壹匯中菜廳 (星峰薈) (已結業)

食物微温，燒味拼盤似百鳥歸巢凍冰冰，波士頓龍蝦蟹身似失蹤而伊麵底似滾水淥好放底兼淡而無味，馬拉盞炒通菜疑似預先整咗好耐，長腳蟹更是死蟹仲要比我們親眼目睹被另一檯退貨然後再上我地嗰檯，即時同經理對質忘記影相，經理即時心知肚明即刻幫我地取消…咁嘅服務應該好快執

之前已經試過一次 等一個鐘外賣上一次個reception 姐姐話下打電話黎order先咁唔洗等咁耐😭其他客人都發脾氣，追邊張先出邊張先🥲真係唔會有下次🥲提大家肚餓、趕時間千祈唔好食佢🥲

＄1688超值龍蝦鮑魚套餐真係d菜上抬時 嚇一嚇d燒腩仔係迷你版（未見過咁細舊）龍蝦肉： 唔多覺有中間多肉部份，腳多，邊位肉（可能細隻啦）一字骨：賣相真心差，一字骨真係叫你lun骨，d肉去晒邊呀？得d炸粉扮肉.........乜料呀大佬？！小炒皇: 真係唔得，急凍八爪魚咬咬下都吐返出來（同抬人話：呢d貨式都擺得上套餐入面）竹苼花膠雞絲翅：d竹苼花膠翅 去晒邊呀？（雖然都唔期望有翅，卑多d竹苼都好丫？海石斑：可以啦，但感覺蒸過熟鮑魚翠苗伴：超級bb鮑魚，自己出面買來吃既罐頭鮑魚都大過佢，生菜底燒雞：都係一般姜汁千層糕：以為平時吃開個d紅棗千層糕，上台白雪雪，成舊白糖糕咁😑😑😑😑😑無心做唔好做啦真係之前疫情期間無生意，以家有返d氣色生意，都唔係卑埋呢d貨式出來掠水咖？做好d, 客人自然來真係吃過最差既套餐一字骨 無肉咖

星期日要返公司做埋少少手尾，同事提意食飽先慢慢做，真係感謝佢一早嚟攞位。好耐無嚟呢飲茶，原來已經轉咗第二間酒樓。我哋點咗好多雙寶特價點心，味道都可以，坐得亦唔逼，幾好吖。鮮蝦菜苗餃，幾飽滿。香滑流沙包，流沙效果同個味都唔錯。上湯白灼菜芯。蜜汁叉燒酥，呢個一般，唔夠酥。雙寶：胭紅蟹籽燒賣薑汁雞包仔，好耐無食過。香芋蒸排骨，唔鞋唔韌。紫薑牛肉球。香茜叉燒腸，腸粉幾滑。鳳爪排骨飯，呢個都係孖寶之一，幾抵。

餐具非常邋遢 仲有食物殘渣 ，筷子、碗碟立黐黐， 熱水都洗唔到。 物質素一般，雖然環裝修尚可，但衛生情況欠佳。員工態度一般， 已反映 上述情況， 但冇人跟進。 現場 冇人理 ，公司網頁亦沒有途徑聯絡跟進。 投訴無門管理欠佳。以後唔幫襯。

平日星期一至五的點心質素唔錯，價錢亦算合理，但侍應數目和服務水準一般，反應都幾慢，款式亦唔算有很多選擇但仍可接受。由於尚未幫襯佢食晚飯去試佢哋晚飯表現…所以遲D再補充吧

呢間係POPCORN 當中，價錢比較合理同埋食物質素唔差既酒樓。所以平日有好多老友記飲早茶。星期一至五，點心孖寶40蚊都唔使，真係幾抵。只係食物少少偏甜，但仍可接受。最大問題係服務質素奇差。黑口黑面唔在講，問佢地攞碟豆瓣醬，問幾次都唔會應你，叫沖茶又叫幾次，入點心又叫幾次。之前疫情客比較少，招呼會好啲。現在客人多咗，服務就差好多。成個場十幾個侍應，但冇個睇到你，永遠都只得一個最勤力既招呼你，其他就同啲客傾計吹水。🙄

一向呢個位置開餐廳真係比較少人知道，所以很多時都不用等位。但唔知係咪話曬開向酒店樓下，每每開向度的酒樓，即使格局及服務都只係普通街坊酒樓嘅質素，都會收比較進取嘅價錢。本身晚飯去得酒樓，我都係想蒸條新鲜魚食，所以今晚都係叫咗最愛嘅東星班(＄268），可惜，一食落口，便知道條魚唔夠新鮮，味道同質感一食便知是否新鮮，條魚應該唔會係即劏，真係極之失望😞！另外聖子($118）4隻，聖子肉比較薄唔厚實(唔係挑剔，你喜歡去食海鮮就會明)，基本上全都是蒜蓉粉絲！但算是今餐比較可以的了。咕嚕肉($78）味道好正常，但D肉係好似豬頸肉咁嘅肉片，同一般食開嘅咕嚕肉唔同。最後一提佢地用的豉油汁太鹹。總括味道方面還可以！但佢哋食物用料方面有待改善！味道方面還可以！

晨早一家人去光顧，門口接待處有位姐姐問我哋幾位，之後比一張點心紙我哋就無講野，好難理解自動入坐還是有人帶入坐，再問她就：「自已搵位坐啦」，其實這個時世有份工做都已經好好，點解做得咁無朝氣？點心質素可以講係全將軍澳數一數二最差，如果質素不好👎🏻好難會有長期顧客，環境因直落玻璃所以都給引👀，為一驚喜就是送點心的姐姐雖然年齡偏高，但服務口碼都有講到，會講聲多謝或問要唔要醬油等等，整體來講都係好難長期光顧。

見到這酒樓在疫情新開張，因此帶著少許期望，去嘗試這酒樓，但門口短髮接待員的服務態度卻竟然超勁差！ 大大超出我的「良好期望」！第一次去時只問了她下午茶有什麼優惠和有沒有特價點心紙， 她都覺得嫌煩唔想答。 之後再幫襯下午茶， 她寫枱號給我的時候既黑面又十分晦氣， 我從未見過如此差的接待， 我實在忍唔住要登記成為openrice會員去投訴。 其他侍應的服務都只是一般， 而食物質素十分普通、賣相麻麻，但價錢卻很昂貴， 85折後(加一前)一籠蝦餃都要$45.7、燒賣$40， 選擇又少，完全唔覺得點解值咁貴， 以後都唔會再幫襯(>0<)。