土司工坊 (佐敦薈)

營業中

休息中

今日返工又要返晏所以只能去公司附近自己一個食。好想食叻沙米線所以就去附近的土司工房。去到嘅時候見到有新的<冬陰海鮮湯米線>所以臨時改變主意吃這個。餐廳範圍都幾光猛。有上層同要落幾級嘅地牢。仲有自助飲水區，都算幾乾淨。收銀小姐嘅態度幾好，不過之後出餐嘅就麻麻。俾咗錢佢會俾個感應器你，有得食就會響果種，之後就會去上圖嘅取餐處位置度攞。不過其實只係一份食物有人擺咗喺度，冇人會理你拎定唔拎或者份餐係咪你嘅，唔好旨意隔離個海南區廚房姐姐會主動理你。我唔怪廚房姐姐，因為佢真系要兼顧斬海南雞之類嘅工作，出問題嘅系公司的制度。份冬陰功海鮮米線有嘅材料就係米線，一大堆香料，番茄同草菇粒，五片魚蛋，兩隻冇乜味嘅蝦。個湯好香濃，但偏辣。一碗食物有咁多香料，所以個湯咁香濃我都唔會覺得佢係做假的。但個米線好碎濕濕，魚蛋正常冇乜特別，蝦冇乜味 ，真系只贏個湯底。淨系冬陰功湯米線53元，改為套餐就58元，咁點解凍檸茶我仲要加多四蚊呢？不如你直接話杯凍檸茶九蚊好過啦！！可能因為附近多賓館同酒店，地牢設計又焗住d聲，坐下層真系幾嘈，乜嘢國籍嘅說話同噪音都有，就算下次食都係外賣算啦！

toast box 分店數量好多, 位置又方便, 所以我哋成日都唔會幫襯到~試咗好多間分店, 係佐敦呢間爭少少~唔知係人手唔夠 定係個別分店文化問題, 呢家嘅服務 係特別少 特別慢的~放心, 店員係 keep 住友善的~通常都會叫喇沙食, 呢間分店的食物水準 都好穩定,喇沙 湯底香濃, 米線煮得啱啱好;試咗海南雞飯, 雞嘅質量又 OK 喎, 肉質滑溜 唔錯唔錯~鍾意飲佢嘅檸檬薏米水, 奶茶又濃又滑 無論熱定係凍 都係我哋成日飲嘅好選擇~

喺佐敦附近做完野，差唔多12點，就喺附近搵左間Toastbox 食野。望一望個餐牌，雖然佢寫跟餐熱奶茶免費加大，但其實同番其他分店比較，佢只係將加大個價錢加埋落個餐度，所以其實唔係咁抵同老實。我就點左平日食開既T1傳統多士餐。唔知點解，今日出餐係十級慢，見到好多人都企左喺出餐處附近等，我就搵埋個位打開電腦做陣野，等個感應器自己響。等左好一陣子，杯奶茶都飲左大半杯，但都係未有野食。突然就聽到有個客人都有勁大聲咁閙啲職員:「仲要我等幾耐啊?」見到個職員都好慌張咁搵廚房問。多士出得好慢，坐隔離枱既人遲過自己落單，但到佢食完個公仔面，我份多士同蛋都係未到。於是我都忍唔住行去問一問個職員，佢話廚房仲整緊。再等多幾分鐘，終於有得食。煎蛋同平時一樣，加少少胡淑粉吊下味仲好食。多士醬料好足，咖椰醬食落甜而不膩，十分唔錯。

放假出咗尖沙咀，未夠鐘先去食個早餐，只有20分鐘，落車見到呢間近！唔使等位！白色主色清新，田園風味，分高低兩層！門口水吧落單，先攞飲品，攞呼叫器等！整好就去低層另一個櫃檯攞食物！走來走去有啲唔方便！咖咉多士餐（$41）多士脆但略乾，牛油一塊，咖咉醬好甜！ok煎蛋：煎得脆邊，蛋黃半熟，落兩三滴豉油已經夠味！唔會太油膩！好味！凍檸茶（少甜）茶味清爽唔澀，檸檬見店員新鮮切！少甜剛好，不過支飲管太軟，比膠蓋個洞壓扁咗！唔方便飲！店員爽手，個餐包半熟蛋/煎蛋，半熟蛋會展示模型比我睇再確定！我要求飲品用外賣杯，方便我隨時走都無問題！出餐都好快，食物企理！快食早餐！

超級失望！ 午飯時間，見排隊點餐處有少少人龍，堂座又大概有7-8成滿，心諗食物應該唔會差得去邊。點咗海南雞飯套餐，盛為$62包菜一碟及飲品，唔平。點完餐原來要坐底等食物。心諗ok,同好多快餐店差不多。點知咁一等就等咗接近成25分鐘。途中去問下，阿姐就話等下啦，未到你。午饍時間係多人啲，但係等25分鐘真係不能接受。一般公司午饍時間得1個鐘，等咗25分鐘，加埋排隊買餐，最終得番少於10分鐘倒啲嘢食落口。至於碟雞，細細碟，得5件咁大把，又淡而無味，絕對無下次！

Affordable, clean, fast and friendly workers serving Singapore and Malaysian style food. 1. Laksa: good soup. 6.5/10.2. Beef Rendang: I like mine spicier but the beef was tender and tasty. There were a lot of hard rice pieces in my serving though. So the beef Rendang itself 6.5/10, but the rice 4.0/10. I have on other occasions had much better servings of rice in the same shop. 3. Curry chicken with roti: the roti was great and well cooked but the chicken curry had no flavor. Again I have had be

一向都好鍾意食Toast Box,最鍾意食係佢嘅喇沙->咖央多士->娘惹麵線。啲嘢食味道一向都可以，雖然啲凍飲加錢比較貴，但起碼佢是大XX 或美X外的另類快餐選擇。以往一直都去葵芳店，最少一星期一次。自從葵芳店結業後就好少去啦。今晚路過佐敦，就入去叫咗一碟巴東牛肉飯黃姜飯。等左10分鐘才有，當我去counter攞嗰時眼都凸埋😧，啲牛肉少到得兩隻銀色食飯羹的份量，仲要係碎晒的，簡直就好似煲底賣剩的肉碎一樣。我即時同佢講食開都唔係咁少肉個喎，佢攞返入去隔咗2分鐘出來加多一塊牛肉咁大把（請看附圖）。佐敦店冇下次。希望其他分店不是這樣。

其實我每個月都會食3次toast box，因為我認為佢地餐廳雖然係連鎖式，而連鎖式餐廳大多係港式茶餐廳同fast food，不過佢嘅食物都幾健康。例如我成日叫嘅海南雞飯加薏米水。海南雞嘅雞每次都去曬骨，油飯仲有香茅味，唔會太油，再配左甜豉油同甜辣醬，真係無得輸。重點係幾十蚊！仲有小食滷豆腐。另外我都好鐘意食佢嘅咖映多，個味做得同新加坡食嘅一樣ga，其實真心講好食過紅白亞x。男朋友最愛吃佢地嘅牛肉飯，我都想知點解，佢話好濃味wor haha😂🤣最後佢地個餐蛋麵係自家出品，我覺得幾特別，唔好勁味精，食完唔會好喝添。

一個月會黎佐敦做野兩次, 每次都要珍惜揀食咩既機會, 今日同事們又陪我食 Toast Box 喇。一向都鍾意食海南雞飯既我, 因為今次有同事食, 所以我揀左叻沙~ 😁1) 燒雞飯配菜 (我無試🙊添)2) 海南雞飯配鹵豆腐 - 超滑既雞呀, 再配佢個汁, 真係好好味, 墊底既青瓜都入哂味。❤❤ 我一向麻麻地鹵豆腐, 所以無評價 🙈3) 星洲叻沙 - 個湯底唔辣, 好香, 略為有少少唔夠飽, 始終無咩肉呱。不過飲埋個奶茶, 就夠飽喇🌹我唔喜歡太甜, 所以記得要叫少甜。😝

終於都試咗呢間的喇沙，真的好香，唔夠辣可問店員加辣辣醬，啲豆卜好正，索曬啲湯😋米線好淋👍🏻叫咗個半熟蛋，無特別😐杯凍奶茶就完全唔掂☹️總括嚟講得個喇沙👌🏻同埋都唔算平🤑

香港土司新语跟北京味道是一样的 我很喜欢尤其是特色的叻沙味道可谓一绝 打算下次尝试一下面包，感觉也会很好。每次来都忍不住点叻沙！都没有尝试过其他的叻沙其实就是面粉 很有嚼劲 但是调料的味道很奇特！很香！可惜用语言无法描述是什么味道

一個人嘅晚餐去土司工坊食個西多士首先去 counter 買左食物，拿個號碼牌搵個位坐低等，侍應就會送食物過黎我中意飲呢度嘅奶茶~好味加左煉奶，姐係茶餐廳嘅茶走口感幾滑茶味都幾香隻杯嘅圖案好可愛雞蛋有2隻~可以選擇要煎蛋or熟蛋西多士可以有3種口味選擇~加蜂蜜，煉奶or咖央我要左煉奶，上面仲有蜂蜜，甜上加甜再加埋塊牛油，真係好邪惡嘅配搭~肥多士咬落口仲係脆脆地配上吾同嘅醬~幾好味總括黎講，食物份量係少左d，但味道吾錯

以前成日行嚟行去都唔知道呢一間野係食咩後尾發現咗原來佢係食喇沙面就1星期1次但唔係間間都好食之後元朗西鐵站出嚟嗰個商場同埋佐敦呢一間先至好食湯夠濃 送都特別多 已經足夠唔使其他特別嘅嘢 我已經好好食其他都係淡如水無味嘅喇沙仲有咖喱雞飯都好好食不過係超級咁辣 但都係好濃厚既咖喱味道有少少椰奶香味

叫左個吉列豬扒撈麵做午餐，將所謂吉列豬扒一切開已覺好林，原來只係吉列豬膏，得一啖肉，未食過咁差吉列豬扒，好過份，$52唔算貴，但貨質超差，直頭可以商品條例去控告。

基本上尝试过所有的菜色，都好吃。半自助的风格，相对不拥挤的空间也让人感觉舒适。收银大叔很贴心很敬业，听国语或英语都不会给人白眼。家附近的小食堂，常相伴～最喜欢河粉和海南鸡。