城大食坊

營業中

休息中

作為這所大學嘅學生，絕對不能錯過這裏的飯堂。雖然不能話佢啲食物很好味，但他的性價比實在很高。尤其是他的早餐及下午茶，每次也要吃。可惜今日遲咗下課，食不到他的下午茶，所以今次選了他的口水雞。因為他的價錢實在太抵，所以平時不太吃辣的我也試了這個。他賣相不錯，套餐還包括例湯一碗。雖然味道一般，但勝在飯底夠熱，係上咗3小時堂之後食一碗熱飯已很心滿意足。雞肉除了辣油，其實沒有味道，不過也很有肉地。湯底鹹了一點，但伴有幾塊蘿蔔，還不錯。

在許久以前，有一個唸城大的師姐帶我參觀城大，之後順便在城大用餐。師姐說城大最好吃的就是叉燒飯，當時對叉燒飯滿心期待，吃下當然有點失望。原來所謂的「好吃」，是對比「難吃」。後來因為地點便利，所以經常來城大開會，這裡的價錢，相對其他大學，依家非常便宜。味道不最差的。今天買了一份下午茶四寶飯餐，奉送一杯可樂，價錢大約$20，很便宜。叉燒肉質較韌，色澤染紅一片，略欠自然。入口未夠鬆化，不過醬汁做得不錯，拌飯吃非常香呢！▪️整體以味道取勝，味道不過不失。

天地堂就當然系去填飽個肚減肥又或者糧尾 呢到真系一個唔錯既選擇價錢大約$30 份量夠飽 真系好平💁🏻‍♀️💁🏻‍♀️最平莫過於$10@10粒既燒賣 鼓油辣油自己仼加自己一個食10粒 可以當餐下午茶😹😹不過其實燒賣好肥 10粒可以系两碗白飯 所以都系少食好啲！長期話減肥既我 最常食既系两餸飯！二十幾蚊 系好平 但味道唔差架！！所以我唔覺得佢係頹飯 而系好煮家飯既感覺

來了城大幫女兒交文件，順道食埋lunch 至走，女兒知我是韓日風迷，介紹我去了這間canteen 用膳。點了一個（素食）韓式泡菜珍珠飯 U26，很有食pepper lunch 嘅feel，味道很不錯，豆腐底下還有粟米粒，醬汁味濃，加了辣椒醬及小量泡菜，微辣很開胃，整體不錯，價錢又不貴

又一城附近嘅食肆價錢都比較貴，最平嘅已經係去到城市大學嘅canteen。城大下午茶餐有芝麻糊賣，＄10一碗咋，真係好平所以我即刻買咗一碗嚟食。賣相好好，黑呼呼嘅芝麻糊，用匙羹勺起，都幾濃稠， 不過睇同食係兩回事，成日都俾啲相呃到，今次我就俾芝麻糊既賣相呃左，食落去有啲貨不對辦，因為芝麻糊咁未到好稀，味道好淡啊！不過呢個價錢當買樽水飲，我估芝麻糊應該係用水溝出嚟，可能係用芝麻粉，所以芝麻味唔香，食落去芝麻味都唔突出。

九龍塘最平嘅小食!$10就有一大份燒賣，熱辣辣，不過售賣時間有限制，通常朝早返工前就係唔會賣嘅，可能怕太多人黎，handle 不及。但係大概朝早11會點前開始有得賣，最遲我試過黃昏大概6點半都仲有得賣。燒賣嘅味道其實一般，而且係最普通個隻魚肉燒賣材料 only , 但係勝在熱辣辣，非常之抵。 而且人流雖然多，但係服務速度都快，唔洗點等。學校 canteen 用餐環境一般，但係可以揀外賣加$1，或者就咁拎住邊走邊食都 ok 。

今日weekend 黎左九龍塘，小窮鬼最近唔係好夠錢，所以今日真係想求其搵d 胃野依下個肚，呢個城大Ac 1 canteen 黎講，其實我覺得燒味算唔錯，穩陣，我揀左三寶飯，19$，超級平，有叉燒、雞、半隻鹹蛋、同埋紅腸，味道都接受到嘅。另外，我自己都鍾意叫多薑蓉，可以送下飯食。 正餐的話，都有唔少人會揀兩餸、或者三餸飯，因為多野揀。除此之外，其實小食都唔錯，當中，一定唔少得呢個$10燒賣，滿滿的一盒碗燒賣(外賣另外加一)

回到大學時期，最鍾意最係黎呢度hea。返黎回憶下當年做學生既感覺。食堂好多人，都幾嘈下。但好有大學生既氣氛。都係咁平既燒味飯。叉雞飯仲可以叫佢俾多啲飯。味道同大學時期一樣。講真欣女覺得呢度燒味真心唔錯。之前食得好厭，因為成日食。但依家覺得特別好味，可能出到黎社會返工先知搵到價錢平味道ok既野食實在難得。呢度仲可以自己攞水飲，紙巾乜都齊。所以午餐時間見到好多打工仔同學生都坐滿成個食堂。食完一碟叉雞飯多飯，好大份。已經飽到食唔落tea。好抵食同味道好。

今天需要去城市大學一趟，一直知道城大食坊最近繼芝士撻之外，還推出了焗煙肉芝士牛角酥 ($22)。聞名不如見面，這一次終於有機會試一試。牛角酥本身頗大一個，內涵是芝士，煙肉，洋蔥和蘑菇。烤焗得有點焦香的，芝士也溶化了，跟其他材料融為一體，光看到已經食慾大增。吃起果然口感味道豐富，牛角酥脆脆的很有層次，不是那種平價的，很容易感受到咬下去酥皮的一層又一層的暢快感。內涵真的很多樣很足，可是主角仍然是芝士，其他的是芝士的配角。每一口都是滿滿的芝，其他材料是幫忙點綴，增加味覺的層次。我還點了雙份的expresso ($13)。喝著咖啡，吃著這牛角酥，真的好像在高級的cafe享受的感覺。大學食堂一般給人是平價低質的口味，只注重量和營養。這個牛角酥，很難想像是放在"頹飯"的同一家食堂售賣的食品。現在的大學食堂有平價的，有享受的，多種多樣。大學生有福了。

又到月尾, 荷包又無錢。今日約左人去歌和老街體育館做運動,未去之前當然要醫醫肚, 唔係會無力。但係又一城D 早餐, 除左老麥仲有2X幾蚊有找的早餐, 吉野家又裝修緊, 我都唔知可以揀咩。唯有入又一城市大學的Canteen 食早餐。呢到絕對係我長期糧尾的人優質之選。雞扒煎雙蛋多士, 再配多個粉, 16.5 + 6 蚊, 仲配埋熱奶茶, 夠晒營養。雞扒唔算好大件, 又夠食就得啦, 蛋又有2隻, 米粉係炸菜米, 大概係gam la,我除左用「性價比高早餐」黎形容我都唔知可以講咩好了~~

食學校Canteen 食物, 我從來唔會要求高,如果對食物要求高, 我就唔會去學校Canteen 醫肚。去得學校Canteen 醫肚, 我只要求抵食夾大份。今日番左City 食早餐, 十點半起身都仲趕得切11點前落Order 叫早餐, 扒類早餐都係我幾常叫的食物, 尤其係雞扒,雖然晨早食呢D好似肥左D, D汁又咸, 但$16.5有一件扒兩隻蛋一塊包同一杯茶仲想點姐,加多6蚊又有個炸菜肉絲米粉又可以頂耐少少,二十幾蚊夠填肚已很滿足,所以我對學校Canteen 食物真係無咩要求, 抵食已經夠了。

大學嘅canteen不嬲都係唔多好評但當呢個芝士撻出咗之後有改變左我對大學canteen嘅睇法呢個芝士撻性價比超級高係我每一次去親City都一定要食嘅每次買嘅時候都一定係暖暖地一咬落去嘅時候啲芝士流心即刻流晒落個兜度$10都食到個咁正嘅芝士撻 😋😋😋😋😋不過每一次淨係可以食到一個 因為之後就會好濟啦

一早同兩位朋友開個小會議，之後一個要去大圍一個要去港島，好自然約左九龍塘又一城見，其中一位帶左我哋上城大canteen ，佢話方便傾計，D食物平，質素都唔差，仲好多選擇添。上到canteen 光線充足，地方整潔，我叫左麥皮＋雜菜三文治，配咖啡或茶，我揀左低糖凍烏龍茶走冰，只係$17.5咋😱啲麥皮有疍白花，雜菜治好味道，白色醬汁味唔濃，輕輕帶出鮮菜味，件三文治好大件好夠飽，係杯低糖烏龍茶較甜，減返一半甜就更好喇。

本來對大學can的頹飯沒有期待，只係因為有事貪就腳貪平所以去左城大個canteen食個頹飯回味一下做學生既時光。本住個情意結去返「黑房」食飯，叫左個咖哩西冷排飯加個沙律，50蚊有找，抵到我感動流涕，做學生真好；-；味道唔係咁差咁頹，最抵係果碗沙律，大學canteen黎講算係咁了。

港式早餐: 脆魚柳、滑蛋、沙嗲牛肉面、熱檸茶脆魚柳、滑蛋: 快餐都是提早做好放在盤上溫熱, 再夾到盤上的. 所以食物都微熱沙嗲牛肉面的湯底微咸, 面因為都是提早燙了的, 面質一般不過價錢十分便宜, 整個套餐只是24元左右, 與外面基本30元的早餐來說,實在超值環境上是跟普通茶餐廳差不多, 還算乾淨, 也是十分快捷送達相較幾年前, CITY的食物來說, 感覺上質素也是差不多, 沒有多大進步, 也沒有退步一個字: 平!