城大食坊

營業中

休息中

約咗Fb向又一城睇戲，睇戲之前當然係食飯先啦!行晒成個又一城，周圍唔係等位等到傻，就係貴到飛起!結果行咗去城大Canteen!價錢經濟味道ok!4個人食Total 100有找!特別推介:芝士蛋糕、配酸辣粉!生滾弼!鳳爪排骨蒸飯! 好味!城大食坊可算係去開又一城不錯嘅食點!下次去開再食過!

舊街坊推介話城大入邊有平嘢食.一支公入去問"食蕉"邊度有canteen叫左嘢食,重call埋街坊來一齊食.正如街坊所言,呢度食嘢覺實價錢好平.火腿太陽蛋米+飲品($11.5):真係十一個半價錢真係平到唔信.呢份係街坊叫的,無問佢好唔好味.餐肉煎蛋通+熱好立克($11.5):賣相可以.食落,通粉唔爽口,隻蛋少少硬,湯底無咩味,落埋胡椒粉都唔多夠味原本叫腸仔,變成左餐肉,都無所謂,食落都可以.玉眼所見,呢度重有粥粉面飯,點心和燒臘飯,相信燒臘飯應是最好味的.有機會都可能會再多幫襯.聞說城大的酒樓城軒點心不錯噃.或者試吓城軒d嘢都好.讚:地方大,座位多,價錢平,坐得舒服.平平地想搵個地方hea,呢度就好ok.彈:寧願佢加多幾蚊,整得好食d.

今早到城大canteen食早餐.雞扒.炒蛋+凍奶茶.超頹D炒蛋好似放咗好耐咁,點解唔可以即炒呢?D炒蛋重要碎濕濕,係一粒粒,而且唔好講熱,一D暖都無..杯凍奶茶還可以.但都無下次.

個日去睇側田演唱會前去了又一城行街,順便去了自己的母校城大吃飯.一來想懷念自己的母校二來平.我大約六點半到.當然不用等位啦!咁大地方.叫了咖哩牛飯,米線,一個芝士旦糕.個魚角真係阿婆無TEETH到食到啊軟到無朋友.但其他都OK.好好好吃推介.OK,但我不喜歡有椰絲.咖哩也很香.

都有成9個月無食過城大canteen的飯了~聽D FD講新的canteen食物貴左而且難食左好多~佢地叫我唔好試~寧願比多少少去又一城food court食M記仲好~係咪真係禁難食好!!我不入地獄, 誰入地獄呢!!就等小弟去直擊報導啦~canteen依然係人山人海, 排左2個字, 終於可以叫餐啦~1. 單餸飯套餐 $17.5 凍飲加$1個價錢真係貴左, 我入學個時仲係$16.5,而家真係貴左$1但係算啦~canteen仲係呢頭最平個間, 所以仲有大把學生係度食飯我就choose左西檸雞, 其實又唔係真係禁難食, 都有檸味, 加上係新鮮煮, 所以D汁唔會''杰'', 中規中矩啦2. 冬瓜豆腐飯 #13我個FD就叫左呢個頹飯食, 話得明頹飯, 其實都預左唔係太好食, 結果都係同我地所想ge一樣~D汁無咩味, 而且D冬瓜把係雪櫃度太耐, 有點硬~overall, 一分錢一分貨, 質素無之前禁好, 但係某D餸仍然係可接受範圍之內。

次次去開cityu, 一定要半打藍莓酥+菠蘿酥take away返家.藍莓酥+菠蘿酥十足喵喵肉掌, 藍莓酥比菠蘿酥好味d,較香甜. 返家再焗/烘下, 好好味crispy!至於canteen其他野食就麻麻了.

$7 下午茶二重湊, 可以吃到什麼?如果您去city u 的 城大食坊, 可以 吃到 美味 的 又燒酥/ 酥皮蛋撻 + 豆花, 都只是 $7. 單叫$4. 我今次 就 一次 叫晒 三寶 : 又燒酥+ 酥皮蛋撻 + 豆花, 只是 $11, 好抵食.下午三時起 的又燒酥 及 酥皮蛋撻, 剛剛 din 好, 熱騰騰, 夠香 脆~可以一試.其實, 城大食坊 的食物一般比較平, 方便優惠學生, 但是 食物質素 沒有保證, 吾好有期望, 一定會失望, 只是填飽肚子之選擇.又燒酥+ 酥皮蛋撻 + 豆花, 是我覺得 城大食坊 最美味之食物.

黎過好幾次~~ 今日午飯食左個焗淡咖哩豬排飯 ($17), 出乎意料之外好食~~ 好有咖哩味, 但係又唔會好油既感覺~ 豬排雖然得一塊, 但係都幾大塊~ 仲有3,4舊薯仔, 薯仔都係炸過先既, 焗左出黎又軟軟地咁, 撈飯食一流~~十幾蚊一個焗飯我真係覺得好ok~~之前食過上海式既兩餸飯, 覺得d餸比較油d, 菜飯都ok既~ 肉碎同茄子真係好油~~ 仲試過焗南瓜意粉, 呢個真係唔係好掂~~下次會繼續試其它野!!最近仲見到新menu, 有埋珍珠奶茶, 下次試下睇下同出面茶店比較下先~~

今日黎到Cityu開會,因為正值係dinner的時間,所以0係canteen去買個車仔麵頂頂肚先~~車仔麵配料都Okay多選擇,我揀左牛腩同豬皮配米粉,牛腩同豬皮都可以但係個湯底非常之淡,就算加左腩汁落去,都仲係好淡好淡....扣分P.S. 服務員真係零個禮貌!!

10月7日,同呀比去九龍塘睇戲~ 貪得意走咗去city food court度搵食. 我同呀比都唔係city嘅學生… 唔知頭唔知路… 就係咁, 賴野喇!::: 吞拿魚包 ::: $6個樣脹卜卜~ 望落都幾ok! 不過一拎上手, 凍嘅! 又凍又硬… d餡又整到個包底有d濕… 其實係咪可以用微波爐叮下佢嘅呢? 唉不過算啦都係包黎je難食極都有個譜… ::: 豬柳焗意粉 ::: $17呢類焗野應該唔會差得去邊, 點知一樣賴野… 睇賣相係焗得夠, 不過已經過燶同好乾, 蘿蔔洋蔥都焗到水份蒸發晒, 豬柳食落韌又冇味, 最慘係個意粉, 一pat pat又淋又淡…真係$17連飲品除咗質飽個肚, 都唔知講乜好…聽聞city係有d好野食架… 可能我同呀比搵錯地方啦… 下次… 都唔知仲有無下次…

好怀念以前美心时候的食堂啊。现在城轩入驻，一签就是5年，毕业之前都没希望再吃到美心了，哭~今天要了一份马拉盏肉松炒饭，一个炸鸡脾，一杯咖啡。（周末化身大食兽）炒饭是温的，而且很水。炸鸡脾的皮好吃，好解馋。可惜肉不入味。食物讲真很中等偏下素质。不过因为我很饿...于是清盘...下次去试黑房里的食物。

先申報：我食城大美心Canteen食左十年有多自從城大Canteen由美心轉返做城軒之後，聽到好多話好難食既食評，今次咁啱返去CityU，點都要去試一次破一下地獄。雖說都好想Canteen破地獄成功，但環看四周既野食都係．．．唯有叫一個最唔容出事既炸雞脾加粟米試試。眼看隻雞脾炸得好正常，粟米都係預左用牛油水浸住，無事掛？拎到埋位食落口先知係咩一回事。啖啖既雪藏味由雞肉裡面滲出，外面既炸粉調味似乎都搞佢唔掂，都無機會和美心時既炸脾做比較。幸好牛油粟米還算合格，但同行食車仔麵既朋友就同碗麵「君子之交」左，清淡如水，唯有晌醬料站度拿些美極搶救碗麵。而觀察所得，麵類都係湯底超淡，可能加湯時都係加清水沖淡晒個湯底。真係唔明學校搞乜鬼走回頭路比返城軒做，各位同學頂唔順可以去Garden Cafe或者又一城搵食ge.

雖則畢左業,但仲係好掛住學校,所以得閒都會番下學校是日黎左城軒買個dinner,食番以前成日食既兩餸菜飯,雖然已經唔係以前的餸~~今次揀左雞亦同埋魚卷(忘了名字)但係我好後悔我呢個choice因為個飯原來一d都唔夠味,之前個菜飯好入味,就咁食都已經覺得好正,但係而家接手左之後已經唔係果一回事雞亦同埋魚卷有3大舊,都幾抵食,但係質素黎講.....麻麻anyway,早知佢個飯咁淡,我下次都係order個肉燥~~可以撈下飯都好呀嘛~~~~

今日去開又一城, 夜晚搵位好難,靈機一觸就去左母校foodcourt今日一睇水牌,雙餸飯($20)有瑞士汁雞翼同生炒排骨, 諗都唔洗諗即刻點啦女友細食,叫左個焗鮮茄牛肉飯 ($17)二個飯夾埋先$37, 抵過食大家樂啦另外雞肶熱狗同薯條呢d小食全日供應!汽水都係五蚊罐, 跟餐我一定叫湯, 想飲汽水,加五蚊買一罐啦

City Express自從被城軒接手後,一直收到很多很多很多的負面批評,同學們"推介"的菜式是膠水飯同螢光豬扒飯,所以我第一時間已Skip飯類食身第一次試食: 10元燒鴨瀨粉跟以前不太相似,他們把燒鴨和瀨粉分開裝起,感覺很不環保,因為明明只是一個10元燒鴨瀨粉又何需大費周章?第一時間試食燒鴨,味道一般,有點先硬,骨多過肉,但唔算難食(以10元一碗的角度去看)但總是跟美心(前city express)整的燒鴨瀨粉差很遠,因為美心的燒鴨的調味很好,但是城軒正是剛剛相反,是靠後加的豉油去"吊"味的 總括來說,不可以話難吃,又比前City express差很遠