多彩海鮮酒家 (已結業)

一行十一人由又一城去到呢度飲茶環境--- 街坊酒樓, 無咩要求唔會話咩昏昏暗暗咁, 上樓梯位都闊闊絡絡咁, 只係間房細0左D 0者...OK啦~味道--- 熱辣點心, 食完暖心呢幾日凍冰冰(小妹現在有點怕冷), 好彩上檯0既點心都唔似得天氣咁凍冰冰~!!! 即叫即蒸, 算佢有點良心啦~~整體上OK, 只係小妹覺得肥了點, 肥豬填料可以用少D, D點心同飽皮本身都唔係厚~不過可以薄返D~個蒸蘿蔔糕...可唔可以叫廚房慳返D味精呀...?? >.< 出面自己叫自己拎0既熱食檔...D食物擺出0黎個樣唔多掂...=.= 下次想試試佢地D白糖糕... 服務--- 縱是嬸嬸, 態度都OK 0架添水執籠都好快~!! 雖然上到樓上個接待慢了點, 食物又出得慢了點(搞到點廿幾碟都上唔晒就要走), 不過...還可接受啦~抵食---11個人食0左$345.5, 都OK啦~平均計都係一個人三十幾, 食一次又一城FOOD COURT都差唔多價錢啦...不過今餐小妹唔使俾~ 乾淨---鋪地毯...好難打理0既...至少我唔見地下有咩昆蟲動物0既屍骸, 又唔見有食物0既殘渣, 無咩強烈異味, 只係

今日一家人去食飯....帶住婆婆去食飯...樓下明明有一張吉(木台)都唔俾坐要位老人家行幾十層樓梯上二樓...仲要坐正個風口位...吹到婆婆傷風...好過份囉!先講隻雞....冰鮮雞...完全冇雞味!!炒斑腩...收成$200...得幾舊腩...成碟野見到菜好過見到d斑腩...!!!!綠豆沙...好淡...溝左唔知幾多水....冇味!!得隻片皮鴨好少少....

一行四人午飯飲茶，所有點心都食味普通：蝦餃不鮮、燒賣上的蟹子甩色(假蟹子)、油菜可以、鳳爪ok、粉果料不足、雞包仔無試、牛百頁魷魚爽口、煎蘿蔔糕香脆、山竹牛肉無咩味、排骨鳳爪飯微濕，應該無漏掛。不過收費真係街坊價。

lee間野有時都幾離譜,佢個晚飯孖寶有雞有蝦$48,但係有次去食,因為人數唔夠,叫唔倒一斤,咁唯有散叫一斤都係48不過淨係得蝦,唔知係唔係落菜阿姐行錯隔離先(因為佢係叫孖寶,而有足夠人數叫一斤),我見到佢果碟蝦好靚(新鮮),我果碟就離哂譜,一放低見到已經知道唔夠秤,隻隻蝦都係U字型,明顯係OVERCOOK,起初都以為係咁簡單,一路食一路掉走D霉蝦,先知原來九成都係霉O既,就明白點解想灼熟D,不過因為"熟"o既關係,講兩句之後,都算,冇換,錢照俾.過唔係好耐,約莫係4-5日,今次都係冇叫孖寶,又係散叫一斤,不過經過上次,今次有戒心,佢一放低個情形同上次冇分別,今次即時叫佢走,熟都係咁話冇幾耐之前同埋女友去食,其中食片皮鴨食到腸胃炎,睇兩次醫生,後尾先知應該係紅椒圈住條果度有問題,雖然不嬲都好少人連埋果舊野一齊食,但係預有人食就應該清潔衛生D啦,總之大家腸胃唔係咁好就無謂搵命博

我之前去過多彩酒家(深水埗，石硤尾街市對面o個間)諗住一班人去食D野，點知D侍應服務態度極差，去到企左好耐都冇人招呼，呢樣就算，算佢地太忙，之後搵到位就走過去叫佢地開個位，點知，佢話個位有人，<---最正就係佢唔識幫我地搵位咁就企多一陣等位，得閒冇野做就望下其他人做緊咩，過左三、4分鐘左右，俾我見到一樣野，就係岩岩我搵到o個個位俾左佢地個熟客，我聽到佢地講︰陳太乜咁耐冇黎呀~~?呢度有位~~坐啦~~聽到我火都黎埋，又話個位有人，但係就俾左一個冇訂位o既人"咁耐冇黎"即係冇人訂過位啦，如果真係有人訂位，你可以是但俾左個位人，呢D咁o既態度真係........去唔去就大家諗下，間野好似只係做熟客生意

48蚊一隻雞,你無聽錯,真係48蚊就食到一隻2斤幾既雞因為冰鮮雞,因為無乜雞味,所以酒樓用炸子雞既做法整成"蒜香風沙雞"用炸過既蒜蓉灑落炸過既雞上面皮脆肉滑難得連雞胸都幾滑雞脾雞翼直情連骨都想食埋係就係雞味不濃,但48蚊一隻仲有乜好抱怨呢,係咪好雞者值得一試ps 9點後每隻風沙雞只需38蚊,超級抵食地點: 石硤尾南昌街多彩海鮮酒家

今日拎病假去深水步睇跌打,之前黎呢度飲早茶,11am 都有8成滿,環境一般啦!算光猛,衰在有得搭臺;不過深水步系咁架.11:30比點心阿姐吸印仔,大中小點一律$7.82個人叫左9個點心:煎腸粉,灼通菜,蒸蘿蔔糕,旦撻仔,叉燒包,春卷,西米盞(奶黃,豆沙,蓮蓉各一),南乳豬手,菠菜餃.除左春卷同叉燒包吾多掂之外,overall都ok.服務都系一般,畢竟系深水步.埋單$92.5吾洗比tips,算經濟.

每年我學校的prefect選舉又或是交接之後例必會屈訓導主任去這食番餐，因為一最近又食得貴一點的都叫這裡。讀了七年，這裡轉了三次名，現在這一間叫最好的。點心方面都唔錯，因為是寫紙出食物，一定熱。下午時間有二十五元的飯如福建炒飯，星州炒米之類，都有五六款選，細碟點，不過就可以叫兩三碟share，加埋點心都好夠食。下午十個學生食都是百多元十個人分十八個幾，又飽又好過去冰冰食硬飯。又一次晚上一次我們十多人食了二十個茶點加兩個大飯，不是特價的，都是埋單三百幾夠飽。總之是抵食。

其實葵涌舊海霸位置,已經變左多彩....裝飾不錯,服務ok,環境不差他的老闆及晚市大廚,非常接納客人意見.勇於改善熟客入去,更有賓至如歸既感覺,因為侍應十分熱情唯他的糖水車,頗核突...見到後不甚想吃...但剔除他的核突,其實幾好味

呢間我最喜歡叫"燒肉"例牌, 因為它脆兼肥瘦適中, 晚飯很搶手.... 價錢就ok la... 五十幾蚊個例牌, 我屋企人食晚飯必叫~它其它的小菜亦很得架.... 雀巢海鮮粒就很好...巢脆海鮮足料, 價錢唔係貴, 雖然呢度係屋村....唔係咩大酒樓....但的確很有水準, 星期六日晚飯一定要等位... 最好先訂位.....免等丫麻....... 早茶D點心都好食架.....唔輸蝕比其他連鎖經營的茶樓!!

9 時後夜茶好去處, 啤酒14.63 支好抵飲 點心即叫即叫蒸好熱 但平價小菜較小有25 一碟最好 服務都ok, 食物水準中上

員工服務好! 點心好正, 特別係春卷及雲吞好好味! 食過都想再食,yeah!