地道館麵軒

營業中

休息中

最初入去是去食車仔麵的,咖喱魷魚好好味,間唔中會買曬d魷魚,冇得食,得閒去又會叫下撈麵（丁或拉）食,有時會見到有客人會叫個撈麵再單點海鮮🦪（蟶子嗰d...）,有湯底既（d餸有時會有蝦🦐&蟹🦀）,仲間中發覺會有漢堡包🍔🍟,好多餐牌上都冇既嘢🤤好想食,食左好多次,終於敢問到出口了🤣😂（曾經問過餐廳工作既叔叔佢話朋友先有得食特別既嘢食）,所以而家我都係朋友了🤣🤣（食到咪當係）,喜愛這食店,覺得佢哋好好人一定會經常去

係葵芳開左好多年，聽聞車仔麵出名，Lunch 去咗試，枱上無餐牌坐底店員會比張紙自己圈叫左四餸配幼麵餅$50，送熱飲一杯。-牛腩好淋同埋入味，份量多-咖哩魷魚，爽口👍，唔錯-魚皮餃正常-蘿蔔唔淋，唔入味-秘製汁，還好，有點辣-平時車仔麵最多都係見配生菜，呢度配菜芯，唔錯

早餐吃至愛沙爹雞柳麵加秘製汁， 湯底濃郁， 香濃小辣刺激食慾， 公仔麵質爽口彈牙 ， 配合湯底一絕 ，非一般的茶餐廳味道， 包你試後一試難忘鍾愛此食店。還有車仔麵亦一絕， 試過你就知， 推介食店

今日沒有帶飯，又是時候想想午餐吃甚麼好。同事說有間不錯的車仔麵，那就去看看吧。去到的時候，這間店已經沒有位，所以我還是點外賣回公司吃。我點了一個粗麵，魚蛋，豬皮及魚皮餃，另外加了腩汁及秘製辣汁，飲品是阿華田。回到公司，一打開已經聞到很香的味道，是一陣辣辣的味道。這個湯底有很濃的腩汁味道，辣汁的辣度可以。魚蛋都算彈牙，豬皮爽口，魚皮餃煙韌。入口非常惹味，豬皮吸收了辣汁的味道，更是好味，整碗麵我覺得好好吃。飲品正常，還可以。價錢方便都可以接受，日後又多一個選擇。

黎到葵芳廣場，大家只會到三樓飲飲食食，但就忽略左地下既餐廳，今日小編介紹大家去「地道麵軒」。呢間餐廳主要食拉麵及車仔麵，首先是拉麵，拉麵湯底濃郁，有陣陣麻油香味，加上店主用豬骨熬成，有淡淡豬骨味，麵條方面，彈牙好食，值得一試。其次是車仔麵，小編試左秘製辣汁，辣汁好辣配合湯底好好味，加上米線吸左湯汁，好入味，推介食得辣既人試一下，餸菜方面，叫左滷水雞翼尖，雞翼尖好挺身，新鮮，老闆亦滷得入味，推介大家一試。最後，價錢亦唔貴，42蚊有3個餸，至於環境方面就較大油煙，但勝在店員有禮，食物好食，所以絕對係平靚正之選。

「地道館麵軒」位於葵涌廣場地下，每逢午餐時段的到來都總會人頭湧湧。筆者點了一個車仔麵餐，42元的價錢可以自由選擇3個配菜以及附送一杯熱飲。如果可以吃辣的，筆者推介它的秘製辣汁湯底。湯頭入口香味四溢，其後再散出陣陣辛辣感，配菜和麵食索湯後頓時變得惹味無窮。（湯底另外也有咖哩汁和牛腩汁可供選擇。）配菜方面，筆者點了咖哩魷魚、魚皮餃和蘿蔔。蘿蔔煮得頗為腍身，未見有苦澀感。咖哩魷魚甚有咬勁，但秘製辣汁湯底味道太濃，蓋過了其咖哩味。另外送上了幾片生菜，感覺健康。吃飽飲醉又要返回工作崗位了。

想也想不到 一間平平無奇的車仔麵店會有如此美食 中午時份 女士們告知在車仔麵店 但意想不到的是他們 會進入了地道館麵軒呢間車仔麵在中學時期 就已有光顧一直覺得味道 是十分好的今次再度光臨 居然有驚喜托女士們嘅福份 試到呢個海鮮米線一去到店內 打算用點車仔面嘅紙 order 但佢地話已經order 了 但也不知道是什麼我就一臉茫然 order了但又唔知係咩🤦‍♂️🤦‍♂️到最後嚟咗碗有蝦有蟹嘅米線仲要係非一般的蟹 蟹是有膏的非常好味 味道一流不知道還有沒有機會再試到這美食

好耐冇嚟過葵芳呢一間麵軒到食野啦, 數落數落呢間嘢最少都有十年, 今日再黎,佢唯一冇變嘅就係仍然食完之後仍然好大陣油煙味。車仔麵,最少叫三個餸,實收你40蚊, 之後就6蚊一個餸。其實三餸麵40蚊,都真係幾平, 價加左小小,但都好合理。自己食咩自己剔, 佢既秘製汁係正既, 辣辣地,又濃味,不過比以前啖味左,唔夠辣。雞翼好入味,仲要有兩隻, 不過丸就麻麻地, 菜就口跟埋。個豬腸就ok啦, 有小小大腸味,但口感同入味程度係ok既。唔知係味下午茶時段,連埋杯熱飲。而家葵涌廣場咩都貴晒,佢都只係40蚊有埋野飲,真係好平。

這間外表看起來十分普通的車仔麵店，試過一次，欲罷不能。除了車仔麵，店舖更有其他不同款式的選擇，例如豬頸肉飯、海鮮炒烏冬、叉燒拉麵，鑊氣十足，功架一流。車仔麵的餸款，尤其蝦條、魚片、豬紅、豬肚，這幾款十分惹味。下次經過葵涌廣場，記得來一試。

呢間車仔麵 外觀一般但人情味滿分平均每個月黎食一次每次都見到老闆同食客吹水 果種好熟悉的感覺唔係度度有 重點仲成日見到老闆會整神秘菜色比熟客 見到我都流哂口水 款式吸引過其他地方的車仔麵自己通常會食油麵配三食送 另一個驚喜係係呢度 叫碗車仔麵都可以免費配杯果汁 生果方邊仲有差不多五至六種比你揀 仲可以mix 重點 雞翼好入味 麵又唔會太軟身 呢個組合先係$44你話一間小店 做到有質素之餘 又可以以咁平的價錢 係邊度搵呀 所以都真心得閒要黎食下提提大家有時七點幾八點 部分食送就已經會賣哂

鍾意食佢嘅師傅發板，日日不同款，看師傅心情。店裏有五兄弟一齊做，由廚房到樓面，大佬負責廚房，充滿人情味。有湯麵，有燴飯，仲有時會有海鮮食。帶子呀、扇貝呀、聖子等等。完全估唔到小店有呢啲菜式。不過這是限量發售，亦要睇師傅同你熟唔熟啱唔啱傾。美食嘅嘢，可越不可求。有緣嘅話，你甚至乎可以包場做私房菜包你食過返尋味。特別喜歡佢嘅車仔麵，咖喱汁好出色，滷水雞翼，豬大腸，雲吞同埋咖喱魷魚。實在是我最喜歡嘅車仔麵。

喺葵涌廣場真係有好多食肆，但係對呢一間麵店都有特別嘅喜好，一般人都會覺得呢間麵店好奇怪，可能會唔夠膽走入去，衛生情況又好似一般，但係呢一間麵店係充滿人情味，因為當你光顧幾次之後，店員就已經記得你曾經食過啲乜嘢，會問你係咪照舊，亦都會親切噓寒問暖。。食物方面佢哋嘅車仔麵真係好值得一試，不過個人更加鍾意佢哋嘅麻辣湯底，分左大中小辣，真係惹味，特別係佢哋嘅大腸同埋腩肉，啲大腸洗得好乾淨，亦都好入味，所以特別推介。。今日嚟到麵軒，店員就推介我哋食一款餐牌冇嘅特別出品， ＄53 ,咁神秘就梗係要試吓啦，黎到嘅時候覺得好有趣， 海鮮湯底配通心粉，一邊仲有新鮮蝦，扎肉，貢丸，花膠都有，最特別係有一隻新鮮嘅蟶子，蟶子都幾大隻，上面仲有蒜蓉同葱，肉質鮮甜爽口，好好味。不過店員話呢一個特別嘅出品，唔係日日都有，所以想試嘅話，真係要碰吓運氣啦。。 特別要讚呢一間店舖嘅飲品，一定要試佢哋嘅果汁，加＄3就有一杯最鍾意飲鮮橙加香蕉，無添加,鮮榨好鮮甜,好好味嘅一款飲品。

在葵興工廠大廈上完瑜伽堂, 便與友人一同到葵涌廣場覓食! (順便逛街haha)做完運動(雖然不太費勁), 盡量都不想要吃得太豐富, 但肚子又叫囂!所以便去吃車仔麵填肚子去! 這家車仔麵我吃了很多年, 但很久沒有吃了~印象中味道不賴~自選3餸+飲品 (凍飲加$2) = $40! 價格算是親民吧~ 想當年吃的時候是$32連凍飲的~ 真是時光飛逝!我點了雞翼、冬菇和蟹子包心丸配米線加沙嗲汁! (還贈送了2條生菜)雞翼尚算入味, 冬菇味道正常, 唯包心丸的外皮很粉, 感覺放了很久質感都變了!!湯底算是偏重口味~ 但我喜歡這味道~ 配沙嗲汁帶有一點微辣~ 友人點了雞翼、紫菜和魚皮餃~吃完麵, 飲了一整杯凍檸茶, 還是會口渴的~ 但車仔麵就是要吃重口味的才夠地道!

話說今日一早去到葵芳同朋友睇戲（識睇一定睇早場），睇戲前梗係食番個早餐醫下肚！去到葵誦廣場兜左個圈，可能太早嘅原因，好多食肆都閂左門！不過正所謂「凡事唔係絕對嘅！」，行多兩步就見到有曙光！因為無得揀，所以決定入去試試佢個精美早餐！以香港衣家嘅物價，$33一個早餐都接受到！我揀左個早餐C五分鐘左右，早餐送到！原本奄列係煙肉，我就轉左火腿！奄列熱辣辣，雞蛋呈半熟狀態，仲有少少粟米粒！儘管賣相比較「那西」，但味道是可以的！五香肉丁麵份量充足微辣，麵不會過硬/淋！熱奶茶係成個早餐嘅加分位！茶香奶滑，溫度剛好，絕對係港式味道！

岩岩係新都會買完戲飛，醫下肚 再睇狂野時速8，咁就fit晒喇。平時黎地道館 指定動作就一定係食車仔面。老實地講，地道館既車仔面、配料 、味道都十分不錯，加上秘制汁 可為葵芳一絕。講左咁多，其實我今次唔係食車仔面。今次我就試左佢既日式豬軟骨拉面。講日式就唔係幾日式架啦，但係個湯底同埋豬軟骨就出奇地值得一讚。湯底偏咸，應該係用豬骨淆成，豬軟骨夠入味，一咬即刻骨肉分離 十分軟淋。上面灑上粟米，粟米既甜味恰當地中和返偏咸既湯底。加多杯奶茶都係46蚊，價錢算係中等。有時嘗試食下一d非招牌既野 反而時有驚喜，當然中伏既風險就自己評估啦。