲都幾好，特別係喺樂園玩到好熱，坐低食嘢有啲refreshing 嘅飲品飲下。餐廳都幾大，