多一度

茶餐廳小廚今日係家常便飯日是日精選餐牌 蒜蒸排骨加 炒豆魚坐低比左碗例湯飲住先 煲得好濃好出味,好足料肉碎炒豆角爆得夠獲氣之餘豆角好新鮮好脆口又甜排骨好大碟,肉多骨細,唔花巧就係食新鮮肉既嫩同肉香 當然就係配白飯最好食喇!整體上水準唔錯,食材都新鮮,服務都幾好最後飲埋杯檸茶就埋單平均消費$80評分7/10紅磡黃埔天地奇妙坊(第1期)地下G9號舖…查看更多

讚1. 蠔仔粥足料，啲蠔多又新鮮，粥底甜，啲米花仍完整；魚飯雖然無諗過真係配埋飯上檯，但幫顧客起埋骨呢下真心要讚，好厚肉，配醃得入味，咸鮮又唔腥；粿肉卷炸得唔油，足料；蠔餅既蠔仔勁足料，蠔仔好飽滿，同埋煎得香口2. 服務好，侍應妹妹有禮貌，會幫客移位，又會叫大家快啲食以免攤凍左，仲解釋埋魚飯係乜咁，係香港食咁多貴貴平平既潮州野，都無一間有咁妹態度3. 環境舒服，有啲似Cafe多過似間小菜館彈無乜，真係要講就係價錢貴囉，但一分錢一分貨…查看更多

好好味😋唔知點解人流同埋質素係唔成正比幾次都係全店剩返一兩張枱可能裝修太「潮」吸引唔到街坊入去呢間我已經食過幾次幾次都係全店剩返一兩張枱冇辦法佢上年開跟住今年疫情可能好受影響但係佢啲嘢真係好好味我好唔想佢執笠唔係舊式潮州菜精緻過一般打冷少油，足料…查看更多

潮南牛腩撈淮山麵 Yam noodles mixed with beef briskets in satay sauce個沙嗲汁帶起左成個麵，微辣好惹味，有fusion 感覺。牛腩夠淋，肥瘦均勻，（見圖）份量真係唔少。鍾意食蔥的可能會食到另一番滋味，因為會鋪滿晒成個碗⋯今次就走晒佢，返而沙嗲食落更濃郁。個淮山麵底份量都幾多下，女仔應該會食唔晒，男仔就唔需要再加底，哈哈哈。不過就真係試唔出有淮山的味道。要提的是外賣盒設計是特別爲撈麵而設。上格放沙嗲，下層是放麵和肉。咁細心此舉可證明老闆想我地食得開心，撈得過癮！而設但整體感覺響黃埔一帶裡，呢間係比較用心製作食品而又乾淨，坐得舒適之一的小店。值得一試，留住小店。…查看更多

#餓豬去紅磡作為紅磡地頭蛇俾我發現到有間開張無耐嘅潮州菜館，門口餐牌已可見佢地主打健康輕食，仲標榜全部湯底餸菜都無味精😯入到去除左真係食到原汁原味嘅潮州菜外，員工嘅態度亦都好好，同我地講解左唔少菜式嘅特別之處💛========================汕頭蠔烙 $88平日叫開蠔餅多，見餐廳叫佢蠔烙真係少啲🧐店員解釋佢地係採用煎非一般油炸方式烹煮，所以食落油膩感比平時少🤪大大粒脹卜卜嘅蠔除左好足料之外，口感都肥美新鮮，最緊要係無醒味😋金黃色嘅蠔殼皮亦煎得夠脆，必試推介👍🏻========================潮式魚飯 $98凍魚嘅款式同餐牌上見到嘅唔同，睇嚟佢嘅款式係會隨時改變嘅📋本身KY媽媽都好膽心凍食嘅凍魚入口會腥，但今次食到嘅紅鯛魚意外地一啲腥味冇不突至，魚肉質爽口有鮮味，怕食魚骨嘅都唔使驚，因為佢入口係啖啖肉冇咩骨架😋魚肉配埋豆醬拌飯食更加入味🤤========================潮汕自家制墨魚腐浸津白 $108大大大推佢嘅手打墨魚腐😍😍佢嘅墨魚腐入口有好濃墨魚香，有墨魚🦑煙韌彈牙嘅口感之餘，食落又夠軟腍，比起喺其他連鎖米線店食到嘅魚腐真係超出幾條街😋浸左鮮甜魚湯嘅娃娃菜真係完美吸收晒湯底嘅精華，話佢係配魚湯最啱Key嘅蔬菜真係冇錯😋========================生菜桔油粿肉卷 $38見呢個小食個名咁特別店員又推介就試試佢😋粿肉卷其實好似春卷，佢嘅外皮整至金黃色，口感幾香脆，但內饀嘅味道唔太突出，而且唔點桔油個汁就會感覺就會感覺偏乾😧========================巧味道指數👅：👧🏻👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻👧🏻環境靚指數👀：👧🏻👧🏻👧🏻========================📍 多一度 (紅磡)紅磡黃埔天地奇妙坊(第1期)地下9A號舖========================#hk #hkig #hkigfood #hkfood #food #couple #hkeat #eat #hkfood #hkfoodblogger #hkfoodporn #hkfoodie #hkfood #美食 #多一度 #潮州菜 #潮州美食 #潮州菜…查看更多