大久保日本料理 (已結業)

竟然只是覺得麻麻地，我就覺得差，差，差...........差到難以形容.......................

有次星期六去食lunch buffet, 銅鑼灣呢間環境係唔差既, 我指裝修~~ 不過咁大地方都唔分吸煙區同非吸煙區, 差!!野食方面, 要求唔高都可以一試, 因為全部機製, 形狀仲好鬼騎呢, 舊飯係整到一支圓柱體再切一舊舊, 但都算食得下既..... 食物款色真好少選擇, 好在我淨係鍾意食三文魚同鰻魚壽司唧.......沙津太酸, 拉麵唔好味, 燒物除左串燒ok, 其他都唔係好得, 尤其個牛仔骨, 真係估佢唔到, 一個字"怪"!! 竟然係一支骨加一pat 勁多粉既物體, 勁!!另外, 刺生一人得一塊定兩塊, 不如唔好"送"(佢寫明係送, 一人得一客架咋) 野食每次只可以order 三款, 但分量係勁少喎, 初頭都ok既, 差唔多張張單都有到, 但到兩點個陣就係咁漏單, 後尾叫人last order, order 左既野都唔黎, 有鬼用咩?? 淨係黎個甜品~~服務方面, 我反而覺得ok, 都有求必應既~~總括黎講, 我都係第一次食buffet食得唔飽, 利害!!

一句講唒: 差勁!!

叫d野遲遲都唔黎,又黎錯,叫十樣有一半都唔黎

嘩!

今日先同個fd食完...cheap爆d野食成日都黎得個一半, 午間又少選擇冇咩好食, 食黎食去都係個d 兩三舊三文魚壽司都要等成10幾分鐘..之後無啦啦比左條吞拿魚物卷, 我同佢講我係要三文魚喎,佢竟然話冇哂= = 之後咪叫佢拎走囉, 強迫人地食d 唔係自己叫既野!!

位一樣窄環境都係dirty,不過旺角比較恐怖野食麻麻唔好再去

食X 都好過食呢間甘既野!

個次係我生日, 我其實一直都未去過, 不過個friend提議, 又有生日蛋糕送, 所以就選了, 點知…唉! 好差. 我和一個朋友先到, 已見到有d人係度等緊, 我咪上前話訂左位, 佢居然話“等吓啦”, 我即時個反應問“訂左位都要等”, 佢就好唔奈煩大大聲問我幾位貴姓. 之後就call人叫我地上去, 唉! 無d醒目.上到去就重差, 我跟著個帶位一路問佢係唔係有房(因為之前訂位已要求), 佢完全無理會我, 只係帶我去到一格用木板間著的座位, 我見個位都ok, 所以就照座. 格左一陣, 我都聴到我另外個friend係格離個格係咁話“我地有人離左喎, 你幫我再check一check係咪座依張”, 個帶位就勁唔奈煩好大聲咁話“係依度架啦”, 我聽到就即時企起身叫佢, 問佢發生咩事, 佢話已經講個好多次有人到左, 個帶位係都話係個度, 我個f當然唔肯座啦. 真係唔知點做野架, 都唔知話佢白x好定係x B. 之後我地咪食嘢. 叫親人都無人理, 又無人比水啦, 又無人收紙仔啦, 好啦, 當有人收紙仔啦, d嘢食又等左好來都未到, 之後重求期比d嘢我地食, d食物又好難食, 差! 差! 差! 之後我地咪

你唔信,可以親自去睇睇!(除了睇錢食飯外)

唔係咁恐怖掛？去過幾次都未碰到小強團隊。如果咁應馬上通知衛生署!下星期帶service team 去捉小強。

請大家請留意,這間餐廳,認真不知所謂,啲嘢難食到嘔,非常污穢不堪,常常有(大強),(小強)走來走去,服務態度"好"到不得了,我真是不明白點解唔可以比負分????????????????????????

真係一間好駭人的食店。在樓下已經見到個接待員係咁鬧人，她是鬧電話另一邊的人，不理有幾多客人圍在她身邊，只是一直鬧過不停。到樓上，侍應生求其指你去你張，跟住就唔理你點叫，都唔會有人應你。侍應生雙手重黑孖孖，周圍又烏煙瘴氣。真係未食已經想走，但因為約左朋友係到等，又通知唔到佢，所以被迫繼續坐。未食已經一肚氣，俾龍肉你食都無味啦！食店除左食物質素同衛生外，服務態度都非常重要！我自己一定唔會再去，我亦會叫朋友唔好去。

全城最屎既食肆!食物屎, 服務屎.

已經去過好多次喇，而且侍應既態度一流。個果月生日，仲有壽司蛋糕或者香檳送。如果7個人以上仲可以坐房忝。坐房就最正，因為鍾意點玩都得，而且每間房仲有電視睇。<br />食物方面都ok，最正既就係個炸生蠔，值得一試。