壽司郎 (MOSTown新港城中心(4期))

營業中

休息中

平時見壽司郎門口都一定有勁多人排隊，今日見門口冇咩人就即刻去拎籌，果然10分鐘內就入到去坐lu ^^一入去拎佢抬面既ipad 點單，見佢有個"期間限定" button，人氣三味既帆立貝，三文魚同赤蝦都好吸引，所以就叫咗一個試試， 佢既圖片唔似只供參考咁簡單，實物係好似圖片咁，食落都好fresh，原隻帆立貝壽司，大切三文魚壽司，赤蝦壽司，全部都大大件，不過我同老公都想試多啲佢其他口味，所以留番下次先再encore >< 食日本野，點小得食天婦羅，我地就叫咗南瓜天婦羅試試，$12有四塊，抵食! 順帶一提，食天婦羅記得order 埋佢個天婦羅醬汁 ^^  見佢個天婦羅都唔錯，叫埋個炸蝦天婦羅烏冬try try，天婦羅如果另上會好啲，咁就唔會淋晒，烏冬麵質普普通通，不過2十幾蚊既麵就算啦 >< 之後仲叫咗幾款壽司，期間限定既稻烤鰹魚壽司、蝦3味、三文魚壽司、特大虎蝦天婦羅卷。最後都叫埋個雪糕做甜品畫上完美既句號，朱古力香莓芭菲，佢個甜品唔只賣相得，食落都好得，佢加咗啲栗米脆脆令到成個口感唔同晒，下次都要encore ><

無時無刻都人山人海，聽講十一點前唔使攞飛。今日自己行入去張大枱坐低，門口就係凍水機，地方環境整潔。點咗幾款心水壽司，再用熱茶生薑片清清味蕾，等開餐。蜆肉茶碗蒸、極上海膽海苔包、甜蝦軍艦、醬烤日本產帆立貝、飛魚子軍艦、粟米沙律軍艦、吞拿魚沙律軍艦、特大虎蝦天婦羅卷、炸日本產池魚拼脆薯、炸雞軟骨有黑椒、炸章魚塊、黃金脆薯、炸蝦天婦羅烏冬、豬骨拉麵、壽喜燒牛排、蟹柳沙律醬、腐皮壽司，脆皮朱古力香蕉味雪糕蛋糕、卡達拉娜、牛奶味軟雪糕

預左晚市多人，今次5：30就去取票，等了掌小時多，有位，感到幸運。真係聞名不如見面，有回轉輸送帶的壽司店真不錯，就算很少人取來吃，也可做宣傳，見到實物又真係好吸引。我點了幾款都是見到實物遊過見吸引才點的，例如燒牛舌、炙燒三文魚等。壽司的味道真不錯。燒牛舌，薄切，夠甘香；壽喜燒牛肉有牛肉味，燒汁剛好，加上蔥花點綴，賣相也好看；油甘魚厚度適中。店舖還提供不同醬油供食客選用。小食方面，蜆肉茶碗蒸不錯，不要因賣相和菜單上差很遠而失望，食落味道還好，蜆用夠大粒，有蜆汁湯頭。天婦羅都夠熱夠脆，美中不足是太油。用餐約45分鐘，到結賬時，入座叫號約過了50個。

今期有九樣期間限定壽司我叫左鬼蝦創作堅魚灸燒櫻鯛不過三文魚白子軍艦係無晒好想試都有叫其他壽司整體黎講壽司郎質素不錯而且多選擇但是要排隊馬鞍山呢間仲要無得網上取籌

星期四早上10：23分到達， 以為要排隊取飛。 嘩， 居然馬鞍山壽司郎已開門， 唔駛取飛， 可以入得， 人流比預期少， 得8-10枱客。 第一次終於可以唔駛排隊， 以前佐敦，旺角， 大埔人， 長沙灣就算平日全部都要排。 好開心呀。 11點-11：10am 都仲有位即入。主供3月新壽司。點單壽司來得好快， 2人食左13碟壽司， 30分鐘便可ko了。昆布清花魚。炙燒樱鲷(檸檬鹽味）昆布清花魚肉有質感， 煙煙韌韌， 特別。針魚創作鰹魚此2款好味， 創作鰹魚必食推介， 有煙燻味， 正。 炸鰹魚炸得熱， 但比較乾身， 普通d.炸蝦壽司， 又是必食推介。炸天婦羅，炸粉薄而脆， 蝦好新鮮又細滑。 總評。 服務。 8分清潔。8分環境。 8分食物。 今期8.5分

期待已久嘅壽司郎終於喺馬鞍山面世啦，秉承左壽司郎排隊2小時以上嘅傳統，拎咗飛之後去行陣街先就有得食。食物質素係正常,鮮味，壽司可選擇都比較多，但我都係比較鍾意食甜點多啲😂

壽司郎要等一啲都唔出奇可以即刻入座先係奇蹟星期五晚6點左右拎飛差唔多八點入座一如以往咁樣出餐好快最鍾意食佢啲甜品特別係卡達Lina 無論係咩口味都冇得輸試過原味同草莓今次居然有牛奶咖啡都係咁好食㗎估唔到炸天婦羅都好正但係有一款鯛魚係有檸檬鹽味嘅好韌好似香口膠完全嚼唔到大伏

馬鞍山終於開左壽司郎喇！一於去潮聖下先！我哋去到即刻攞返飛先 當日係下午兩點左右等左不夠一小時就可入座，我哋就係附近商店行住街邊等了一入去即時點啲吞拿魚壽司食下先淺炸天然黑鯖大吞拿魚腩淺炸烹調後大吞拿魚腩散發著濃厚魚油香氣，只需12元就食到，性價比很高呢鱈魚白子軍艦一向愛吃鱈魚白子的我，知道白子含有豐富嘅蛋白質，口感又嫩又Creamy，好像奶油，豐腴如牛奶的口感，係壽司郎都食到應要多吃哈哈鮟鱇魚乾軍艦鮟鱇魚肝軍艦~ 魚肝口感滑嫩濃郁，十分滋味！炙燒三文魚腩燒燙過的刺身，油脂豐腴的魚件，魚油滲入醋飯之中，增添風味及層次炸蝦天婦羅拼盤兩隻炸蝦脆口鮮爽，香菇外酥內軟多汁，南瓜鬆軟清甜⁣即點即炸熱辣辣的酥脆外皮，一碟可以試到三種炸物，滿足⁣特盛蟹肉海苔包一黎見到有滿滿嘅松葉蟹肩肉鋪喺壽司飯上面即刻好興奮加埋蟹膏做點綴，再配上海苔入口很濃厚咸鮮的蟹鮮味充斥口腔，肉質爽甜，非常開心稻烤鰹魚腩烤烘過後入口帶煙燻風味，帶出魚肉的香氣和滋味，而且中間半生狀態，感覺入口即化。滿足的一餐🌹

近排壽司郎做緊蟹宴的推廣，我自己都鐘意食蟹，就去食下。一如以往，壽司款式的選擇都唔係好多，不過款式會成日轉，所以不同時期都有新的產品可以食到，滿足到喜歡嚐新的我。今次試左季節限定的蟹肉可樂餅，外脆內軟，不過就食唔到蟹味。推薦大家試下三文魚卷軟殼蟹壽司，係好好味🤤

對於螢光尤魚壽司的看法可能不一，但許多人認為吃這種壽司的經驗是獨特且有趣的。 尤魚的味道仍然相同，許多人喜歡海胆子的味道。 然而，有些人可能不喜歡使用特殊成分的食物，或者他們可能不喜歡尤魚的味道。

成日要排長龍，所以冇去食，這天幸好有心人取籌排隊😽。知情又識食嘅你們，去到一定不可錯過甜品，我們點了幾款，又真係幾好味噃😋🔶️卡達拉娜是主打甜品，表層焦糖經炙烤，下層味道超Creamy且口感綿密，食完一條再order多一條。🔶️朱古力香莓芭菲邪惡之選，有一磚朱古力作配料，配上香莓同朱古力醬，酸酸甜甜，滋味十足!🔶️抹茶蕨餅芭菲抹茶迷必點，面層有抹茶粉同抹茶醬，內放滿蕨餅和紅豆配料！但入座後限一小時？我地就好似幾天冇食嘢咁火速狂掃各款壽司同刺身，整體都幾新鮮好味，如size再大d更好。

講壽司香港而家仲有邊間係好食？咪就係數一數二既壽司郎。今次同朋友專登約左去馬鞍山壽司郎試佢手勢。呢份油甘魚壽司口感順滑，但沒有油膩感，絕對值得一試。三文魚腩，鮮味到位，刺身份量十足。呢份鮮蝦壽司，口感一流，亦好有鮮味，足足叫左4碟。另外叫左兩份蒸蛋都好食，但稍嫌不夠熱。今次3個人食埋單平均每人150，質量上屬佳品，環境唔錯。另外埋單仲可以儲印花，集齊仲有獎品送。有得食又有得玩，正！

馬鞍山友唔駛食垃圾壽司了， 終於有間見到人<<壽司郎>>在馬鞍山新港城開業了。12月15日開業， 12月17日星期六原本約左朋友4點食， 於是以為12點取飛， 叫緊134， 取飛385號， 諗住穩陣。 點知2：30後d 飛no 跳得極快， 最終2：25 pm就差不多跳到37x . (幸好有apps睇叫飛情況）馬上趕去2：35已經過了385號， 要排一陣再補回385。。。。（30分鐘內可補飛)好多馬鞍山友是想取飛食午餐， 後可能等太耐唔等，所以1：45後由290號不停跳。。。去到2：25已到370.....新開張， 有極上大拖羅$12／碟， 基本上每枱都會叫， 有d3人叫12碟。。。抵我們2人叫4碟$12 極上大拖羅甜品培茶瑞士卷$22環境乾淨， 壽司壽司上枱快, 壽司水準都有7分。 (如果爭x壽司0分， 此壽司郎就有7分）2人平均$200-250／位起。