塔門仔海膽燒 (已搬遷) 新店位置

天氣凍凍地最啱就係食啲脆卜卜同熱辣辣嘅嘢見到呢一間竟然有平時好少有嘅炸墨魚咀二話不說即刻叫返一客因為每一隻墨魚只有一個嘴呢度叫咗一碟都已經起碼用咗成廿幾30隻嘅墨魚墨魚咀特別在就係唔會好似啲肉同埋佢啲墨魚爪咁墨魚咀嘅肉質會比較硬而且要咬得耐啲但就係呢款口感最吸引人一邊飲啤酒一邊去食而且呢度再加上了七味粉令到墨魚咀唔單止爽口彈牙仲增加左一份酥脆嘅香味七味粉另外在叫左鹽燒雞翼因為雞翼切開左令到雞翼本身更加薄所以可以燒得更加熟但係片薄左嘅雞翼燒完依然很多肉汁唔會好似炸雞翼咁炸完乾爭爭雞翼皮燒得脆口而且仍然保留油脂豐富最後食多一款店員推介嘅流心海膽大啡菇大菇燒得完全熟透因為如果燒得唔好菇會不斷漏水出來另外上面仲有燒香左嘅煙肉碎再配合埋海膽冬菇嘅香味比海膽提升咗一個層次而且煙肉嘅油脂更加豐富左冬菇嘅香味值得一試嘅小食

接完媽媽放學咪行去佐敦睇下有咩好食，一直都係海膽控，既然有間用海膽做招牌嘅餐廳，不試不行吧！睇住張menu紙，咩"膽粗粗"，咩"舞台上的海膽仔"完全唔知up嘜！不過d店員好細心，會逐一介紹尼d咁有特色嘅名字係咩黎，亦會推介當日有d咩必吃之選。咁咪揀左以下幾樣囉Overall, 的確價錢可能貴少少，但環境，食品，同服務都唔錯。因為除左主打海膽，其實都仲有好多燒物可以試，可能如果搵多幾個朋友一齊，摸下酒杯底，一定更開心

叫左海膽炒飯，份量一般，海膽比起塔門食既少及碎，專登黎食既話會好失望海鮮鍋本身捻住百幾蚊試下，介紹到個湯底好好，但食落仲衰過吉野家清湯，d蝦同粟米係梅既，最多既應該係娃娃菜，加左個$98既牛頸脊得薄切9塊 (一定係師父手功很好)燒茄子，味道係幾好既，但份量係原條茄子既3份之1 (一開2再剪開幾舊上比你，total得6舊)，人地d串燒店都係原條上，$28一碟真係好5抵，人地2x,3x都食原條啦！！燒韮菜食過最貴既一次，以為佢$28會大份d啦，碎上一堆韮菜，我捻未剪果陣得5條，味道一般，辣為主。最抵應該係個涼粉奶茶，好大杯都係$36同埋個鹽燒金蚌係鮮甜既。3個人埋單6百幾，仲要未食飽，想去第2到再搵其他野食，直頭係貴夾5飽。從來未寫過食評，都要寫一次，5想再有人中招以為好好。

一見到依間舖店就比佢吸引到啦，開頭以為可以有成隻新鮮有剌既海膽原隻拎去燒。不過都係我諗多左......法國Gillardeau生蠔 - 依隻蠔有比較重既海水味同金屬味，肉質有啲質感，唔錯！其實生蠔只要夠新鮮就無得輸。胡麻汁豆腐沙律 - 依個菜最重要係豆腐要夠凍，加上有足夠既胡麻汁，酸酸地加上芝麻香味就好好食啦。燒雞泡魚乾 - 雞泡魚乾又係啲可以食夠唔停既邪惡食物，真係可以係咁食、係咁食、係咁食……不過呢講返依個先，佢地處理依隻呢就屬於比較乾身，又唔會太過硬，要比個 like 佢。海膽炒飯 - 炒飯炒得好乾身，可以做到一粒一粒飯，而特別既地方用翠肉瓜、海膽一齊炒，真係第一次見，當然最明顯係上面啲海膽，又新鮮又清甜，令人印象深刻。海膽炸雞 - 炸雞好脆，加上用左自家製芝士海膽汁，小弟就覺得好夾好好味。雖然芝士味略略蓋過海膽味，但心理上知道係海膽都會加多啲分，總之就好好味啦。

3人同行，大概1點左右去到，不用等位。鋪面比較簡單，幹乾淨淨。三人每人點了一份招牌海膽炒飯，再點了小食海膽多士和芝士海膽烤菇。海膽炒飯，飯粒比較乾身，海膽分量多，而且海膽鮮甜，拌飯食一流。飯壓得實，看上去不多，但是食落真的很飽。海膽多士，烤得香脆，海膽味出。芝士海膽烤菇，比較重芝士味，海膽味不突出，但是喜歡芝士的我，表示很喜歡！這間餐廳總體來說，味道好，性價比高，一定會再翻轉頭！

我们特邀到此佐敦地鉄站附近的＂塔门仔海胆烧＂宵夜来乐乐聚聚的呀！😀👍😀👍😀👍我们要了瓶酒叫＂北安純米吟釀（300ml）甜酒＂180圓！加上有冰粒的冰鎮著的，酒香甜甜的！👏＂塔門仔招牌海胆炒飯＂👍👍98圓！此海胆鮮甜，加上極之夠鍋氣的炒飯兼也有少許的香蔥拌著的，更為香甜可口的呀！👍👍👍＂韓國馬糞海胆（原板）＂128圓！更為經典的，👍👍👍👍👍原汁原味的，鮮甜極了，无一点儿的腥味，👍👍👍👍👍色香味全呀！😀😀😀😀😀＂海胆芝士汁燒青口（4只）＂66圓！👍👍上有芝士鋪面的，下是青口嫩滑的，混夾著香也鮮甜甜的呀！😀😀😀😀＂海胆鹽燒大扇貝（1只）＂78圓！👍👍👍👍👍有海胆鮮甜甜的味儿，再加上有鹽燒焗的大扇貝的香味加雜在一块儿的，也是味道夠可以的呀！👏

應該A出口來比較好，準備大吃海膽一餐。 舞臺上的海膽仔原粒豆腐配海膽外脆內軟，少少青瓜加上海膽，清新海膽焗大扇貝海膽出味，海膽鹽燒大扇貝鹽燒咸咸地。海膽青口成個有芝士，好好食，好熱又香口。海膽大啡菇濃芝士配海膽，流心好爆d芝士流出嚟。燒秋葵好大條，燒到好林。韓國馬糞海膽甜同鮮，入口溶。必食，128蚊一底係好正，又大，細細粒包住紫菜食正塔門仔招牌海膽炒飯係海膽配飯，好甜口好好味。仲有翠玉瓜口感更好。北安純米吟釀甜又凍。

我愛海膽，但妹妹更是熱愛海膽表表者。她在美國已經常狂吃海膽，冬假回一回來，就和一家人來吃吃海膽吧。這間看過TVB美食節目介紹，就一試吧。舞臺上的海膽仔係原粒豆腐上配海膽，好熱好香口。豆腐外脆內軟喔。海膽焗大扇貝好貼心一開二大大粒，海膽都好出味。海膽鹽燒大扇貝都係一開二好正，鹽燒更好食，都幾新鮮。邊邊汁係沙津汁？no，係海膽汁，好正正。海膽青口有滿滿既芝士，好豐富口感，好厚肉好實。連粒小帶子好食到，好濃味。海膽流心大啡菇好大隻，又係濃芝士配海膽，流心好夠熱令到菇肉好實。燒秋葵好林，燒就香口又有木魚好haha。韓國馬糞海膽128蚊抵！甜甜地，鮮味，無腥。入口會溶口。塔門仔招牌海膽炒飯份量ok，成塊海膽係飯上，好甜！飯粒都一粒粒幾爽口。比韓國馬糞海膽濃味。北安純米吟釀好貼心放係冰筒，酒入口唔烈，幾易入口。

星期六下午和老婆行街，誤打誤撞就走進這條街，原來這裡好多好野食，但被海膽飯的報導吸引著，便進來試試了。我們叫了招牌塔門海膽炒飯，海膽新鮮好味，但和日式海膽相比，有另一翻風味，各具特色。另外，還點了蘑菇銀針粉、塔門特色奶茶，飲得出是好特別的茶葉，味濃順滑，不錯，最後就是芝士波波丸，食落幾有口感順帶一題，午餐除生蠔外，其他都是8折，都幾扺食👍

塔門仔海膽燒～睇個名都知，呢到有好多海膽食睇下餐牌，發現唔少食物都加入左海膽元素 而望下每一枱都有食既，就一定係海膽炒飯 咁就真係無理由唔試下海膽炒飯熱辣辣送上，個鑊仲好熱，大家要睇手呀 先吃一口海膽，海膽鮮味，而且份量都好大方 趁熱撈勺佢，海膽受熱後，質應略為變硬 而整個炒飯以海膽汁調味，每口都透著淡淡海膽味，不俗另外仲試左海膽汁焗扇貝， 海膽汁完全Cover左成隻扇貝扇貝都幾厚肉同結鮮，品質唔差

海膽唔係周圍都好食，試過食到唔新鮮唔靚，結果食到一口苦澀味，質感好似水咁。友人知我鍾意海膽，拉我去間有以海膽作菜既餐廳，叫我一試海膽如何。係食海膽之前，我地叫左其他小食黎試試！炸墨魚咀，大大粒，睇到外皮見到炸得幾靚，炸得脆卜卜，一食就知。雖然本來都炸得好香，但係面頭都仲有加左少少調味粉，所以加上錦上添花雞軟骨得兩串，鍾意食雞軟骨既我略嫌太少唔夠喉！但係基本上成份雞軟骨都唔會燒得焦黑，脆得黎仲有肉感，有少少鹽，都不錯~我叫左海膽炒飯，個名叫左招牌海膽炒飯，唔知招牌係咩樣？結果出黎係用一個鑊裝出黎，幾得意，然後中間有一堆海膽，唔知咩味道？聞唔到好香既海膽味，但係食落味道唔差，雖不及日本海膽味道濃郁，但味道頗甜。另外炒飯炒得乾身，唔會太濕，粒粒炒得金黃，入面仲有D瓜粒，有口感不過都有D食量既我都覺得份量唔算太多，不過重精不重量，如果食得太飽又會冇肚量食其他野最黎來樽手打奶茶，奶茶奶味頗重，甜度一般，不過我比較喜歡茶奶比例剛剛好的奶茶，但呢個味道都算唔錯啦~總結呢到無論小食與海膽菜都幾惹味

塔門仔座位勁迫，坐埋邊要人讓位先出到去，野食又唔得，又貴，唔明點解咁多人食？又有咁多人讚？茄子根本未燒好，都比人食，底下近皮果D未淋的，係食唔到，其他餐廳燒茄子唔係咁，可以食到好近皮，只剩薄薄層皮，而茄子肉亦不夠淋同juicy，我也不喜歡餐廳貪方便用罐裝蒜蓉而不是即製的，唔夠新鮮，又有防腐劑添加劑。牛舌亦大失所望，調味比較咸，落鹽太重手，牛舌應該係爽口的，呢串牛舌卻咬來咬去咬不開有筋，好似阿婆咁梅來梅去好耐吞唔到，只好放棄。個扇貝帶子肉整齊得太過份，上下都好平口，亦無帶子裙邊，似急凍炸帶子咁，亦都無痴住殻，令人覺得有點奇怪。

塔門曾帶給我一個好浪漫的回憶，雖然一切已經過去，但最有印象的日出及海膽炒飯仍然深深記在腦海中……家住佐敦的、有日突然驚見"塔門，海膽"這兩字出現在這餐廳中，是往日的情懷也好、是鍾情喜愛食海膽也好，點都要一試呢 海膽汁焗扇貝食海瞻通常都係刺身多，焗熟的真係第一次食，但仍然不失其鮮甜、面層白汁烤得香脆，內裡大大的扇貝肉，一夾而起放進口中， 好滑溜完全唔靭。鍾意食辣及重口味嘅朋友如果唔夠辣可以再加辣汁或七味粉 厚切生燒牛脷肉味香濃有頭，送酒一流燒茄子茄子是我最愛的蔬菜之一、魚香茄子、煎釀茄子等菜式經常都吃的，而這味燒茄子則十分惹味可口

朋友喜歡食海膽，咁就上Openrice 搵下，呢間主打塔門海膽，即管去試一試。招呼熱情，對餐牌好熟悉！不過主要講呢樣冇果樣冇，聽完已經心情一沉！跟住話一啲食品有8 折，跟住生蠔買三送一，諗住幾抵食。咁就叫左幾樣試下，海膽多士，還可以，韓國馬屎海膽（原本係叫加拿大的，不過賣晒）價錢一樣，但味道同size 差好遠！吉列帶子，原來唔係真帶子，失望😓。燒鱔，幾好味😋 生蠔 啲海水好咸，唔知係咪 加左鹽水 😣原本諗住試埋推介既手打奶茶，不過本人太過理性，見到佢用燈膽形既器皿裝住，當然會諗到佢點樣清潔而冇叫到啦。最後折完兩個人要七百幾蚊，都幾貴下！整體黎講，有啲失望！冇回味感覺！不過食野時聽到幾個後生仔（應該係老闆）傾緊點改善啲食品同menu,值得一讚同鼓勵！希望佢地生存到🙏🏻

佐敦一帶向來多特色小店，經過這家小店，見門外貼滿明星照、雜誌相，看來口碑好像不錯，而剛巧店員正正站在門外，即與我們介紹一連串美食，見人家誠意權權，就選址這裡吧。這家店是專門吃海膽，故大部份食物，不論熟食或刺身都用上海膽配搭一同炮製，除了海膽亦有不少燒物。除了點餐紙上的食物，亦提供特價限定食物，雖然選擇不算太豐富，但以海膽美食來說，已非常多元化，綽綽有餘。自己雖則不是大愛海膽，但既然一場來到，不得不試，是夜就決定來個海膽宴吧。店員向我們推介這個塔門招牌海膽炒飯/$98，是店內比較馳名的菜式之一，果然不負所望。通常點一些鰻魚、或海膽等炒飯，所用的食材也是少得很，而這裡的海膽比預期中多，炒飯上鋪滿了橙黃色的海膽，太邪惡了。炒飯火侯控制得不錯，不會太乾身或濕軟，飯粒尚算粒粒分明，加上海膽軟腍尚算鮮甜，更是畫龍點睛，吃完有大滿足的感覺。是夜眾多款食物之中，小妹就最欣賞這個流心海膽大啡菇/$58，以海膽醬鋪切大啡菇，上面的海膽顏色鮮艷，色澤有點像蛋黃，最讚的是大啡菇仍保持濕潤度，咬落多汁有嚼勁，啖啖也是海膽醬之甜，不過只可惜份量不多，小吃多滋味。海膽焗多士/$48，一客有4件，也是金黃色，來到時仍