夏麵館 (活@KCC) (已結業)

🎂同事生日，選了在公司附近新落成大樓吃午飯慶祝，選了夏麵館，之前曾經幫襯過荃灣分店，覺得不會太差吧！1:40去到食店，全場滿座，等了大約10分鐘，才能入座，由於是新開業，環境算乾淨，裝修就一般。餐牌是紙張，自行剔出落單食物，價錢不太高，有午市套餐可供選擇，我們選擇散叫，驚午餐不好吃，話晒是慶祝生日😂。下單不久，食物很快陸續上檯，望望食物，失望🙍🏼，賣相不好👎🏻，希望味道搭夠，但一樣失望😞，出品就好像快餐店，但收高價！個人評分服務：C食物：D環境：C抵食：D衛生：C一間食店，最重要是食物味道，夏麵館就是欠缺！

公司附近開左個新商場，一直想睇下這個商場有咩好食。我於是搭上左去這間餐廳所在的樓層，試下味道😋如何。上到去這個餐廳，不用點樣等，即刻有侍應生帶我入座。之後我坐下，觀察餐廳的環境，都不錯，很舒適。我點左個午市套餐，上海擔擔麵🍜加涼拌🍆再加杯凍的酸梅湯飲品，只需💲58，味道都不錯，埋單要加一，便要💲64。雖然💲是有點偏貴，但是環境再加侍應生的服務態度，是值回票價嘅！間中去下這間餐廳光顧，都是另外一個不錯的選擇👍👍

本身唔知葵興多了好多新餐廳，在團購網站見到100蚊現金券可以用70蚊買，餐廳又話很多城中名人都幫襯過，咁就過去試下啦。我地一行三人星期六大約1點到，始終係食飯時間兼新店開張，我地都等了六張檯先到。餐廳其實唔太大，都算乾淨企理，keep住有人來。咁我地坐低都有人俾碗碟我地，算快手，每檯仲有一壺茶，不過就似大陸果款，茶壺無茶葉，得一堆茶水。排隊果陣為了節省時間，我地已經點好食乜 ： 回鍋肉粗炒、口水雞湯麵、乾煸四季豆、肉餡小籠包和豆沙煎餅。講下有咩好食先，粗炒炒得幾入味，火候十足，醬汁唔會多到浸住堆粉；四季豆唔會太濃味，恰到好處；口水雞亦無冰鮮味，又唔會辣得太誇張，香口適合香港人口味。講晒有咩好食，講下唔掂的食物。咁這間餐廳話自己源自上海，滬菜係佢主打，但小籠包d肉又硬又唔新鮮，一d彈性都無；口水雞麵果麵唔夠熱，在冷氣室內好快就凍左；最慘不忍睹係豆沙煎餅，個餅底似外判返來加熱，又韌又難咬，食剩完全唔覺曬。總括來說，個人認為中式小菜算夠鑊氣，可以當普通飯堂食個飯，畢竟葵興附近選擇唔多，但如果認真食滬菜咁就可能失望了。