壽司郎 (將軍澳廣場)

營業中

休息中

繼坑口同寶林，壽司郎終於開分店開到將軍澳店！今次佢選址將軍澳廣場，人流都好多。 同其他分店一樣，今日去到已經要等位，不過好彩時間尚早，等左30分鐘就已經可以入座。 呢期佢地又做緊唔同嘅期間限定。今期係赤醋飯，平時白醋飯就食得多，赤醋飯又係乜東東呢？赤醋飯係將固名思議就係用赤醋造成壽司飯，而赤醋係來自熟成酒粕，酸味同層次都同白醋不同。赤醋唔單止少有，更加可以帶出魚生嘅鮮味。依家呢個期間限定嘅時段所有壽司都會配上赤醋飯。 由於食左下午茶嘅關係今晚就食個輕晚餐。長鰭吞拿，吞拿魚蓉軍艦，吞拿魚，海松，蝦三味，呢五碟壽司都係我至愛，配上赤醋飯，的確令成件壽司味道昇華左。 係呢呢個期間限定，仲可以用$12 追加三舊赤醋飯，但係唔係真係會有人叫呢！？ 

今日六點幾經過，完全唔洗排隊可以直入，食完呢一餐，終於明白點解唔再見到長長排隊嘅人龍。其中叫咗三文魚牛油果手卷，三舊三文魚都有筋的，完全𡁻唔到。另外叫咗蝦三味，其中一隻蝦啲肉係梅嘅，完全feel到唔新鮮。最後諗住叫個甜品，試咗佢個桃粒芝士蛋糕，賣相已經唔靚，原來桃粒其實超級甜嘅罐頭桃，配一嚿未融雪嘅芝士蛋糕，我真係未食過咁難食嘅芝士蛋糕，雖然已經唔係大嚿，但食一啖已經完全唔想食。食完呢一餐，返到屋企，已經要同廁所做朋友，完全明白點解而家唔使排隊可以直入就食到。