塚田農場 (已結業)

未嚟個幫襯，朋友生日話事，點知啲嘢細細碟、收費貴、人手又唔夠、送錯單、漏單、比較混亂，落單等左30-40分鐘先送到👎；有啲款式精緻特別👍，味道唔錯😋，推介三文魚牛油果美人卷🍣、鰻魚忌廉芝士美人卷味道特別；本來想試美人煱，2人都要4百幾蚊，真喺唔值呢個價錢收費，我哋6位女士就住食咋，唔飽肚！如果男士食，相信2千幾蚊都唔夠飽啦😮，咁貴嘅收費，服務又麻麻，真喺有啲「伏」！有待改善，先會再幫襯..

這家日本餐廳的表現讓我非常失望。首先，他們的菜品份量非常小，而價格卻偏高，這樣的性價比實在是太低了，讓人感到不太划算。其次，服務質量也不盡如人意，服務員態度好麻麻，讓人感到不太舒服。而且餐廳內播放的音樂實在是太嘈吵了，還播放了一些不太相符的歌曲，比如Black Pink的歌曲，讓人感到非常不受用。最後，出餐速度非常慢，我和我的朋友等了很長時間才等到食物，這讓我們非常不耐煩。總體來說，這家餐廳的表現非常不理想，建議大家可以考慮其他選擇。

三位女士一齊去叫咗個二人套餐，+1碟雞+1個炒飯，1杯嘢飲！正常應該夠食，但係點左個套餐米子卷同壽司好細件，個菜盤看到以為好多，但係實質每人得三幾塊，😞！味道都唔太差個炒飯每人得三啖，如果兩個人去食個套餐真係唔夠飽！男士去食，真係要諗一諗食幾多錢先夠飽？🧐

得個靚字，份量真係少咗啲，女士們都嫌你少，菜都唔多夠，菜咁平都比咁少，有啲失望！調個二人套餐加多一杯嘢飲加咗一個飯，三個女士到只係覺得還可以，但係已經over$700 －男士們來真係唔知要叫幾多錢先夠食！

🍽️ 塚田農場 📍沙田沙田正街18號新城市廣場一期1樓105號舖-同媽媽食飯，一於就試吓個美人鍋～💫 BiJin Combo（$438）🌸鰻魚忌廉芝士三文魚子壽司卷忌廉芝士同鰻魚嘅比例啱啱好！ 面頭有啲金箔點綴，好靚🥰🥰好味道！🌸三文魚牛油果美人卷米紙卷包住厚厚嘅三文魚，加上牛油果同埋爽脆嘅生菜、青瓜絲，好fresh好清新🌸澳洲牛肉-美人生肉鍋升級（$168）美人鍋本身只有雜菜、豆腐，要食肉就要升級🥲🥲澳洲牛肉食落都有少少牛味，唯獨係數量少咗啲🥹🥹最正就係嗰兩粒溫泉蛋！用嚟點牛肉真係不得了🥰🥰-🌟 套餐包兩杯飲品，飲咗波子汽水同埋ginger ale 🌟 店員態度良好，非常有禮貌！🌟食物唔差，唯獨份量真係少咗啲🥲🥲要再食個甜品先飽推薦指數：3/5抵食指數：3/5#foodloverin852 #852 #foodie #hongkong#shatin #沙田 #塚田農場

食物質素, 服務態度滿意, 空間大, 有卡位。但發覺店舖餐牌有𣎴同。apm有6款魚生定食和天婦羅定食. 但沙田無。地比較滑, 椅子𣎴隱經常滑來滑去, 行路要小心。總括滿意 會再光顧塚田農場。

話說2023-04-09大約下午3點半左右，兩公婆食完叫埋單，我已手拿VISA咭準備結帳，一個不知名個子矮小的年青女職員將單掉下，我放上VISA咭，但職員沒有理會枱上單據和VISA咭，二話不說就轉頭離開，叫也不理。其後我見一名男職員到附近枱上菜，我才叫他繼續餘下結帳手續。店內食物一般。

星期二中午去沙田新城市買嘢，隨便選這間店食個午餐，誰知伏到爆。叫了兩個美人御膳set, 炙燒豚肉丼(照燒三文魚，凍烏冬） 和 照燒雞＆免冶鷄肉碎丼（南蠻炸雞，熱蕎麥麵）。店內只有五枱客，但我哋都要等接近半小時才上菜😓。豚肉丼連碗內嘅飯都係凍，豚肉上面好多照燒汁，勁鹹。反而個凍烏冬係室温，而且個烏冬係晒，個湯有腥味，完全係預先煮好放咗好耐，超難食。另一個照燒鷄丼好彩係微暖，但個熱蕎麥麵又係室温，麵亦係晒，一夾就碎，湯都有一陣腥味，老公食咗一口就放低。我同店員反映點解等咗半粒鐘d食物上餐時完全係凍，個阿姐聽完行咗去，埋單時，阿姐同我講已經同咗同事講😲。$158一個餐再加一，食物質素連快餐都不如，加上咁嘅服務態度，真係完全係中伏。完全要blacklist這間食肆。😤

次次去親沙田新城市都花多眼亂因為好多嘢食好多想試🤣今次去沙田揀咗呢間日式餐廳想試佢個美人鍋同貪佢多位唔洗排隊排好耐😜 ✴️美人套餐 Combo Set for two $438 套餐有齊火鍋，春卷，壽司❇️雞肉美人鍋🐓😚好鍾意火鍋啲擺盤😍顏色好靚齋睇賣相都令人食指大動同手指大動😂（因為要影相📸️）🤣湯頭係偏白色嘅骨膠原湯所以一開始係固體似jelly咁上枱之後開爐煲反溶佢同埋會愈煲愈濃據聞湯底用左日本個邊農場直送香港既新鮮走地雞熬足8粒鐘又唔加味精配埋各款蔬菜🥬又有雞髀肉一齊連個湯都愈來愈鮮甜😚😚❇️海老牛油果美人卷蝦之米卷😋 雖然唔係好特別但味道唔錯 👍🏻蝦都幾大粒 ❇️帆立貝玉子美人壽司帆立貝加埋蛋呢個配搭係冇可能唔好食🤤帆立貝鮮甜 蛋皮薄薄但有蛋味賣相唔錯👍🏻✴️ 三文魚親子鹽昆布炒飯 $93 因為雞肉美人鍋份量唔多我哋唔夠食所以叫咗依個飯😂鐵板炒三文魚飯加上魚子再配蛋汁炒埋一齊🤤自己可以控制到要濕潤啲定乾身啲既炒飯👍🏻相當好好食🐟✴️焙茶餡蜜芭菲 $68食完正餐一定要有個甜品先完美焙茶有少少苦味配返日式嘅蜜紅豆同甜蜜汁中和返仲有糯米團子同茶味jelly👍🏻🤤又係食得好滿足嘅一日😍😋

今日晏晝去食左個美人丼定食，$158一個餐有炙燒豚肉飯、前菜（豆腐）、炸雞同冷蕎麥麵。個飯係非常之普通，但個蕎麥麵係難食到極點。就算喺香港平時食啲再頹嘅餐廳，都冇見過間餐廳嘅蕎麥麵係碎嘅......仲要蕎麥麵嘅湯係唔知點解有浸腥味......都算刷新左我對蕎麥麵嘅認知......服務都係難得一見，1點去食午餐都可以有好幾款售罄，連熱咖啡都無，開頭問啲侍應問題又答唔到，問點解有凍咖啡但無熱咖啡，淨係呆企係到Errrrr，等左20秒我叫佢幫手問一問，先走去問然後叫個senior黎覆番我地，然後送餐又倒瀉嘢，姐係人均食左$150黎講，奉勸大家唔洗揀呢間伏野😉

約了朋友在沙田新城市廣場晚餐， 這商場有很多餐廳， 逛了一圈，決定入塚田農場，因看到座位頗舒適 ，而且大大盤的新鮮蔬菜照片很吸引。二人套餐包括火鍋材料 - 雜菜， 春卷、壽司。另外可追加牛肉。美人套餐 Combo Set $438 / 2 位~生菜、青瓜 、紅蘿蔔、車厘茄、 日本菇、紅蘿蔔、 紅心蘿蔔、 豆腐等，十分新鮮， 顏色鮮豔。1) 選擇一款鍋物 +$168 美人牛肉鍋~牛肉不算多，但肉和脂肪比例均匀，有牛味。2) 選擇一款美人生春卷海老牛油果美人卷~蝦刺身鮮甜，牛油果軟滑，明顯是主角，半透明薄米紙卷的外皮， 米飯不多。3) 選擇一款美人壽司鰻魚忌廉芝士三文魚子壽司卷~內藏著鰻魚壽司 ，鋪上三文魚子和金箔，添了點貴氣。雞底湯底很鮮甜，尾聲加了一個 拉麵 放湯，十分滿足"！凍烏龍茶~餐牌中說明了塚田農場的理念，兼顧美味、健康、養顏、日式元素和擺盤精緻。 所以蔬菜份量比肉和澱粉質多。 食肉獸可能未必滿足，但我覺得份量恰到好處， 其實食材的配搭很有心思， 美味之外與健康有營兼顧。塚田農場沙田沙田正街18號新城市廣場1樓105號舖852 24777266

今日老細萬歲，所以食豪啲🤭Lunch time時間有限，叫咗呢間外賣🍱炙燒三文魚牛油果丼御膳成個餐超豐富，份量多到可以分兩餐食前菜有舊豆腐，夠滑，配埋啲汁好惹味個餐仲可以揀一個小食👇🏽南蠻炸雞或者照燒三文魚腩今次揀咗三文魚腩，魚腩上面放咗啲柚子令味道fresh D，減少油膩感三文魚丼嘅三文魚係半熟嘅，肉質嫩滑👍🏻牛油果就比想像中少，不過成個餐好多嘢食所以都好夠食另外仲有一個麵跟埋餐，可以揀烏冬/蕎麥麵呢個餐好滿足，不過價錢都唔平如果堂食個presentation應該會靚啲建議如果要去，就去餐廳堂食啦

今日老細萬歲請食Farewell飯🍱我地就揀左呢間外賣黎食！咁因為我地工作關係所以不能Share食物所以叫呢類獨立餐就岩哂😆由於我成日好怕自己會唔夠食所以叫左御膳套餐 佢個餐有一個丼飯 (我叫左灼燒三文魚牛油果🥑丼飯) 佢份量係平時外賣的3/4到. 老實講外觀小失望 除左睇起嚟似唔夠食，而且可能我地十幾個人都叫呢個 所以牛油果份量好少 得1/4個倒 但圖係顯示半個左右. 不過好在味道撘救. 半熟的三文魚煮得岩岩好, 配上牛油果令到魚油香更突出. 而佢配菜仲有多一條煎三文魚🐟.你冇聽錯 係丼飯上有三文魚 配菜仲有三文魚.條魚調味岩岩好 唔會老 食落仲有少少柚子漬的清香👍🏼唔好以為個餐得咁少🤣佢仲配一個細蕎麥面/烏冬 份量十足!!!! 加上有一件凍豆腐仔做配菜 好有誠意!!!如果比較細食的朋友可以食美人系列 飯量大約120g 左右的一個丼飯 配上一個🥣面豉湯 唔會過多🐟🐟🐟🐟🐟🐟🐟🐟地理 N/A（外賣)環境 N/A味道 7.5/10服務 N/A🐟🐟🐟🐟🐟🐟🐟🐟

好少去沙田行街，今日行街見到有間唔使排隊嘅餐廳點知中哂伏，拉麵賣相十分差，味道更加係可以用難食形容，成碗麵似係啱啱學煮嘢食嘅人整出嚟，特別喺粒肉丸，食咗想吐返出嚟，帶子就薄薄地不過都叫食得落肚啦比起碗拉麵，唔怪得知冇人排隊食啦。

本身諗住揀間餐廳慶祝生日，見宜間餐廳環境唔錯，不過後悔無提前睇下餐牌，食完覺得成餐飯係咁食菜埋單：$8xx 已加一最後揀左個2人套餐加左價$598兩個 ，食牛肉要加多200左右，兩碟前菜賣相都ok，但打邊爐個到有啲伏伏地火鍋有：1. 澳洲牛肉—> 有8-10塊左右2. 一盤菜 —> 老實講係擺盤擺得幾靚，菜都新鮮，但菜多到覺得自己係牛😂3. 拉麵—> 宜個份量真係嚇親，用隻細細地既碟放，份量係俾小朋友食，兩個人食半碗都無！總結：兩個人叫2人套餐食唔包，覺得自己俾800黎食菜。如果你唔介意價錢，可以去試，但如果想追求好食物同飽肚，可以有其他選擇。