壺 (大王東街)

營業中

休息中

呢間位於灣仔大黃東街嘅茶飲店「壺」(｡･ω･)ﾉ 路過即被佢藍白色嘅舖面所吸引💙🤍店內仲有少量座位提供～ 可以坐低慢慢飲🤭 有奶茶/純茶/乾果茶等等選擇 我地叫咗兩杯乾果茶 — 乾白桃香綠 + 桃花紅茶凍 $38 同 草莓乾果茶 + 白玉珍珠 $37 十分推薦乾白桃香綠!! 茶底香濃 乾白桃為佢增添清新🌿 想有野咬下可以加配料 設有多種選擇 我地分別加咗桃花紅茶凍同白玉珍珠 手工啫喱Q彈爽口 味道同綠茶好夾😋 絕對係低卡有口感之選😋

🔹️口淡淡便與朋友到灣仔大王東街 ‘’壺‘’ 飲杯嘢先🧋店裡主打台灣特飲, 地方簡潔舒適, 設有數坐位🪑店員友善👨‍💼👩‍💼價錢相宜💰🔹️雖然不是過江龍, 但品牌及茶飲由台灣人研發, 飲品還可以加手工製作凍啫喱, 有多款口味選擇🧋乾果茶系列🍓草莓乾果茶配桃花紅茶凍 ~ 鮮甜草苺香, 味道酸酸甜甜好開胃, 配桃花紅茶凍啫喱, 口感滑啫啫😋讚呀😍鮮奶系列🍼芋頭芋圓鮮奶 ~ 濃郁香芋味、 配鮮奶口感順滑, 還有煙煙韌韌的芋圓, 滋味到極👍

肥仔作為灣仔嘅奴工，tea time 點都要食少少嘢休息下。見到大王東街新開台式茶飲，一於買嚟試試！🥤🥤芋頭芋圓鮮奶咀嚼控首選！以大甲芋頭鮮奶作為基底，加上大量Q軟嘅芋圓，並添加滑順嘅鮮奶，全杯豐富配料，越喝越上癮！🥤🥤金萱茶杏仁凍驚豔！金萱茶溫和嘅茶香，不澀不刺激，飲起來好舒服，而且回甘。然後加上杏仁凍，和金萱茶好配合，杏仁凍都好好吃。總結，以全港首創手造嘅果凍作主題，又提供豆漿凍同杏仁凍，健康又創新，值得一試！

大王東街一向都係美食雲集嘅一條街離遠見到有間舖頭裝修精緻而且好光猛光線充足原來係一間主打茶飲同自家手工製啫喱果凍嘅舖頭同其他茶飲店唔同嘅係呢度有幾款啫喱配料綠茶凍、紅茶凍、豆漿凍、杏仁凍，真係好少見就連舖頭嘅logo都係一個壺入邊裝咗啲啫喱而且飲品嘅組合都好新奇例如熟成紅茶豆漿凍、壺咖啡凍奶茶呢啲都好特別都係第一次見到嘅款式個人鍾意飲啲清啲嘅茶揀咗金萱茶杏仁凍金萱茶茶底清爽甘甜，後勁帶少少花香杏仁凍嘅口感介乎豆腐花同啫喱之間杏仁味好出好清新嘅組合夏天唔想飲咁重味或者cream嘅話可以揀呢款下次經過會想試埋其他市面上少見嘅款式

茶底香，配料特別，但奶香不足，走甜等於飲茶咁😅～・・・・・・・・・・・・・・・・・・・・🖤 黑芝麻凍撞奶 走甜 HK$48・味道：黑芝麻凍的確好重黑芝麻味，個嘢飲都有唔少黑芝麻粒。不過奶味不足，所以淨係飲到黑芝麻味，冇乜奶香。・口感：黑芝麻凍幾滑，嘢飲唔會好杰身，不錯的。🧋 鐵觀音奶茶 走甜 HK$28・味道：同上，茶底好出但奶味不足，所以有啲似飲茶咁～・口感：順滑唔澀。・・・・・・・・・・・・・・・・・・・・🤰性價比：中～🤰9衝度：可試～🤰結論：其實較較個比例會好好多，甜味唔可以係影響味道同奶茶比例，唔好曬晒原本啲靚料！・・・・・・・・・・・・・・・・・・・・

行行下街想飲杯嘢，咁啱行到「壺」嘅門口就決定試下新嘢喇！見到佢哋有季節性嘅嘢飲南瓜QQ撞奶同埋黑芝麻撞奶~ 如果唔知道嘅話仲以為係咩新作，或者係fusion添！我自己嘅personal favourite係南瓜QQ撞奶，顏色鮮豔，口味好特別！仲要飲飲下會有南瓜渣可以昧下，又chewy，又唔會太漏～ 另外一杯黑芝麻嘅口感就好似凍糖水，好好飲，易入口！仲要好多層，好靚，絕對IGable~!P.S. 聽老闆講，黎梗係尖沙嘴K11開新店，到時行街都可以去飲奶茶～

工作了一個禮拜的獎勵:熟成紅茶豆腐凍🧋有時想飲啲有嘢食嘅飲品，但又唔想咬或𡁻(我認我係懶鬼😂)，加豆腐凍係一個唔錯嘅選擇😆其實即係豆腐花，反而唔係食芋圓嘅豆花。紅茶飲得出有茶味，絕對唔係隨便沖出嚟嘅有色水，愛茶之人可以一試😙

見到灣仔開左一間新式茶飲店班蘭椰奶咖啡拿鐵呢款係最新推出系列 本身都好鐘意班蘭獨特既香氣 第一啖飲落咖啡會最明顯 不過有棷奶中和左所以唔算非常濃 而班蘭就比較較淡 但整個感覺都係夾既熟成紅茶豆漿凍茶底清新 會飲到茶既少少烘味 配搭埋豆漿凍就更加特別 質感滑嘟嘟帶點微甜 以上兩款飲品我都點左走甜 雖然唔係每一款都可以走甜 但Menu上標示得好清楚 店員們亦好好人！

呢日工作關係，孖住同事一齊嚟灣仔做嘢～ 途經呢間飲品店，人頭湧湧，八卦咗一陣，影咗個 menu，就繼續急急腳去開工，趁住放 break 期間，上OpenRice 睇吓，有幾十個好評喎，決心放工去買杯試試一放工即刻衝去舖頭，好彩唔係rush hour，唔使排隊😌，即刻落單😎🔸黑芝麻凍撞奶呢杯香滑撞奶系列係我嘅 order 鮮奶系列一向係 My Cup of Tea ”芋頭鮮奶(熱)”更加係我嘅首選不過今日嚟個小突破，要咗杯～凍～嘅～黑•芝•麻～結果係～Very Good 👍🏻 Try 💪🏻～黑芝麻味非常香濃，黑芝麻凍口感滑滑又有嚼感揀咗”不另加甜” “正常冰” version，甜度 同凍度 都啱啱好 ～ 推 介 🙌🏻～🔸 金吉檸檬金萱 （追加 茉莉綠茶凍 同 桃花紅茶凍）呢杯係同事嘅order，同事一向鍾意飲啲酸酸尾尾嘅飲品，純茶系列 or 乾果茶系列係佢嘅 first choice 呢杯keep 番standard甜度同冰度，同事讚金吉檸檬味清香 ，2款茶凍茶香味濃，又大大提高嚼感，俾哂like 👍🏻👍🏻總結，我哋兩個都覺得大家各自order嘅飲品都好好飲😋，下次有機會再嚟灣仔，一定會

灣仔附近返工有口福啦，下午茶可以考慮試試呢間廢水。主要係平時的奶茶/latte，撞奶造型好吸引，比較少見，仲有可以加多款奶凍，例如桃花紅茶凍、茉莉綠茶凍，口感豐富！😂😂😂😂𓇟鐵觀音latte$33叫左走糖，唔會甜，而且好大杯，加左杏仁奶凍，帶微苦杏仁味，仲有其他豆乳奶凍，之前聽人介紹都幾特別。🥹🥹🥹🥹𓇟黑芝麻撞奶$48黑白相間好吸睛，黑芝麻粒粒起沙，係純牛奶，不過感覺比較普通。

行街行到又攰又口渴，呢個時候最啱坐底飲番杯手搖茶飲🥤🥤經過灣仔大王東街，見到有間新開嘅茶飲店，超多人排隊👫👫原來係台灣過江龍，主打以自家手工製果凍為基底，再配上特色口味如杏仁凍、豆漿凍、咖啡凍等等，咁得意一於試吓先😋🔹金橘檸檬🍋金萱➕茉莉綠茶凍🌿味道酸酸甜甜，清新解渴，估唔到金橘檸檬配金萱茶係咁夾🎉 茉莉綠茶凍晶瑩剔透，散發淡淡綠茶香，甘甜Q彈💖🔹 鐵觀音芝芝奶蓋➕桃花紅茶凍🌸濃厚芝士奶蓋鹹甜適中，質感細緻綿密～奶味香濃而不甜膩🥛鐵觀音茶甘清爽，溫和清香，配桃花紅茶凍，帶有淡淡紅茶清香，爽口彈滑❣️茶飲店裝潢別具風格，藍白色主調走小清新風，兩旁設梳化位置，等客人可以坐低休息吓嘆番杯茶飲💝壺 Potion House✨📍灣仔大王東街20號地舖

行灣仔行得攰，又唔想飲咖啡，見到新開的飲品店，要去試試熟成紅茶豆漿凍：飲品結合了熟成紅茶和豆漿的獨特風味，口感綿密滑順。紅茶的香氣和豆漿的濃郁賦有獨特的層次感，一口下去，淡淡的茶香在嘴裡緩緩散開，豆花的香甜襯托著整體味道，它既能解渴又能營養，絕對是夏日消暑的最佳選擇。黑芝麻撞奶凍：這款飲品以香濃的黑芝麻和濃郁的牛奶結合而成。一入口，濃郁的黑芝麻香在口中綻放出來，帶給人一種濃醇又滑順的口感。牛奶的甜度融合了黑芝麻的香氣，更加凸顯出這款飲品的獨特風味。喝下去，仿佛享受著一杯獨特的甜點。

灣仔呢間台式飲品店，由台灣直送原材料，冇添加人工調味，罕有自家製多款果凍配料，可以飲得健康又美味。因為太多款揀，花多眼亂，等我哋下次一定要飲埋果凍茶先得！.🥤黑芝麻凍撞奶🥤：💰$48凍飲都幾大杯，一定要mix好先飲，入面有好多黑芝麻碎，又有少少似芝麻糊狀口感，仲有滑滑溜溜既黑芝麻奶凍，選用鮮奶底，奶味極濃，成杯既配料份量十足，黑芝麻愛好者必飲！🥤斑斕撞椰奶🥤：💰$44人氣飲品之一💕見到斑斕就即刻被吸引！有層厚厚濃味斑斕奶蓋，椰奶又唔漏喎，甜度岩岩好，斑斕加椰奶感覺好似泰式斑斕糕味道～

同朋友去灣仔經過大王東街，見到有間以藍白色做主題嘅手搖飲品店，覺得佢設計好特別俾佢吸引咗入去。見到佢有新產品香滑撞奶系列，於是我哋就走去每人叫咗一杯飲品。黑芝麻凍撞奶 😆我鍾意飲芝麻糊養生，點咗呢個啖啖黑芝麻味嘅撞奶，飲到底都仲有好多黑芝麻！仲有啲麻薯感覺！香濃芝麻味，我朋友笑稱呢杯飲品係芝麻糊個friend。南瓜Qq撞奶 （朋友揀咗熱飲）天氣開始轉涼，轉熱飲可以養生！都幾香南瓜味，萬聖節飲就一流😌

放工經過灣仔，見到呢間新開嘅台灣過江龍手搖茶飲店，裝修好靚😍以藍白色為主調💙簡約又有格調。店内亦有少量座位，行到攰可以坐低休息下。材料均由台灣直送🇹🇼無添加人工調味劑。主打以自家手工製果凍，有多種特色口味：杏仁凍、豆漿凍、咖啡凍☕️桂花紅棗凍、蜂蜜菊花凍、蝶豆花檸檬凍等等，健康又創新😆🔸黑芝麻凍撞奶 $48飲品以牛奶為基底🥛加入黑芝麻凍，入口滑嘟嘟。整體黑芝麻味道特出，淡淡真材實料，飲完好似食完個甜品咁飽肚茶飲店仲有咖啡、純茶、芝芝奶蓋、鮮奶、拿鐵、奶茶、乾果茶等等🤣下次再嚟要試埋其他味