土司工坊 (已結業)

星期六日，度度都多人。要搵個地方坐下，傾下計、食下野或者用電腦做下野，都唔係咁易。可以平平地，食件多士、飲番杯奶茶，又唔會太難搵位既地方其實都唔易搵。最後就去左吐司工房，因為佢又冇starbucks咁難有位，野食都唔錯，價錢又同買杯咖啡差唔多。食完lunch冇奈，雖然唔算好飽，但都未會要食成碗粉，所以叫個肉鬆多士餐慢慢食就岩。個餐跟埋兩隻淥蛋，同杯茶走。個多士要等等先拎得，佢都係岩岩烘出黎，所以都好脆，厚度就岩岩好啦，唔算真係好厚。肉鬆份量都好足，但係d醬就完全唔夠，少到好似唔記得左落咁。雖然我食咩都鐘意多醬，但呢個多士唔多醬真係唔係好得。因為佢本身已經烘得dry，仲要配肉鬆就更加dry，唔係有杯茶走同蛋配住真係dry爆。果兩隻淥蛋，好似比之前既熟左d，但對我黎講係好事黎，因為太生一pat野咁有時都怕怕地。宜家起碼佢蛋白雖然係液體咁，但係全白，蛋黃出面係固體左但入面都係溏心流心咁，就咁食定沾多士都係唔錯。茶走夠味，又唔會太濃，又幾滑，都係唔錯。架上面既蛋糕睇落都唔錯，大大舊，又夠鬆軟咁。不過班蘭蛋糕其實間中都會食到，都係同事朋友去完星加坡，幾大機會會買既手信。佢啡色果隻既唔知係咩味，淨

早餐 —— 傳統吐司套餐🇸🇬：牛油咖央、煎蛋、南洋咖啡＋迷你通粉牛油咖央＋煎蛋• 咖央香脆可口，表面烘得均勻適中，配合裏面半溶狀態的牛油片和香濃的咖央醬，冷熱的組合帶出三種不同口感同時互相配合。• 煎蛋不過不失，接受到半熟蛋的話，還是建議點半熟的，可以連同土司一齊吃更加滋味。南洋咖啡• 南洋風的咖啡加煉奶，咖啡味較濃，雖然加入煉奶，但咖啡的苦味依然，個人還是喜歡茶走🤣迷你通粉• 不知道是否没有調整好調味料的份量，吃起來整體偏咸一點。💡餐具的乾淨程度有代改善。

今日突然要到大埔返工，搵左好耐先經過大埔超級城，又夠鐘到左食飯時間，在地下層覓食左好耐，忽然聞到一陣喇沙的味道，見到有來自新加坡的士司工坊，就入去食喇沙，配料都算多有魚片，豆卜，蝦。湯傳出陣陣椰香味。飲品方面選擇了蘋果蘆薈茶，但比較偏甜。餐廳環境方面，環境比較開揚，自己一個排位也算容易但值得一題連鎖快餐店需要自己取食物餐具亦需自取。所以店舖特色都是開放廚房客人可以自己看着食物烹調，店員拉茶的技巧。

新加坡返香港之後，想食到好味既喇沙真係唔容易，一般街邊小店既食物落差有時會好大，時濃時淡咁。土司工坊雖然係連鎖食店，但佢既價錢大眾化，唔同分店都keep到相同既食物水準，真係好好味！每次都會食佢地既咖咉，食既時候記得要加少少濃厚醬油，同埋楜椒粉落半生熟蛋入面，再用脆脆咖咉多士沾蛋醬一齊食，勁好味！再黎一定要食佢地既喇沙，湯底濃厚夠析香唔太辣，豆卜勁入味超正！成碗麵份量剛剛好，配埋杯凍美祿，超級透心涼！正！！

今日返完教會問大女想食乜嘢，佢提議去食Toast box 📦, 因為佢最掛住嘅係恐龍美祿,🦖所以今日一家大細連埋婆婆, 一齊去食我至愛嘅喇沙麵，它有一點點辣，但係唔算太辣，味道好野味，似米線般嘅麵，浸住一啲橙黃色嘅湯，好正👍🏻仲有啲豆腐卜浸住落去啲湯裡，吸晒湯嘅味，食落去更加正👍🏻👍🏻👍🏻細女就最鍾意食菠蘿包啦，大女就叫咗個午餐肉蛋三文治🥪雖然唔係一啲好健康嘅嘢食，但係最緊要大家食得開心啦！老公就叫咗碟炒飯，牛肉好林甜🐂當然兩個女為咗杯美祿恐龍，食得更加快啦🤗

同屋企人去大埔超級城睇下有咩好食，見到Toastbox，因為呀爸呀媽無去過就同佢入去食，叫左我最愛既laksa，我仲叫左海鮮，貴普通既10蚊，一睇個麵已經同尖沙咀食過既好唔同，顏色好淡，第一啖食落就覺得好失望，湯淡如水，米線超軟身 (我記得之前食好似唔係米線)，所謂海鮮加10蚊只係多左2隻青口，其他無分別，鴛鴦鞋口又唔香，我飲左一半就倒左，同我向尖沙咀食差9里，同一個名但可以咁難食，我以後唔會再來呢間。

之前一直有食這裡的師魚旦河，只是舉得中規中距，但是奶茶就非常好喝，今天路過看見有肉骨茶，就去試試，發現真的很好吃，有很濃的藥材味，連配茶都好吃呀！湯濃，豬肉骨亦很入味，所以要寫份吃評推薦呀！

今日一起身突然好想食喇沙大埔區之中第一個想起的喇沙一定係土司工房所以二話不說一落到街就直衝超級城既呢間土司工房唔係第一次食佢地既喇沙套餐所以覺得佢地水準唔錯都算對得住星洲兩個字湯底夠濃味所以d豆卜吸晒d味特別正魚片有魚肉味蝦雖然冰鮮無咩味但都叫做爽口米線唔會霉軟硬度適中蛋唔會太熟蛋黃有輕微流餐飲方面點了一杯咖啡平時我習慣飲咖啡唔加糖唔加奶再視乎當日心情自己調返個比例但來呢到飲咖啡我都會要個normal的咁先有星馬風味睇住店用類似拉茶的手法沖味道都唔錯唔會太甜但亦無我平時飲既咖啡咁濃厚間中一飲無妨

成日都想搵啲濃味喇沙食，終於試左黎自新加坡既 Toast Box 既喇沙，食落都算係香濃，食到有椰香味，辣度適中，配料有蝦，魚片，豆卜同半隻蛋。跟餐加錢要左杯美祿恐龍，好多美祿粉起面，好正，細個回憶返晒黎👍👍👍另外仲試左個娘惹麵線同咖椰牛油多士。娘惹麵線似撈米粉，個汁幾特別，酸酸辣辣好開胃，餸就少啲，得兩隻蝦同半邊蛋，同埋啲豆卜碎。而個多士好多脆，咖椰醬好香，配埋塊牛油咸咸甜甜，好味，但好邪惡😅

土司工坊已經開到周圍有，但我就一次都未試過😅今日同寶貝去大埔超級城揾野食時見到佢有粉麵食，所以試下。我單叫左碗南洋魚蛋湯河$42湯夠清，咸淡適中，但佢宣傳話魚蛋爽口彈牙，但其實同普通粉麵店20幾一碗嘅貨冇咩唔同。寶貝就叫左份期間限定嘅雞翼芝士撈麵餐，加埋杯凍美祿$66套餐碗麵個樣睇起嚟好好味，誰不知佢食左一啖就話唔想食，因為味道好怪，又甜又咸，就算係浪費都唔肯再食多啖😓間鋪冇服務之余，食物又唔好食，寶貝話試過就算。😶

以前不時會到Toastbox食早餐，因為一般茶餐廳都是千篇一律那幾樣選擇，甚至味道都差不多，所以間中會好想吃這裡的雜菜湯通粉加腿蛋多士轉轉口味。未知是否換了廚房，今次再光顧感覺已改變。跟平常一樣點了多士餐，雜菜湯通粉原來已轉為火腿通粉。火腿切成小方塊，略嫌有點求其，湯底完全是即食麵的味粉開水一般，溫度亦不夠，通粉有部份黏在一起，整碗湯粉完全欠缺誠意，失望之作。最慘是連多士都失水準，蛋皮和火腿都充滿油，連麵包都有部份浸淋了，感覺頓然扣分。早餐是一日之始，一份令人失望的早餐真的會影響心情，想到從此我的早餐名單又少了一個選擇，實在有點婉惜失落。

其實Toast box係香港開左咁多年，今次我真係第一次食！！！ 餐牌好簡單，食物選擇不多，勝在夠專 模式係 先落order，payment，之後先拎飲品，再等番埋位等食物。收銀個姐姐兼任埋水吧，所以收銀排隊既時間比較長。。。 水吧係open kitchen模式，客人可以清楚睇到員工純熟既拉茶技巧，好似睇表演咁 等左一陣我個喇沙同士多都有喇！！ 喇沙湯好香好好味，又有好多餸。士多夾住厚厚既牛油，好邪惡但極正，配埋個 咖央醬真係食到停唔到不過商場入面餐廳 竟然有唔少烏蠅…衞生有待改善

今日食lunch, 為左就腳，又見到原來賣toast 嘅地方竟然都有麵食，就試下啦。穩穩當當就叫左個喇沙食，加一杯南洋咖啡，姐係加左煉奶，姐啡走。都幾好飲嘅。不過個喇沙就真係不過不失啦，不過我都冇期望佢有幾好食嘅。雖然大大份，而且都幾多料都算幾滿足，不過始終個湯嘅味道唔係幾到位。而且六十蚊嘅價錢係同區應該都食到更好嘅。不過依到都算係坐得幾舒服咁食個晏，所以都幾好嘅。但係會唔會再返食又真係未必啦。🤓🤓🤓

同同事黎開呢頭, 時間上足夠食番個好d既早餐先番工, 早餐$35 起跳, 唔係平, 但都叫坐得舒服, 環境開揚, 易搵位, 又夠光猛。toast sets 早餐冇咩特別啦, $38, toast 個d 黎黎去去都係火腿、蛋、煙肉、餐肉同芝士既組合, 再加個通粉, 唔會有驚喜, 但都唔會有失望。黎呢間最鍾意既都係佢杯南洋熱咖啡~~~~買完先見到有人食花生朱古力髒髒包~~~ 下次都買個黎食下先~~~好似好吸引咁~

咖央多士係去星架坡必食既雖然星架坡同香港距離不遠係香港都想搵返呢隻味度其實都幾難所以有時在香港想止下癮都係唯有幫襯這間連鎖店既然以「吐司」為店名多士當然係主打下午茶時間去到點知原來冇下午茶餐以為要硬食$32套餐好彩店員問一問要餐定單點先知有得散叫因為上次食套餐果兩隻蛋好難食所以一於單點$16一份咖央多士等左約5分鐘咖央多士賣相好看金黃色的、微微香脆可惜不太熱，只是室溫勝在咖央醬好味度牛油都好夾不過不失