圓圓 (已結業)

近排興飲珍奶，我四出飲過好多間例如有老虎糖、春風燉奶鋪等，都好好飲！今次就試左double bubble! 有得揀微糖，外表平平無奇，但係飲落覺得甜味岩岩好！最正係珍珠好重好重黑糖味！唔錯～男朋友買的～

聽聞係台灣人妻嫁黎香港開嘅 嫌香港嘅唔夠正宗 講到好講究咁 見今日無咩人排隊就試下係咪真係咁講究先聞名不如見面 真係好正 好香炒過嘅黑糖味 甜度岩岩好 奶味都岩岩奶 珍珠軟硬適中 暫時係我喺香港飲過嘅最好飲嘅一間

飲左幾間黑糖鮮奶，最正都係呢間！其實我本身都唔知呢間野有幾出名，係見有時間，加上好多人支持，我先試試。之後聽返朋友講，有台灣人專登黎到香港深水埗飲先知佢有幾勁！由排隊落單到拎到飲品，用左一個鐘到⋯⋯落單後，我去左附近的西九龍中心行陣街再去拎。味道一飲就難忘了！由於圓圓用了日本明治奶，所以奶味非常香濃！加上暖暖的黑糖及濃香黑糖珍珠，味道簡直係世界級！如果你試左好多家的黑糖鮮奶都覺得麻麻地或者無咩特別，我極之推介你專登撘車黎深水埗試下！==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

深水埗真係太多野睇，百看不厭，所以有時間都會去深水埗行下。每次經過都會幫襯另一間買珍珠奶茶，因為平時見到圓圓係超多人排隊，今次平日黎到，竟然冇人排隊，所以即衝去買珍珠奶茶。珍珠都唔同D，叫黃金珍珠，煮到剛剛好，煙韌有咬口，而奶茶，奶茶香滑，茶味比較重，香好多。

之前已經聽聞有一間係台灣人妻開的黑糖珍珠鮮奶，連台灣人飲過都讚好，今日路經深水埗點可以唔試下，抱著要排長龍的心態去，可能當時係7.8點既晚飯時間，沒有幾多人排，正👍🏻👍🏻👍🏻等咗應該幾分鐘就有，剛拿到下層珍珠係暖的，同冰塊融合後，冷凍度係剛好，一飲之下，珍珠係好重黑糖味，而係入晒味果種，一路咬珍珠都有黑糖味，同珍珠係好Q果種，奶係用明治奶，都係我飲開的，很好，唔似有啲用淡奶溝，不倫不類噤

發現香港人而家好鐘意飲手調飲品，無論咩時間都有人排隊。前陣子試完良辰吉時，感覺一般，今日試下呢間深水埗小店，見人龍都幾長。今次都係試番黑糖珍珠奶，同之前果間比較下。呢間DB 嘅黑糖珍珠奶，奶味都ok,比良辰吉時濃點。但黑糖焦味重，我覺得有一點點苦，小女不太好。黑糖珍珠則可以，不過不失。暫時沒有一間比一點點和喜茶高分。我再試一下其他牌子吧！！

黑糖珍珠係好咬口，夠味道。剛開業時未有太多客人不用排隊，但職員工作散漫，買一杯要等上至少十五分鐘。現在人流多了，工作態度並沒有改善，仍然係咁散漫，等嘅時間更長，而且不明白黑糖珍珠不是開店前便預備好嗎？每天要12:30才有得買？職員嘅工作態度真的很差，官腔的對答，慢不經心的工作雖說係好味道，但只要再多一間類似店鋪又好味道開業，未必再有咁多人願意企在烈日當頭的街道呆等。

之前新假期介紹過台灣人妻開既台式飲品鋪，今日終於試到，星期六4點要排隊，不過唔算多人，等左15分鐘左右。黑糖烘培烏龍珍珠奶茶 $25珍珠好味，但奶味不足，尚可黑糖珍珠鮮奶茶 $28珍珠熱騰騰，鮮奶凍冰冰，攞上手感覺新鮮特別。有濃濃奶香，珍珠彈牙有咬黑，黑糖甜度岩岩好，好好飲，不輸老虎堂！

黑糖珍珠鮮奶（$28)夏日炎炎，又係要飲飲品消暑既時候。今次試既呢間係深水埗既 #圓圓 ，閒日下午去到都好多人排隊，喺烈日當空下排隊其實都真係幾辛苦🤢 等左大約25分鐘先有得飲，拎上手都幾熱，搖勻左幾次先會睇到黑糖紋。珍珠size 係幾大粒，都幾Q彈，係我鍾意既口感，不過飲飲下就會咬到比較硬既珍珠，黑糖味係有既，但甜味太濃郁，黑糖味相對下就較淡，奶味亦然。整體尚可，我覺得係唔錯既選擇，黎到深水埗都可以試下👌🏻

呢排香港開咗好多間由台灣人打本甚至主理既台式手搖飲品店 大部份都主打自家制既黑糖珍珠 今日去開深水埗 梗係要去近排好hit既【double bubble圓圓】朝聖 試下佢既黑糖珍珠鮮奶啦好彩今日唔算多人 排咗5分鐘就已經落咗order 但最後都要等成半個鐘先有 即刻就忍唔住要試下係咪真係咁好味先 🤤凍黑糖珍珠鮮奶 (M) $28 一拎上手 d啱啱煮好既黑糖珍珠暖笠笠架店員仲好細心咁提我要記得搖勻先飲唔鐘意太甜既我 竟然覺得佢個黑糖珍珠鮮奶啱啱好黑糖既香味好濃 每一啖都食到好似台灣既咁QQ黑糖珍珠同飲到濃厚既黑糖鮮奶 等咗咁耐係值得架**呢個得中杯既size咋 因為黑糖珍珠數量有限

身為深水埗街坊😎😎點都要嚟幫襯吓😉😉圓圓 double bubble 嘅圓圓烏龍奶茶, 今次叫了少甜少冰🍹希望可以飲出真味。飲後感：茶味ok不算太濃, 🍼奶方面是用奶粉沖的，所以扣咗少少分😮😮，因為飲唔到有奶香味。 珍珠都算煙韌度適中，但略為甜了一點，好多甜味黐住喺珍珠度，咬珍珠時感到好似食緊糖。價錢合理，細杯同大杯都係差2蚊，份量十足。排隊時間約5分鐘，等候飲品時間約10分鐘，整體上是合格的。🤗🤗

數星期前曾於週末嘗試到訪圓圓，卻被告知需等大概半個小時以上，便離開了沒有嘗試。前幾天平日下午途經深水埗，念念不忘的決定一定要一嚐。到達的時候沒有人在排隊，大概有十多個人在等飲料。黑糖珍珠炭焙烏龍奶茶 $25明明只有大概十二三個號碼，最後卻等了半個小時。有點小失望，原來杯子不是透明的。素來喝台式飲料冷喝的一半都是透明膠杯盛裝的，最喜歡看著飲料的顏色及珍珠。這杯卻以紙杯奉上，有點奇怪。第一口沒有搖好的時候，珍珠偏軟。其後與冰塊搖了一會兒之後，珍珠相對的變得口感得宜。珍珠的黑糖味重，實屬不錯。然而，炭焙奶茶淡而欠缺茶味，很稀，有點像喝帶味道的水。整杯飲料喝了一半我直接把蓋子剝了直接拿珍珠吃。比起旁邊的老牌台式飲料店，這杯奶茶無論在等候時間、質素等等均不比不上，唯獨是黑糖珍珠味道取勝。另外，店員的速度也真的是奇慢。從點餐開始，店員看似還沒睡醒；到看著他們準備，明明裡面大概有四五個人，怎麼可以大概平均兩分鐘才出一杯飲料？更摸不著頭腦的是為什麼上一次會有善意提醒，這次卻沒有了⋯⋯黑糖珍珠確實不錯，也或許鮮奶的比較好喝，但這次我確實是失望而回也不會再試了。

之前係深水埗太熱先會揀Share tea/ 貢茶，今日終於等到新嘅珍珠奶茶店話說我地下午3點幾先去，已經少上班一族，而個個都叫黑糖珍珠鮮奶，無理由唔叫個招牌菜架嘛，所以㨂左呢個另外叫炭培烏龍鮮奶茶✔️接待員溫馨提示等20分鐘，係烈日當空之下，我無辦法企係度咁耐，所以「醒目」較timer 25分鐘，係附近行下先攞。25分鐘之後係仲有6杯先到我😱店舖側邊有把大太陽傘，但等下等下，過左10分鐘先到：total 35分鐘回正題，黑糖珍珠暖暖地，shake 1 shake d花紋先出黎。配埋凍鮮奶係香甜，味道相比其他舖頭嘅黑糖系列，double bubbe似乎入味好多，亦比較「溝得埋」👏🏻而就有d飽肚，飲到一半我已經覺得好濟，建議飲之前/後不用食太多另一杯炭培就，不過不失😝回頭率：80%（如果咁啱去深水埗會去，而會㨂d時間冇咁多學生/放暑假嘅青年）

最近台北黑糖珍珠鮮奶熱潮吹到黎香港，之前去台北都有飲過黑糖珍珠鮮奶，個人黎講都幾鐘意呢個配搭，所以一見到有媒體介紹呢間係深水埗嘅圓圓，就忍唔住去左買黎飲haha放工時間大約六點半，已經有7-8個人排左條隊係度落order。排左五分鐘左右，就落左order喇～要讚一讚呢度嘅店員服態度好好，笑容一百分，好親切咁提醒客人要等大約15-20分鐘。黑糖珍珠鮮奶（$28）拎飲品時，店員亦好細心咁提客人要搖勻先飲。第一啖飲到黑糖同鮮奶融為一體嘅味道，但黑糖又唔會搶走鮮奶嘅味道，做到相輔相成嘅效果。再食埋幾粒珍珠，有黑糖糖漿包住但又唔會太甜，粒粒都十分入味之餘同時好有咬口，唔會咬唔爛亦唔會林滋滋。黑糖·珍珠·鮮奶，三樣簡單材料，配搭出一杯受歡迎嘅飲品，值得一試！

試圓圓果日天氣好熱，係隔離等左15分鐘先拎到野飲。因為店員姐姐話唔走得冰，又話如果叫少冰，飲品只會得八成滿，而且會變得好甜。唯有焗住揀正常冰。點知即刻中伏（我試過咁多間既黑糖鮮奶都係叫少冰，都未聽過只比八成滿你）本身飲落都正常，淡淡既黑糖味加鮮奶。但重頭戲既珍珠就硬硬地唔軟熟⋯加上佢地落冰落得好多，唔係好啜到珍珠。天氣又熱，啲冰瞬間就融化哂，好似係度飲緊牛奶溝水咁真係寧願飲返熱飲算。可能買既人多，珍珠煮得太趕未煮好，等咁耐點知咁普通，有啲失望。