影片
港鐵元朗站 A 出口, 步行約10分鐘
繼續閱讀
電話號碼
56473539
營業時間
今日營業
11:30 - 21:30
星期一至五
11:30 - 21:30
星期六
全日休息
星期日
11:30 - 22:00
以上資料只供參考, 請與餐廳確認詳情
唔講唔知雞地開左間新麵店，是晚行過見到先知，新店叫夏記粉麵。除左麵食，仲有小食同飯食。有十幾二十款麵食，諗左好耐先落單，哈哈，選擇困難呀😂⭐腩肉米線先來碗腩肉米線，好大碗，勁多腩肉同冬菇，炆得好入味，勁好食喎。米線爽口彈牙，湯頭微辣幾惹味，正！⭐新鮮豬雜米線另外叫左豬雜米線，湯底本身唔辣，入口係濃濃的豬骨味。仲附上一碟蒜蓉辣椒，鹹鹹辣辣好正。豬雜有豬心、豬腰、豬潤、豬肉，爽口鮮味。好好味，湯都飲晒唔好晒🤤⭐蒜香雞翼併滷蛋飯仲叫左碗飯試試，有三隻雞翼同一隻滷蛋，雞翼煎得香口，入口重蒜香味。滷蛋滷得入味，滷水汁香口。⭐涼拌豬耳又叫左份小食豬耳，意外地大碟喎。有紅蘿蔔絲、青瓜絲等同拌，入口清爽有口感，好味😋⭐凍檸茶 & ⭐可樂食辣野就梗係要飲凍飲，呢間個凍檸茶茶底好特別，味道有啲涼茶feel，又幾得意喎😆好味好味，食飽飽好滿足。
繼續閱讀
香港好少食到湖南菜 元朗呢間街坊小店就主打湖南特色粉麵🍜價錢同味道都好唔錯叫咗一碗涼麵+涼皮+牛筋麵 一碗有齊三款口感嘅麵😆每碗都會有啲青瓜紅蘿蔔絲脆豆之類 仲有秘製醬汁 撈埋嚟食好開胃 好啱夏天食涼麵涼皮好爽口 牛筋麵個樣似竹笙 但係食落去就有啲煙韌 每啖嘅口感好豐富🤤我仲加配咗芽菜海帶絲 更加爽口仲可以加配啲牛展牛肚豬耳雞腎手撕雞等等☝🏻另外叫咗一份青瓜腐皮木耳 涼拌汁酸酸辣辣 呢個配搭好清新 木瓜同青瓜都好爽口
繼續閱讀
放工肚餓啦，想食米線，🤪😋😝即刻上網搵食啦！見到元朗開左間新開米線店🍜酸辣肥腸牛肚米線🍜湯底酸辣開胃，肥腸爽滑，牛肚彈牙，米線吸收湯汁後更添風味。🍜酸辣牛腱牛肉米線🍜牛腱軟嫩入味，牛肉鮮香，酸辣湯底刺激味蕾，令人一試難忘。🍲涼拌豬耳🍲豬耳爽脆，調味適中，麻辣與醋香交織，口感層次豐富。🥚尖椒皮蛋🥚皮蛋綿密，尖椒微辣，搭配蒜香與醬汁，風味獨特夏記粉麵 (元朗)📍元朗鳳攸南街3號好順景大廈地下20號舖
繼續閱讀
招牌小窩米線絕對是必點首選，乳白豬骨湯底濃而不膩，襯托出湖南直送的酸辣醬料格外醒胃。特別加配的海帶結吸飽湯汁脆爽彈牙，滷肥腸軟糯帶嚼勁毫無腥臊，炙燒豬頸肉焦香邊緣更是神來之筆！原本附贈的腐皮吸湯後半融狀態最銷魂，配上青瓜絲與金針菇，多重口感在舌尖開起派對。別錯過琳瑯滿目的涼拌小菜——涼拌豬肚灑滿蒜末辣椒油，麻香透著微微醋酸；青瓜木耳拌得清脆利落，作為解辣神器再適合不過。凍奶茶少甜配方深得我心，茶澀與奶香比例完美，用厚身玻璃杯盛裝更顯懷舊風情。最驚喜是價錢貼地！下午茶時段加$8即享小食飲品，學生出示證件還有額外折扣。牆上手寫菜單飄著墨香，老闆娘熱情招呼著熟客，這種街坊溫度在元朗實屬難得。嗜辣者記得挑戰隱藏版魔鬼辣油，保證辣到靈魂出竅
繼續閱讀
米線係唔少人嘅comfort food，至於米線嘅重點不在於米線同食材，其實更重要係個湯底！米線嘅湯底離不開麻辣、清湯、酸辣湯等，各家餐廳嘅湯底都會因份量調味不同，而創造出自家嘅口味。而位於元朗嘅夏記粉麵，就以湖南風作主打，辛辣味道豐富，手撕雞手撕雞份量唔少，除左雞肉之外，仲有邪惡嘅雞皮，令手撕雞更香更嫩！調味除咗香濃嘅麻醬，仲有少少辣調味，食嘅時候充滿層次。涼拌皮蛋湖南風嘅涼拌皮蛋都雖然無咗麻辣嘅麻痹感，但仍帶有辛辣味，加上皮蛋Q彈，而蛋黃香綿。新鮮豬雜米線豬雜有齊豬肝、豬腰、豬心、瘦肉同豬肉條，全部都非常新鮮，而且內臟清潔乾淨，食得放心。豬肝口感柔嫩，味道濃酥；豬腰外層爽脆而內層鬆軟嘅口感；豬心肉質軟腍，同樣出色。特登揀咗少見嘅湖南粉，外表有少少似扁烏冬，口感爽口又吸湯，值得推介。麻辣牛肚湖南粉走湖南風嘅麻辣湯，辣味相對強烈，但好彩可以自己揀辣度。揀咗牛肚同肥腸作為配菜，兩款嘅口感同樣爽彈，但就非常吸汁，所以越食越辣，相當滋味。
繼續閱讀
您可能會有興趣的...