圓鐵板燒

營業中

休息中

見到台式鐵板燒又唔洗加一,就入去開飯喇~唔洗等位,一修低就叫左2人餐$158.兩人餐包括︰1菜牛肉、羊肉或豬肉+雞扒,魷魚蝦仁、芽菜、青菜我地揀左牛肉.D餐係無碟既,向個位前(爐邊)放左銀色錫紙用黎放餸菜.一黎好快就有芽菜,服務生送左清湯同白飯.之後開始陸續每樣加向錫紙上,睇住佢地整,係同日式唔同,所有餸都係用鹽.日式主要用醬油調味.不過D餸菜都炒得唔太均混D食到一粒粒鹽.不過咁多樣肉仲有2種菜,1碗飯,都好夠飽肚。服務就一般般,唔洗加一唔通就會係咁?=[]=向牆貼明唔比影相~我無違規無得LOAD相上黎

鐵板燒曾幾何時係日本高檔次料理嘅代名詞之一，動輒一個人都幾百蚊，甚至成千銀落樓係閒事，不過，依家就平民化咗好多咯，晌女人街一帶大把鐵板燒鋪，平嘅二、三百就有一個二人前，有得食，又有得睇師傅表演。再平D嘅，都仲有，唔過百，晌新港中心大食代（food court）裡面嘅Xpress Teppanyaki，平平哋$50、$60一個套餐都已經有交易，不過，就係台式，唔係日式，咁即係有咩分別呀？表面睇，兩者都係晌塊大鐵板上，師傅乒乓嘭嘭咁即場將新鮮食材炒好。台式鐵板燒，源自台北街頭、夜市嘅產物，一樣以新鮮嘅食材為賣點，以鐵板燒形式為烹調方法，但特色就係價錢大眾化，做到好抵食，簡單哩講就係「平」；因為依然保持著以新鮮食材哩炮製，所以味道一D都唔太失禮，都可以叫得做「正」；再者，加上唔係食環境，所以客源快上快落，你見佢改個名就略見端倪啦，Xpress Teppanyaki，打正旗號：速食嘅鐵板燒，夠晒「快」囉！ 此外，仲有一個分別，因為台式係源自街邊嘢，要平要快，所以佢哋嘅套餐無乜花巧嘢，包湯、主菜（配炒野菜）連白飯，簡直好似茶餐廳食中式套餐嘅方程式咁，例湯、小炒加碗飯，至多有D茶記多送杯咖啡或茶。

呢間咁既店, 我光顧過2次, 2次既受務都令我唔想再有光顧既念頭! 食物都ok的, 可惜永遠都唔會有人理你, 門口一個staff都冇, 你黎到仲要用d極不滿既眼神望你! 冇人帶位! 想你走! 自己走去坐底之後佢地就會再除手放個meau比你, 感覺就好似你阻住佢休息咁!!! 想你唔好入黎食! 食飯時其他staff會慢慢出現, 但唔係出黎招待你, 而係大大聲聲同其他staff傾計, 當中包括粗言穢語! 完全當你透明!!! 到結帳既時候好奇怪, 係冇人去收錢既, 要叫人埋黎, 個staff仲要黑口黑面+慢手慢腳+好唔願咁行過黎 全部staff都冇笑容, 冇禮貌, 光顧後亦唔會多謝你的! 如果大家對服務有少少要求既, 請自行決定去唔去一間要受氣既食店啦!

同事請食飯..試下Lee 間叫了2個1人SET, 1個平(牛肉), 1個貴D(魚, 左個D海鮮)不過早知就2個都叫普通SET, 因為加多成(好似)20幾蚊只是多了少少蝦同魷魚..超唔抵!!因為開頭唔知會附加菜同芽菜..所以加分..都好好食..同埋魚煎得幾好食

第一次光顧, 周日的晚上, 人不算多。二人分別點了小元貝拼牛肉片餐及扇貝拼雞扒餐。有配菜, 有湯, 有白飯, 份量十足。員工有禮, 有序地燒食物, 再端到客人面前。海鮮新鮮, 醬汁惹味。日後會再光顧呢!

因為突然下雨的關係，與她被困新港想著新港也沒什麼好吃的時候，看到了一間鐵板燒處身於FOOD COURT的一角開放式的細小餐廳，不大的鐵板長形BAR枱老實一句，對我來說同桌的對象比食物的質素還來得重要所以對這裡的質素也沒有抱著什麼的期望叫了一個二人SET ($128 - 與一人SET的價錢相若)有兩種菜、簡單海鮮、豬、雞，配上飯 & 正宗味精湯總認為鐵板燒需要配上啤酒，於是一人一支飲管加啤酒配著吃食物簡單，但味道不錯上菜速度快，份量亦足夠她說最喜歡師傅在面前煮食的一種互動感他會向你介紹食物你亦能看著師傅怎樣把一件件生的物件煮成放得進口的食物豐富了一頓簡單的晚餐埋單$128 (SET) + $40 (啤酒x2) x 另九折 (DBS信用卡) = $151尖咀區、鐵板燒、味覺不差、有酒飲、$151兩個人怎說也是一餐頗抵吃的晚餐吧註：BAR枱的坐位都是沒有背靠的坐著時間長的話會有點辛苦，希望他們改進~後記：到現在，我依然未知道台式鐵板燒究竟是怎麼樣的「台式」!?

當日同男友係文化中心睇完舞台劇,就行左去新港中心食鐵板燒。一坐下,待應便甫上2碗清湯,我們點了兩個餐。清湯:附送的,洋蔥粟米湯,幾清甜。總燴海鮮($118):有魷魚,蠔,魚排,帶子,蝦。魷魚和蠔一齊用黑椒汁炒,賣相不靚,不過幾惹味,汁送飯啱晒。魷魚雖然有點靭,但算爽;蠔就麻麻地,好腍。魚排,兩塊,急凍龍脷柳,鹹左d。帶子,得一隻,普通,冇咩味。蝦,兩隻,用少少黑椒調味。羊肉片($48):好靭呀,都幾膻,不太好。飯,芽菜,青菜:附送的,芽菜青菜,跟第一個餐的,幾好味,跟第二個餐的,就太油啦,可能因為佢只係炒俾我地,第一次的是一次過炒俾幾枱客。飯都幾大碗,一定夠飽,但就爛左d。待應好細心,起初我地只叫一個餐,得一碗飯,佢自動拎多隻碗。其他客2個人叫一罐汽水,佢地又自動拎多隻杯。服務很好。

尋晚的晚餐就係食台式鐵板燒一份海, 陸空餐, 包括白飯, 蛋花湯, 白菜牙菜什炒, 炒雞柳, 蝦肉, 墨魚肉, 一百一十幾一客, 未計加一專人在我面前用鐵板將食物炒熟, 炒的時候味道香噴噴, 好想即刻有得食廚師將炒好的食物放到面前, 開始食喇, 味道一般, 因為淡得滯, 但係加番一些黑胡椒就好食好多, 唔知係唔係因為我面前的鐵板部份都有熱力, 食到差唔多食哂食物都無變凍, 唔錯呢食完行出去埋單, 呢一餐都唔錯!

之前去台灣, 在士林夜市的檔仔食過呢種鐵板燒, 一試難忘o黎到香港, 最近終於發現同類型店一坐低, 廚師已經炒好芽菜同白菜擺在面前, 問侍應點解, 我都未叫o野食"人人都有的, 係set o黎"... 明白了, 即係無論叫o羊都有菜, 飯, 同湯, 係compulsory 的我就食黑胡椒牛柳吧味道比較淡, 不過鐵板燒香噴噴, 仲專人服侍, 個feel 幾正黑椒汁因為加入了紅辣椒, 食落都幾辣, 要叫汽水飲解辣白飯加入了黑芝麻, 更加可口味道無o係台灣食o甘好, 不過都唔錯, 下次一定會o黎!

味道其實得一種味，就係蒜蓉了，總共叫了兩個餐：湯：　淡而無味飯：　嘩，好難食，咩米黎架芽菜／油麥菜：　雖然唔夠咸，但係反而幾好味，可以咸d就好了西冷牛扒：　好硬呢豬肉片：　幾好食喎，送倒飯呢我就覺得貴了少少，不過都會再食既，因為坐得幾舒服

第一次食台式鐵板燒, 感覺幾特別. 全店bar枱形式, bar枱前就係一大塊鐵板, 亦係鐵板燒師傅煮嘢的地方, 鐵板旁有一個長抽油煙機, 好快速咁抽走晒d油煙.午市有set, 包湯,菜,芽菜&主菜(包一碗白飯).今日揀咗2個set, 一個羊肉片, 一個西冷扒.每人用一塊錫紙做"碟", 見到師傅好快手就將蒜蓉煮好, 再將菜係鐵板上切成一節節, 加埋醬料, 兩三下手勢就炒好放係"碟"上, 賣相唔錯呀! 接住就煮主菜啦. 同菜一樣, 都係用蒜蓉. 每煮完一個菜, 都會清理一下, 才煮下一個菜, 好有條理wo. 但可能係咁, 上菜的速度就會慢咗少少.講番d食物, 菜同芽菜做前菜, 蒜蓉味好香, 加埋d菜新鮮, 仲保持到水份, 唔會炒到乾晒. 羊肉片, 份量都唔少, 但醬汁略多, 偏鹹, 同埋, 羊肉片質素一般, 羊味唔太重. 而西冷, 就煎得唔錯, 要求五成熟, 師傅都做得唔錯, 扒裡面還是紅紅的, 但咬落無血水. 味道ok.其實, 菜式好味與否, 都好視乎係邊一個師傅做, 今次呢個師傅唔錯, 手勢好熟練, 好有鑊氣, 煮出嚟d菜色, 賣相好靚. 但我見到第二個師傅就完全唔同啦, 一睇就覺得功