壹品燒鵝專門店

甘香化以上三個字係完美形容呢間店嘅燒鵝，好耐冇寫食評係讚唔係鬧，食過兩次，每次都都係咁出色，希望多啲人可以幫襯呢間燒鵝舖。佢嘅燒鵝真係好食過坊間大牌子，希望佢之後可以開多啲分店.The goose is so excellent that the meat is tender and not chewy at all. Although it’s a small shop, but it definitely creates many good siu mei here…查看更多

又係斬燒味返屋企加餐嘅時候！原來長沙灣開咗一間新嘅燒臘舖 今日一於放工試吓先 🤪呢度推介三個套餐~ 好抵食 我就叫咗其中兩個B餐$110例牌燒鵝加上叉燒 同埋C餐$88半隻油雞加上燒腩仔😁返到屋企，份量都幾大喎！燒鵝，色澤鮮明 油光閃閃 好有油香，鵝肉外脆內嫩 再配上酸酸甜甜的醬汁， 令人食慾大開 🥰叉燒～勁多蜜汁，師傅俾咗半肥瘦我， 好靚！入口軟熟😋燒腩仔，肥瘦比例啱啱好，肥瘦相間 🤩肉質鬆化，外皮趣卜卜❤️❤️油雞 賣相好靚 肉質鮮美，唔會過鹹，大人細路實鍾意食！😚呢間新開嘅燒臘舖質素相當不錯！…查看更多

早收工斬個靚料😊燒鵝例牌再加燒腩仔外賣價先係$110好好彩老闆仲都斬咗燒鵝髀比我😍燒鵝燒到層皮好香口 唔會連住好多肥膏食埋都唔會太大罪惡感肉嘅部分醃得都好夠入味唔會話只係得個背脊嘅部份夠味啲肉燒到剛剛好熟 火候掌握得非常好 唔會話過老屋企人食得好滋味燒腩仔有四両重豬皮燒到好鬆化好脆夠晒香口唔會話係好肥嘅部分瘦肉更加可以毫無顧忌咁食另外見豉油雞好靚原來即係玫瑰油雞$68呢個價錢我真係冇要求成隻雞睇個色就知佢夠晒入味平時好怕啲雞骨仲有血呢隻夠熟啱晒我仲跟大大兜蔥油唔好以為剩係得外賣餐廳裏面係有位堂食㗎…查看更多

之前新開張幫襯過 份量同味道都對辦 又近屋企所以諗起想食，就叫屋企老人家出開去順便買返黎，點知⋯一份$105下裝可以少成咁，鵝正常腳係長過鴨一截，但呢盒野個髀骨好短，唔知隻鵝係咁細定用鴨扮鵝🙄 老人家話買嘅時候冇諗過會俾人呃 所以冇留意頭有冇髻佢一返到屋企勁自責，話自己蠢俾人呃⋯唯有叫佢以後咪再幫襯 😩其實開得喺呢頭都係做街坊生意，真係冇必要咁樣殺雞取卵，以後大家唔幫襯長遠嚟計都唔着數，仲要呃老人家！！…查看更多

開完會，經過「壹品燒鵝專門店」，見到好多街坊排隊，於是決定買個乳豬燒鵝雙拼（$168）返屋企同家人試試，估唔到比想像中有驚喜，唔怪得之咁多街坊排隊😋😋😋乳豬乳豬肉質鮮嫩多汁，肥瘦相間，十分美味。而且乳豬皮烤得非常香脆，肉質鮮嫩，入口即化，讓人回味無窮。燒鵝鵝肉十分熟透，內裡鮮嫩，油脂分佈均勻，但又不至於令外皮過於乾燥，反而十分酥脆。特製的燒鵝醬，增加了燒鵝風味，有更多口感變化，非常美味。壹品燒鵝專門店 (深水埗)地址：深水埗東沙島街171-175號富華閣地下H號舖…查看更多