多豐菜 (已結業)

今日天氣不太好，整天都下了雨。不知道什麼驅使我？我自然地走去了許多年前經常去的飯堂多豐彩。進了飯堂，我見所有的東西都依舊，侍應， 枱櫈， 廚房等等。我連餐牌都沒有看，就叫咗排骨鳳爪盅飯和凍檸茶。等了很久，見還没有拿來。叫咗侍應追單，侍應就给我臘腸排骨蒸飯，當然要啦因為時間都差不多要上班了。臘腸排骨蒸飯這裡的蒸飯是一煲的，很大煲，排骨很多，飯也多，不過味道一般。凍檸檬茶都是一般茶餐廳的味道，不太甜，不太多，飲惯了也不覺得特別。我只是懷舊一下以前在這裡的情景，這樣的餐廳也能生存到， 我想是人情味還是價錢嘅緣故!…查看更多

在觀塘游弋咗兩年，午飯通常都係果三，兩度選擇。黎呢度為的是一道福建炒飯。講起福建炒飯，不知道是何時開始 (我諗係九十年代)，高級酒樓開始引入。獨愛其用料高檔豐富，鮮蝦，雞肉，芥籣粒等，芡汁鮮濃，屬高檔次食品。冇耐就見一般茶記仿效，材料當然冇法同酒樓比美。層見一家茶記的出品是用火腿，香腸，午餐肉......呢度嘅出品用料豐富，蝦，魷魚，蜆，雞粒，蟹柳，菜粒(應該不是芥蘭)，芡汁極濃，加上炒飯底，大大碟，十分香口。但有時重味咗覺得偏咸。每日的午餐牌都不同，一個月一個cycle，要留意，我至愛的福建炒飯每月只造三日。門口有餐牌一攞就知，邊日做先過來。而且12:30pm 前order 仲有 discount 添，$40 埋單。…查看更多

觀塘區有咁多野食，有時真係眼花撩亂。唔知食邊間好，又會驚中伏。但跟住我地去搵食，就可以放心安樂啦。今次要介紹既係一間貌似普通既茶餐廳，除左平時既午餐、常餐、碟頭飯外，佢都主理車仔麵。食車仔麵最緊要係咩？梗係最緊要多餸選擇啦！佢提供超過三十種餸供食客選擇，其中十種仲係素食類，就算你係素食者，又或者green Monday 想食清少少，都有大把選擇。而食車仔麵第二樣重要既就係湯底，佢提供四種湯，包括清湯、牛腩汁、咖哩汁，沙爹汁。為清淡的車仔麵增加一點色彩。為自己叫左幾款餸（叫左魚腐，好食！），而同行朋友就叫左七種餸，我地都笑佢食七餸麵。黎到之後，份量真係好多，特別係如果你叫菜類，大大碗，男仕都唔需要擔心唔夠食。你一定會話，鬼唔知阿媽係女人咩，幾多錢至得架？叫到七樣餸都只係＄50蚊左右，如果唔係咁大食，食二三餸，其實都＄40有找。之後講味道，味道都唔錯，好鐘意食佢個魚腐，同雞翼，十分入味。如果你點既有菜類，大大棵，d菜會阻住哂d麵，食哂成碗之後，會覺得好滿足。總括黎講，多豐菜茶餐廳入面好多選擇，又當中的車仔麵，選擇多，份量好，味道不錯，價錢中等。但勝在選擇多，食素人士都適合。…查看更多

避風塘炒蟹這道菜，相信很多朋友都試過。因為其香辣鮮美的味道，確實令人ㄧ試難忘。在觀塘工廠大廈內的ㄧ間餐廳，發現餐牌上有ㄧ道菜叫避風塘炒河。這是用甚麼材料來炒河粉呢?出於好奇，決定試試這道菜。避風塘炒河一送上桌，其淡白色的河粉顏色已令其賣相打了折扣。雖然是炒河粉，但香味不够，沒有甚麼鑊氣。這道菜的材料有蛋絲、肉沫、火腿絲、芽菜和青椒絲等。試一口河粉，不算太油膩，但只有淡淡的咸味。應該只加了鹽，並不像干炒牛河那樣加老抽來調味，更吃不出辣味。我想，這道菜唯一和避風塘炒蟹搭得上邊的是加了少量炒香了的蒜粒吧！好的菜名確實能吸引人去試食，但如果令人有過高的期望，而味道却令人失望的話，那樣的落差只會更大。…查看更多

甚麼是「香港精神的食堂」呢？一個字：快！多豐菜又是一間在工廠大廈地下的餐廳，但應該稱為食堂較貼切。在大街上，只見門外貼著十多張食物價錢表，為免中伏，馬上去openrice查看，評語均正面，便進去試試。入去見到左邊是窄長的廚房，但看上去更似不同的檔口在經營，我還以為是food court，但又有侍應在落單。右邊則是麵包店般，價錢亦不算平，很多麵包已沽清，想像得到早上的返工時間，應該頗熱閙。我叫了下午茶餐的黑椒牛柳絲炒麵和熱檸水，等了很久才有侍應來為我落單，可是落單後五分鐘未夠，炒麵和熱飲都已送來，炒麵還冒著煙，令我拍照亦有點影響。黑椒的氣味，攻鼻而來，令我感到有點想嗆鼻。除了牛柳絲之外，配菜亦頗多：蔥、洋蔥、芽菜、紅椒絲、還有較少做配料的磨菇片。炒麵又是「炸麵」，不過汁液較多，喜見的是碟底沒有油。吃進口十分惹味，雖然黑椒的氣味濃烈，但吃時卻又沒有辛辣味，因我不大吃得辣，現在可好了。檸水則是奇怪地酸，雖然有四片檸檬，但我並沒有用茶匙去襟，理應不致於那麼酸的，故我亦不敢多喝了！要讚的是，熱飲用隻金屬杯盛著，頗能保溫，在冬日裏令客人有真正的熱飲。結賬後行進旁邊的工廈大堂，原來多豐菜的正間，就在工廈大堂的中間位置。但相信外面大街，人流較多，所以便在外面貼著宣傳。…查看更多