夢想豆花

點了芒果豆腐花，同芋圓芒果，一共113元。兩個人，坐左唔夠半個鐘被趕。「你唔點野啦？咁俾其他人。地方細。」。其實，我地可以坐埋一邊，俾新入尼的一個客人。位置足夠的，點解要趕客？ 又話者，你禮貌D，同我講如果後面客人尼可以讓下位，都可以理解。講真，食物水平大概就係其他糖水舖30蚊水平左右。我叫凍芋圓，你俾我熱都算了。仲要咁差態度？我帶外地的FD尼，就係落我面。咁我就只有留言評論。大家評下理。 中環仲有好多選擇，唔係得你一間！！！…查看更多

本身唔鍾意寫食評，但真係唔寫唔得，－次不愉快經歷，這是本人第一次寫個老闆問少少野就黒口黑面，完全趕客，so bad👎🏻幾好食都唔會再幫襯，貼滿明星相用明星效應🤣🤣🤣態度差勁，唔怪之得冇人幫襯，中伏，可況唔好食，普通之中普通，豆腐花冇豆味，芋圓極度失望，價錢又貴，加芋圓要$20，地方又狹窄，—入去就有種不舒服感覺，坐位已經寫明唔好「霸佔座位太耐」最好笑對外國遊客，非常友善，無黑口黑面⋯⋯⋯⋯⋯…查看更多

中環區一帶租金昂貴所以很少糖水舖難得於擺花街有一間糖水店仲已經開了6年我竟然冇試過真係有啲離奇可能門面太細冇留意呢度主要賣豆花裏的甜品還有芒果系列和豆漿類看到一些食評說老闆態度不好我覺得老闆雖然有少少cool唔算話好熱情但態度正常可能舖頭得佢一個比較孤獨說說食物，我哋點咗🔸芝麻糊豆腐花🔸芒果爆珠（有芒果、爆珠、涼粉和椰果）食落豆腐花真係好滑所以食完芝麻糊豆腐花加單食🔸朱古力豆腐花❤️豆腐花選用非基因改造黃豆❤️甜品甜度適中，幾好食我下次仲會幫襯呢度仲有豆漿珍珠等我搵日經過又試吓先😄夢想豆花 (中環)中環擺花街1號廣場地下6號舖…查看更多

中午吃完飯想食甜品，發現這間甜品店一個人也沒有便入去。老闆沒笑容，又沒禮貌，見沒有客便坐耐少少，點知佢叫我和朋友食完就要走，態度非常差，食物只係一般，以後唔會再去。。 …查看更多

一個星期五嘅睌上同朋友喺中環晚飯完未夠喉諗住搵個糖水食下順便坐低傾吓偈沿途有兩間糖水閂咗門結果誤打誤撞入咗嚟用咗少少時間諗食乜嘢，我諗幾分鐘左右吧？但老闆就串過乜咁叫我哋去第二間食嗰時係冇人等位嘅！我哋無走到，就睇下啲嘢有幾把炮我叫咗個紅豆豆漿賣豆製品無豆味杯嘢勁稀我去超市買支豆漿都仲好飲啲同行朋友叫咗豆花，同樣無豆味，但質地正常入嚟睇comment先知原來咁多人中過伏十萬個後悔入去之前無上嚟望下comment先！夢想豆花喎⋯⋯我去完感覺老闆嘅夢想係開間鋪嚟串人多過整豆花囉！…查看更多