夏龍灣 (筲箕灣)

喺筲箕灣嘅東大街出名多嘢食，今日見唔少餐廳都大排長龍，難得路過一間新開幕，食越南菜嘅夏龍灣，店內光猛，唔想排隊嘅我哋，一於試試。蒜蓉包蒜蓉包看到脆卜卜，蒜蓉味濃，都OK唔錯。不過店內並無提供咖喱，相信加埋咖喱會更加好味。越式春卷春卷即叫即炸，份量算多，有四條春卷。春卷餡料豐富，食落有口感，加少少魚露同生菜一齊食，就最夾喇。蝦頭膏海鮮湯檬呢個湯底充滿蝦膏同蕃茄味，湯底濃郁，酸酸甜甜又有蝦膏鮮甜味，好有層次！至於所謂海鮮就只係得兩只蝦，另外仲有4塊扎肉、肉碎同芽菜only！凍薏米水、凍咸檸梳打其實本身係叫熱薏米水，但店員就上咗凍。唔緊要啦，都好飲嘅！