墾丁茶房 (已結業)

又到了午餐時間，星期日的中午，見墾丁茶房不用等位，又有set lunch 供應，就走入去食午餐吧！我們點了兩客set lunch,$44 包一杯飲品，不用加一，就是快餐店的價錢吧!店內裝修藍白色為主，座位很多，座位也算舒適 。台式孖宝肉燥飯(台灣腸和貢丸)大大碗的肉燥飯，貢丸很香，小香腸烤得香脆，肉燥也惹味！台式孖宝肉燥飯(台灣腸和黑醋軟骨)黑醋軟骨酸酸甜甜的，肉也淰滑，伴飯吃一流，真的很好味！兩碗飯加上其他的配菜，份量也不少，女生們吃不完呢！在這個環境，這價格實在很抵吃吧！

昨天十號風球下，墾丁都有開😍,員工十號風球下都有上班，直得表揚，雖然人手好像有點不夠，但是落單同食物都算好快，真的真的真的直得表掦一下😊有一樣要改善一下，就係下午茶餐種類不多。

永遠無人service ，要杯水要等半個鐘仲要叫幾百次，落單好積極，食物就要等半日，無甘多人做野就唔好開甘大個場啦唔該Ps.食物水準都系一般，就得珍珠奶茶還可以。。點解我仲要幫襯？因為禮拜日既油塘大本型得佢唔使等位

好耐冇食過台灣野 放工同太太去墾丁茶坊食晚飯 唔使等位鹽酥雞扒湯麵餐 個麵同雞扒分開上 唔怕浸淋鹽酥雞扒熱辣辣好鬆脆好好味 仲有三隻調味粉揀山楂鳳梨豬肉排加肉燥飯 個飯唔太大碗 份量剛剛好熱蜂蜜紅茶 同 熱珍珠奶茶太太話杯熱蜂蜜紅茶太甜 我就覺得都okay

是日下午來到墾丁茶房食下午茶餐廳內裝修好有墾丁的海洋氣息比到你渡假優閒0既感覺點了魯肉飯配鹽酥雞扒，餐飲係熱咖啡咖啡不錯，說是即磨的，起碼我飲吾到濃烈0既煉奶味，但個杯側邊有咖啡漬，大確是倒咖啡時沒有倒好，不太雅觀呢講番個飯，有大大塊的腩肉同肉燥肉燥還可以，但腩肉不夠淋身可以話係完全吾掂因為煮得好果d,都會係入口即溶的鹽酥雞扒就不過不失題外話。。。由點餐到野食到差吾多等左15分中真的有點久。。。而且味道不至於值得等咁耐。。如果不是人多來食，好大機會係要搭木台的～

琴日放假,去食個下午茶,永遠一入此餐廳,總有人問你幾位不讓妳揀位,點左個茶餐同個擬似經理講想要果醬揸多士,她說:“沒有果醬”我非常錯愕,因見隔離枱有人點多士,而有果醬,我再問那擬似經理,問隔離枱的是咪有果醬,她說:“那不是果醬,是士多啤梨醬,你要我給你”然後叫另一侍應拿來,但侍應,沒有拿來,只來跟我說道理:“你點的餐,只有牛油,沒有醬,要指定多士餐才有”唔知點解經理之後就拿來給我我跟她說:“我只是想要果醬,沒想過是咁複雜的一件事,妳叫侍應拿果醬,她卻來說道理,比個果醬客人,有咁困難嗎？”她說:“同事可能誤會,我們沒有果醬,只有士多啤梨醬,你下次講士多啤梨醬啦 ,蘋果醬呀果D先至是果醬,”我說:咁你地都可以同我講只有士多啤醬,沒果醬, 我唔知有咁多字眼限制,我只是來消費,你同事又同我講道理,她說:可能同事誤會,咁我依嫁都拿了士多啤梨醬給你,你明白就可以。跟住那侍應在收銀機前,黑面,經理話:算啦,唔好哭啦！其實我做錯咩？原來士多啤梨醬,唔是果醬黎。

鹽酥拼盤🍤$45佢聲稱有雞 花枝丸 豆腐個推黃色野入面得三舊係花枝丸 仲要得半粒醬又勁少 要塞入個兜到先點到不過好彩都算炸得幾好食😷------------------------------花雕蜂蜜豬扒🐷$53呢味我之前食過 係好食既 重蜜糖味不過可能有啲人會覺得太甜 我係鍾意既👍🏻------------------------------黑醋炆牛尾牛𦟌窩🐮$68講起就嬲 個餐牌係寫"黑醋炆牛尾牛𦟌窩"張單寫"黑醋炆牛尾窩" 我以為簡寫左點知黎到真係得牛尾 仲要係三舊半 $68喎😡同啲薯仔蘿蔔 我叫左個經理黎我:呢個唔係"牛尾牛𦟌窩"咩？佢:"牛尾窩"我:個餐牌係咁寫架喎之後佢去check佢:俾漏左 我拎去俾師傅睇下個情況 再俾返你我:你拎岀黎咪得之後佢拎左四舊牛𦟌過黎 解釋俾漏左呢樣個樣------------------------------其實我覺得唔係俾漏 係真係得咁少同冇牛𦟌咁你就改下個餐牌啦😕仲有 佢餸都未上就上白飯 我笑左😑如果係咁死版既話一係你好似客家好棧咁提下客人唔好落飯住 餸到左先叫啦😐

今日去左大本型探朋友，本來想去食譚仔，見到隔離間門面唔錯，星期日5點半仲有下午茶，咁就試一試吧！門面真係幽雅既，坐位舒服，覺得乾淨既，85分。侍應/招呼ok既，就係無乜笑容，6o分。迷你拼盤+米粉+凍柚子蜜$42，全部正常，份量足，花枝丸豆腐好味，80分。肉糟飯+雞扒+珍珠奶茶$46，都係全部正常，都ok既，70分。混酱厚多士+擔擔麵+爆珠蜜桃綠茶$48。厚多士太太太普通，酱唔夠，40分。擔擔麵直頭唔掂，完全無花生味，20分，不推薦。合共$136，無加一，下午茶每人大约$45，偏貴，7O分。✔不過不失，可以一試。70分

初二晚唔需要回家食開年飯，想起墾丁茶房，決定幫襯下。環境方面，地方寬敞，裝修簡潔，今晚少人特別寧靜舒適。點了兩份餐: 滷拼盤肉燥飯套餐 $65鹽酥雞排肉燥飯套餐 $60以上兩份套餐包湯，主餐和飲品。餐湯顏色好濃，但味淡，是否無加塩？肉燥飯嘅肉燥份量足，用上了八角等香料，味道濃，不過飯太硬，稍為失色。滷拼盤裡面嘅牛𦟌稔和入味👻，糖心鹵蛋做得恰到好處，雞翼無得彈，好入味，不過有小部分唔夠熟，要扣分😓。至於鹽酥雞排，食落感覺微辣，香酥味濃，雞皮雖然炸得脆但韌及油膩，比茶木所做嘅雞乾身和鬆脆就稍遜了。泡沫奶茶嘅奶和茶比例平衡，扺讚👍🏻以六十幾蚊嘅價錢，雖然有啲地方有不足，但水準仍算中上，綜合嚟講，值得再幫襯。

今日經過油塘大本型見到我最愛的「墾丁」兩個字就走咗入去試呀叫咗3個套餐, 不過不失, 但係全部都略偏鹹! 整體味道還不及「茶木」除咗套餐, 我見冇咩蔬菜, 所以叫咗個「鮮茄野菌豆腐鍋」$49, 但係真係「圖片只供參考」真係上到枱同餐牌所見賣相差好遠, 但係味道還是可以的!鹽酥雞排炸得還可以, 食落唔算多油, 而且食得出唔係預先炸定翻叮, 不過都係覺得太鹹, 如果唔係都算OK, 肉燥汁就好「傑」最正常係呢個錕飩花枝丸湯麵, 不過就係普普通通合格咁囉最後一個套餐係滷水拼盤, 呢碟同張相係最大出入, $66真係好唔抵, 每一件都好似縮咗水咁不過餐廳環境尚算舒服, 來這個食個下午茶我看還可以吧! 晚餐就....

第一次去既時候食五到好五開心 今次專誠渣車入去食 失望到極點 野食五夠熱..五好食 價錢五系問題 但佢五值 台灣街邊是但一檔都比佢好食 滿懷希望 但真系好失望成餐飯都食得五開心

墾丁環境舒適，香港台式食物來計質素算係咁。中午貪就腳就入去食野。時間不算繁忙，但招呼的員工就好似好唔耐煩。落單叫幾轉都無人採。叫左3個餐。出左3次單都是錯的。一間餐廳食物再好，員工有無心做好都是重要一環。

讀書時, 有位老師曾經講過, 食一個開心的早餐可以為你帶來一日的好開始, 雖然呢番說話係好有意思, 可惜自出黎工作, 每朝永遠趕趕急急返工, 真係好難坐得輕鬆咁食個早餐.咁啱呢一日DAY OFF, 可以去食個好早餐先~臨去鯉魚門前先到油塘大本營食早餐, 其實大本營食肆都唔少,  我就揀左墾丁茶房。入面比想像中大喎 ! 睇下早餐價錢又唔算貴, 我就揀左呢個啦 !! 食物好快送到 ! 磨菇芝士奄列, 蛋的份量好多, 反而芝士多些仲好啦 !豬仔包脆卜卜好想食多個, 肉碎新竹米粉原來好滑口, 湯底感覺唔多味精. 唔錯呀 !!食完呢個早餐,飲埋杯熱檸水就充滿力量啦 ~ 有機會試下去食晚飯先~ 

係油塘做野，趁等人之餘就同同事去食個早餐先，星期日要等位都好正常，但冇諗過等左30分鐘換餐咁嘅早餐，超唔抵喔！叫左個番茄通粉配煙肉午餐肉煎蛋，同事就叫左個肉燥米粉配芝士蘑菇奄列，真係冇諗過個番茄通可以差成咁，首先 唔夠熱，又唔夠湯，仲要冇番茄味，仲慘過普通嘅番茄薯仔湯，救命，點可以咁簡單嘅通粉都做得咁差。然後啲午餐肉，煙肉，煎蛋都係凍嘅！我明白星期日係好忙，但未至於可以咁樣出餐吧⋯⋯同張相相差9萬遠，我都知道圖片只供參考，但我好失望會咁嘅樣好失望，之前仲打算試午餐同晚餐，宜家永不再去！

今日跟友人到油塘揾食，經過見到<墾丁茶房>的裝潢很特別，燈泡型的吊燈，鵝鑾鼻燈塔的壁畫及藍色波浪紋的椅子，令人置身於優美陽光的墾丁 MENU上的選擇很多，招牌套餐的價格也很相宜。一場來到，打算嘗試更多VARIETY，所以我們點了秘製紅燒牛肉湯麵、雲腿菜肉餛飩雞鍋及澎湖三蝦冬粉鍋，準備大快朵頤。雲腿菜肉餛飩雞鍋餛飩雞鍋是3個菜餚中最為滿意的，黃油雞湯很濃味，表面的黃油全是雞肉、雲腿的精華，白菜吸收了濃湯，份外滋味!  如果加入更"索味"的黃芽白，湯底呈奶白色會更美味! 菜肉餛飩也皮薄餡多，啖啖肉、充滿鮮雞汁，不錯!  紅燒牛肉湯麵紅燒牛肉湯麵是台灣的招徠，所以也是必點的。一碗好吃的牛肉麵，湯底最為重要。這個紅燒牛肉湯麵的水準只是一般，因為湯底没有牛骨的濃郁香氣，而且偏咸，如果一個人食一整碗，應該會好口渴。但牛肉是很腍身，一咬已經鬆開了。湯底有酸菜做配料，也頗開胃的。澎湖三蝦冬粉鍋冬粉鍋比較令人失望，因為蝦的份量非常少，整個鍋也只是冬粉、芽菜，比較"寡"。 上枱時，我們可能没有快炒，所以食到鍋底時，冬粉也結焦了及黏著鍋底，所以這個菜色並不推介。總括而言，<墾