壽司郎 (麗新商業中心)

營業中

休息中

好想食壽司郎好耐,響荔枝角有分店所以想試下,揀左星期一去,諗住會好少少,唔使等咁耐,點知都唔係😭六點到拎飛已經要等100個號碼了😱重未計有啲book左枱會插入黎,佢個apps長期都book唔到😣兩個月後既日子都比人book晒,實在太誇張,而荔枝角分店既坐位得好少,所以等既時間會更長,由於都知無咁快所以放棄心態去左間cafe食野先,食完未算好飽返去再睇下,結果返到去重有幾個號碼就到😂咁就可以食下,而前後係用左三個鐘時間等位😱😱佢既壽司價錢唔算貴,好多款都係$12兩件,味道都唔錯,比較推介特選大吞拿魚腩同特盛帆立貝,吞拿魚腩有入口即溶嘅感覺,而帆立貝都有好多舊整體上唔差,都好味,但所有魚生有啲唔夠凍,而個人覺得唔值三個鐘去等,半個鐘就可接受

因為間間分店都好多人排隊所以一直都無食過壽司郎，三月份時終於都透過app 預定到5月份星期五15:30的booking，所以同老公請假去食，順便清下d 假期，當日我地準時到達，門口已經人山人海，同職員講聲已經到達後，等左3分鐘就有位，有一個鐘用餐時間，用pad 落完單後d壽司🍣好快就到，食落都幾新鮮，而且價格便宜，20碟大約$250，炸物都好好食，壽司郎真係值得一試，但暫時唔會考慮排隊，因為朋友係兩星期前同一間分店walk in, 要由一點等到三點😪

4:10pm攞飛，8:40pm才安排入座， 真係史無前例嘅耐， 好彩屋企住唔遠，返屋企睇陣劇先再出嚟。座位寬鬆，與隔離枱保持距離， 除了迴轉帶上之食物能自取，還能夠電子點餐， 用餐時間60分鐘。大部分壽司都保持水準， 除了鯖魚壽司(味道過於平淡)和辣味牛肉壽司( 太鹹冇咗牛肉味)。甜品叫咗北海道雲呢拿雪糕、抹茶蕨餅芭菲同埋日式焦糖蕃薯， 雲呢拿雪糕容量較少， 味道也可。 唯獨日式焦糖蕃薯和抹茶芭菲比較失色， 前者食一條感覺一般，後者蕨餅林bet bet質地， 雪糕亦唔香滑， 若果下次有機會再嚟唔會再食甜品。

用app訂了二個月 終於都食到壽司郎啦 今次book了荔枝角店食午餐 由於太多人book只能食2點半時段 叫了好多壽司 個人覺得厚切三文魚腩壽司 油甘魚 壽喜燒牛壽司 真心推薦 仲有做緊推廣既特上吞拿魚壽司都值得一試 帶子壽司有4塊 同埋甜蝦壽司有8隻蝦都好抵食 實在食了太多壽司 但最貴$27吞拿魚壽司就唔覺好味 味道一般 烤牛肉就個人覺得唔推介了 西冷就真係似食牛肉飯 食得太多壽司 想食咸既叫左個碗仔翅蒸蛋 幾足料 好味 而甜品既卷蛋一般偏硬 但同芭菲重牛奶味都ok既 整體覺得佢既用料係新鮮 但唔算平 如果要咁耐先食到就無可能特登黎食囉

難得有一天平日放假，近近地去長沙灣的分店食壽司，約2點拎飛，等了45分鐘有位，都算快!! 五月限定壽司是貝&蝦，那當然要試食喇! 其中一款是貝3味，一碟有三件 - 赤貝、海螺、 北寄貝，三款貝類都鮮甜爽脆，尤其赤貝，夠新鮮。呢個價錢能試晒，真係抵!! 長鰭吞拿魚腩夠厚夠大件，而且好有魚味! 呢個價錢有咁好質數既壽司，相當超值! 魚夠凍，飯夠暖， 呢款我食左3碟❗️  松葉蟹蟹膏軍艦，蟹肉甜、蟹膏香，兩者各佔一半比例啱啱好，一齊係prefer match, 可惜紫菜淋了，脆口就一流!不喜歡吃鰻魚的朋友，可以試這款極上鰻魚，鰻魚肉質軟熟，加上惹味鰻魚汁簡直一流！而且唔同平時食開嘅鰻魚，完全冇骨😋非常好味！仲點了蔥花吞拿魚軍艦、油金魚、吞拿魚和池魚壽司，幾款都很鮮味，總共食了16碟，埋單唔洗$250，仲要食物質數高&食得飽，價錢真心平!! 仲有，18/5再開多間分店於黃大仙，希望開多間可分散人群，排隊會無咁耐啦~~

因為第一次，唔知點做法。如果一早知要排咁耐，我拎願唔食或者預約左先食！其實預左1.5鐘排隊，不過無諗過排咁耐，排到16:30先入去，排到想咸。如果大家去食，就要留意！1. 可以拎左飛，去行街或者睇場戲！用yahoo直播知道佢叫到幾多號！2.預約定，不過要2個月後3. 有定心理準備，先好帶小朋友或者老人家去4. 要懂得死心。真係趕時間的話，要捨棄佢。講返食物，真係要推薦「和牛壽司」、「豬軟骨拉麵」，比想像中好好好。炸煮條雖然$12，少左D, 但好好味。最後食左近6百，都係去返日本食抵好多

壽司郎都係香港插咗旗好一段日子，但一直都未有機會可以試到，一方面每日去拎籌排隊嘅人都好多，有次6點去到都已經冇籌拎了，另一方邊手機apps 訂位都同樣困難，一訂已經係兩個月之後嘅日子，想試真係都唔容易呢! 今次咁啱有朋友訂到位，即刻痴住佢地去試下hahaha訂咗夜晚7點鐘，6:45去到，門口外邊都已經滿滿都係人，即刻去前台報到先，都要等一段時間先可以安排入座。入到去waiter 先會俾一人一個口罩袋放口罩，好貼心呢! 枱面就有鼓油同筷子，仲有綠茶粉，杯就會係迴轉帶上邊嘅架到，wasabi就要自己係迴轉帶都拎喇!因為得一個小時嘅用餐時間，所以我地都事不宜遲就即刻落order 喇! 枱上邊有個tablet 俾大家自助落單，又或者大家喜歡都可以係迴轉帶上邊自己拎，每次最多都係落4份嘢食，落得太多會顯示系統繁忙要等一陣先再落到haha都試咗好多款壽司，每款都好新鮮，最好食就係帶子，係好新鮮又厚肉，其他唔錯，卷物就超推薦牛油果炸蝦卷，呢個真係超好食，fresh 得嚟又好香口，我地都encore 咗幾碟 😛😛最後推介大家可以試下呢款叫卡達拉娜嘅蛋糕，上邊有好似cream brulee嘅焦糖面，下邊

前睌同朋友去食，攞飛坐底等2~3個鐘走唔甩其中叫咗幾樣都係無海鮮味：吞拿魚(無筋赤無味)，甜蝦(第一次食無蝦味嘅甜蝦，有啲失望)，鯡魚卵，油甘魚，炸章魚塊(章魚無味，炸粉包唔晒兼太油太濕)，北海道漬鯡魚卵軍艦(個人覺得味道有啲淡，朋友話好食)。OK食物：茶碗蒸(屬正常)，士多啤梨卡達拉娜(新)，赤蝦(終於有味)。兩條友食咗$436埋單，可能少咗叫啲$12/碟手握壽司。到實戰時又唔覺得啲嘢平，但等位方便真不敢恭維如等位不超過15分鐘或網上諗唔駛次排千幾個位，先會考慮再幫襯。

-🦄壽司郎 @sushiro.hk-白烏貝 Hkd12Rating🌕🌕🌕🌑🌑貝三味 Hkd17Rating🌕🌕🌕🌗海螺雙味 Hkd22Rating🌕🌖🌕🌖🌑特盛帆立貝 Hkd22Rating🌕🌕🌕🌕🌑赤蝦二貫 Hkd12Rating🌕🌕🌕🌕🌑特盛甜蝦 Hkd12Rating🌕🌕🌕🌕🌑赤蝦配芫荽辣椒醬 Hkd12Rating🌕🌕🌕🌕🌑-今次係我第八次去食壽司郎🍣🤤而今次去長沙灣既呢一間分間就係第二次🙊不過放心啦呢次食係有訂位既😂時間大約係1730所以都只係等左5分鐘左右就可以入座😛😛😛-5月份既主題係貝類同蝦類壽司😍我個人係超級無敵鍾意食貝類壽司‼️所以當我知道佢會出呢個主題既時候已經發左癲咁超期待呀😆因為終於比我等到喇🤪🔸特盛帆立貝壽司今次加碼變左三層呀然後一口大啖咁食真係好滿足😝😝😝因為帆立貝既厚度增加左🧐變得更加肥美🤩而且肉質依舊咁鮮咁嫩 貝味又濃😘不過呢我都係鍾意食金碟既炙燒帆立貝多啲燒過既始終啲油份出曬來係冇得輸😝😝🔹白烏貝好似係第一次食 幾爽口彈牙👍🏻👍🏻不過之前係日本🇯🇵既壽司郎食過黑烏貝同紫烏貝紫烏貝就入口更加嫩更加彈牙 可能白烏貝會乾左啲所以對我嚟講呢碟白烏貝係不過不失啦

用app book檯，等左幾個月終於食倒😋比約定時間遲咗三個字，好彩佢會幫你留位半個鐘。登記完下下張枱先到我哋，最後等左半個鐘左右⋯⋯不過都總比walk in要等一個鐘好（可以scan qr code睇直播，差唔多到你先返去）。食物喺迴轉壽司店來講算新鮮，因為佢條帶好短，每款食物得兩舊，refill得都算快，同埋可以用tablet order食物。期間special三層蝦真係有好多蝦👍🏻帶子新鮮👍🏻大拖羅有少少筋。好奇之下點左個唔記得乜貝，韌到好似食擦膠咁👎🏻服務好好，第一次去佢解釋得好詳細👍🏻。賣單嗰陣佢點碟點得好認真👍🏻最後仲有印仔卡，好似可以儲黎換公仔。

壽司郎book位要成兩個月後就好多人都知啦，咁所以食個個月係做咩限定真係好睇你彩數。上個月既肉限定🍖知道左之後真係灰左，好彩朋友仔book到五月係好啱食既貝蝦限定啫。以下寫既都係今月限定：特盛甜蝦（$12）第一個重量級限定，飯上面一共疊左三層有八隻甜蝦。甜蝦好鮮甜，一次過擺入口甜味爆發。特盛帆立貝（$22）同甜蝦一樣都係重量級，有四舊帆立貝。雖然每舊都唔係大，不過因為有四舊咁多，一擺入口基本上都係帆立具食唔到飯咁。帆立貝非常鮮甜，超級滿足。赤蝦（$12）依個平時來都成日食既，不過今次就係買一送一咁有兩件。唔知係咁啱定佢特登啦，蝦既size比平時細，所以味道一樣好但口感就差啲，不過一樣既價錢有兩件都抵啦。炸帆立貝忌廉可樂餅（$17）原本對佢期望好高，不過食落就一般喇。炸得有啲過火同太油，亦唔係好食得出帆立貝，雖然好creamy但味道好普通，唔食都冇損失。白鳥貝（$12）口感好爽，但冇特別鮮甜，整體一般。總評其實壽司郎都食左幾次喇，整體都係味道ok幾抵食咁。不過有budget又高要求既人呢就未必會鍾意佢。但今個月限定算係幾唔錯，有時間既都可以試下手機攞飛食下既。

終於都嚟食到仲要唔使等位，真開心Menu比我想像中好似少選擇但真係大件夾抵食質素就唔好期望太高只可以話係中上，對得住價錢嗌完一輪又一輪中拖大拖依啲就真係一般般每舊都又足料又大件好滿足雜錦天婦羅都係抵食又正另外有幾樣唔錯：醬烤鰈魚鰭邊燒完之後香味更加出唔記得咗咩牛嘅壽司牛肉味重又嫩😆茶碗蒸蛋又滑又香仲要好足料，有蝦有帆立貝又有肉Cheesecake絕對係有驚喜芝士味好濃郁不過pat cream可以唧得有誠意少少第二次嗰舊就靚返少少🤏🏻Cream唔膩，深得我啲frd嘅喜愛但對我嚟講，奶味就重咗啲最後嘅戰績整體嚟講侍應服務態度好好，完全無因為多人而影響到每次有壽司送到嘅時候，部pad就響得勁大聲頭幾次都嚇一嚇仲有就係有啲好似酒樓式咁嘅感覺會有廣播介紹是日精選😦仲會有侍應捧住啲嘢食逐枱介紹😂朋友結論：最嘈嘅日本餐廳我嘅結論：性價比高，唔使排隊就絕對值得去食不過，要排成咁耐隊嘅話，就真係不了🤫

開咗咁耐依然好多人排既 Sushiro 🍣⁣⁣呢間分店比佐敦細 所以都等左幾耐下 🙈🔺 醬燒珍寶帶子 帶子本身已經肥美鮮甜 輕輕燒過之後更加香 👍🏻⁣🔺雪花和牛兩味⁣牛肉油脂位好香 而且和牛都極大片 幾滿足 😻⁣🔺松葉蟹膏軍艦⁣蟹肉同蟹膏係同一塊軍艦上面食到 濃濃既鮮味 完全唔會腥 🥰⁣🔺赤蝦握壽司: 新鮮爽口 💛⁣⁣以上係我今次食到嘅 highlight🌟 雖然今次冇book位排左個幾鐘先入到 但係見係一間食完會想再去食嘅壽司店 🤣 CP 值超高 🙆🏻‍♀️⁣

上年8月先進駐香港嘅壽司郎，到今日已經係香港開咗第三間分店，今日4點幾walk in去拎籌，一直周圍行下等到晚上8點幾終於到我地了，估唔到開到第三間分店依然要等咁耐總括嚟講，價錢不貴質素可以，另外佢嘅甜品真係好好食，而且好值得試另外，佢地唔同顏色嘅碟有唔同嘅價錢，紅色碟$12 銀色碟$17 金色碟$22 黑色碟$27圖左：蔥花吞拿魚軍艦呢個價錢$12真係幾抵，而且味道都唔錯圖右：特選大吞拿魚腩呢個大吞拿魚腩一黎到時，我仲以為係中吞，一點油脂的感覺都沒有😩反而呢個食到陣陣油脂味道而且加上葱花味道更加香，但可惜紫菜已經淋咗有啲似用碗仔翅打欠嘅蒸蛋，但蛋做得好滑即叫即炸嘅天婦羅，內裏的南瓜都是薄切第一口食落以為係雪糕，其實應該係雪凍咗嘅蛋糕，面頭有焦糖，口感特別，好重忌廉味，好味呢個我食咗兩件🤤黎到一定要試，香濃嘅芝士味而且好creamy，極度推介

因為疫情關係，無得去日本但又好想去食下壽司，所以去咗附近壽司郎，當食個早餐+午餐，因為未開門已經到門口，所以唔使點等已經可以入座，壽司價錢由$12起，真係勝價比，最欣賞佢大大件都係$12，油甘魚入口即溶，好肥美，生蝦大大隻都係一樣價錢！所以非常抵食，食完可以換印花，有三個印花就可以換公仔，啱晒我！